شائىر<< كېپەك>> ،شېئىر<< قۇم>> !

qaraxani

	شائىر<< كېپەك>> ،شېئىر<< قۇم>> !                      (ساتىر) قاراخان دىدى بىرى جاق تويدۇم شائىرلاردىن ھاياتتا، قۇلاق مىڭەڭ ئاغرىيدۇ گېپى تولا كېپەكتەك. شېئىر ئوقۇپ بىرلىرى تىكىلىدۇ ماماتقا، بىرلىرى كۆر چېچەكتەك ،بىرى سولار پىلەكتەك. تەلقىن ئېيتىپ بەزىدە ئۇلۇغ كىچىك تىنىدۇ، بىردە يىغلاپ ،بىردە كۈلۈپ  يۈرەر سەۋدا ساراڭدەك. كىمگە ئامراق ،كىمگە ئۆچ  بىر خۇدايىم بىلىدۇ، تاڭ ،زاۋالغا يېشىم بېرەر ئادەتتىكى پاراڭدەك. قەغەز قەلەم ئايرىلماس  قويۇن،مەيدە يانچۇقتىن، تۆت پەسىلگە پۈتىدۇ مەرسىيە، خاس  قەسىدە. نېسىپ بولغان ئەمەس ئاڭا نېسىۋە، نام ، تارتۇقتىن، شائىر دىگەن ئاتاق بىلەن قۇچتۇم دەيدۇ  غەلىبە. ئوت ،قىلىچقا باش ئەگمەستىن ئۆتكەن تالاي شائىرلار، قىزىل قاندا يېزىپ چىققان قەسىمىنى زەي تامغا. <<كېپەك >>شائىر ئىچىدە بار دېھقان ،كادىر،قادىرلار، يازغانلىرى يۈز كېلەرمۇ يىگەن  ئاشتۇز- تائامغا. مەتبۇئات ھەم تورغا باقساڭ قۇمدىن تولا شېئىرلار، شائىرلاردىن گەپ ئاشمايدۇ  بولسا بايرام مەرىكە. ئاۋۇپ كەتتى نەزمە،قوشاق،ھەتتا ئەپسۇن سېھىرلار، بۇ مىللەتكە كۆز تەگدىمۇ شائىرلىرى <<غەلىتە>>... شائىردىنمۇ ،شېئىردىنمۇ تويۇپ كەتتۇق بىر يولى، ئوخشىمايدۇ گېپى گەپكە ،سۆز-جۈملىسى بايانغا. يوقمۇ دەيمەن ئۇلار ئۈچۈن ھاياتلىقنىڭ قىر يولى. كەم سۆز شائىر، يىرىك شېئىر ئۈچۈن باراي قايانغا؟! 2013-يىلى رامىزاننىڭ ئون يەتتىسى

AxiKkUyI

	ۋاي ۋاي ۋاي  . . . قۇم ئۇسلۇبىدا شېئىر يازىدىغان شائىرلارغا دورىكەن بۇ شېئىرىڭىز،كىپەكتەك يازىدىغان شائىرلىرىمىز بولسا كۈندە غىزانىڭ ئالدىدا ئۈچ ۋاق ئوقۇپ بەرسە ‹كەلمىگەن ئىلھامغا شېئىر يېزىش›دىگەن كىسىلىگە پايدا قىلىدىغاندەك تۇرىدۇ.

arsilan0998

	قاپىيەگىلا ئەھمىيەت بىرىلىپ،ھەر بىر مىسرادىكى بوغۇم سانىغا ئەھمىيەت بىرىلمىگەن «ئىسىل»شىئىر ئىكەن

fathullah

	ياخشى يېزىلغان شىئىركەنتۇق.ئەپسۇس شائىرنىڭ دىمەكچى بولغىنىنى ئوقۇرمەن چۈشىنەلمەي قاپتۇ.تېخىمۇ تىرىشىڭ بۇرادەر.بولسا مۇشۇ شىئىرنىڭ ئۆزىگە ئىش قوشۇپ رىتىم،تۇراق،قاپىيەنى ۋايىغا يەتكۈزىۋىتىڭ.مەزمۇن بىلەن بىرلەشسە ئۈنۈمى ئاشىدۇ.خاتا چۈشىنىش مەسلىسىگە كەلسەك ئۇنىڭغا ئامال يوق.ئاللاھ خالىسا چۈشىنەر بىر كۈنى.لىكىن ئېغىزىڭىز بۇزۇلۇپ قالمىسۇن.قان قان بىلەن يۇيۇلمايدۇ.

MiRul

	مۇشۇنداق بىر ياخشى يېزىلغان ساتىرانى چۈشەنمەي قالايمىقان ئىنكاس يازغانلارنى نېمە دەي ئەمدى......... مۇنبەردە قېنى بەك قىززىيدىغانلار كۆپ جۇما.

qaraxani

	ئۇتغۇر يوللىغان ۋاقتى  2013-7-30 03:55 AM توغرا دەيسىز! دەل سىزدەك شائىرلار كېپەك ياكى كېپەك بىل ... توغرا دەيسىز ئۇتغۇر، مىجەزىڭىز قىتىغۇر. دالدا ئەمەس ئالدىدا، بېرىڭ شېئىردىن ئۇچۇر. كاللا دىسە پاقالچاق دەپ، سۆزلەپ يۈرمەي گاھ كۇپۇر. ساتىرا دەپ شېئىرغا ، سالغىنىمنى بىل چۇلۋۇر. پىششىق دىسە خام يەي دەپ، چىقارمىغىن جۇت قۇسۇر. باشقىلارغا قامچا سالسام، بولما ھەرگىز سەن سوقۇر. رولنى خاتا تولغىۋېلىپ ، بولۇپ يۈرمە مەست شوپۇر. سىقىپ ئىچكىن شېئىرنى ، قىلالمىساڭ تەسەۋۋۇر. بىلەرمەنلىك قىلىپ سەن، بولىۋالما تەكەببۇر. نەدىن كېلىپ نەگە ماڭدىڭ، تونۇش پەيلىڭ  ئەيتاۋۇر. شېئىر ،شائىر ھەققىدە ، سۆزلە بولماي ھاكاۋۇر. قايىل قىلساڭ بىزنى سەن ، دەيمىز ساڭا تەشەككۈر. بىلگىنىڭنى ئوچۇق دە ، دىمە سەۋزىنى چامغۇر. مۆلدۈر تەگسە بېشىڭغا ، دىمە ئۇنى قار -يامغۇر. تاپالىساڭ تومۇرۇمنى ، كېلىپ تۇتقىن سەن تومۇر. بېرەي ساڭا شۇ چاغدا ، مۇنبەردىلا يۈز نومۇر. ياكى ھەلەپ يەيدىغانغا ، سېلىپ بېرەي چوڭ ئوقۇر. ئېغىل پاتقاق بولسا گەر، قاۋان ئۈچۈن بەك ھوزۇر. قىلما تۈپ-تۈز يولنى تىلغاپ، قىلما دىلنى ھەم قوتۇر. بىردە توردا،بىردە گۆردە، يۈرگەن چاشقان دەل سۇغۇر. قوش ماكانلىق ھۈنىرى بار، ئەسلى زۇخۇي شۇم ئۈنسۇر....

amanturk

	بىردە يىغلاپ ،بىردە كۈلۈپ  يۈرەر سەۋدا ساراڭدەك. دىگەن مېسرانى،گاھى يىغلاپ گاھ كۈلۈپ دەپ ئالسىڭىز بوپتىكەن

qaraxani

	amanturk يوللىغان ۋاقتى  2013-7-30 12:59 PM بىردە يىغلاپ ،بىردە كۈلۈپ  يۈرەر سەۋدا ساراڭدەك. دىگەن  ... ئەسلى شۈنداق ئالغاندىم ...ئۆزگەرتمىسەم بوپتىكەن.رەھمەت!

nazigul8

	بۇ شېئىرنى سەل چۈشۈنەلمەي قالدىممۇ بىلمىدىم، كەمبەغەل كەمبەغەلنىڭ قاياشى بولغاندەك، شائىر شائىرنىڭ قاياشى بولامدىغاندۇ-يا بۇنىمۇ بىلمىدىم. ساتىرانىڭ تىلى ئۆتكۈر ناچار ئىش-ھەرىكەتلەرنى، قامچىلايدىغان شېئىر شەكلى دەپ بىلەتتىم. ئىشقىلىپ شائىرلارنىڭ شېئىردىكى ھىسسىياتىنى شائىرلارمۇ،  ئوقۇرمەنلەرمۇ ئوقۇپ چۈشۈنەلىگىدەك چىقسا بولغىنى.