ئانا تىلىم ھەققىدە مۇشائىرە

bargiyam

	ئانا تىلىم ھەققىدە مۇشائىرە ئانا تىلىم گۆھەر تىلىم ھۆر تىلىم، بىخلاندىممەن ،سەن بولغاچقا ساپ تىلىم. قۇۋەتلەندىم ،كۈچلەندىم ھەم جان تىلىم ، مىھرىڭ ئوتتۇر ھارارەتلىك ھەي تىلىم. پارقىرارسەن  ئالتۇن كەبى ئانا تىلىم . «ئانا»دەپ چىقتى تىلىم  يۈرۈكىمنى ، «ئاتا» دەپ چاقىردىم ھەم تۈرۈكىمنى . «ۋەتەن»دەپ تەستە بىلدىم مەناسىنى ، «مىللەت» دەپ ئورناتتىم مھىرلەرنى . تۇتاشتۇردىڭ زەنجىرنى  ئانا تىلىم . ئوينار قەلىب چىقارغاندا تاۋۇشنى ، تاۋۇش تۇزگەن مارجانلاردەك ھەرىپنى . ھەرىپ ئىچىدە ئويناقشىغان بۇغۇمنى، زىل تەمبۇرنىڭ دەل ئۆزىدۇر ئاھاڭى . سايرىتىسەن بۇلبۇلدەك ئانا تىلىم. ئەي ئانا تىلىم !سەن ، ئانام بەرگەن تىل، قەدىرلەيمەن سېنى تەۋەرۈكسەن بىل. سەن بولغاچقا چۈنكى ئاقماقتىيۇ نىل، ئچتىمكى قانمىدىم ئۆتەر يازۇيىل. بايلىقىمسەن ئەزىر ئەي ئانا تىلىم . ئۇيغۇر قوۋۇم قېرىندىشىم نەسھەت ، چاڭ قوندۇرماڭ تىلىڭىزغا جاراھەت . تىخ تەگمىسۇن يەتمىسۇن ھەم مالامەت، ساپ بولسۇنكى ئالتۇنلاردەك ئالامەت. ۋەزىنلەردىن خالىي چاقنار ئانا تىلىم . مەنبەسى:مۇسلىم

nazigul8

	مۇشائىر قىلىش تېمىسىمۇ -يا؟ ئانا تىلىم جان تىلىم. ئوي-پىكرىمگە خان تىلىم. گە

bargiyam

	nazigul8 يوللىغان ۋاقتى  2013-7-30 12:07 AM مۇشائىر قىلىش تېمىسىمۇ -يا؟ ئانا تىلىم جان تىلىم. ئو ... مۇشائىرە دېگەن شېئرنىڭ بىرخىل شەكلى.

nazigul8

	bargiyam يوللىغان ۋاقتى  2013-7-30 01:27 PM مۇشائىرە دېگەن شېئرنىڭ بىرخىل شەكلى. ياق، مەن مۇشائىرنى قانداق نەرسە دەپ سورىماقچى ئەمەس، مۇشائىرە يېزىشايلى دەپ تېما يوللىغانمۇ دىمەكچىتىم. مۇشائىرە شەكلى دىسە، بىر نەچچە كوبلىت بويىچە قايتۇرۇپ يېزىشىش ياكى بىر كوبلىتتىن ئاخىرقى مىسراسىنى نەقىل ئېلىپ يېزىشىش شەكىللىرىنى بىلىدىكەنمەن. ئەمدى بۇ تېما ئىگىسىمۇ نەچچە كوبلىتتىن يازىدىغان مۇشائىرغا چاقىرغانمىدۇ دەپ سورىشىمتى.

nazigul8

	مەن باشتىكى ئىنكاستا يازغان قوشاقنىڭ ئاخىرى يوللانماي قاپتىغۇ

akbar0997

	مەخمۇت ،يۇسۇپ بوۋىمىز ،ئانا تىلدا نۇر چاچقان ، بەيگىسىدە ھېكمەتنىڭ زەپەر قۇچۇپ يول ئاچقان . تەۋپىق روھى شۇ تىلدا جاھالەتكە ئوق ئاتقان ، دىمەككى شۇ ئانا تىل ،ئەسلىمىزگە تۇتاشقان. ئانا تىلغا خىيانەت ،تۇز كورلۇق ھەم جىنايەت.

Gvlbargi0999

	توغرا، ئانا تىلىمىزنى قەدىرلەيلى!ئۇنى سۆيەيلى! ئاسرايلى! بىز ئۆزىمىز ئانا تىلىمىزنى ئاسرىمىساق باشقا بىرسى بىزگە ئاسراپ، قوغداپ بەرمەيدۇ، يۈكسەل ئانا تىلىم، زەر تىلىم!

bargiyam

	nazigul8 يوللىغان ۋاقتى  2013-7-30 03:34 PM ياق، مەن مۇشائىرنى قانداق نەرسە دەپ سورىماقچى ئەمەس، ... ھە ، ياق ئۇنداق ئەمەس ...

bargiyam

	akbar0997 يوللىغان ۋاقتى  2013-7-30 03:41 PM مەخمۇت ،يۇسۇپ بوۋىمىز ،ئانا تىلدا نۇر چاچقان ، بەيگىسى ... بەر ھەق سۆزڭىز ئاكا ، ئۇستىكەنسىز شېئرغا . تەلىم ئالساق سىزلەدىن ، يىتەكلەمسىز چوقىغا.

uyghuris

	گەر يوقالسا ئەتە شۇ ئانا تىلىم، بۈگۈنلا بۇلاي مەن جېنىمدىن جۇدا