ھايات يولۇم (شاتيار)

شاتيار

	ھايات يولۇم ئۈمۈدۋارمەن ھايات يولۇمدا، ئەگدۈرەلمەس تۇرمۇش سىنىقى. ئىشەنچ بىلەن تاشلايمەن قەدەم، كار قىلمايدۇ دۈشمەنلەر قەستى. يالغانچىمۇ دېدى ئۆزگىلەر، دۈشمەن بولدى يېقىن كۆرگەنلەر. يۈرىكىمنى قىلدى لەختە قان، يېقىن كۆرۈپ دوستۇم دىگەنلەر. بەك سەبى ھەم ساددا قىز ئىكەن، ئىسىل خسلەت مۇجەسسەم ئىكەن. دېدى يەنە مىنى بىلگەنلەر، باھالارمۇ كۆپ بولار ئىكەن. ھاياتىمدا ھەرخىل ئادەملەر، بەردى ماڭا ھەرخىل باھانى. مېڭىۋەردىم خاھىشىم بىلەن، ھەمراھ ماڭا ئانام دۇئاسى. رازى قىلىش بەك مۈشكۈل ئىشتۇر، يېنىڭدىكى ھەممە كىشىنى. ۋىجدانىمدىن چەتنىمەي ياشاي، نىمە دىسە دىسۇن خەق مىنى. مەيلى دىسۇن مىنى يالغانچى، ياكى دىسۇن مەيلى ئاقنانچى. ۋىجدانىمغا يۈز كىلەلىسەم، كۇپايدۇر شۇدۇر ئەۋزىلى. «دوستۇمغا» خۇشاللىغىنا ئۆتتىمۇ كۆنۈڭ، يۈرىكىمنى شۇنچە رەنجىتىپ. بارچە ئامەت ياغدىمۇ ساڭا، ئېيتقىن «دوستۇم» سەن مەندىن كىچىپ. يالغانچىغا چىقاردىڭ مىنى، ئىشەنمىدىڭ دىگەن سۆزۈمگە. ئەجەپ ھاكاۋۇر سىنىڭ شۇ تۇرقۇڭ، ئوخشىمىدىڭ پەقەت ئۆزۈڭگە. كەتتىم مەنمۇ يېنىڭدىن شۇ دەم، ئىشەنمىگەچ ماڭا پەقەتلا. يۈرىكىمدە مۇزلىدى مىھرىڭ، مەن بارمايمەن ئەمدى يېنىڭغا. قالدى ماڭا سەندىن خاتىرە، ماڭا بەرگەن ئاشۇ باھايىڭ. كۆزلىرىمدە تارتىلغان سۈرەت، شۇ كۈندىكى سىنىڭ سىمايىڭ. دۈشمەنگىمۇ قىلمايسەن چۇقۇم، ماڭا قىلغان ئاشۇ سۆزۈڭنى. بۇ كۈنلەرمۇ ئۆتۈپ كىتىدۇ، ۋاي بولدىلا ئويلىماي سىنى.   -شاتيار- 2013.7.28

miskin1314

	ھايات يولۇم دىگەن شىئىرىڭىزنى بەك ياقتۇردۇم ، قولىڭىزغا دەرت كەلمىسۇن ، ياخشى تىمىلىرىڭىز ئۇزۇلمىسۇن .

elzat1119

	قايسى كىشىلەر رەنجىتكەندۇ بۇ نازۇك كۆڭۈلنى،ئالتۇن بېرىپ قايتۇرالماس ئىدى.

Gvlbargi0999

	بەك ياخشى چىقىپتۇ سىڭلىم بۇ شېئېرىڭىز، ھارمىغايسىز!    قايسى دوستۇڭ رەنجىتتى سىنى،    بەكلا كۆڭلۇڭ قاپتۇ ئۇنىڭدىن.   ئۇمۇ بىر كۈن پۇشايمان قىلار، ئەپۇ سورار ھامان سىنىڭدىن.

شاتيار

	Gvlbargi0999 يوللىغان ۋاقتى  2013-7-31 02:01 PM بەك ياخشى چىقىپتۇ سىڭلىم بۇ شېئېرىڭىز، ھارمىغايسىز!     ... يالغانچىمۇ دېدى ئۆزگىلەر، دۈشمەن بولدى يېقىن كۆرگەنلەر. يۈرىكىمنى قىلدى لەختە قان، يېقىن كۆرۈپ دوستۇم دىگەنلەر. يالغانچىغا چقاردى ھەدە، جاندىن ئەزىز كۆرگەن سىردىشىم. خاتالىقىم نىمە بولغۇيدى، رەنجىتكەندۇ قايسى قىلمىشىم.

Gvlbargi0999

	جاندىن ئەزىز كۆرگەن سىردىشىڭ، رەنجىتىپتۇ بىلدىم ئەزىزىم. سەبىرنى ھەر دائىم يار قىل ئۆزەڭگە، جېنىڭنى ھەرگىز خورۇتما سىڭلىم.                               ئەقىدەڭنى بىلمىگەن كىشىگە،                               ئۆزەڭنى قىيناپ قاخشىما ھەرگىز.                              بولدې ئېسىڭدىن كۆتۈر ئۇنى،                               ھەسرەتتىن باشىڭنى ئەگمە ھەرگىز.

شاتيار

	Gvlbargi0999 يوللىغان ۋاقتى  2013-8-1 01:48 PM جاندىن ئەزىز كۆرگەن سىردىشىڭ، رەنجىتىپتۇ بىلدىم ئەزى ... رەخمەت ھەدە تەسەللىرىڭگە، سەن دىگەندەك قىلىمەن چۇقۇم. دۈشمەن بىلگەن دوستۇم ئەمەس ئۇ، خەير دېدىم باشقىدۇر يولۇم. ئەقىدەمنى ئەيلىدى پايخان، يۈز-خاتىرە قىلمىدى ئازراق. بىرەر ئېغىز گىپىمۇ يوقمىش، خوش بۇلارمىش كەتسەم مەن يىراق. دەرتلىرىمنى يۇيۇپ تۈگەتتىم، كۆزلىرىمدىن ئاققان شۇ ياشتا. بۇكۈنلەرمۇ ئۆتۈپ كىتىدۇ، نىمە ئىشلار كەلمەيدۇ باشقا.

Gvlbargi0999

	ھەر نە ئىشلار كېلەر بۇ ھاشقا، ئىرادىلىك بول يانما كەينىڭگە. ھە نىم بولسا كەپسەن ئۆزەڭگە، خوش بولدۇم قىلغان سۆزۈڭگە.

شاتيار

	Gvlbargi0999 يوللىغان ۋاقتى  2013-8-1 02:04 PM ھەر نە ئىشلار كېلەر بۇ ھاشقا، ئىرادىلىك بول يانما كەي ... ئۇنچە ئاجىز ئەمەسمەن ھەدە، ئىشەنچىم بار ئۆزۈمگە شۇنچە. گەر قەدرىمنى بىلمىسە بىراۋ، ئاھ ئۇرمايمەن ئۇنىڭغا قىلچە.

Gvlbargi0999

	شاتيار يوللىغان ۋاقتى  2013-8-1 02:16 PM ئۇنچە ئاجىز ئەمەسمەن ھەدە، ئىشەنچىم بار ئۆزۈمگە شۇنچ ... مەنمۇ شۇنداق سەزگەن سېنى، مىھرىبانىم جانىم سىڭلىم. ئاللا غەيرەت بەرسۇن ساڭا، توغراق كەبى ياشا سىڭلىم.