ئەجەل كەلسە دۇنيا بىر سىقىم

bahwanbiz

	ئەجەل كەلسە دۇنيا بىر سىقىم دەرەخ شېخىدىن چۈشكەن يورۇقلۇق _ پىشقان يورۇقلۇق . _____ خاتىرەمدىن سەسكىنىشنى بىلمەي ئاشقازان ، نىمانچىلا يەيدۇ كۈندۈزنى ؟ بۇلۇڭدىكى خىرە ھالىتىم ، مارجان قىلىپ ئاسار يۇلتۇزنى . پەسىللەرگە سېتىلغان قۇياش ، مازاق قىلار غازاڭلىرىمنى ، تىڭىرقىغاچ ئېھتىماللىقىم ، باقالمىدىم سازاڭلىرىمنى ، كوچىلاڭلار يالغان ئەتىراپىم ، دوقمۇشتىكى يالغان باھارنى . ئوغرى چىشتا ياشىغان بىلەن ، كىم سۆيىدۇ تەلەيسىز ،خارنى . يۆتكىلەيلى تاقىر قىرلاردىن ، ۋابا كەلدى ئېرىق ئىچىگە . چىلىم چوغلار تاياقچى ئامبال ، سۇلغۇن كىرىپ كەلدۇق كېچىگە . خەت يازالماس قاناتسىز يىتىم ، ئانىسى يوق چۈشەيدۇ تونۇر . گۆشلۈك تىلدا سالقىن ھېجاراپ ، رىئاللىقى قويىدۇ نومۇر . كېكىرىدۇ قايناق سۇلىرىم ، ئايەملەردە ناۋات سېغىنار . مايىقىنى قىلىپ قاشتىشى ، تۇلۇم چاشقان گىلەم ئېغىنار . يۆتكىلىمەن ئىزدەپ يورۇقلۇق ، ھۆكۈمنامەم مۈددەتسىزمىكىن ؟ بىكار كەلگەن تاتلىق ئىرىمچىك ، خەق سېپ قويغان ئىمىزگىمىكىن ؟ قوۋۇرغامنى چىشلەر قوۋۇرغام ، قان چىقارماي تەمىمنى شورار . ئېھ ، بىھۇدە كەتكەن ئەجرىگە ، تاپانلىرىم تىنماي ئاھ ئۇرار . نۇر سېغىنىپ رىشاتكىلاردىن ، سېسىماقتا ساغرام تېرىسى . چىن تۆمۈرنىڭ يايلىقىمىدۇ ؟ ئەشۇ تاغنىڭ كۈنگەي نېرىسى . قۇرۇت چىشلەپ بەرمىدى ئارام ، كەچۈر مېنى مايلىق قولتىقىم . خورۇلدىغان تۇرمۇش خەتەرلىك ، ئەجەل كەلسە دۇنيا بىر سىقىم . ئاپتۇرى : ئا .مۇھەممەت باغۋەن

elzat1119

	نېمە مەزمۇن ئىپادىلىمەكچى؟ گۇڭگا شېئىرغۇ ئەمەسكەن،بېراق تەپەككۇر بىلىشكە قادىر بولمىدى.

fathullah

	سېپى ئۆزىدىن،ئىمان قېچىپتۇ،ئىشسىزغا ئاش،ئەللەي،تويە مانا…………………ئىشقىلىپ ھەممىسى تولۇقكەن.قوللار تالمىغاي باغۋەن ئاكا.ھازىرچە گۈل قوغداشقا تىكەن باكا.

uyol

	مېنىڭمۇ تەپەككۈرۈم يەتمىدى

yan

	بۇ شىئىرنى ئوقۇپ يانداشتۇرۇپ مىنىڭمۇ بىر شىئىېر يازغۇم كىلىۋاتىدۇ. بىرشىئېر! ھەركۈنى ئاخشام مۇشۇك مىياۋلايدۇ، چاشقان چىشلىگەن قۇيرىغىنى بەلكىم. ئاغىزلىرىم بۇرنىمنى چىشلەيدۇ، قاقاش سىغىنغان ئوخشايدۇ بەلكىم.

qaraxani

	مەنىلىك ياشا،پۈرسەت غەنىمەت،ئەتراپتىكى خىرىستىن بىغەم يۈرمە،ھالال-ھارامنى تونۇ ،غەپلەتتە قالما،ئەجەل يەتسە پۈشايمان ھېچنىمىگە ئەرزىمەس ..............دىگەندەك قىلىدۇ....ئەقلىڭ تاپقۇر،قەلىمىڭ چاپقۇر بولسۇن باغۋەن...

bagh

	1269205716    نى قوشىۋېلىڭ . ئالاقىلىشىپ تۇرايلى . شېئىرىڭىز بەك ياخشى چىقىپتۇ .

MiRul

	تولىمۇئېسىل يېزىلغان شېئىركەن  مەنىسى تولىمۇ ئۆتكۈر   ئەتتگەندە كۆرۈپ تولىمۇ ياقتى ماۋۇ شېئىر.........  قەلىمىڭىزگە كۆز تەگىمىسۇن باغۋەن ئاكا....

uyghur730

	گاس ئادەم باشقىلارنىڭ نىمە دىگىننى ئاڭلىيالماي ،باشقىلار كۈلسە ئەگىشىپ كۈلەمىش.