NASA: «ئىرىس» تېلېسكوپى قۇياش ئاتموسفېراسىنى رەسىمگە تارتتى

bilimxumar

	«ئىرىس» تېلېسكوپى قۇياش ئاتموسفېراسىنى رەسىمگە تارتتى 2013-يىلى 27-ئىيۇن كۈنى ناسا ئىنگلىزچە «Interface Region Imaging Spectrograph» دەپ ئاتىلىپ، قىسقارتىلىپ «ئىرىسIRIS, » دەپ يېزىلىدىغان بىر كىچىك تىپتىكى ئالەم تېلېسكوپىنى كالىفورنىيەدىكى «Vandenberg» ھاۋا ئارمىيە بازىسىدىن يەر شارى ئوربىتىسىغا چىقارغان بولۇپ، بۇ تېلېسكوپ 17-ئىيۇل كۈنى ئىشىكىنى ئېچىپ، قۇياشنىڭ تۆۋەنكى ئاتموسفېراسىنى رەسىمگە تارتىپ، يەر شارىغا ماڭدۇرۇپ بېرىشكە باشلىدى.  تۆۋەندىكى 1-رەسىمدە كۆرسىتىلگىنى ئاشۇ كۆرۈنۈشلەرنىڭ بىرى. ئىرىس ناھايىتى يۇقىرى ئېنىقلىق ۋە ئىنچىكىلىك بىلەن تارتقان رەسىملەر ئالىملارنىڭ قۇياشنى يەنىمۇ ئىلگىرلىگەن ھالدا چۈشىنىشىگە زور دەرىجىدە ياردەم قىلىدۇ.  ئالىملار بىلمەكچى بولغان ئىشلارنىڭ بىرى، ماگنىتلىق ئېنېرگىيىنىڭ قۇياش ئاتموسفېراسىنىڭ ئىسسىشىغا قانداق تۆھپە قوشۇدىغانلىقى.  قۇياشنىڭ يۇقىرى ئاتموسفېراسىنىڭ تېمپېراتۇرىسى بىر مىليون گرادۇس بولۇپ، قۇياشنىڭ يۈزىنىڭ تېمپېراتۇرىسىدىن بىر مىڭ ھەسسە يۇقىرى بولىدۇ.  ئىسسىقلىق قۇياش يۈزىدىن ئۇنىڭ يۇقىرى ئاتموسفېراسىغا يېتىپ بېرىشى ئۈچۈن، ئۇ چوقۇم ئۇنىڭ تۆۋەنكى ئاتموسفېراسىدىن ئۆتىشى كېرەك.   قۇياشنىڭ يۈزى بىلەن ئۇنىڭ يۇقىرى ئاتموسفېراسىنىڭ ئوتتۇرىسىدىكى ئۆتكۈنچە رايون ئۇلترا بىنەپشە رەڭلىك نۇرنى تارقىتىدىغان بولۇپ، بۇ نۇر يەر شارىغا يېقىن ئالەم بوشلۇقى بىلەن يەر شارىنىڭ كىلىماتىغا بىۋاستە تەسىر كۆرسىتىدۇ.  ئۇ رايوندىن ئۆتىدىغان ئېنېرگىيە قۇياش بورىنى (solar wind) نىمۇ ۋۇجۇتقا كەلتۈرىدۇ. قۇياش بورىنى بەزىدە يەر شارىغا يېقىن بولغان رايونلاردا باشقىچە ئالەم بوشلۇقى ھاۋا رايىنى ۋۇجۇتقا كەلتۈرىدىغان بولۇپ، بۇنداق ھاۋا رايى سۈنئىي-ھەمرا، ئېلېكتىر تورلىرى ۋە گپس (پۈتۈن يەر شارى ئورۇن كۆرسىتىش سىستېمىسى، Global Positioningn System) قاتارلىقلارغا تەسىر كۆرسىتىدۇ. شۇڭلاشقا قۇياشنىڭ تۆۋەنكى ئاتموسفېراسىنى چۈشىنىش ئىنتايىن مۇھىم. پايدىلىنىش ماتېرىيالى: NASA's IRIS telescope offers first image of Sun's mysterious atmosphere http://www.nasa.gov/content/goddard/iris-telescope-first-glimpse-of-suns-mysterious-atmosphere/#.UfPmV9K1GeY

tohtihan1

	قۇياشنىڭ يۇقىرى ئاتموسفېراسىنىڭ تېمپېراتۇرىسى بىر مىليون گرادۇس بولۇپ، قۇياشنىڭ يۈزىنىڭ تېمپېراتۇرىسىدىن بىر مىڭ ھەسسە يۇقىرى بولىدۇ.

ablimitt

	بۇ مىكروسكوپنىڭ نۇر ئۈتكۈزۈشچانلىقى ئىلىكتىرونلۇق كەپشەر باش كىيمىنىڭكىدەك ئاپتۇماتىك كونتۇرۇل قىلىنىدىغاندۇ-ھە دوستلار...

shahzada1

	ئەركىن سىدىق ئاكىمىزغا تەشەككۈر .

marhaba77

	قۇياش يادروسىنىڭ تىمپىراتۇرىسى سىرتقى قەۋىتىنىڭكىدىن تۆۋەن بولامدۇ؟

elzat1119

	زۇلئاي يوللىغان ۋاقتى  2013-7-28 12:53 AM سولدىكى بىرىنجى رەسىمدە ( ئاللا ) دىگەن خەت شەكىللىنىپ  ... ھەقىقەتەن جۇمۇ

elzat1119

	رەھمەت،بولسا ئۆز كۆزىمىز بىلەن بىر كۈزەتسەك ھە

bilimxumar

	marhaba77 يوللىغان ۋاقتى  2013-7-28 12:49 AM قۇياش يادروسىنىڭ تىمپىراتۇرىسى سىرتقى قەۋىتىنىڭكىدىن ... قۇياش مەركىزىنىڭ تېمپېراتۇرىسى 15 مىليون سېلسى-گرادۇس كېلىدىكەن.

زەنجىر

	زۇلئاي يوللىغان ۋاقتى  2013-7-28 12:53 AM سولدىكى بىرىنجى رەسىمدە ( ئاللا ) دىگەن خەت شەكىللىنىپ  ... كۆز ئەينەك  تاقىۋالغان  بىلەن  كۆز  دىگەن  بۈركۈتتەك  ئۆتكۈركەنغۇ .،.