سۆيۈملۈك ئايال

ئارزۇ0903

	سۆيۈملۈك ئايال بۇ تىمىنى شىنجاڭ ياشلىرى ژورنىلىدىن كۆرۈپ چوڭقۇر تەربىيىۋى ئەھمىيەتكە ئىگە بولدۇم،شۇڭا بەزى ئاياللارغا ئاز -تۇلا ياردىمى تىگىپ قالار دىگەن مەقسەتتە يازدىم. تۇرمۇشتا ھەرقانداق قىز-ئايال ئۆزىنىڭ باشقىلار تەرىپىدىن قەدىرلىنىشىنى،ئەڭ مۇھىمى ئۆمۈرلۈك ھالال جۈپتى تەرىپىدىن سۆيۈلۈشنى ئارزۇ قىلىدۇ. ئۇنداقتا زادى قانداق ئاياللار سۆيۈملۈك  ئاياللاردۇر  بۇلالايدۇ؟ 1.بەلگىلىك نەزىرىيىۋى بىلىم سەۋىيەسىگە ئىگە ئاياللار سۆيۈملۈك ئاياللاردۇر. بىلىم-ئىنسانىيەت تارىخى تەجرىبىلىرىنىڭ يەكۈنى ۋە يىغىنچاقلىشى.بىلىم جەھەتتىكى پەرق ئۇلارنىڭ تۇرمۇشىغا،كىشىلىك مۇناسىۋىتىگە ،بۇلۇپمۇ ئاياللارنىڭ ئەرلىرىگە سۆيۈملۈك ئاياللىق تۇيغۇسى بىرىش-بىرەلمەسلىكىگىمۇ تەسىر كۆرسەتمەي قالمايدۇ،شۇڭا ،ئاياللار ئۈنۈملۈك ئۇسۇللار ئارقىلىق بىلىمنى تۇلۇقلىشى ،بىلىمنى ئۆز نۆۋىتىدە بەخىتلىك ئائىلە قۇرۇش ۋە سۆيۈملۈك ئايال بۇلۇش يولىدا خىزمەت قىلدۇرۇشى ۋە جارى قىلدۇرۇشى كىرەك. 2.قابىلىيەتلىك ئاياللار سۆيۈملۈك ئاياللاردۇر. قابىلىيەت-كاتىگورىيە دائىرىسىدىن پىسخولوگىيەگە تەئۇللۇق بولغان مەزمۇندۇر.بەزى ئاياللار ئۆز كەسپىدە ياكى مەلۇم بىر ساھەدە ،مۇۋەپپىقىيەت قازانغۇدەك قابىلىيىتى تۇرۇقلۇقمۇ،ئەرلىرىنىڭ ئۆزىنى ئۈستۈن چاغلىدى دىيىشىدىن ياكى باشقىچە تۇيغۇ پەيدا قىلىپ قۇيۇشىدىن ئەنسىرەپ ئۆز قابىلىيىتىنى ئاشكارىلىمايدۇ.ئەمەلىيەتتە،ئۇلار ئەرلەرنىڭ مۇتلەق كۆپ قىسمىنىڭ قولىدىن ئىش كىلىدىغان قابىلىيەتلىك ئاياللاردىن بۇلۇشىنى بىلمەيدۇ. 3.ئۆزىنى قۇربان بىرىش روھىغا ئىگە ئاياللار،سۆيۈملۈك ئاياللاردۇر. بۇ يەردە تىلغا ئېلىنغان «ئۆزىنى قۇربان قىلىش» ھەرگىز يولدىشى نىمە دىسە«لەببەي» دەپ قۇل باغلاپ تۇرۇش ئەمەس بەلكى يولدىشىنىڭ كۈلكىسىگە كۈلكە،يىغىسىغا يىغا ئاتا قىلالايدىغان ،ۋاقتى كەلگەندە كۆكرەك كىرىپ ئوتتۇرىغا چىقىپ ئائىلىسى ئۈچۈن ئۆزىنى قۇربان قىلىشتىن يانمايدىغان ئايالللار كۆزدە تۇتۇلىدۇ. بۇنداق ئاياللار يولدىشىنىڭ ،ئائىلىسىنىڭ بېشىغا كۈن چۈشكەندە ياخشى ھىمايىچى،ياخشى مەسلەھەتچى بۇلالايدۇ. 4.خۇشخۇي،خۇشچاقچاق ئاياللار سۆيۈملۈك ئاياللاردۇر. چىھرىدىن تەبەسسۇم يېغىپ تۇرۇش روھى-ھالاتتىكى ئۈستۈنلۈكنىڭ ئىپادىسىدۇر.كۈلكە-چاقچاق غەم-.ەندىشىنى يۇقىتىدۇ.قايسى ئائىلىدە چاقچاق ۋە كۈلكە ھۆكۈمران ئورۇننى ئىگىلىسە ،شۇ ئائىلىنىڭ ئىناقلىقى كۈچىيىدۇ،ئىشلىرى بەركەت تاپىدۇ.بىراق بەزى ئاياللار ئۆزىنىڭ كۆپلىگەن ۋاقتىنى يوقىلاڭ تەشۋىشلىنىش،غەم-ئەندىشە بىلەن ئۆتكۈزىدۇ.قارىماققا ئۇلار ئائىلىسى ئۈچۈن غەم يەۋاتقاندەك كۆرۈنسىمۇ،لېكىن ئۇلارنىڭ پاسسىپ روھى-ھالىتى يولدىشىنىڭ نەزىرىدىكى«سۆيۈملۈك» ئوبرازىنى سۇسلاشتۇرۇپ قۇيىدۇ. 5.سەۋەنلىكنى دەرھال ئىتراپ قىلالايدىغان ئاياللار سۆيۈملۈك ئاياللاردۇر. بۇنداق ئاياللار ئاقكۆڭۈل بۇلۇپ،يولدىشىدا سۆيۈنۈش تۇيغۇسىنى چوڭقۇرلاشتۇرۇپ،ئۆزىنىڭ روھى جەھەتتىكى ئۈستۈنلىكى بىلەن يولدىشىنىڭ چىن دىلىدىن ياخشى كۆرۈشى ۋە سۆيۈشىگە مۇيەسسەر بۇلالايدۇ. 6.ئۇنداقتا ئاياللار سۆيۈملۈك ئاياللاردىن بۇلۇشى ئۈچۈن قانداق قىلىشى كىرەك؟ 1.ئاياللار گۈزەللىكنى توغرا چۈشىنىش كىرەك. گۈزەللىكنى سۆيۈش كىشىلەردىكى بىر خىل ئورتاقلىق.بۇ يەردىكى گۈزەللىك ھەرگىزمۇ كىيىم-كىچەك،قاتار چاي،زىبىۇ-زىننەت،گىرىم بۇيۇملىرى جەھەتتىكى گۈزەللىك ئەمەس بەلكى قەلىپ گۈزەللىكى،شۇڭا ئاياللار تاشقى گۈزەللىككىمۇ مۇۋاپىق ئەھمىيەت بىرىشى،ئەڭ مۇھىمى ئۆزىنىڭ پىسخىكا جەھەتتىكى قەلىپ گۈزەللىكىگە يۈكسەك دەرىجىدە ئەھمىيەت بىرىشى كىرەك. 2.ئاياللار يولدىشى ۋە يولدىشىنىڭ كەسپىنى قوللىشى كىرەك. بەزى ئاياللار يولدىشىنىڭ ئۆزىگە ياردەم قىلىشىنى،ئائىلە ئىشلىرىغا ياردەملىشىشىنى يولدىشىنىڭ ئۆزىگە بولغان كۈيۈنىشى دەپ قارىماستىن قانداقتۇر يولدىشىنى ئۆزىگە بويسۇندۇرۇۋالغانلىقنىڭ نەتىجىسى دەپ قارايدۇ.ئائىلە ئىشلىرىنى يولىدا ئورۇنلاشتۇرماسلىق ۋە ئۆز -ئارا قوللاشماسلىق سەۋەبىدىن كەسىپتە نەتىجە قازىنالمايلا قالماستىن،بەلكى تۇرمۇشى ۋەيران بۇلىدۇ.شۇڭا ئاياللار يولدىشىنى توغرا چۈشىنى ،قوللىشى،يولدىشى ئۈچۈن قۇربان بىرىشكە تەييار تۇرۇشى كىرەك.چۈنكى غەلىبە قازانغان بىر ئەرنىڭ كەينىدە چۇقۇم بىر ئايال بار. 3.ئاياللار ئائىلە تۇرمۇشىدىكى سەككىز مىنىۇتقا سەل قارىماسلىقى كىرەك. بەزى نىكاھ مۇتەخەسسىسلىرى ئائىلە تۇرمۇشىدا ،ئەتىگەندە ئورنىدىن تۇرغاندىكى تۆت مىنۇت بىلەن ئىشتىن قايتىپ كەلگەندىكى تۆت مىنىۇتنى ئىنتايىن مۇھىم،بۇ سەككىز مىنىۇتتىكى ئەھۋالنى ئائىلە ئىناقلىقى ۋە نىكاھ مۇۋەپپىقىيتىنىڭ مۇھىم ئىپادىسى دەپ قارىغان.شۇڭا بۇ سەككىز مىنىۇتقا سەل قاراشقا بولمايدۇ. چۈنكى بۇ سەككىز مىنىۇتتىكى ئىشلار ئاڭلىق ياكى ئاڭسىز ھالدا جورىڭىزغا تەسىر كۆرسىتىدۇ. ئەتىگندە ئورنىدىن تۇرغاندىكى تۆت مىنىۇت ھەممىدىن  مۇھىم،بۇ تۆت مىنىۇت ئىچىدە ئەر-ئاياللارنىڭ بىر-بىرىگە بولغان مۇئامىلىسى،شۇ ئائىلە كىشىلىرىنىڭ بىر كۈنلۈك خىزمەت ۋە كەيپىياتىغا چوڭ تەسىر كۆرسىتىدۇ. ئەرلەر ئىشتىن چۈشۈپ ئۆيگە كەلگەندە،ھاۋارايىنىڭ ئوساللىقى،قاتناشىنىڭقىستاڭچىلىقى،خىزمەتتىكى ئۇششاق ئىشلار سەۋەبىدىن كەيپىياتى ياخشى بولمىغان ھالەتتە ئۆيگە قايتقىنىدا،ئايالىنىڭ تۆت مىنىۇت ۋاقىت چىقىرىپ،؟كزىنى قىزغىن كۈتىۋېلىشىغا تەشنا بۇلىدۇ. بىر كۈن ئىچىدىكى بۇ سەككىز مىنىۇت ئائىلە تۇرمۇشىنىڭ قانداقلىقىنى كۆرسىتىپ بىرىدىغان بىر ئەينەك.شۇڭا ئاياللار قارشى تەرەپ دۇچ كەلگەن تۈرلۈك بېسىملارنى يىڭىشتە،ئۆر-ئارا ئىناقلىقنى ساقلاپ ،بەخىتلىك ئائىلە قۇرۇشتا مۇھىم رول ئوينايدىغان بۇ ۋاقىتنىڭ رولىغا سەل قارىماي،پۇرسەتنى چىڭ تۇتۇپ ،ھەقىقى سۆيۈملۈك ئاياللاردىن بۇلۇشى كىرەك. (شىنجاڭ ياشلىرى ژورنىلىدىن)

ئارزۇ0903

	بەزى ئىملا خاتالىقىدىن خالى بۇلالمىغان بۇلۇشۇم مۇمكىن شۇڭا كەڭ تورداشلارنىڭ توغرا ئوقۇشىنى ئۈمىت قىلىمەن.

marhaba77

	رەھمەت ،ياخشى دەرىس ئىكەن.ھارماڭ.

bax

	بىر ئايال بار، ھاياتىمنى گۈزەللەشتۈرگەن. ھەممىدىن ماڭغا كۆيۈنىدىغان ئايال ، تۇرمۇشۇمنى بېيىتقان ھەم بارلىق گۈزەللىكلەرنى ئاتا قىلغان! مەيلى ئۇ سىمىز بولسۇن، ئورۇق بولسۇن ياكى چىرايلىق سەت بولسۇن ئۇنىڭ مىھرى مەن ئۈچۈن چەكسىز، مەڭگۈ بىباھا قىممەتلىك!    ئۇ قەلبىمدىكى ئەڭ سۆيۈملۈك ئايال -- مېنىڭ ئاپام !!!

bugaltir

	ھەقىقى ئايال قانداق بولىدۇ  ؟ مۇھاببەتلىشىپ تۇي قىلغان ، ھەتتا نەچچە توي قىلغان ئەرلەرنىڭمۇ ئاغزىدىن دائىم ھەقىقى ئايالنى ئۇچراتتىم ۋە ياكى ئۇچرتمىدىم دىگەن سۆزنى ئاڭلايمىز، ئۇنداقتا ھەقىقى ئايال قانداق بۇلىدۇ؟ ھەقىقى ئايال ، سۆيۇنۇشنى سۆيۇندۇرۇشنىمۇ، قەدىرلەشنىمۇ قەدىرلىنىشنىمۇ، كۈلۈشنىمۇ، كۈلدۈرۈشنىمۇ، ئەركىلەشنىمۇ ، ئەركىلتىشنىمۇ، سۆيۈشنىمۇ سۆيدۇرۇشنىمۇ بىلىدۇ. ھەقىقى ئايالنىڭ تۇرمۇشىدا ئىگىز پەسلىك بولمايدۇ، ھەقىقى ئايال بىر يۇتۇم سۇغا ئوخشايدۇ، ئازاپتىن ھىرىپ چارچاپ ئۇسسىغىنىڭىزدا قەلب بىغىڭىزنى ئەقىل دۇردانىلىرى بىلەن سۇغرالايدۇ، تۇرمۇش بىسىملىرىڭىزنى كاللىڭىزدىن لىرىك مۇزىكىدەك كۆتىرۋىتەلەيدۇ، مۇزلىغان جىسمىڭىزنى مىھرى بىلەن ئىللىتالايدۇ. ئەركىلەشنىمۇ بەزلەشنىمۇ بىلىدۇ. سىزگە بەخت ئاتا قىلالايدۇ، قولىدىكى بەختنى قەدىرلىيەلەيدۇ، سۆيگىنىنى تەنھالىق ۋە تەشۋىش بىسىملىرىدا تەمتىرەتمەيدۇ، كۆڭۈل بىرىشنىمۇ كۆڭۈل ئىلىشنىمۇ بىلىدۇ. ھالۋىنى كۆپ يىگۈزۇپ زاڭ تىتىتقۇزۇپمۇ قۇيمايدۇ، قەھرىنى شىرىن ھىس قىلدۇرالايدۇ،كۆڭۈلنى مىھرى مۇھاببىتى بىلەن سۇغۇرۇپ، كۆڭۈلنى قاغجىراتمايدۇ. سۆيگەن يارىنىڭ يەلكسگە يۆلنىشنىمۇ يېقىلغان يارىنى پۈتۈن جىسمى بىلەن يۆلەشنىمۇ بىلدۇ. ھەقىقى ئايال، ئۆز سەمىمى- ساداقىتى، شۈكرى قانائىتى، ھايا -ئىپپىتى بىلەن بىشىنى تىك تۇتۇپ،كۆڭلى بولمسا ، پادشاھنىمۇ رەت قىلىپ ، ئىشقى باغلانسا ، كۆك نامراتنىڭ ئايىغىغا بىشىنى قويالايدۇ. سۆيگەن يارىنىڭ بەختى ئۈچۈن ئۆزىنىڭ بارلىقىنى قۇربان قىلالايدۇ. ھەقىقى ئايال، مۇۋەپپەقيەت قازىنىش يولىدىكى قابىل ياردەمچى ، ئۇتۇق قازنىشىنىڭ تۇپ مەنبەسى بولۇپ، سۆيگەن يارىنىڭ كۆڭلىنى رام قىلىپ ئۆزىگە باغلىيالايدىكى بىراق بىزار قىلىپ چاندۇرمايدۇ. سۆيگەن يارىنى مەغرۇرلۇق بىلەن ئەركىن قويىۋىتىدىكى ئائىلىگە ئەسىر قىلىپ باغلىۋالمايدۇ. ھەقىقى ئايال ، سۆيگەن يارىنىڭ ئىززەت بابرويى ۋە ھۆرمىتىنى قىلىپ، تەڭ مەسلىھەت بىلەن ئىش قىلىدۇكى ئۆز بىشىمچىلىق بىلەن ئىقتىساتنى بۇزۇپ چىچىپ بەدخەجلىك قىلمايدۇ. سۆيگەن يارىنىڭ جەمىيەتتىكى ئىززەت ئابرويىنى قوغدايدۇكى ئۇنىڭ مەخپىيەتلىگىنى ئاجىزلىغىنى ئاشكارىلاپ، جىدەل قىلىپ يۈزىنى تۆكمەيدۇ. ھەقىقى ئايال ، كەڭ قوساق ئەپۇچانلىق بىلەن سۆيگەن يارىنىڭ كۆڭلىنى ئۇتۇپ ، ئۇ قىلغان خاتا ئىشىنى بىرىنجى بولۇپ قۇرقماي تۇرۇپ دىيىشكە جۈرئەت قىلغۇدەڭ ئىشەچ ۋە كەڭچىلىك ئاتا قىلالايدۇكى كۈنلەمچىلىك، ھەسەتخورلۇق ۋە ئورۇنسىز گۇمان بىلەن يۈرىگىنى سىقمايدۇ. ھەقىقى ئايال ، سۆيگەن يارىنىڭ ھاياتىنىڭ ھەر بىر باسقۇچلىرىدا ئۇنى ئاسرىغۇچى پەرشتە، پىداكار دوستى، بەختسىز ھەمدە غەم-ئەلەملىك كۈنلەرنىڭ تەسەللىيچىسى بولالايدۇكى بىشەملىك، ھازازۇللۇق ۋە قانائەتسىزلىك قىلىپ ئۇنى چارچىتىپ قويمايدۇ. ھەقىقى ئايال ،ئەقىل ۋە ۋىجداننى قۇرال قىلىپ، سۆيگەن يارىگە بەخـت ئىلىپ كىلەلەيدۇكى ئەرزىمەس ئىشلار بىلەن قولىدىكى بەختىنى سورىۋەتمەيدۇ. ھەقىقى ئايالنىڭ بەختى: ئايالدەك ياشاپ ئۆتىشىدە ! تەن -جىنى ساق بولسا ، ئوت ياقىدىغان ئۆز ئوچىقى ، بېشىدىن يىراق كەتمەيدىغان ئۆز باشپاناھى ، ئۇنىڭغا ئىنتىلىپ ئىشىكتىن ئىللىق تەبەسسۇم بىلەن كىردىغان ئەركىكى ، قىزدۇر ، ئوغۇلدۇر ، ياقىسىغا چىرمىشىپ ئەركىلەپ تۇردىغان بالىسى. ھەقىقى ئايالنىڭ ۋۇجۇدىنى تولدۇرۇپ ، تىندۇرۇپ تۇردىغان بەخت مانا شۇ ! ھەقىقى ئايالنىڭ ئاغزىدىن ھەرگىز " كېرەك ئەمەسسەن " ، "كىم ئىدىڭ سەن ؟ "،"مەن سەندىن بىزار"، "سەن ئۇنىڭغا يەتمەيسەن"دىگەن ئىنساننى سوۋۇتىدىغان سەت سۆزلەر چىقماستىن يۈرەكنى تىتىرىتىدىغان شىرىن شەربەت دۇردانىلەر تۆكىلىدۇ، ھەقىقى ئايال، سۆيگەن يارىنىڭ ئۇۋىغىنى يەرگە چۈشۈرمەي بىشىدا كۆتۇرىدىكى مەنسىتمەسلىك بىلەن ئۇنىڭ ھۇجۇدىنى مۇزلاتمايدۇ. ھەقىقى ئايال، سۆيگەن يارى ئۈچۈن ئۆزىنى پىدا قىلالايدۇكى يوق ئىشلارغا چىچىلىپ، ئاچچىقلاپ يارى قەلبىدىكى ئوبرازىنى تۆكىۋالمايدۇ. ھەقىقى ئايال، ھاياتنىڭ ئۇلۇغ تىرىكى،ھاياتنى روھلاندۇرغۇچى دورا، ئەمىلىيەتنىڭ كۈزەتكۈچىسى،ئەرلەرنىڭ ئۇلۇغ تەربىيەچىسىدۇر. ئۇ ئەرلەرنىڭ مىجەزىنى تەڭشەپ، كەيپىياتنى تۇراقلاشتۇرىغۇچى شىپائى زەم-زەم، بولۇپ، ئۇنىڭ گۈزەل ئەخلاق- پەزىلىتى دۇنيانى دېزىنفىكسىيە قىلىدۇ. ھەقىقى ئايال- پۈتكۈل دۇنيانى «ئوزۇق» قا ئىگە قىلىدىغان كىتاب، سەنئەت ۋە بىلىم بۇلىقىدۇر. ئۇنىڭدىكى ئەڭ بۈيۈك پەزىلەت- مۇلايىملىقتۇر.ئۇنىڭ مېھرى- تەپتى ھېچقاچان سوۋۇماستۇر. گۈزەللگى ئۇنىڭ پەخرى، ئار- نومۇسى ئۇنىڭ پاكلىقى، گۈزەل- ئەخلاقى ئۇنىڭ مەڭگۈلۈك ئىززەت- ئىكرامىدۇر. ھەقىقى ئايال قانغا قان، قاناتقا قانات، جانغا جان قوشقۇچى خاسىيەتتۇر.كۇنىلارنىڭ" بىر قوتان مېلىڭ بولغىچە، كۆيۈمچان، پەزىلەتلىك ئايالىڭ بولمىسا بىكار" دىگىنى ھەقىقى ئايالغا قارىتىلمىغانمىدۇ؟ ھەقىقى ئايال، سۆيگەن يارىنى ھايات چۆلدىكىنىڭ بوران چاپقۇنلۇق دالاسىدا تەنھا يولوچى قىلىپ قويماستىن غەمخورلۇق ۋە ۋاپادارلىق بىلەن قوينىغا ئالالايدۇ، يوقسۇللۇق ۋە مۇھتاجلىقتىمۇ قانائەتچانلىق ۋە سەۋرە ئىچىدە بىرگە ياشايدۇ. ياكلىقنى پاكىزلىقنى قانات قىلىپ ناز قىلىشنى ۋە ئەركىلەشنى بىلىپ،دىللارنى يايرىتىپ ھوزۇرلاندۇرۇپ،سۆيگەن ئادىمىنى ھەرگىزمۇ روھسىز جەسەتكە ئوخشىتىپ قويماستىن، سۆھبەتداش، پىكىرداش دىلكىشى بولۇپ، سۆيگەن يارىنىڭ غېمىنى ۋەيۈكىنى ئىغىرلىتىۋەتمەيدۇ. سۆيگەن يارىنىڭ چىھرىدە بەخت جىلۋىسى پەيدا قىلالايدىكى دەرت ئازاپ غەمدە تۇنجۇقتۇرمايدۇ. ھەقىقى ئايال، ئەرلەرنىڭ ھەقىقى بەختى، ئۇنى قەدىرلەش كىرەك. مەنبە   :   مىسرانىم  مۇنبىرى

bugaltir

	بىزنىڭ ئانىلىرىمىز تۈۋەندىكىدەك ئەخلاقى پەزىلەتنى يىتىشتۈرۋېلىشى لازىم. ئىپپەت-نۇمۇسلۇق بۇلۇش-بۇ ئانىلارنىڭ پەرزەنتىنى ياىشى تەربىلەپ چىقىشىدىكى ئەڭ مۇھىم پەزىلىتىنىڭ بىرسى بولۇپ ھىساپلىنىدۇ.بۇنداق ئانىلار شەرمى ھايانى ئۈزىگە يار قىلىپ، نۇمۇسنى،ئاھانەتنى ئۈزىنىڭ ۋىجدانى ئۈستىگە قۇيۇپ ئويلىيالايدىغان پەرزەنتىلەرنى تەربىلەپ چىقالايدۇ.بۇنداق پەرزەنتىلەر شەرمى-ھايا  پاك ۋىجدان بىلەن ياشايدۇ.ئانىدا ھاياسىزلىق كۆرۈلسە بالا ئەلۋەتتە بەتنىيەت بۇلۇپ يىتىشىپ چىقىدۇ. بارلىغىنى ئائىلىگە ۋە كەسىپكە بېغىشلىشى كېرەك-بۇنداق ئاياللار مەسئۇليەتچان بۇلۇپ،ئائىلە مەسئۇليىتى بىلەن جەمىيەت يۈكلىگەن مەسئۇليەتنى ياخشى بىر تەرەپ قىلالايدۇ،ئىككىسىنى جانلىق بىرلەشتۈرەلەيدۇ.بۇنداق مەسئۇليەتچان ئەنىلار تەربىلىگەن پەرزەنتىلەر تەبى ھالدا ئائىلە ۋە جەمىيەت ئالدىدا بەلگۈلۈك بۇرۇچىنى ئۈستىگە ئالالايدۇ. ئانىلار كۈيۈمچان بۇلۇشى لازىم.كۈيۈمچانلىق پەقەت ئېرى،پەرزەنتىلىرى بىلەنلا چەكلىنىپ قالماسلىغى لازىم.يەنە بۇنداق كۈيۈمچانلىق ئاتا-ئانا،ىۇلۇم ىوشنىلار ،ئاجىز ئۇرۇقلار ،ئەڭ مۇھىمى ئوغۇل تەرەپ ئاتا-ئانىسىنى ھۆرمەتلەشتە ئىپادىلىنىشى كېرەك.بۇنداق كۈيۈمچانلىق ئىچىدە تەربىلەنگەن پەرزەنتىلەر باشقىلارغا غەمىورلۇق قىلىشنى ئۈزىگە مەجبۇريەت دەپ قاراپ،باشقىلارغا بەرگەن يەردىمى ئىچىدىن ىۇشاللىق تاپىدىغان ئىسىل خىسلەتكە ئىگە بۇلۇدۇ. ئانىلار جەسۇر بۇلۇشى كېرەك-ئانىلار جەسۇر،غەيرەتلىك ،قەيسەر بولسا ئۇ تەربىلىگەن بالا جاپا-مۇشەققەتتىن قورقىمايدىغان،مەينەت ئىشلار بىلەن شۇغۇللانمايدىغان ھەق ناھەق قارىشى كۈچلۈك،ۋىجدانلىق بۇلۇپ يىتىشىپ چىقىدۇ.بۇنداق پەرزەنتىلەر كەلگۈسىدە خەلىقنىڭ ئاتا-ئانىسىنىڭ قۇلىنى سۇۋۇتىدىغان پەزىلەتلىك كىشىلەردىن بۇلۇدۇ. ئانىلار قۇرۇق گەپ ۋە غىيۋەتتىن نېرى تۇرۇپ،ئەمىلى ئىش قىلىشتەك ئەمىليەتچانلىقنى يىتىشتۈرۋېلىشى لازىم.بۇنداق ئانىلار تەربىلىگەن بالىلار مەسىلىلەر ئۈستىدە ئويلىنالايدىغان قەتتى پىكىر قىلىپ،مۇستىقىل قارار چىقىرىدىغان ئەقىللىق بولۇپ يىتىشىپ چىقىدۇ.ئۇنداقلار ىەۋىپ ىەتەر ئۈستىدە تەمتىرىمەيدۇ،سوغۇك قان تەمكىن كېلىدۇ. ئانىلاريەنە كەڭ قوساق بولۇشى لازىم.بەزى ئاياللارنىڭ قوسىقىغا بالا پاتقان بىلەن بىر تۈگمە پاتمايدۇ.بۇنداق ئاياللار كىشىلەرنىڭ بەخىتسىزلىك ئىچىدىن بەخت ئىزدەيدۇ.بۇنداق ناكاسچىلىقتىن ئانىلىرىمىز خالى بولىشى لازىم.سىز باشقىلارنى ھۆرمەت قىلسىڭىز ئۆزىڭىز شۇنچىلىك ھۆرمەت تاپىسىز،سىز باشقىلارنىڭ قايغۇسىدىن خۇشاللىق ئىزدىۋاتقان چېغىڭىزدا سىزگىمۇ شۇ قايغۇنىڭ كېلىدىغانلىغىدىن بىخەۋەر قالماڭ.شۇنىڭ ئۈچۈن ئانىلىرىمىز كەڭ قوساق بۇلۇشى،كۈندە زەھەر ئىچىپ تۇردىغان كۈرەلمەسلەدىن بۇلۇپ قالماسىلىغى لازىم.كەڭ قوساق ئانىلار تەربىلەگەن پەرزەنتىلەر چۇقۇمكى باشقىلارنىڭ سەۋەنلىكىنى كۈچۈرۋاتالايدىغان پەزىلەت ئىگىسىدىن بۇلۇپ يىتىشىپ چىقىدۇ. ئانىلىرىمىزدا  ئاياللىق سالاپەت بۇلۇشى كېرەك.ئاياللىق سالاپەت ئاياللارنىڭ خاسلىغىنىڭ قېنى ھىساپلىنىدۇ.بۇنداق ئاياللىق سالاپەتكە ئىگە ئاياللىرىمىز تەربىلىگەن بالىلار ئۈزىدىكى ئىندىدال خارەكرىرنى ياخشى نامايەن قىلالايدۇ.بۇ دىگەنلىك بۇنداق پەزىلەتلىك ئانىلار تەربىلىگەن قىزلاردا نازاكەت،ئوغۇللاردا قاسارەت يىتىشىپ چىقىدۇ. ئانىلىرىمىز يەنە پەرزەنتىلىرىگە دىيىش زۈرۈر بولمىغان گەپلەرنى قىلماسلىغى،بۇنداق ئىشتا پۇرسەتنى تېپ باشقا ھەركەتلەر بىلەن پەرزەنتىنىڭ سەمىگە سېلىپ قۇيۇپ،پەرزەنتىنىڭ شۇ ئىش ئۈستىدە ئويلىنىشىغا پۇرسەت يارتىپ بىرىشى كېرەك. ئانىلار يەنە پەرزەنتىلەرگە ئاتا نىسەھەتى بولىۋاتقاندا بالا تەرەپتە تۇرۇپ،ئاتاغا قىرىشى چىقىشتىن قەتتى ھەزەر ئەيلىشى لازىم .ئۇنداق بولمىغاندا بالا ئانىنىڭ ھىمايچىلىغىدىن ئىباتەر بۇ قالقانغا تايىنى ،گەپ ئاڭلىمايدىغان قېلىن كىشىلەردىن بۇلۇپ قالىدۇ.بۇنداق قېلىن كىشىلەرنى باشقىلار كۆزگە ئىلمايدۇ. ئانىلىرىمىز يۇقارقىدەك پەزىلەتلەر بىلەن بالا تەربىلىگەندە چۇقۇم ياراملىق پەرزەنت تەربىلەپ قاتارغا قۇشالايدۇ.ئۇنىڭ ئەكسىچە ئانىلىرىمىز نۇمۇسنى قايرىپ قۇيۇپ،ھەممە ئىشتا مىنىڭ بىلگىنىم ھىساپ دەپ قارىسى بۇنداق ئانىلار تەربىلەپ يىتىشتۇرگەن بالىلارنىڭ كەلگۈسى خىرە،ئۈزى گۇمراھ بۇلۇپ،كەلگۈسىدە جەمىيەتكە يۈك بۇلۇپ،كىشىنىڭ قۇلىغا قاراپ ياشايدىغان كەرەكسىزلاردىن بۇلۇپ چىقىدۇ. بىلىم ئېلىش مەسىلىسىدە ئانىلىرىمىز كەڭ دائىرىدىكى ئەخلاقى بىلىملەرگە،ئەنئەنىۋى بىلىملەرگە ئىگە بۇلۇشتىن سىرت مۇكەممەل پەننى بىلىمگە ئىگە بۇلۇشى كېرەك بۇ ئانىلىرىمىزدىكى بىر پەزىلەت بۇلۇپ نامايەندە بۇلىشى لازىم.چۈنكى ھەر بىر ئانا مىللەتنىڭ ئانىسىدۇر. مەنبە   :    ساقلاپ قويغانلىرىم   .

OkYa.Biz

	ئېسىل تېمىكەن  ،  ئەجىرىڭىزگە   كۆپ رەخمەت

yan

	ھەقىقى ھۆرمەتكە سازاۋەر سۇيۇملۇك ئايال: ئاللاھنى تونىغان ھەم ئاللاھ ئۇ ئايالنى تونىغان، ئاللاھنى رازى قىلغان، ئەرلىرىنى رازى قىلالىغان، ئىرىگە ئىتائەت قىلغان، ئىرىنىڭ ئامانىتى چىڭ ساقلىغان، ئەرلىرىنىگە بىر ئۆمۈر ئاسىلىق قىلماي جاپادىمۇ-مۇشەققەتتىمۇ، راھەت-پاراغەتتىمۇ بىرگە بولغان، ئايالدۇر. پەرزەنتلىرىنى ئاللاھنى تونىدىغان،ئاللاھقا ئىتائەت قىلىدىغان، قىزلىرىنى شەرمى ھايالىق،ئىمانلىق، ئوغوللىرىنى ۋىجدانلىق، غورورلۇق، ھەقنى چۇشىنىدىغان سالىھ تەقۋا پەرزەنىتلەرنى تەربىيەلەپ جەمىيەتكە بىر كىشىلىك تۆھپە قوشالىغان ئاياللار ھەقىقى سويۇملۇك ئاياللاردۇر.

ئېلىم

	ھەرقانداق  مۇۋاپىقىيەت  قازانغۇچىنىڭ  كەينىدە، بىر ئەقىللىق ئايال بار. ئېتىراپ قىلماي بولمايدىكى  ئايالىمىز  ئىشلىرىمىزدىكى ئەڭ ياخشى مەسلەتچىمىزدۇر، بىلسەك ئادەم  قەدىرلىگەندىلا ئاندىن  قەدىرلىنىدۇ.  بىر جەمىيەت  تەرەققىياتى  ئۈچۈن  كۆپلىگەن ساپالق  ئاتا -ئانىلارغا  مۇختاج بولىدۇ!!!!

asdu

	لېكىن شۇنداق ھەقىقى سۆيوملۇك ئاياللارنىڭ قەدرىنى بىلمەيدىغان ئەقىلسىز ئەرلەرمۇ .ئاز ئەمەس