تۇرغۇن كەنجى ( پارچىلار )

turgunkanji

	پارچىلار تۇرغۇن كەنجى (1) ئابدالنىڭ ناغرىسى ، دېپى بولىدۇ ، مەنمەنچى ئادەمنىڭ گېپى بولىدۇ . دىۋانە چىقسىمۇ پەگادىن تۆرگە ، بەرىبىر يېنىدا قېپى بولىدۇ . (2) بىر پاسىق ئۆزىنى ئاتۋېلىپ تەقۋا ، ئەيلىدى رىيادىن پەيلىگە جاپا . بىر دانا نەزەردىن ساقىت تۇرۇپمۇ ، ئۈن - تىنسىز ئاۋامغا قىلار جان پىدا . (3) تۈلكىنىڭ بالىسى بولىدۇ تۈلكە ، توشقاننىڭ بالىسى ئەمەستۇر تۆگە. مىكىرگە لىق تولغان تۇرۇغلۇق ئىچىڭ، باغلاردا تۇرساڭمۇ تەڭ ئەمەس گۈلگە. (4) ئىزدىسەڭ مېنى مىسكىن يېنىدا بار ، تاراملاپ ئاققان ئاچچىق يېشىدا بار . چوڭچىلىق ،مەنمەنچىلىك پەيلىمگە يات. غورۇرۇم ،ئىپتىخارىم قېنىمدا بار . (5) ئىنساننىڭ قىلمىشى ئىنسانغا تىلسىم ، ھەقىقەت ئىلمىنى ئاخىرى بىلدىم . كىمىكى ئالداشنىڭ ئەھلى بولاركەن . ئۆزىگە دۈشمەنكەن ئۆزىلا دېدىم . (6) بىر نادان سۆھبىتى باشلانغان ئىدى ، بىر دانا ھېكمەتلىك سۆزلىگىن دېدى. مىھېردىن ،ئىنساپتىن ئەيلىسەم بايان ، گىدەيدى ، ھۆرپەيدى ، پىچاق تەڭلىدى. (7) بۈلۈمسىز ئايالغا بولۇپتىمەن قۇل ، گادايمەن شۇ سەۋەپ روھىم بولدى تۇل. زۇلمەتلىك كېچىلەر شام بولدۇم ئاڭا، ئۇ ھەسرەت ئاتىدى قەلبىمگە ئۇدۇل . (8) ئۇنىڭكى ئېشىغا تەلمۈرگەن ئىدىم ، تەنىددىن ، ھەسەتتىن مۇش - پەشۋا يىدىم. ئىنسانلار گول بولسا تاماخورلۇققا ، ئاشۇنداق قىسمەتكە قالاركەن دېدىم . (9) دەز كەتكەن كۆڭۈلنى سۇنۇقتىن سورا ، ئاچچىقنى ئەلەمنى يۇتقاندىن سورا. زۇلمەتنىڭ ئورمىنى يىقىتقان قۇشسەن ، دەس تۇرۇپ ئۇچماقنى ئۇپۇقتىن سورا . (10) مەككارنىڭ ھېيلىسى پىنھان كېلىدۇ ، قۇۋلۇقنى ئۇ ھامان جانان بىلىدۇ . ساپ نىيەت ئىسانلار يەمچۈك ئۇنىڭغا ، تومۇرى ، قەلبىدە شەيتان ئاقىدۇ . (11) مۇلايىم بولغان ئىدىم بوزەك بولدۇم ، زەر تۇرۇپ گاھى چاغدا تېزەك بولدۇم. جاھاننىڭ راپتارىغا باققان ئىدىم . ئابرويۇم ئۆسۈپ پات -پات شىردەك بولدۇم. يېڭىسار      2013.7.26

intikam2

	ئەسسالامۇ ئەلەيكۇم قېرىندىشىم،  بەكمۇ ياخشى يېزىپسىز، تەپەككۇر تۇلپارىڭىز مەڭگۈ ھارمىسۇن!

elzat1119

	كەنجىسى بولغان بىلەن رۇبائىيدا ئالدىسىكەنسىزنغۇ     مەزمۇنى بەك ياخشىكەن،ئۈزۈلۈپ قالمىسۇن

idrak0998

	ئەسسالامۇ ئەلەيكۇم قېرىندىشىم،  ياخشى يىزپسەن ...ئاللاغا ئامانەت

lawa0998

	بىرسى سېنى تۇرغۇن دەۋېلىپ، يوللىرىڭغا قۇرۇپ قويسا دار. قىسمىتىڭدىن كۈچ-قۇۋەت ئېلىپ، ئۇچۇپ كەتكىن بولۇپ بىر شۇڭقار. (ئابدۇرىشىت سۇلايمان جاللات)نىڭ ئىزاھاتى

سەۋېر

	دەز كەتكەن كۆڭۈلنى سۇنۇقتىن سورا ، ئاچچىقنى ئەلەمنى يۇتقاندىن سورا. زۇلمەتنىڭ ئورمىنى يىقىتقان قۇشسەن ، دەس تۇرۇپ ئۇچماقنى ئۇپۇقتىن سورا .

wapasiz0998

	بىر نادان سۆھبىتى باشلانغان ئىدى ، بىر دانا ھېكمەتلىك سۆزلىگىن دېدى. مىھېردىن ،ئىنساپتىن ئەيلىسەم بايان ، گىدەيدى ، ھۆرپەيدى ، پىچاق تەڭلىدى. ئەسسالامۇ ئەلەيكۇم يۇرتدىشىم ئىجادى تۇلپارىڭ تىخىمۇ چاپچىغاي

najmidin786

	ۋىجداننى ۋاپانىڭ ئەھلىدىن سورا،                                                                                             غۇرۇرنى شىجائەت بابىدىن سورا،                                                                                      خۇشپۇراق چاچمايدۇ ھەرگىزمۇيانتاق،                                                                                         ياغ ئالسا ئىچگە پارقىرار كوزا.

najmidin786

	يۇرتۇمنىڭ بىرئوتلۇق مېھرىمۇ باردۇر.                                                                                تەبەسسۇم كەتمىگەن  چېھرىمۇ باردۇر.                                                                                 گۇل  بېرەر قوينىدىن كىم قىسا ئەجرى،                                                                                      گەر شۇملۇق قىلغانغا زەھىرى باردۇر.