قەلىب تۆرىمدىكى ھايات ئۇستاز ___ زوردۇن سابىر

ئۇتغۇر

	مەن قەلىب تۆرىمدىكى ھايات ئۇستاز ___ زوردۇن سابىرنىڭ ئەسەرلىرىنى پۈتۈن ئىشتىياقىم بىلەن بېرىلىپ ئۇقۇيمەن، ‹‹ئىزدىنىش››، ‹‹ئابرال شاماللىرى››، ‹‹ئانا يۇرت›› ناملىق ئۆلمەس، ئۇيغۇر ھازىرقى زامان پروزىچىلىقىنىڭ بۈيۈك چوقىلىرىدىن ئۇرۇن ئالغان بۇ كىتابلارنى قانچە رەت ئۇقۇساممۇ يەنە ئۇقۇغۇم كېلىپلا تۇرىدۇ. مەن ھەر قېتىم ئۇنىڭ سىياھ بىلەن ئەمەس، تەر-مېھنىتى بىلەن يېزىلغان ‹‹قەرزدار›› ناملىق ھېكايىلەر توپلىمىنى، ‹‹گۈلەمخان›› ماۋزۇسىدىكى پوۋېسىتلار توپلىمىنى يېزىق ئۈستىلىمدە كۆرگىنىمدە، قەلىب تۆرىمدىكى ھايات ئۇستاز ___ زوردۇن سابىرنىڭ تالماس قوللىرىغا ئاپرېن ئوقۇيمەن. ئۇنىڭغا مەنلا ئەمەس، بەلكى ھەممىمىز ئاپرېن ئوقۇشقا تېگىشلىك.      مەن يېزىق ئۈستىلىمدە ئۇنىڭ كىشىگە ئېستىتىك زوق بېرەلەيدىغان، كىشىنى چوڭقۇر مۇلاھىزىگە سالالايدىغان ھەر بىر ئەسەرلىرىنى تەتقىق ئوبىيكتى قىلىمەن ۋە ئۆزۈم يازماقچى بولغان ئەسەرلىرىمگە ئۈلگە قىلىمەن.      مەن قەلىب تۆرىمدىكى ھايات ئۇستاز ___ زوردۇن سابىرنىڭ ئاتىسىغا بولغان ھۆرمىتىنىڭ ناھايىتى چوڭقۇرلىقىغا ھەقىقەتەن قايىلمەن، توغرا، ھەر قانداق ئادەم ئاتىسىنى ھۆرمەتلەيدۇ، لېكىن قەلىب تۆرىمدىكى ھايات ئۇستاز ___ زوردۇن سابىر ، ئۇيغۇر ھازىرقى زامان ئەدەبىياتچىلىقىدىكى بوشلۇق __ ‹‹ئاتا›› توغرىسىدىكى پروزىچىلىقنى تولدۇردى ۋە گۈللەندۈردى. بىز ئۇنىڭ ‹‹ئاتا›› ناملىق رومانىدىن ، يەنە ئۇنىڭ ‹‹ئىزدىنىش›› ناملىق رومانىدىكى ‹‹ئەلا›› نىڭ بالىلىق سەرگۈزەشتىسىدىن بۇنى كۆرىۋالالايمىز.       قەلىب تۆرىمدىكى ھايات ئۇستاز ___ زوردۇن سابىر مەڭگۈ ھايات!      دوستلار،‹‹ قەلىب تۆرىمدىكى ھايات ئۇستاز ___ زوردۇن سابىر›› تېمىسىدا ھەممىمىز ئۆز پىكىرلىرىمىزنى ئوتتىرىغا قويساق ، دېگەن ئۈمىدىم بار .           تولۇقلىما مەزمۇن (2013-7-24 15:16): ‹‹كەچ كۈز›› ناملىق پوۋېسىتنى يوللاپ قويدۇم، پايدىلانغايسىلەر! Kechkuz(Zordun_Sabir).pdf

esyankar75

	يازغۇچى ‹‹ئانا يۇرت ›› ئارقىلىق رومانىدا بىر روماندا بولۇشقا تىگىشلىك بەدىئىيلىك ، ئىدىيىۋىلىك ، چىنلىق ، قورقماسلىق ... توغرىسقدا  كىشىلەر چىقىش تەس چوققا يارىتىپ قويدى ،ھەم نۇرغۇن ئەدىبلەرگە دەرس ئۆتۈپ قويدى ھەم ئاپتۇرنى تەنقىدلىگەن بەزىلەرنىڭ زۇۋانىنى تۇتۇلدۇردى . بىز بىرەر شەخىسكە باھا بەرگەندە بەزى يەرلىرىنى سەل ئاشۇرىۋىتىپ قالىمىز  مىنىڭچە زوردۇن سابىرنىڭ ‹‹ئاتا›› ناملىق رومانى بىزدىكى ‹‹ئاتا ›› توغۇرلۇق پىروزىچىلىقنى تولدۇرالمىدى تىخى .

elzat1119

	ھەقىقەتەن ئەدەبىيات ساھەسىدىكى بۈيۈك چوققا،ئۇيغۇر پىروزىچىلىقىنىڭ يۈكسەك پەللىسىنى ياراتقان،ئەدەبىيات ئاسمىنىدا چاقنىغان نۇرلۇق يۇلتۇز مەرھۇم زوردۇن سابىر ئاكىمىزنىڭ قەلىمىنىڭ ئۆتكۈرلىكى،تۇرمۇشقا چوڭقۇر چۆكۈشى،خەلقچىل بولۇشى،تۇرمۇشنى ئۆز قەلىمى ئارقىلىق ئەينەن ئەكس ئەتتۈرۈپ بېرىشى،كەسپىي ئەخلاق ۋە يازغۇچىلاردا بولۇشقا تېگىشلىك ساپانى ھازىرلىغان ئېستىداتلىق،چوڭقۇر پېكىرلىكى بىلەن خەلقىمىز قەلبىدە مەڭگۈ ئورۇن ئالغۇسى.    غۇلجا شەھەرلىك 2-ئوتتۇرا مەكتەپ مۇئەللىپنىڭ ئانا مەكتىپى بولۇپ،مەزكۇر مەكتەپتە زوردۇن سابىر ئاكىنىڭ خاتىرە ئۆيى تەسىس قىلىنغان.ئاپتۇر ھەققىدە تېخىمۇ چوڭقۇر بىلىشنى خالايدىغانلار قەدەم تەشرىپ قىلغايسىلەر.

ئۇتغۇر

	esyankar75 يوللىغان ۋاقتى  2013-7-27 04:08 PM يازغۇچى ‹‹ئانا يۇرت ›› ئارقىلىق رومانىدا بىر روماندا  ... كەچۈرۈڭ، سىز  قەلىب تۆرىمدىكى ھايات ئۇستاز ___ زوردۇن سابىرنى ‹‹ئاتا›› توغرىسىدىكى پىروزىچىلىقىنى تولدۇرالمىدى، گۈللەندۈرەلمىدى دېمەكچىمۇ؟   سىز تېخى‹‹ بىز بىرەر شەخىسكە باھا بەرگەندە بەزى يەرلىرىنى سەل ئاشۇرىۋىتىپ قالىمىز›› دەپسىز! مەن ھېچقاچان ئاشۇرۋەتكىنىم يوق، پەقەت، ئەدەبىيات چۈشەنچىسى يوق، ئېستىتىكا قارىشى تۆۋەن كىشىلەر ئۈچۈنلا ، بۇنداق ياخشى باھالار ئارتۇقچىدەك  بىلىنىدۇ!

hayringul

	زوردۇن سابىر خەلقىمىزنىڭ قەلبىدىن چوڭقۇر ئورۇن ئالغان يازغۇچى.    مەن ئۇنىڭ ئانا يۇرت دىگەن 3 قىسىملىق رومانىنى ئوقۇغان .