كېچىكىپ قوبۇل قىلىنغان خەت

koktigin

	بىر قىزنىڭ يىگىتىگە ئېيىتقانلىرى... مەن ئېچىندىم،خار بولغان مۇھەببىتىم ئۈچۈن ئېچىندىم. مەن ئېچىنىۋاتىمەن،يەردە قويغان ۋەدىللىرىڭ ئۈچۈن ئېچىنىۋاتىمەن. گۈللەر توزىدى،خازاڭلار ئاچچىق،ئىزغىرىن شامالدا ئۇچماقتا،ئەتراپ نىمە دىگەن غېرىپ ھە! سەن كەتتىڭ،ئايرىلىش ئالدىدا ئارقاڭغا قارىماستىن،ماڭا بىر ئېغىز "خوش" مۇ دىمەستىن جىمجىتلا كەتتىڭ. ئەمما مەن سەندىن قىلچىمۇ رەنجىمىدىم،چۈنكى سەن ئارقاڭغا قارىغان بولساڭ كىتەلمەي قالاتتىڭ، بىلىمەن سەن ھەرگىز چىدىمايسەن. مەن ئارقاڭدىن ساڭا تەلمۈرۈپ قاراپلا قالدىم،سىنى چاقىرغان يىغا ئارلاش ئاۋازىم جىمجىت تەبىئەت قوينىغا ئاستا-ئاستا سىڭىپ كەتتى... مەن بۇنىڭ ئويغانسىلا ھىچقانداق ئاسارىتى قالمايدىغان قابائەتلىك بىر چۈش بۇلىشىنى نەقەدەر ئۈمۈت قىلاتتىم__ھە! لىكىن بۇ بىر رىئاللىق،كىشى قەلبىنى چەكسىز لەرزىگە سېلىپ قىينايدىغان رىئاللىق ئىدى... كېچە،ئەللەر تاتلىق ئۇيقۇدا،پەقەت مەنلا بىر بۇلۇڭدا، قەلبىمنى تۈگىمەس ئازاپقا سېلىۋاتقان شۇ تاتلىق گۈزەل ئەسلىمىلەر قوينىدا خامۇش ئولتۇرماقتىمەن. ئۈستەلدىكى لوڭقىدىكى ئەتتىرگۈللەر بىزنىڭ پاك مۇھەببىتىمىزنىڭ شاھىدى ئىدى،ئۇ گۈللەر تېخى سولاشقىنى يوق.چۈنكى مەن ھەركۈنى ئۇنى كۈز يېشىم بىلەن سۇغۇرۇپ تۇردۇم. بۇ شەھەردە ئىككىمىزنى باغلاپ تۇرغان نۇرغۇن تاتلىق گۈزەل ئەسلىمىلەر بار ئىدى.سىنىڭ بۇلارنى مۇشۇنداقلا تاشلاپ كىتىىشكە كۆڭلۈڭ قانداق ئۇنىغاندۇ ھە؟ چىن ئاشىقلارنىڭ يۈرىگى تۇتاش بولىدۇ.ئۇلار شۇ يول ئارقىلىق بىر-بىرىگە بولغان سۆيگۈ تىۋىشىنىڭ ئەڭ زىل تارىللىرىنى ئاڭلىيالايدۇ،بىر بىرىگە بولغان پاك مۇھەببەتنى ھېس قىلالايدۇ.بىلىپ تۇرىۋاتىمەن،سەن ئۆزەڭنىڭ مىنى قانچىلىك ياخشى كۆرىدىغانلىقىڭنى بەش قولدەك بىلىپ تۇرۇپ ئۆزەڭنى ئۆزۈڭ قىيناۋاتىسەن.ئىچىڭدە قان يىغلاپ تۈگىشىپ كىتىپ بارساڭمۇ، قەتئىي تېشىڭغا چىقارمايۋاتىسەن.توۋا،ئوغۇللار بەزىدە قىزلاردىنمۇ ئاجىز بولىدىكەن،بۇلۇپمۇ ھېسىيات جەھەتتە. يېشىمنى سۈرتىۋەتتىم،مەن ئاخىرى سىنى ئۇنتۇش قارارىغا كەلگەن ئىدىم. ئەمدى مىنىڭ بۇنداق ياشاۋەرگىم يوق،بەخىت قۇشۇمنى قايتا ئىزلىمەكچىمەن. ئاخىردا ساڭا شۇنىمۇ دەپ قوياي،ئەگەر بىر كۈنلەردە بۇ شەھەرگە قايتىپ كەلسەڭ،مىنى ھەرگىز ئىزدىمىگىن. مەندىن ئاغرىنمىغىن،يۈرۈگىمگە قايتا ئوت ياقىمەن دەپ ئاۋارىمۇ بولمىغىن.كۈيۈپ كۈل بولغان نەرسىگە قانداقمۇ ئوت تۇتاشسۇن؟ خەيىر... ئارلىقتىن ئېككى يېل ئۆتتى ،تەقدىرنىڭ رەھمىسىز بورانلىرى يېگىتنىڭ قىز ئۈچۈن يازغان خېتىنى ئېككى يىلدىن كىيىن مۇنبەرگە ئېلىپ كەلدى يېگىتنىڭ قىزغا قايتۇرغان خېتى      ئېچىنما گۈلۈم ئېچىنما،مېنىڭدىن ھەرگىز ئېچىنما تەقدىر مانا مۇشۇنداق رەھىمسىز، مانا مۇشۇنداق كۆرەلمەس،مانا مۇشۇنداق ھەسەتخور كېلىدىكەن،بېلىپ تۇرۋاتىپتىمەن مەندىن كۆڭلۈڭ قاتتىق رەنجىدى ،كۆزلىرىڭگەلېق ياش كەلدى،لېكىن مېنىڭ شۇنداق قىلغۇم بارما؟           بېلەمسەن مەن سېنى نېمە ئۈچۈن شۇنداق تاشلاپ كېتىمەن،نېمە ئۈچۈن شۇ گۈللەرنىڭ توزىشىغا شۇ غازاڭلارنىڭ قورىلىشىغا سەۋەپچى بولىمەن؟نېمە ئۈچۈن يەنە ئېكىمىزنىڭ بۇرۇنقى گۈزەل ئەسلىمىلەرنى شۇ ئىز غىرىن شاماللار بىلەن ئېلىپ كېتىمەن؟مېنىڭ شۇ شېرىن مۇھەببەت ئۈنچىلىرىدىن ئايرۇلغۇم بارما ؟         ياق ئەزىزەم ياق مېنىڭ قەتتى ئۇنداق قىلغىم يوق.         شۇ كۈنە ئەنە شۇ كۈنى ئېككىمىز ئايرىلغان ئايدىڭ كېچىدە مەن نېمە ئۈچۈن ساڭا خوش دېمەي كەتتىم،نېمە ئۈچۈن ساڭا ئەڭ ئاخىرقى قېتىم بىر قارىۋالمىدىم؟چۈنكى سېنىڭدىن ئايرىلىپ كەينىمگە ماڭغان تۇنجى قەدىمىمدىن باشلاپ يېغلاشقا باشلىدىم،يۈركۈم يىغلاۋاتاتتى،قاتتىق يىغلاۋاتاتتى،توساتتىن چۈشكەن يامغۇرلار كۆز يېشىم بىلەن ئارلىشىپ بىز دايىم كۆرىشىدىغان ،بىزنىڭ ئەڭ گۈزەل ئەسلىمىلىرىمىز قالغان شۇ يەرنى باراقلام قاپلىدى،ئاسمان يىغلاۋاتاتى،بېزنىڭ مۇھەببىتىمىزنى يورتىپ بەرگەن ئاي قەيەرلەردىدۇ ؟قەيەرلەرگە يوشۇرنىۋالغاندۇ مەنمۇ ئېزدەۋاتاتىم....         چۈش،يەنە شۇ خېيالنىڭ ئەڭ گۈزەل سۈرەتلىرىنى ئەكىس ئەتتۈردىغان چۈشلەر مېنى بۇرۇن شۇنداق گۈزەل،سېھىرلىك دۇنيالارغا باشلايتتى،لېكىن شۇ چۈشلەردىكى ئولتۇرغان ئورۇندۇقلار، بىللە ئۇچۇرغان لەگلەكلەر،شۇ مۇھەببەتلەر مەي باغلاپ پىشقان باغلار ھەممىسى يوق بولدى،لەگلەكلەر ئاسماندا كۆرۈنمەيتى،ئورۇندۇقلار دات بېسىلغان شۇ باغلار چۆللەرگە ئايلانغان ئىدى....          ئەزىزەم سەن شۇ لوڭقۇدىكى گۈلنى تېخى ساقلىدىڭما ؟تېخىچە بارمۇ ؟  بۇ بىزنىڭ يۈرۋاتقىنىمىزنىڭ ئېككى يىللىقىغا ساڭا سوغات قىلغان گۈلۈم ئېدى،سەن ئۈچۈن شۇ گۈلنى بەرگۈچە ھەجەپ قزىقئارلىق ئىشلار بولغان ھە؟تاس قالغان ئىدى ھە شۇ گۇلنى ئېككىمىز مېنىپ يۈرگەن ئات يەۋالغىلى،شۇ چاغدا ھەجەپ ئوماق كۈلگەن ئېدىڭ،ھەجەپ ئوماق....           ئۇنۇت گۈزەلىم مېنى ئۇنۇت،شۇ ئايدىڭ كېچىلەرنى،شۇ تاتلىق شېرىن چۈشلەرنى،شۇ گۈللەرنى،شۇ بىزلەر ئۈچۈن نېسىپ بولمىغان مۇھەببەتنى ئۇنۇت....          بۇ بۇ بۇ بۇ    ئازاپ مەن بىلەنلام كەتسۇن،مەنلام قىينىلاي،سېنىڭ ھايات يولۇڭ ئۇزۇن،سېنىڭ تېخى نۇرغۇنلىغان ئۈمۈد ئارزۇلىرىڭ بار،سېنى تېخىمۇ گۈزەل بولغان بۇ ئالەمنىڭ شېرىن ھېس تۇيغۇلىرى ساقلاپ تۇرۇپتۇ،قېنى شۇلاردىن زوقلان،شۇلارغا خۇددى ماڭا قارغان شۇ كۈلگەن ھالىتىڭ بىلەن قارا،سەن شۇ ھېسىياتلارنىڭ ئۇ ھېسىيات ساڭا  تەئەللۇق،لېكىن.....بۇ ھېسىيات مەندىن يىراق،مەن مەڭگۈ ھېس قىلالمايدىغان يەردە بولىشى مۇمكىن...        مېنى كەچۈر گۈلۈم،ساڭا شۇ ھېس تۇيغۇلارنى بېرەلمىدىم،ئارزۇ ئارمانلىرىڭنىڭ ھەمراسى بولالمىدىم،شۇ ئوماق كۈلكىلىرىڭنىڭ ئېرىشكۈچىسى بولالمىدم....        مېنىڭ بۇ خەتنى ساڭا يازدىغىنىمغا يەنە قانچىلىك تېنىقىمنىڭ قالغانلىقىنى بىلمەيمەن،شۇنچىلك ئېغىر تىنىقلار ئارسىدا قەلمىم بەك تەستە تىتىرەۋاتاتتى،يۈرۈكۈمدىن ئېقىۋاتقان قانلار كۆزۈمدىن ئاقماقچى بولۋاتاتتى ياق ياق كۆزۈمدىن قان ئاقماسلىقى سەن ئۈچۈن يازغان ئەڭ ئاخىرقى بىر پارچە يازغان خېتىم شۇ قانلاربېلەن توشماسلىقى كېرەك،پەقەت پەقەت پەقەت مېنىڭلام يۈرۈكۈمدىن ئاقسۇن،سەن كۈلۈپ ياشا...          تاتلىغىم خەيىر ،يەنە ئۈچلام تېنىقىم قاپتۇ، شۇ ئۈچ تىنىقىمدا سەن ئۈچۈن ئەڭ ئاخىرقى سۆزلىرىمنى قىلىۋالاي...          گۈلۈم بۇدۇنيارىم سەن بولغانلىقىم ئۈچۈن مەن ئۈچۈن ئەڭ گۈزەل.          ئومىقىم سەن مېنىڭ مەن سېنى سۆيىمەن.          ئەزىزەم خەيىر شۇ كۈلكەڭ بىلەن بىر ئۆمۈر بەخىتلىك بول،مەن يېنىڭدا مەن پەقەت سېنىڭ يېنىڭدا سېنى قوغداپ تۇرىمەن....          ...... (ئەسكەرتىش:يۇقارقى خەت مەن مۇنبەردىكى شاتئاي بىلەن ماسلىشىپ يازدىم،يۇقىردىكى يېگىتكە يېزىلغان خەت 2011يىلى مۇنبەردە ئېلان قىلىنغان) مەنبە: كۆكتىگىن، شاتئاي

fathullah

	ﻗﻪﺩﯨﻤﯩﯖﻼﺭ ﻗﯘﺗﻠﯘﻕ ﺑﻮﻟﺴﯘﻥ.ﺩﺍﯞﺍملاشتۇرﺍﻻﻣﺴﯩﻠﻪﺭ؟

katran

	ئۇزۇن بوپتىكەن مۇنداق لىرىكىلىك قۇرلارنى كۆرمىگىلى، ھەجەپ ئەمەلىيەتتىكىدەك ماسلىشىپسىلەرغۇ............

elzat1119

	ۋاھ،مۇنبەردىمۇ بۇنداق ئاشىق-مەشۇقلار بار ئىكەن-ھە ئىملاسىغا دىققەت قىلىڭ

koktigin

	elzat1119 يوللىغان ۋاقتى  2013-7-26 06:37 PM ۋاھ،مۇنبەردىمۇ بۇنداق ئاشىق-مەشۇقلار بار ئىكەن-ھە ... ئۆلۈپ تىنىقى قالماي قالغان ئادەمدە ئېملا نېمە قىپتۇ دەپ قويسام ھىھىھى

kawa

	شۇنچىلىك ياخشى يىزلىپتۇ.قەلىمىڭلار ھىرىپ قالمىسۇن.

elzat1119

	elzat1119 يوللىغان ۋاقتى  2013-7-26 06:37 PM ۋاھ،مۇنبەردىمۇ بۇنداق ئاشىق-مەشۇقلار بار ئىكەن-ھە ... ئۆلمىگەنلەرگە تىنىق لازىم

magrurjan

	نىمە دەپ تەسۋىرلىشىمنى بىلمەيمەن ھەقىقەتەن بەك ئىسىل چىقىپتۇماسلىشىپ يازغان دەپسىلەر بەك ياخشى ماسلىشىپسىلەر  بۇ چۈقۇم رىيانلىق بولمىسا بۇنداق چىن چىقمايتى

Rujak

	سەن كەتتىڭ،ئايرىلىش ئالدىدا ئارقاڭغا قارىماستىن،ماڭا بىر ئېغىز "خوش" مۇ دىمەستىن جىمجىتلا كەتتىڭ. ئەمما مەن سەندىن قىلچىمۇ رەنجىمىدىم،چۈنكى سەن ئارقاڭغا قارىغان بولساڭ كىتەلمەي قالاتتىڭ، بىلىمەن سەن ھەرگىز چىدىمايسەن. ئۇ قىزمۇ دەل ماڭا  شۇنداق دىگەنتى،مەن كەتتىم ،خەيرى بەخىتلىك بول ئامرىقىم ، سنى   مەڭگۇ قەلبىمنىڭ چۇڭقۇر  قاتلاملىرىدىن سۈيىمەن، بەك تەسىرلىككەن ،بارىكاللا  ،

ap~qilam

	ۋاي،سەتئاي دېگەن جىنتەكنى نەگە كەتتى ئەمدى، تېزراق كۆلتىگىننىڭ دەردىگە يېتىڭ دەيمەن