ئەيىپ ۋە ئەيىپ ئەمەس
(سۆز ئويۇنى)
بىلمەيمەن دىيىش ئەيىپ ئەمەس،پوچىلىق ئەيىپ،
كەمتەر بولۇش ئەيىپ ئەمەس،نوچىلىق ئەيىپ.
ھۆرمەت قىلىش ئەيىپ ئەمەس،قۇلچىلىق ئەيىپ،
مەزمۇت يۈرۈش ئەيىپ ئەمەس،چوڭچىلىق ئەيىپ.
كېسەك قۇيۇش ئەيىپ ئەمەس، بىكار يۈرۈش ئەيىپ،
پىكىر قىلىش ئەيىپ ئەمەس،باتناپ يۈرۈش ئەيىپ.
سۆزلىگەنلىك ئەيىپ ئەمەس،يالغانچىلىق ئەيىپ،
چىرايلىق سۆز ئەيىپ ئەمەس،رەڭۋازلىق ئەيىپ.
يۇرتنى سۆيۈش ئەيىپ ئەمەس،يۇرتۋازلىق ئەيىپ،
رەتلىك يۈرۈش ئەيىپ ئەمەس،مەينەت يۈرۈش ئەيىپ.
تەنقىت قىلىش ئەيىپ ئەمەس،غەيۋەت قىلىش ئەيىپ.
تارتىنماي يىيىش ئەيىپ ئەمەس،ئاچكۆزلۈك ئەيىپ،
تازىم قىلىش ئەيىپ ئەمەس،دۈمچەكلىك ئەيىپ،
داۋلى سۆزلەش ئەيىپ ئەمەس،لۈكچەكلىك ئەيىپ.
سودىگەرچىلىك ئەيىپ ئەمەس،ئالدامچىلىق ئەيىپ،
توغرىنى قوللىغان ئەيىپ ئەمەس،گۇپپاڭچىلىق ئەيىپ.
ئىگىلىش ئەيىپ ئەمەس،خوشامەتچىلىك ئەيىپ،
توي-تۆكۈن قىلىش ئەيىپ ئەمەس،ھەشەمەتچىلىك ئەيىپ.
*******
ئاپتۇرى؛ ئابدۇۋەلى راخمان
مەنبە؛ تۇرمۇش.