ئانا تىلنى قوغداش مەندىن باشلانسۇن

miskin1314

	ئانا تىلنى قوغداش مەندىن باشلانسۇن يېقىنقى مەزگىللەردىن بۇيان تارالغۇلاردا ، تور بەتلەردە ئانا تىل-يىزىقىمىزنىڭ ساپلىقىنى قوغداشنى مەزمۇن قىلغان ماقالە -ئوبزور ، مۇنازىرىلەر ئاڭلىغۇچى ، كۆرۈرمەن ۋە تورداشلارنىڭ قىزغىن قوللاپ -قۇۋەتلەش ئالقىشلىرىغا ئېرىشىپ كەلمەكتە. دىمەك ھەممىمىز ئانا تىلىمىزنىڭ ساپ سۆزلىنىشىنى ، يېزىقىمىزنىڭ ئۇيغۇر تىلى گىرامماتىكا قائىدىسى بويىچە توغرا ، كۆركەم يېزىلىشىنى ئېلان ، ۋىۋىسكا ، تۇرلۇك ھۆججەت ، يېزىق ماتىرياللاردا تەرجىمىدە ئۆز مەناسىنى تېپىپ ئىپادىلىنىشىنى ئۈمۈد قىلىمىز. ئۇنداقتا نىمە ئۇچۇن نەچچە ۋاقىتلاردىن بىرى ئۆز خاسلىقى ، پۈتۈنلىكى ، گۈزەللىكى مەناسىنى ساقلاپ كىلىۋاتقان تىلىمىز ، يېزىقىمىز ، بارغانسىرى تىلىمىزدا ئەبجەشلىشىپ  يېزىقلىرىمىزدا گىرامماتىكا قائىدىسىدىن چىقىپ  تەرجىمىلەردە ئۆز مەناسىنى تاپالماسلىق ئەھۋاللىرى ئېغىرلىشىپ كىتىدۇ؟! بۇ ئەھۋاللارغا  نىمە ئۇچۇن كۆپ قىسىملىرىمىز پەرۋاسىز مۇئامىلىدە بولىمىز؟ تىل -يېزىقىمىزنىڭ ساپلىقىنى قوغداش پەقەت مۇناسىۋەتلىك ھۆكۈمەت ئورگانلىرىنىڭ مەكتەپ، تارالغۇ ئورۇنلىرىنىڭلا مەسئۇلىيىتىما؟ تىل-يېزىقىمىزنىڭ بارغانسىرى قىلىپتىن چىقىپ ھەقىقى ئۇيغۇر تىل-يېزىقىغا ئوخشىماي قېلىشىدا ئۇيغۇر مىللىتى بولغان ھەر بىر ئەقىل ئىگىسىنىڭ مەسئۇلىيىتى بارمۇ -يوق؟ بۇلار ھەمىمىز ئويلۇنۇپ بېقىشقا تىگىشلىك بولغان تولىمۇ تەخىرسىز مەسىللەرنىڭ بىرى . يېقىنقى يىللاردىن بىرى قوش تىل مائارىپىنىڭ كۆپلەپ يولغا قويۇلىشى بىلەن مەكتەپلەردە  ئۇيغۇر-خەنزۇ تىلى مىللى ئوقۇغۇچىلارغا ئورتاق ئۇگۇتىلىدىغان بولدى . بولۇپمۇ بىز شۇنى ئېنىق ئايدىڭلاشتۇرىۋېلىشىمىز كىرەككى قوش-تىل مائارىپىنىڭ يولغا قويۇلىشى ، ئۇيغۇر تىل-يېزېقىنىڭ ئاستا-ئاستا ئەمەلدىن قېلىشى دىگەن مەنانى بەرمەيدۇ ھەم بۇ توغرۇلۇق بىرەر كىملەر بىزگە شۇنداق دىگەن ئەمەس. ئۇنداق بولغانكەن بىزدە ئۆز ئانا تىلىمىزنى سۆزلەيدىغان تىل ، يازىدىغان مۇكەممەل يېزىق قائىدىمىز ، داۋاملىشىپ كىلىۋاتقان قائىدە -قانۇنلىرىمىز تۇرۇپ ئۆز تىل-يېزىقىمىز نىڭ ساپ ، قائىدىلىك ، توغرا بولىشىنى قوغدىشىمىز خاتالىققا يول قويماسلىقىمىز كىرەكقۇ؟ ئويلۇنۇپ باقايلى ؟ ئاشۇ ئەبجەش تىللاردا سۆزلىگەن كىم ؟ ئاشۇ ئەبجەش تىللارنى ئاڭلىغان كىم ؟ ئىلان ۋىۋىسكىلاردىكى گىرامماتىكا قائىدىسىگە چۇشمەيدىغان ئۇيغۇرچە خەتلەرنى تەھرىرلىگەنلەر كىم ؟ ئاشۇ خەتلەرنى ئوقۇپ  تونۇپ خاتا بوپ قالغانلىقىنى بىلەلەيدىغانلار كىم ؟ ئاڭلاپ تۇرۇپ كۆرۇپ تۇرۇپ پەرۋاسىز مۇئامىلىدە بولغانلار كىم ؟ ھەممىمىزگە مەلۇكى  ئاشۇنداق قىلغانلار دەل ئۆزىمىز . ئاشۇنداق ئەھۋاللار ئۆيىمىزدە ، ئىدارىمىزدە ، كەنت-مەھەللىرىمىزدە يوق دىيەلەمدۇق ؟! بىز ئۇنداق قىلمىدۇق دىيەلەمدۇق ؟! بەلكىم ئائىلىمىزدە قوش تىل ، خەنزۇ تىل ۋە ياكى ئۇيغۇر تىلى مەكتەپلىرىدە ئوقۇۋاتقان باللىرىمىز باردۇ ،  ئوقۇغۇچىللىرىمىز باردۇ . ئاشۇ پەرزەنتلىرىمىزنى ئاشۇ ئوقۇغۇچىللىرىمىزنى قايسىمىز ئەبجەش تىلدا سۆزلىمىدى دىيەلەيمىز ؟! بۇنىڭغا قارىتا ئاتا-ئانا بولۇش ، ئوقۇتقۇچى بولۇش ، كىچىكلەر ئالدىدا چوڭلار بولۇش سۇپىتىمىز بىلەن ساپ  ئۇيغۇر تىلدا سۆزلەش لازىملىقىنى ئېيتتىقمۇ ؟ ئۆز ئانا تىلىنىڭ قانچىلىك دەرىجىدە مۇھىملىقىنى ئىدىيىسىگە سىڭدۇردۇقمۇ؟ مۇشۇ نۇقتىلاردا بىزنىڭ  شۇنداقلا ھەر قانداق ئۇيغۇر بولغان  بىر مەننىڭ مەسئۇلىيەت مەجبۇرىيەتلىرى بارمۇ -يوق! بەزى بىر ئىشلار بىزنىڭ قولىمىزدىن كەلمىسىمۇ قولىمىزدىن كىلىدىغان ئۆز-ئارا ساپ تىلىمىزدا سۆزلەش ، خەت يازغاندا ئىملانى توغرا يېزىش ، پەرزەنتلەرگە ئانا تىل ئىدىيىسىنى سىڭدۇرۇش ، ئەبجەش تىل ، خاتا ئىملارغا قارشى ئىنكاسلارنىمۇ بولسىمۇ بىرەلەيمىزغۇ؟ ئۇنداقتا نىمىشقا شۇنداق قىلمايمىز؟؟؟؟؟؟؟؟؟ ئۆزىمىزنىڭ ئىشىغا ئۆزىمىز ئىگە بولمىساق كىم ئىگە بولىدۇ. قېنى ئۇيغۇر قېرىندىشىم ‹‹ئانا تىلنى قوغداش مەندىن باشلانسۇن›› دىگەن بۇ بىر جۈملە سۆزنى شۇئار قىلىپ ئانا تىل قوغداش جەھەتتە ئۆزىڭىز قىلالايدىغان ئىشنى دەرھال باشلاڭ .

قۇمباغ79

	‹‹ئانا تىلنى قوغداش مەندىن باشلانسۇن››شۇنداقلا ھەممىمىزدىن باشلانسۇن!

forever1

	‹‹ئانا تىلنى قوغداش مەندىن باشلانسۇن››!...

Naprat2009

	موشۇ ئانا تىلىمىزنى قوغدايلى دەپ تولا شوئار توۋلايدىغانلارغا ئىشەنمەس بوپ قالدىم جۇمۇ، شوئارنى كاتتا توۋلىغان بىلەن ئۆزى بولىشىچە بۇزۇپ سۆزلەيدىكەن دېسە...

uyol

	شۇنداق ھەممەيلەن ئۈزۈمىزدىن باشلىغاندىلا چۇقۇم ئانا تىلنىڭ ساپلىقىنى قوغدىيالايمىز

nazigul8

	خېلىلا ۋەزنى بار سوئاللارنى قويۇپسىز، شۇلارغا جاۋاپ چىقار بىر كۈنلەر، شۇڭا مەنمۇ ئۆزۈمنىڭ ئالاقە چەمبىرىكىدە ئاناتىلغا ئالاھىدە دىققەت قىلىۋاتىمەن. باشقىلارمۇ شۇنداق قىلىۋاتقاندۇ، ئانا تىلنى تولۇقى بىلەن بىلگەنلەرغۇ دىققەت قىلار، بىلمىگەنلەرگە كىم ياردەم قىلار. ئۇلارغا كىم ئۈگۈتەر.

dilyaruf

	hekmat-uyghur يوللىغان ۋاقتى  2013-7-19 07:52 PM ئانا تىلنى  قوغداش  سىزدىن باشلانسۇن،  سىزگە ئەگىشىش   ... ھە بوپتۇ،سىزگە ئەگىشىش مەندىن باشلانسۇن!  ماڭا ئەگىشىش....