بۈگۈنكى كۆڭۈلسىز چۈشۈم

musulmankizi

	بۈگۈن 2013 - يىلى 7 - ئاينىڭ 20 - كۈنى، ئەتىگەن سوھۇرلۇق  (زولۇق)يەپ بۇلۇپ، كۈندىلىك ئادىتىم بويىچە ناماز ئوقۇپ بولغاندىن كىيىن قۇرئان ئوقۇدۇم، ئاندىن ئىشقا بارغۇچە بىردەم ئارام ئېلىۋالاي دەپ ئۇخلىدىم، دەسلەپتە ساۋاغداشلىرى ۋە باشقىلارنى چۈش كۆرۈپتىمەن. ئاندىن كۆڭۈلسىز چۈشۈم باشلاندى ...   چۈشۈمدە مەن باشقىلار بىلەن پاراڭلىشىپ ئولتۇرۇپتىمەن، توساتتىن يولدىشىم (جېنىم دادىسى) بىر ئىشىكتىن چىقىپ مىنى ئىزدەپ ماڭغۇدەك، قارىسام ھالى باشقىچىلا ياخشى ئەمەس، مەن دەرھال ئورنۇمدىن تۇرۇپ ئۇنىڭ يېنىغا باردىم، قارىسام ئۇنىڭ قۇلىقىدا ئالتۇن ھالقا بار ئىكەن (يېرىمى ئۈزۈلۈپ كىتىپتۇ) ئۇ يەرگە قاراپ ئۇيان بۇيان ئىزدىگۈدەك، مىنى كۆرۈپ ئۇنى بەردى، مەن يەرگە چۈشۈپ كەتكەن يېرىم ھالقىنى ئېلىپ ئۆزەمگە سالغۇدەكمەن، ئۇ بارا بارا ئاجىزلىشىپ يىقىلاي دەپ قاپتۇ، قارىسام ئۇنىڭ بۇرۇن،قۇلاقلىرىدىن قان ئاققىلى تۇرغۇدەك، مەن ئۇنى يۆلەپ ئېلىپ مېڭىپتىمەن، بىر ئاز ماڭغاندىن كىيىن يولدۇشۇمنىڭ ئاكىسىى يۈگۈرۈپ كىلىپ مەن بىلەن بىللا ئۇنى يۆلەپ ئېلىپ مېڭىپتىمىز، مەن يىغلاپ ئۇنى قانداق يۆلەپ ئېلىپ ماڭغىنىمنىمۇ بىلمەيمەن، ئىككىنجى قەۋەتتىن قارىسام بىرىنجى قەۋەت ئوبلاستلىق دوختۇرخانا ئىكەن، پەلەمپەيلىرى ناھايىتى ئىگىز، ھەم كەڭرى. مەن يولدۇشۇمنى بەك تەستە يۆلەپ پەلەمپەيگە قاراپ قانداق ئېلىپ چۈشەرمەن دەپ بىر دەم تۇرۇپ قاپتىمەن، (ئۇ چاغدا يولدۇشۇمنىڭ ئاكىسى يوقكەن) ۋە ئاۋازىمنىڭ بارىچە (医生) دەپ قايتا قايتا تولاپ كىتىپتىمەن، لىكىن يېنىمدا بىرمۇ ئادەم يوق، مەن ئۇنى ھاپاش قىلماقچى بۇلۇپ تۇرسام، يولدۇشۇم سىرىلىپ چۈشۈپ كەتكىلىۋىتىپتۇ، مەن ئاران دىگەندە ئۇنىڭ ئىككى قولتۇقىدىن تۇتىۋاپتىمەن، قارىسا ناھايىتى كەڭرى ۋە كۆپ پەلەمپەيلەر... بىر تەرەپتىن يىغلاپ بىر تەرەپتىن توۋلايمەن، ئەمما يېنىمدا ئادەم يوق، تۇرۇپلا يولدۇشۇم ھالسىزلىنىپ قۇلۇمدىن چىقىپ كىتىپتۇ ۋە پەلەمپەيدىن سىرىلىپ چۈشۈپ كىتىپتۇ (قارىسام تەخمىنەن بىرەر يۈز پەلەمپەيغۇ دەيمەن)مەن ئارقىدىن يۈگۈدۇم ئەمما تۇتالمىدىم، يولدۇشۇم پەلەمپەيدىن سىرىلىپ چۈشۈپ يىراققا يىقىلدى، ئىككى سېستىرا يۈگۈرۈپ كەلدى، ۋە ئۇنى قۇچۇمغا ئېلىپ يىغلىدىم يەنىلا دوختۇرنى ئۈزمەي توۋلاشقا باشلىدىم، دوختۇرلار كىلىپ ئۇنىڭ ئاللىبۇرۇن تىنىقى توختاپ بولغانلىقىنى دىدى، ئەمما مەن ئىشەنمىدىم، ياق بۇ مۇمكىن ئەمەس دەپ ئۆز ئۈزۈمگە تەسەللىي بېرەتتىم، لىكىن ئۇنداق بولمىدى، باشقىلار يولدۇشۇمنى ئېلىپ كەتكۈدەك، ماڭا ئاق ياغلىق ئارتىپ مەن شۇنداق شۇنداق يىغلاپ كەتكۈدەكمەن، ئازىغا نۇرغۇن ئادەملەر كىلىپ ماڭا تەسەللىي بەرگۈدەك، ئەمما مەن ئۇنىڭدىن ئايرىلىپ قالغانلىقىمغا تەن بەرمەي، يەنىلا ئۇنى بار دەپتىمەن. دادام، ئاكام،ئاچىللىرىم، ئۇرۇق تۇققانلار ھەممىسى ئاق كىيىملىك، ھەممىسىدە يىغا، قايغۇ،،ئايرىلىش ئازابى... مەن يىغلاپ يىغلاپ ھالسىزلىنىپ كەتكىنىمگە قارىماي ئۇنىڭدىن ئايرىلغىنىمغا قاتتىق ئېچىنىپتىمەن، ئاق ياغلىقلار، ئاق كىيىملەر ، يىغلاشلار ئۈزۈلمەيتتى... مەن شۇنداق قىلىپ ئويغۇنۇپ كىتىپتىمەن، چۈشۈمدە ئەمەس ئۇڭۇمدىمۇ يىغلاپ كىتىپتىمەن، ئويغۇنۇم قارىسا يېنىمدا يولدۇشۇم، بالام تاتلىق ئۇخلاپ كىتىپتۇ، مەن يىغىمنى توختىلالماي ئۇنىڭغا بۇ چۈشلىرىمنى بايان قىلدى، ئۇ ماڭا « بۇ دىگەن چۈشىڭىز، مەن ھاياتقۇ مانا يېنىڭزدا تۇرىمەنغۇ، ئاللاھ ئۇ كۈنلەردىن ساقلىغاي...» دەپ ياشلىرىمنى سۈرۈپ مىنى باغرىغا باستى.

musulmankizi

	چۈشۈمدىمۇ ئوڭۇمدىمۇ يىغلاپ، قايغۇرۇپ، كۆپ چۈش كۆرۈپمۇ قانداق بۈگۈن بېشىم شۇنداق ئاغرىۋاتىدۇ، بەدەنلىرىم ئېغىر، كەيپىياتىم ناھايىتى ناچار، ھىچنىمە خوش ياقمايدۇ، كۆڭلۈمنىڭ ئارامى يوق، نىمىشقىكىن مېڭەمدە بىر پەردە ئايرىپ تۇرغاندەك مېڭەم ئېچىلماي غۇۋالىقتا ئۇتىۋاتىمەن، قانداقلا قىلسام كۆڭلۈمنى خوشال قىلالمايۋاتىمەن....

fathullah

	musulmankizi ﻳﻮﻟﻠﯩﻐﺎﻥ ﯞﺍﻗﺘﻰ  2013-7-19 02:52 PM ﭼﯜﺷﯜﻣﺪﯨﻤﯘ ﺋﻮﯕﯘﻣﺪﯨﻤﯘ ﻳﯩﻐﻼﭖ، ﻗﺎﻳﻐﯘﺭﯗﭖ، ﻛﯚﭖ ﭼﯜﺵ ﻛﯚﺭﯛﭘﻤﯘ ... ئاللاھ ھەممىمىزنى ئامان قىلسۇن ھەمشىرەم. رەسۇلۇللاھ ئېيتىدۇ: سىلەردىن بىرىڭلار يامان چۈش كۆرۈپ قالسا ئۇنى ھىچكىمگە ئېيتمىسۇن.سول تەرىپىگە ئۈچنى تۈكۈرۈپ،قوغلاندى شەيتاندىن ئۈچ قېتىم پاناھ تىلەپ(ئە ئۇزۇ بىللاھى مىنەششەيتانىررەجىيم)يەنە بىر تەرىپىنى بېسىپ ياتسۇن. قالدىسى ئۆزىڭىزگە قالدى.ئىمكان بار رەسۇلۇللاھ كۆرسەتكەن دائىرىدە چەكلىنىشىڭىزنى ئۈمىد قىلىمەن.ئاللاھ ھەممىمىزگە ساغلام ئەقىدە،توغرا يول،مۇكەممەل ھىدايەت نىسىپ قىلسۇن.ئامىين!

326ayixa

	musulmankizi يوللىغان ۋاقتى  2013-7-19 02:52 PM چۈشۈمدىمۇ ئوڭۇمدىمۇ يىغلاپ، قايغۇرۇپ، كۆپ چۈش كۆرۈپمۇ ... سىز قەيەردە دوستۇم تىخى 20-چىسلا بولمىدىغۇ ؟ كۈندۈزى كۆرگەن چۈش تەتۈرگە مەڭىدۇ . اللەغا كۆپ شۈكۈرلەر ئىيتىڭ .

alehram

	بۇ سىزنىڭ بۇنىڭدىن كىيىن كۆرمەكچى بولغان چۈش پىلانىڭىز مۇ قانداق؟؟  20 - چىسلا بولماي تۇرۇپ قانداقسىگە 20 - چىسلادىكى چۈشنى كۆردىڭىز؟؟

zular

	musulmankizi يوللىغان ۋاقتى  2013-7-19 02:52 PM چۈشۈمدىمۇ ئوڭۇمدىمۇ يىغلاپ، قايغۇرۇپ، كۆپ چۈش كۆرۈپمۇ ... ئۆزىڭزنى ئەركىن تۇتۇڭ چۈش دىگەن تەتۈرسىگە ماڭىدۇ دەيدۇ....ئۆمرى  ئۇزۇن بولار ئنشئاللا...........

asma0996

	alehram يوللىغان ۋاقتى  2013-7-20 02:47 AM بۇ سىزنىڭ بۇنىڭدىن كىيىن كۆرمەكچى بولغان چۈش پىلانىڭى ... بۇگۈن 20-چىسلا ئەمەسمۇ؟.....يا مەن خاتا ئاستا ساقلىۋالدىممۇ....

asma0996

	... ئاللاھ ساقلىسۇن... سەدىقە قىلىۋېتىڭ........يامان چۈش ،شەيتان تەرىپىدىن بولىدۇ.....

musulmankizi

	خاپا بولماڭلار دوستلىرىم، چىسىلانى خاتا تۇتىۋاپتىمەن...

guljanat

	ئەنسىرمەڭ ھىچ ئىش بولماس ،