خاتىرىلىرىم

narkas

	بۇ ھاياتتا كۆپ پۇل تېپىش ياكى ھوقۇق تۇتۇش بەخت ئەمەس ، بەلكى سىزنى ھەقىقى سۆيىدىغان ھەم سىزنى چۈشىنىدىغان ئادەم بىلەن بىللە ئۆتۈش بەخت ، بۇ ھاياتتا بالا تېپىشلا بەخت ئەمەس ، بەلكى پەرزەنتلەرنى ھەقىقى ئادىمىيلىككە ئىگە كىشىلەردىن قىلىپ تەربىيىلەپ يېتىشتۈرۈشنىڭ ئۆزى بەخت ، بۇ ھاياتتا كۆپلەپ دوستى بولۇشنىڭ ئۆزىلا بەخت ئەمەس ، بەلكى ، يىقىلغاندا يۆلەيدىغان ، چۈشكۈنلەشكەندە مەدەت بېرىدىغان دوسلىرىنىڭ بولىشى بەخت . ئۆزىنى تۇتۇۋېلىشنى بىلمەيدىغان ئادەم تورمۇزى تۇتمايدىغان ماشىنىغا ئوخشايدۇ . ساڭا دوست بولىدىغان ئادەم سېنىڭ خۇشاللىقلىرىڭدىن ساڭا ئوخشاشلا ھوزۇرلىنالايدىغان ، سېنىڭ قايغۇ - ھەسرەتلىرىڭدىن ساڭا ئوخشاشلا ھەسرەتلىنەلەيدىغان بولسۇن . ساڭا دوست بولىدىغان ئادەم سەن يولدىن ئازغاندا كۆرمەسكە سېلىۋالمىسۇن ، سېنىڭ كەچۈرمىشلىرىڭنى ھېكايە سۆزلىگەندەك باشقىلارغا سۆزلەپ بەرمىسۇن ، سەن ئازاپلانغاندا مېھرلىك قوللىرى بىلەن كۆز ياشلىرىڭنى سۈرتۈپ قويالايدىغان بولسۇن ئالۋاستى قورقۇنۇچلۇق ئەمەس ، بەلكى پەزىلىتىنى يوقاتقان ئادەم ئەڭ قورقۇنچلۇق ، مال - دۇنياسى يوق ئادەم نامرات ئادەم ئەمەس ، بەلكى ھاياتقا بولغان ئىشەنچىسىنى يوقاتقان ئادەم ئەڭ نامرات ئادەمدۇر سىز پەرزەنتىڭىزنى شۇنداق تەربىيىلەڭكى ، پەرزەنتىڭىز ئۆز ئائىلىسىنىڭ نامراتلىقى سەۋەبىدىن ئۆزىنى كەمسۇندۇرۇپ ئۈمىدسىزلىنىدىغان ، شۇنداقلا يەنە ئۆز ئائىلىسىنىڭ ئورۇن مەرتىۋىسىنىڭ زىيادىلىگى تۈپەيلىدىن مەغرۇرۇلىنىپ باشقىلارنى كەمسىتىدىغان بولۇپ قالمىسۇن . بىرى دانىشمەندىن سورىدى : _ ئەي ، دانىشمەن ، قانداق ئايال ئەڭ چىرايلىق ؟ قانداق ئايال ئەڭ كۆرۈمسىز ؟ _ ئۆزى پەرىزاتلاردەك گۈزەل بولسىمۇ ، شەرمى - ھايانى بىلمەيدىغان ئايال ئەڭ كۆرۈمسىز ، ئۆزى ئانچە چىرايلىق بولمىسىمۇ ، لېكىن خىجىللىقتىن يۈزى شەلپەردەك قىزارغان ئايال ئەڭ گۈزەل ئايالدۇر _ دەپ جاۋاپ بەردى دانىشمەن . مەيلى قانداق ماكان ، مەيلى قانداق زاماندا بولسۇن ئەڭ ياخشى ئۆزۈڭ بولۇپ ياشا . سېنىڭ ھەقىقى خۇشاللىقتىن يىراقلىشىشقا قاراپ ماڭغان ۋاقتىڭ ماددى - مەئىشەتلەرنىڭ ئەڭ مۇھىم ئىكەنلىكىنى ھېس قىلغان ۋاقتىڭدۇر . كىشىلىك ھاياتتا ئۇنتۇپ كېتىشكە بولمايدىغان نەرسىلەر 1.ئۆزى تەۋە بولغان مىللەتنىڭ ئەنئەنىسى ۋە ئېسىل ئۆرپ - ئادەتلىرى 2.ئاتا- ئانىنىڭ ئەجرى ئاتا - ئانىنىڭ پەرزەنت ئۈچۈن سىڭدۈرگەن ئەمگىكى 3.ئۆزىنىڭ ئاتا - ئانا ، ئائىلە ۋە پەرزەنتلەر ئالدىدىكى مەجبۇرىيىتى 4.باشقىلاردىن ئېرىشكەن ياخشىلىق5.ئۆزىنىڭ ئۇلۇغۋار ئارزۇ - ئىستەكلىرى 6. ئىگىلىگەن بىلىملەر7.باشقىلارغا خۇشاللىق ئاتا - قىلىش 8. ياردەمگە مۇھتاج كىشىلەرگە ياردەم قىلىش كىشىلىك ھاياتتا كېچىكتۈرۈشكە بولمايدىغان ئىشلار :1.ئاتا - ئانا ۋە قېرىنداشلارغا ۋاپادارلىق يەتكۈزۈش2.بالىلارغا قىلىنىدىغان زۆرۈر تەربىيە 3.باشقىلارغا ياخشىلىق قىلىش 4.باشقىلارغا مىننەتدارلىق بىلدۈرۈش .5.كېسىلى ئېغىر بىمارلارنى يوقلاش 6.يولدىن ئازغانلارنى توغرا يولغا يېتەكلەش 7. باشقىلارنىڭ كەمچىلىكلىكىنى كۆرسىتىپ بېرىش 8.ياخشى كۆرگەن ئادىمىگە مۇھەببىتىنى ئىپادىلەش پۇلغا سېتىۋالغىلى بولمايدىغان خۇشاللىقلا ئەڭ قىممەتلىك خۇشاللىقتۇر . قانداق كىشىلەر بىلەن دوست بولۇش كىشىنى ھەسرەتتە قالدۇرىدۇ ؟1. پۇلنى ھەممىدىن مۇھىم بىلىدىغان كىشىلەر 2.كۆڭلىدە گەپ ياتمايدىغان ، باشقىلارنىڭ سىرىنى ساقلاشنى بىلمەيدىغان كىشىلەر 3. قۇۋ - ھىلىگەر كىشىلەر 4.ئۆزۈمچىل ھەممىلا ئىشتا ئۆزىنى مەركەز قىلىدىغان كىشىلەر 5. ماددى جەھەتتە دائىم ئۆزىنى باشقىلار بىلەن سېلىشتۇرۇپ ياشايدىغان كىشىلەر 6.ئۆىنى تۇتۇۋېلىشنى بىلمەيدىغان تۇراقسىز كىشىلەر ئەڭ گۈزەل خۇشاللىق نەدە ؟ _ قەلب بىلەن قەلب تۇتاشقان جايدا . ماددى مەئىشەتنى مۇھىم بىلىدىغان كىشىلەرنىڭ خۇشاللىقىدىن ئازابى كۆپ بولىدۇ . * ئىنسان ھاياتىدىكى ئەڭ چوڭ يوقۇتۇش ئۆزىدىكى ئارتۇقچىلىقلارنى جارى قىلدۇرماسلىق ، گۈزەل ئارزۇ - ئىستەكلىرىنى ئۇنتۇپ كېتىش ، يېقىن دوستلىرىنى قەدىرلىمەي ئۇلاردىن ئايرىلىپ قېلىشتۇر . ئەگەر بىر ئادەم ئىنسانىيەتكە كەلتۈرگەن بالايى - ئاپەتلىرى بەدىلىگە ھۆرمەتلەنسە ، بۇ ئىنسانىيەت ئۈچۈن بىر تراگىدىيە . قانداق ئايال بىلەن بىللە ئۆتسەم بەختكە ئېرىشەلەيمەن ؟ - دەپ سورىدى يىگىت ئۇستازدىن . _ باشقىلاردىن ياخشىلىقىنى ئايىمايدىغان ئايال بىلەن بىللە ئۆتسەڭ باشقىلارنىڭ ھۆرمىتىگە ئېرىشىسەن ، ئۆزگىنىمۇ ، ئۆزىنىمۇ قەدىرلەشنى بىلىدىغان ئايال بىلەن بىللە ئۆتسەڭ ھەممىگە ئېرىشىسەن - دەپ جاۋاپ بەردى ئۇستاز . ئادەمدە ئىنتىلىش بولمىسا ، ھاياتقا بولغان قىزغىنلىقمۇ يوقايدۇ * ھېچنىمىنى يوقاتمىغان ھايات ھېچنىمىگە ئېرىشىلمىگەن ھاياتتۇر .        مەنبە : ئۆزۈم

forever1

	tamaxibin يوللىغان ۋاقتى  2013-7-18 01:57 PM باشلانغۇچتىكى ۋاقتىمدا مەنمۇ مۇشۇندا «ھەقىقەتلەر»نى  ... مەن ھازىرغىچىلىك داۋاملاشتۇرۇپ كېلىۋاتىمەن. سىزمۇ تاشلاپ قويمىغايسىز

esyankarr

	ياخشىكەن