قەبرە ئازابى توغرىسىدىكى ھەدىسلەر

uyghur05

	ئەبۇ ھۈرەيرە رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: ھەقىقەتەن مىيىت قەبرىگە بارغاندا، ياخشى كىشى قەبرىسىدە چۇچىماستىن قاتتىق قورقۇتۇلماستىن ئولتۇرغۇزۇلىدۇ، ئاندىن ئۇنىڭغا سەن قايسى دىندا ئىدىڭ؟ دېيىلىدۇ، ئۇ مەن ئىسلام دىنىدا ئىدىم دەيدۇ، بۇ قانداق كىشى دىيىلسە، ئۇ، بۇ مۇھەممە سەللەللاھۇ ئەلەيھى ۋەسەللەم، ئاللاھنىڭ ئەلچىسى، ئۇ بىزگە ئاللاھ تەرەپتىن رۇشەن مۆجىزە ئالامەتلەرنى ئېلىپ كەلدى، بىز تەستىقىلاپ ئىشەندۇق دەيدۇ، ئاندىن ئۇنىڭغا سەن ئاللاھنى كۆردۈڭمۇ دىيىلىدۇ، ئۇ، بۇ دۇنيادا بىرەر كىشىنىڭ ئاللاھنى كۆرەلىشى لايىق ئەمەس دەيدۇ، ئاندىن ئۇنىڭغا دوۋزاخ تەرەپتىن بىر تۆشۈك ئېچىلىپ، ئۇ قارىغۇدەك بولسا، دوۋزاخنىڭ بەزىسى، بەزىسىنى يەپ كېتىۋاتقۇدەك، ئاندىن ئۇنىڭغا، سېنى ئاللاھ ساقلىغان نەرسىگە قارا، كۆردۈڭمۇ؟ دىيىلىپ، ئۇنىڭ ئۈچۈن جەننەتتىن بىر تۆشۈك ئېچىلىپ، ئۇ ئۇنىڭ ئىچىدىكى نەرسىلەرگە، گۈزەللىككە قارايدۇ، ئۇنىڭغا بۇ سېنىڭ جايىڭ، مەڭگۈلۈك ئورنۇڭدۇر، سەن شەكسىز ئىشەنچ ئۈستىدە ئىدىڭ، شۇ ئىشەنچ، ئىمان ئۈستىدە ئۆلگەن ئىدىڭ، ئاللاھ خالىسا شۇنىڭ ئۈستىدە قوپۇرۇلىسەن دىيىلىدۇ. يامان كىشى بولسا، قەبرىسىدە چۇچىغان، قاتتىق قورقۇغان ھالدا ئولتۇرغۇزۇلۇپ، ئۇنىڭغا،سەن قايسى دىندا ئىدىڭ؟ دىيىلىدۇ، ئۇ مەن بىلمەيمەن دەيدۇ، بۇ قانداق كىشى؟ دېسە، ئۇ، كىشىلەرنىڭ بىر سۆزىنى قىلغىنىنى ئاڭلاپ مەنمۇ شۇنداق دەپ قويغان ئىدىم دەيدۇ. ئاندىن ئۇنىڭغا جەننەت تەرىپىدىن بىر تۆشۈك ئېچىلىپ، ئۇ جەننەتتىكى بارلىق نەرسىلەرنى، گۈزەللىكنى كۆرىدۇ، ئۇنىڭغا؛ ئاللاھ سېنى ئۇنىڭدىن چۆرىۋەتكەن، سەندىنمۇ ئۇنى چۆرىۋەتكەن(يەنى يۆتكەپ باشقىلارغا ئېلىپ بەرگەن) نەرسىگە، جەننەتكە قارىۋالغىن، كۆرىۋالغىن، دىيىلىپ، ئاندىن ئۇنىڭ ئۈچۈن دوۋزاخ تەرىپىدىن بىر تۆشۈك ئېچىلىدۇ، ئۇ قارىسا دوۋزاخ قىززىقلىقىدىن بىر – بىرىنى يەپ كېتىۋاتقىدەك، ئۇنىڭغا مانا بۇ سېنىڭ جايىىڭ، ئورنۇڭدۇر، سەن شەك ئۈستىدە ئىدىڭ، يەنىلا شەك ئۈستىدە ئۆلگەن ئىدىڭ، ئاللاھ خالىسا، سەن يەنىلا شەك ئۈستىدە قوپۇرۇلىسەن دىيىلىدۇ، ئىبنى ماجە توپلىغان، سەھىھ. بارلىق كىتابلاردا بۇنىڭ ئوخشىشى باردۇر جابىر ئىبنى ئابدۇللا رەزىيەللاھۇ ئەنھۇدىن رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن:مىيىت قەبرىگە كىرگۇزۇلگەن چاغدا، ئۇنىڭغا كۈن كىرىپ كىتىۋاتقاندەك قىياپەت شەكىللەندۇرلىدۇ،ئاندىن ئۇ ئولتۇرۇپ كۆزلىرىنى سۇرتۇپ،مىنى ناماز ئۇقۇغىلى قۇيۇڭلار دەيدۇ.ئىبنى ماجە توپلىغان . ئەبۇ بەكرىنىڭ قىزى ئەسما رەزىيەللاھۇ ئەنھامۇنداق دەيدۇ؛ رەسۇلۇللاھ سەللەللاھۇ ئەلەيھى ۋەسەللەم ئورنىدىن تۇرۇپ كىشىلەرگە خۇتبە سۆزلەپ،كىشى قەبرىسىدە ئازابلىنىدىغان قەبرىنىڭ ئازاپ پىتنىسىنى تىلغا ئېلىۋىدى مۇسۇلمانلار ئاۋاز قىلىپ يىغلىشىپ كەتتى.ئۇ يىغا ئاۋازى رەسۇلۇللاھ سەللەللاھۇ ئەلەيھى ۋەسەللەمنىڭ سۆزلىرىنى چۇشۇنىشىمنى تۇسۇپ قويدى.ئۇلارنىڭ ئاۋازى بېسىققاندا ، ماڭا يېقىن تۇرغان كىشىگە؛ھەي! رەسۇلۇللاھ سەللەللاھۇ ئەلەيھى ۋەسەللەم سۆزىنىڭ ئاخىردا نىمە دىدى؟دىسەم،ئۇ كىشى ماڭا: رەسۇلۇللاھ سەللەللاھۇ ئەلەيھى ۋەسەللەم: ھەقىقەتەن ماڭا مۇنداق ۋەھى قىلىندى، سىلەر قەبرەڭلاردا مەسىيھ دەججالنىڭ پىتنىسىدەك ياكى شۇنىڭغا يېقىن سوراق – سۇئال، ئىمتىھان قىلىنىپ سىنلىسىلەر، پىتنىگە قالىسىلەردىدى،دەپ بەردى.بۇخارى،نەسەئى توپلىغان سەھىھ. ئىبنى ئۆمەر رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: مانا مۇشۇ ئۆلۈمى ئۈچۈن ئەرشى تەۋرەپ، ھەرىكەتلىنىپ كەتكەن، ئاسماننىڭ ئىشىكلىرى ئېچىلىغان، 70000 پەرىشتە ھازىر بولۇپ، نامىزىغا قاتناشقان كىشىگىمۇ، قەبرىسى قاتتىق سىقىلىپ ئاندىن كىيىن ئۇنىڭدىن ئاسان قىلىندى. ئەبى سەئىدىلخۇدرى رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: كاپىرغا قەبرىدە 99 يىلان قويۇلىدۇ، قىيامەت قايىم بولغۇچە ئۇنى چىشلەپ، چېقىپ تۇرىدۇ، ئەگەر بىر تال زەھەر دۇنياغا پۈۋدەلسە، پۈتۈن زىمىن شۇ زەھەرنىڭ تەسىرىدىن گىياھ ئۈندۈرمەيدۇ دىگەن ھەدىسنى دارمى، تىرمىزى خاتىرلىگەن ئوسمان رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مىيىتنى دەپنە قىلىپ، پارىغ بولغاندا، ئۇ جايدا تۇرۇپ مۇنداق دەيىتتى: قېرىندىشىڭلار ئۈچۈن ئاللاھدىن مەغپىرەت سوراڭلار، ئۇنىڭ ئۈچۈن سۇباتلىقنى يەنى لا ئىلاھە ئىللەللاھ دەپ مۇقىم تۇرۇپ، توغرا جاۋاب بېرىشنى سوراڭلار، ھەقىقەتەن ئۇ ھازىر سوراققا تارتىلىۋاتىدۇ، (يەنى رەببىڭ كىم؟ دىينىڭ نېمە دەپ سورىلىۋاتىدۇ). ئەبۇ داۋۇد توپلىغان، سەھىھ. )ئوسمان ئىبنى ئەففان رەزىيەللاھۇ ئەنھۇ قەبرە ئۇستىدە تۇرۇپ قالسا،ساقىلى يۆل بۇلۇپ كەتكەنگە قەدەر يىغلاپ كىتەتتى،ئۇنىڭغا؛جەننەت بىلەن دۇۋزاخنى ئەسلەۋاتاملا؟يىغلىمىسلا ، سىلى دائىم مۇشۇ قەبرى ئازابىدىن قورقۇپ يىغلايدىكەنلا دىيىلگەندە، ئۇ؛ رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: ھەقىقەتەن قەبرە، ئاخىرەت مەنزىللىرىنىڭ تۇنجىسىدۇر، ئەگەر قەبرىدىن نىجات تاپسا، ئوڭۇشلۇق ئۆتۈپ كەتسە، ئۇنىڭدىن كىيىنكى، ئۇنىڭدىن ئاسانراقتۇر، ئەگەر قەبرىدە نىجات تاپالمىسا، ئۇنىڭدىن كېيىنكى سۇئال – سوراق، ئازابلار ئۇنىڭدىن قاتتىقراقتۇر، مەن كۆرگەن ھەر قانداق قورقۇنۇشلۇق مەنزىرىدىنمۇ قەبرە بەكىرەك قورقۇنۇشلۇق ئىكەن دىدى. (قەبرىدە سۇئال–سوراق، ئازاب- راھەتنىڭ مۇقەددىمىسى باردۇر) تىرمىزى، ھاكىم، ئىبنى ماجە توپلىغان، ھەسەن بەررا ئىبنى ئازىپ رەزىيەللاھۇ ئەنھۇدىن، رەسۇلۇللاھ سەللەللاھۇ ئەلەيھى ۋەسەللەم مۇنداق دىگەن: (ھەقىقەتەن مۆئمىن بەندىنىڭ دۇنيادىن ئايرىلىدىغان، ئاخىرەتكە ئالدىنى قىلىنىدىغان ۋاختى كەلگەندە، ئۇنىڭغا ئاسماندىن خۇددى يۈزلىرى قۇياشتەك نۇرلۇق، ئاپئاق يۈزلۈك پەرىشتىلەر چۈشىدۇ، ئۇلار بىلەن بىللە جەننەتنىڭ كېپىنەكلىرى، جەننەتنىڭ خۇشپۇراقلىرىدىن خۇشپۇراق ئەتىرلەر باردۇر، بۇ پەرىشتىلەر مۆئمىندىن بىر كۆز يېتىم مىقداردا ئولتۇرىدۇ، (يەنى كۆرگىلى بولغۇدەك يىراقلىقتا ئولتۇرىدۇ) ئاندىن ئۆلۈم پەرىشتىسى كېلىدۇ، ئۇ مۆئمىننىڭ بېشىدا ئولتۇرۇپ مۇنداق دەيدۇ: ئەي پاك، ئېسىل روھ، جان! ئاللاھنىڭ مەغپىرىتىگە ۋە رازىلىقىغا چىققىن! ئاندىن روھ، جان خۇددى تۇلۇننىڭ ئاغىزىدىن بىر تامچە سۇ تامغاندەكلا شۇنداق ئاسان چىقىدۇ، ئۆلۈم پەرىشتىسى روھنى تاپشۇرۇپ ئالىدۇ، ئاندىن ئۇنى ئالغاندا، قولىدا كۆزىنى يۇمۇپ ئاچقىچىلىلىكمۇ قويماي تۇرسا، پەرىشتىلەر ئېلىپ، بۇ پاك روھنى ئاشۇ كېپەنلەردە ئاشۇ ئەتىرلەردە قىلىدۇ، بۇ روھدىن مىسكىدىنمۇ خۇشپۇراقراق پۇراق چىقىدۇ، بۇ خۇشپۇراقلار يەر يۈزىدە تېپىلىدۇ، ئاندىن پەرىشتىلەر ئۇ روھنى ئېلىپ يۇقىرغا ئۆرلەيدۇ، ئۇلار پەرىتىشلەرنىڭ جامائەتلىرىدىن ئۆتسىلا، بۇ پاك، ئېسىل روھ كىم بولىدۇ؟ دەپ سورىشىدۇ، يۇقىرغا ئۆرلەۋەتقانلار: ئۇ بەندىنىڭ دۇنيادىكى ئەڭ گۈزەل ئىسىملىرىنى تىلغا ئېلىپ، پالانىنىڭ بالىسى، پالانى بولىدۇ، دەپ جاۋاب بېرىدۇ، پەرشىتلەر ئۇنى دۇنيا ئاسمىنىغا ئاپىرىپ، ئاسمان ئىشكىنىڭ ئېچىلىشىنى تەلەپ قىلىدۇ، ئۇ مۆئمىن روھى ئۈچۈن ئىشىكى ئېچىلىدۇ، ئاندىن بۇ ئېسىل روھقا ھەربىر ئاسماننىڭ ئەڭ يېقىن مۇقەررەپ پەرىشتىلىرى ئەگىشىۋالىدۇ، ئۇلار يەنە بىر ئاسمانغىچە ئەگىشىپ بارىدۇ، تاكى بۇ مۆئمىننىڭ روھى يەتتىنچى ئاسمانغىچە ئاپىرىلىدۇ، (ھەربىر ئاسماننىڭ مۇقەررەپ پەرىشتىلىرى يەنە بىر ئاسمانغىچە ئەگىشىۋالىدۇ) ئاندىن، ئاللاھ مۇنداق دەيدۇ: مىنىڭ بۇ بەندەمنىڭ كىتابنى، ئىللىيىن دەرىجىلىك ئەڭ يۇقىرى ئالى مەرتىبە قاتارىدا يېزىڭلار! بۇ بەندەمنى زىمىنغا قايتۇرۇڭلار، ھەقىقەتەن مەن ئۇلارنى زىمىندىن ياراتتىم، ئۇلارنى زىمىنغا قايتۇرىمەن، ئۇلارنى زىمىندىن يەنە بىر قېتىم يارىتىپ چىقىرىمەن، ئاندىن مۆئمىننىڭ روھى ئۆزىگە قايتۇرۇلىدۇ،) ئاندىن كىيىن، ئىككى پەرىشتە كېلىپ، ئۇنى ئولتۇرغۇزۇپ، رەببىڭ كىم؟ دەپ سورايدۇ: مۆئمىن، رەببىم ئاللاھ دەيدۇ. پەرىشتىلەر: دىنىڭ نېمە؟ دەيدۇ: مۆئمىن بەندە: دىنىم ئىسلام دىنى دەيدۇ. پەرىشتىلەر ئاراڭلارغا ئەۋەتىلگەن بۇ كىشى قانداق كىشى بولىدۇ؟ دەيدۇ: ئۇ بەندە: ئۇ، ئاللاھنىڭ ئەلچىسى، پەيغەمبىرىدۇر دەيدۇ. پەرىشتىلەر: سىنىڭ ئىلىمىڭ قانداق؟ سەن بۇنى نەدىن بىلدىڭ؟ دەيدۇ مۆئمىن بەندە: مەن ئاللاھنىڭ كىتابىنى ئوقۇدۇم، بۇ كىتابقا شەكسىز ئىمان كەلتۈردۈم، ۋە تەستىقلىدىم دەيدۇ،ئاشۇبولسا« ئاللاھ مۆئمىنلەرنى مۇستەھكەم ئىمان بىلەن مۇشۇ دۇنيادا ۋە ئاخىرەتتە مەھكەم تۇرغۇزىدۇ» 14 – سۈرە ئىبراھىم، 27 –ئايەتتۇر.ئاندىن ئاسماندىن بىر توۋلىغۇچى، نىدا قىلىپ، بەندەم راست دېدى، ئۇنىڭغا جەننەتتىن كۆرپە سېلىڭلار! جەننەت كىيىملىرىدىن كىيىم كىيدۈرۈڭلار، ئۇنىڭ ئۈچۈن جەننەت تەرىپىگە بىر ئىشىك ئېچىپ بېرىڭلار دەيدۇ، ئاندىن ئۇ بەندىگە جەننەتنىڭ راھەتلىرى، رىزىقلىرى، پاك، مول تۇرمۇشلىرى، خۇشپۇراقلىرى يېتىپ كېلىدۇ، ئۇنىڭ ئۈچۈن قەبرىسى بىر كۆز يېتىم مىقدارى شۇنداق كەڭ كەڭرىتىلىدۇ، (ئاندىن ئۇنىڭغا يۈزى گۈزەل، كىيىمى گۈزەل، خۇشپۇراق بىر كىشى كېلىپ، سىنى خۇرسەن قىلىدىغان ئىشلار بىلەن خۇش بىشارەت ئالغىن، مانا بۇ ساڭا ۋەدە قىلىنغان، سېنىڭ كۈنۈڭدۇر، دەيدۇ، بەندە ئۇنىڭغا سەن كىم؟ سېنىڭ يۈزىڭ ياخشىلىقنى ئېلىپ كېلىدىغان يۈزئىكەن دەيدۇ، ئۇ كىشى مەن سېنىڭ سالىھ، ياخشى ئەمەللىرىڭ بولىمەن دەيدۇ، ئاندىن بەندە خاتىرجەم بولۇپ، ئى پەرۋەردىگارىم، قىيامەتنى قۇرۇپ بەرگىن، ئى رەببىم، قىيامەتنى قايىم قىلىپ بەرگىن، مەن ئەھلىمگە، مال – مۈلۈكلىرىمگە قايتاي دەيدۇ،) (مانا بۇ مۆئمىن كىشىنىڭ ئاقىۋىتى بولىدۇ). ھەقىقەتەن كاپىر، دىنسىز بەندىنىڭ بۇ دۇنيادىن ئايرىلىدىغان، ئاخىرەتكە ئالدىنى قىلىدىغان ۋاختى كەلگەندە،( ئۇنىڭغا ئاسماندىن يۈزلىرى قاپقارا، تەلەتى سەت، قەبىھ پەرىشتىلەر چۈشىدۇ، ئۇنى كىپەنلەشكە ئەسكى كىگىز، تاشلاندۇق پالاسلارنى ئېلىۋالىدۇ، پەرىشتىلەر بۇ كاپىردىن بىر كۆز يېتىم مىقداردا ئولتۇرۇپ مۇنداق دەيدۇ: ئى نىجىس، سېسىق جان، ئاللاھنىڭ كايىشىغا، غەزەپ – نەپرىتىگە چىققىن! دەيدۇ: ئاندىن ئۇنىڭ روھى، جېنى پۈتۈن بەدەنلىرىگە تارقاپ كېتىدۇ، ئاندىن پەرىشتە ئۇ جاننى خۇددى قوينىڭ يول يۇڭىدىن شوخۇلۇق شاخنى تارتىپ ئالغاندەك، قاتتىق تارتىپ ئالىدۇ، ئۇنى ئېلىپ، قولىدا كۆزنى يۇمۇپ ئاچقۇچىلىك مىقداردا قويمايلا، ساقلاپ تۇرغان پەرشىتىلەر ئېلىپ، ھېلىقى كىگىز پالاسنىڭ ئىچىگە سالىدۇ، بۇ نىجىس، سېسىق جاندىن تاپنىڭ پۇرىقىدىنمۇ سېسىق پۇراق چىقىدۇ، بۇ سېسىق پۇراق يەر يۈزىدە تېپىلىدۇ، ئاندىن پەرىشتىلەر ئۇنى ئېلىپ يۇقىرغا ئۆرلەيدۇ، ئۇلار ھەربىر پەرىشتە جامائەتلىرىدىن ئۆتسە، ئۇلار بۇ نىجىس، سىسىق جان، روھ كىم بولىدۇ؟ دەيدۇ: ئۆرلەۋاتقانلار، ئۇ دىنسىزنىڭ دۇنيادىكى كىشىلەر ئاتايدىغان ئەڭ قەبىھ، سەت ئىسىملىرى بىلەن ئاتاپ، پالانىنىڭ بالىسى، پالانى بولىدۇ دەيدۇ، ئاندىن ئاسمان ئىشكىنىڭ ئېچىلىشى تەلەپ قىلىنىدۇ، لېكىن ئىشىك ھەرگىز ئېچىلمايدۇ، ئاندىن، رەسۇلۇللاھ سەللەللاھۇ ئەلەيھى ۋەسەللەم مۇنۇ ئايەتنى ئوقۇدى، «ئۇلارغا ئاسمان ئىشىكلىرى ھەرگىز ئېچىلمايدۇ» سۈرە ئەئراب، 4- ئايەت، ئاندىن، ئاللاھ مۇنداق دەيدۇ: ئۇنىڭ كىتابىنى ئەڭ تۆۋەن زىمىننىڭ ئىچىدىكى سىججىيىن، ئەڭ تۆۋەن دەرىجىلىك چوڭقۇر مەنزىللىك قىلىپ يېزىڭلار،) ئاندىن ئۇنىڭ روھى قاتتىق تاشلىنىدۇ، جەسىتىگە قايتۇرۇلىدۇ، ئاندىن ئىككى پەرىشتە كېلىپ، ئۇنى ئولتۇرغۇزۇپ، مۇنداق سۇئال سورايدۇ. رەببىڭ كىم؟ ئۇ، ھا! ھا! مەن بىلەيمەن دەيدۇ. ئۇلار، دىنىڭ نېمە؟ دېسە: ئۇ ھا ھا مەن بىلمەيمەن دەيدۇ. ئاراڭلارغا ئەۋەتىلگەن ماۋۇ كىشى كىم؟ دېسە، ئۇ، ھا! ھا! مەن مەن بىلمەيمەن دەيدۇ. ئاندىن، ئاسماندىن مۇنداق نىدا كېلىدۇ، ئۇ يالغان سۆزلىدى، ئۇنىڭغا دوۋزاىدىن، ئوتتىن كۆرپە سېلىڭلار، ئۇنىڭ ئۈچۈن دوۋزاخ تەرىپىگە بىر ئىشىك ئېچىڭلار! ئاندىن ئۇنىڭغا دوۋزاخنىڭ ھارارەتلىرى، قىززىقلىرى، زەھەرلىرى كېلىدۇ، ئۇنىڭ قەبىرىسى شۇنداق تار قىلىنىدۇكى، قوۋۇرغىلىرى بىر – بىرىگە كىرىشىپ، گىرەلىشىپ كېتىدۇ،ئاندىن ئۇنىڭغا كور،گاس بىر پەرىشتە مۇئەككەل قىلىنىدۇ،ئۇپەرىشتە بىلەن تۇمۇر توخماق بار بۇلۇپ،ئەگەر ئۇ توخماق بىلەن تاغنى بىرنى ئۇرسا،تاغ كۇكۇن تالقان بۇلۇپ تۇپىغا ئايلىنىپ كىتىدۇ،پەرىشتە ئۇ كىشىنى شۇ توخماق بىلەن شۇنداق قاتتىق ئۇرىدۇكى ئۇنىڭ ئاۋازىنى ئىنسى-جىندىن باشقا مەشرىق بىلەن مەغرىب ئارىسىدىكى بارلىق نەرسىلەر ئاڭلايدۇ،ئۇ تۇپىغا ئايلىنىپ كىتىدۇ،ئاندىن ئۇنىڭغا رۇھى قايتۇرلۇپ (يانا ئۇرىلىدۇ.) (ئاندىن ئۇنىڭغا، يۈزى، كىيىمى قەبىھ سەت، سېسىق پۇراقلىق بىر كىشى كېلىپ، سىنى خاپا قىلىدىغان، غەم قىلدۇرىغان نەرسە بىلەن بىشارەت ئال، مانا بۇ ساڭا ۋەدە قىلىنغان سېنىڭ كۈنۈڭدۇر دەيدۇ. ئۇ، سېنىڭ يۈزۈڭ يامانلىقنى ئېلىپ كېلىدىغان يۈز ئىكەن، سەن زادى كىم؟ دەپ سورايدۇ. ئۇ، مەن سېنىڭ نىجىس، يامان ئەمەللىرىڭ بولىمەن دەيدۇ. ئاندىن ئۇ، ئى پەرۋەردىگارىم، ھەرگىز قىيامەتنى قايىم قىلمىغىن دەپ كېتىدۇ،) (مانا بۇ دىنسىزنىڭ ئاقىۋىتى، ئى ئاللاھ، بىزلەرنى مۆئمىن قىلىپ، بۇنداق يامان ئاقىۋەتتىن ساقلسىلا، ئامىن!) بۇ ھەدىسنى ئەھمەد، ئەبۇ داۋۇد، ئىبنى خۇزەيمە، ھاكىم، بەيھەقى، زىيائۇلمەقدەسى توپلىغان، سەھىھ، . زەيىد ئىبنى سابىت رەزىيەللاھۇ ئەنھۇ مۇنداق دەيدۇ؛ بىر چاغدا رەسۇلۇللاھ سەللەللاھۇ ئەلەيھى ۋەسەللەم ئۆزىنىڭ قەچىرى ئۇستىدە بەنى نەججارنىڭ بوستانلىقىدا كىتىپ باراتتى ، بىز رەسۇلۇللاھ سەللەللاھۇ ئەلەيھى ۋەسەللەم بىلەن بىللە ئىدۇق، تۇيۇقسىز قەچىر ئۇركۇپ يولدىن قېچىپ ، رەسۇلۇللاھ سەللەللاھۇ ئەلەيھى ۋەسەللەمنى ئۇستىدىن تاشلىۋەتكىلى تاس-تاس قالدى. ناگاھان ئۇجايدا ئالتە ياكى بەش-توت قەبىرە تۇراتتى ، رەسۇلۇللاھ سەللەللاھۇ ئەلەيھى ۋەسەللەم؛بۇ قەبرىلەرنىڭ ئىگىللىرىنى كىم تۇنىيدۇ؟دىدى.بىر كىشى ؛مانا مەن تۇنىيمەن دىدى.ئۇلار قاچان ئۆلگەن ؟ دىسە،ئۇكىشى؛ئۇلار شىرىك ھالەتلىرىدە ئۆلگەن دىدى. رەسۇلۇللاھ سەللەللاھۇ ئەلەيھى ۋەسەللەم: ھەقىقەتەن بۇ ئۈممەت قەبىرىلىرىدە سۇئال- سوراق قىلىنىپ، سىنىلىدۇ، ئازابلىنىدۇ، ئەگەر مىيىتلەرنى دەپنە قىلالماسلىقىڭلار بولمىغان بولسا، ئەلۋەتتە، ئاللاھقا دۇئا قىلىپ، مەن ئاڭلىغان قەبرە ئازابىنى سىلەرگىمۇ ئاڭلىتىپ قويۇشنى سورىغان بولاتتىم، (ئەگەر ئاڭلاپ قالساڭلار، مىىيتلەرنى دەپنە قىلالمايسىلەر، ياكى ئۆلىسىلەر)ئاندىن بىز گە يۇزى بىلەن ئالدىنى قىلىپ؛ سىلەر ئاللاھقا سېغىنىپ، دوۋزاخ ئازابىدىن، قەبرە ئازابىدىن پاناھ تىلەڭلار، ئاللاھقا سېغىنىپ، پىتنە – پاسادنىڭ ئاشكارا، يوشۇرۇنلىرىدىن پاناھ تىلەڭلار، ئاللاھقا سېغىنىپ، دەججالنىڭ پىتنىسىدىن پاناھ تىلەڭلاردىدى،ئۇلار ھەرقېتىم اللھ قا سېغىنىپ يۇقىرقى ئازاپ ، پىتنىلەردىن پاناھ تىلەشتى. ئەھمەد، مۇسلىم توپلىغان، سەھىھ ئائىشەرەزىيەللاھۇ ئەنھانىڭ قېشىغا بىر يەھۇدىي ئايال كىرىپ،قەبرى ئازابىنى تىلغا ئېلىپ؛اللھ سىزنى قەبرى ئازابىدىن ساقلىسۇن دىدى. ئائىشەرەزىيەللاھۇ ئەنھا رەسۇلۇللاھ سەللەللاھۇ ئەلەيھى ۋەسەللەمدىن قەبرە ئازابى توغرىسىدا سورغاندا، رەسۇلۇللاھ سەللەللاھۇ ئەلەيھى ۋەسەللەم؛ھەئە شۇنداق،قەبرى ئازابى ھەق راستۇر دىدى. ئائىشەرەزىيەللاھۇ ئەنھا؛شۇندىن كىيىن رەسۇلۇللاھ سەللەللاھۇ ئەلەيھى ۋەسەللەم ناماز ئۇقۇپ قالسىلا قەبرى ئازابىدىن اللھ قا سېغىنىپ پاناھ تىلەيىتتى دىدى. بۇخارى،مۇسلىم ئائىشەرەزىيەللاھۇ ئەنھانىڭ قېشىغا بىر يەھۇدىي ئايال كىرىپ،قەبرى ئازابىنى تىلغا ئېلىپ؛اللھ سىزنى قەبرى ئازابىدىن ساقلىسۇن دىدى. ئائىشەرەزىيەللاھۇ ئەنھا رەسۇلۇللاھ سەللەللاھۇ ئەلەيھى ۋەسەللەمدىن قەبرە ئازابى توغرىسىدا سورغاندا، رەسۇلۇللاھ سەللەللاھۇ ئەلەيھى ۋەسەللەم؛ھەئە شۇنداق،قەبرى ئازابى ھەق راستۇر دىدى. ئائىشەرەزىيەللاھۇ ئەنھا؛شۇندىن كىيىن رەسۇلۇللاھ سەللەللاھۇ ئەلەيھى ۋەسەللەم ناماز ئۇقۇپ قالسىلا قەبرى ئازابىدىن اللھ قا سېغىنىپ پاناھ تىلەيىتتى دىدى. بۇخارى،مۇسلىم مەنبە:ھەدىسلەر بىلوگى

intikam

	ئەسسالامۇ ئەلەيكۇم قېرىندىشىم، مەنپەئەتلىك تېما يوللاپسىز!  ئاللاھ رەھمەت قىلسۇن!ئاللاھ ئىمان ئېيتقان  ھەر-بىر مۇسۇلمان قېرىنداشلارنى  قەبرە ئازابىدىن ساقلىسۇن! ،،،ئامىن!

tax☆kampit

	intikam يوللىغان ۋاقتى  2013-7-17 09:38 PM ئەسسالامۇ ئەلەيكۇم قېرىندىشىم، مەنپەئەتلىك تېما يولل ... ئىيمان ئەمەس ـــــــــــــــــــ- ئىمان ئېتقان ئەمەس ــــــــــــ- ئېيتقان

dilgiya

	قەبرىنىڭ ئازاۋىدىن ۋە پىتنىسىدىن  قاراڭغۇلىغىدىن ،دوزاخنىڭ ئازابىدىن ۋە پىتنىسىدىن  پاناھ تىلەيمەن  ،،،،ئاللاھدىن ئاسايىشلىق تىلەيمەن ....

America

	مۇشۇ ئۇلۇغ كۈنلەردە روزا تۇتىشنى شۇنداق نىيەت قىلساممۇ،لىكىن كۈندە ئون سائەتتىن ئارتۇق بولغان دەرس ئۆتۈش مېنى روزا تۇتۇشتىن تۇسۇپ قۇيىۋاتىدۇ.تېمىڭىزنى كۆرۈپ قەلبىم يەنە بىر رەت  قورقۇنىچ بىلەن تولدى.

intikam

	tax☆kampit يوللىغان ۋاقتى  2013-7-17 10:27 PM ئىيمان ئەمەس ـــــــــــــــــــ- ئىمان ئېتقان ئەمە ... ئىملا خاتالىقىمنى كۆرسىتىپ بەرگىنىڭىزگە رەھمەت!

بۇغداي

	ئاللا رەھمەت قىلسۇن !   ھەممىگە قادىر ئۇلۇغ ئاللا ئۆزۈڭ ھىدايەت قىلغان كىشىلەر قاتارىدا مېڭىشنى نېسىپ قىلغايسەن!!

sehi

	،،،،ئاللاھدىن ئاسايىشلىق تىلەيمەن

nawa

	Kabra azabi, munker men nekir din suragi http://v.youku.com/v_show/id_XNDM2MjY5ODEy.html （分享自 @优酷网 ）