روزىنىڭ ئاخىرەتلىك پايدىلىرى

aski0903

	ئاللاھ(سۇبھانەھۇ ۋەتەئەلا)رازىلىقى ئۈچۈن روزا تۇتقان كىشى ئاخىرەتتە ئاللاھ تائالانىڭ ئالاھىدە قىممەتلىك بولغان مەخسۇس مۇكاپاتىغا لايىق بولىدۇ،بۇ ھەقتە پەيغەمبەر(سەللەللاھۇ ئەلەيھى ۋەسەللەم)مۇنداق دەيدۇ‹‹ئادەم بالىسىنىڭ قىلغان ئەمىلىنىڭ ھەممىسىگە ھەسسىلەپ ساۋاپ بېرىلىدۇ،1ياخشىلىققا 10دىن 700 ھەسسىگىچىلىك ساۋاب بېرىلىدۇ،ئاللاھ تائالاھ دېدىكى؛روزا تۇتقان كىشىنىڭ مۇكاپاتىنى بېرىش ماڭا خاستۇر،ئۇنىڭ ئەجرىنى ئۆزۈم بېرىمەن،چۈنكى روزا تۇتقان كىشى مىنىڭ رازىلىقىمنى كۆزلەپ يىمەك ئىچمەكنى ۋە ھەۋىسىنى تەرىك قىلىدۇ،روزا تۇتقان كىشى ئۈچۈن2 چوڭ خۇشاللىق باردۇر؛ئۇنىڭ بېرى ئۇنىڭ ئىپتار قىلغان ۋاقتىدىكى خۇشاللىقى،يەنە بېرى ئۇنىڭ ئاخىرەتتە ئاللاھ تائالاغا مۇلاقات بولغاندىكى خۇشاللىقىدۇر››  (مۇسلىم رىۋايىتى)               2.روزا تۇتقان كىشىنىڭ بۇرۇن قىلغان بارلىق گۇناھلىرى مەغفىرەت قىلىنىدۇ،رەسۇلۇللاھ بۇ ھەقتە مۇنداق دىگەن‹‹كىمكى رامزان روزىسىنى چىن ئىمانى بىلەن ساۋابنى كۆزلەپ تۇتىدىكەن،ئۇنىڭ بۇرۇن قىلغان گۇناھلىرى مەغفىرەت قىلىنىدۇ››(بۇخارى،مۇسلىم رىۋايىتى)               3.روزا تۇتقان كىشى جەننەتكە كىرىدۇ،تەلھە ئىبنى ئۇبەيدۇللاھ رەزىيەللاھۇ ئەنھۇدىن رىۋايەت قىلىنىدۇكى،ئۇ مۇنداق دەيدۇ؛‹‹بىر كۈنى پەيغەمبەر ئەلەيھىسسالامىنىڭ يېنىغا نەجدىلىك بىر ئادەم كەلدى،ئۇ يىراقتىن بىر نەرسە دەۋاتاتتى،لېكىن بىز ئۇنىڭ نىمە دەۋاتقانلىقىنى چۈشىنەلمىدۇق،ئۇ پەيغەمبەر ئەلەيھىسسالامنىڭ يېنىغا يېقىنلاشقاندىن كىيىن،ئۇنىڭ ئىسلام ھەققىدە سوراۋاتقانلىقنى بىلدۇق،پەيغەمبەر ئەلەيھىسسالام ئۇنىڭغا جاۋاب بىرىپ بەش ۋاخ ناماز ئۇقۇش دىدى،بۇ ئادەم ئۇنىڭدىن باشقا يەنە نىمە قىلىش كىرەك ؟ دەپ سورىۋىدى،پەيغەمبەر ئەلەيھىسسالام باشقا يوق،پەقەت ئۆز ئىختىيارىڭ بىلەن نەپلە نامازلارنى ئۇقۇساڭ بولدى ،رامزان روزىسىنى تۇتىشىڭ كېرەك دەپ جاۋاب بەردى،بۇ ئادەم يەنە باشقىچۇ دەپ سورىۋىدى،نەپلە روزىلارنى تۇتساڭ بولدى دەپ جاۋاپ بەردى ۋە زاكاتنىڭ پەرزىنى چۈشەندۈردى، يەنە باشقىچۇ دەپ سورىۋىدى ،پەيغەمبەر ئەلەيھىسسالام ئۇنىڭغا ،باشقا يوق پەقەت ئختىيارى ھالدا سەدىقە بەرسەڭ بولىدۇ دەپ جاۋاپ بەردى،بۇ ئادەم قايتىپ كىتىۋېتىپ ئاللاھنىڭ نامى بىلەن قەسەمكى مەن بۇلارنى كام زىيادە قىلماي ئورۇنلايمەن دىۋىدى،پەيغەمبەر ئەلەيھىسسالام بۇ ۋاقىتتا ،بۇ ئادەم ئەگەر سۆزىدە راستچىل بولغان بولسا ،جەننەتكە لايىق بولدى ،دېدى›› (بۇخارى ۋە مۇسلىم رىۋايىتى)             4. ئىنسان روزىنىڭ سايىسىدا پەرىشتىلەرنىڭ مەرتىۋىسىگە يېتىدۇ،چۈنكى ئىنسان،بىز سىرتتىن كۆرۋاتقاندەك،پەقەتلا يەپ ئىچىدىغان ۋە سۆزلەيدىغان جانلىق ھەيكەل ئەمەس،بەلكى ئىنساننى ئىنسان قىلغان نەرسە ئۇنىڭدىكى ئاللاھ تائالا ئاتا قىلغان روھانىي جەۋھەردۇر. ئىنسان بۇنىڭ بىلەن تەپەككۇر قىلىدۇ،ھەقىقەتلەرنى بىلىدۇ، بۇنىڭ بىلەن ھېس قىلىدۇ ،بۇنىڭ بىلەن لەززەتلىنىدۇ.ئاللاھ تائالا ئىنساندىكى مۇشۇ قىممەتلىك روھانىي جەۋھەرنىڭ يۈزىسىدىن پۈتۈن پەرىشتىلەرنى ئىنسانلارنىڭ ئاتىسى ھەزرىتى ئادەمگە سەجدە قىلىشقا بۇيرىغان. ئىنسان شۇنداق ئۇلۇغ يارىتىلغان بىر مەۋجۇداتكى ،ئۇنىڭ روھى ئاللاھ تائالادىن،بەدىنى تۇپراقتىندۇر. ئىنسان ھەمىشە ئۇنى ئۇلۇغلۇققا كۆتىرىدىغان روھى بىلەن ، ئۇنى رەزىللىكلەرگە چۈشىرىدىغان نەپسىي ئوتتۇرسىدىكى توقۇنۇشلار بىلەنلا ياشايدۇ. ئەگەر ئۇ ،روھىنى نەپسىي ھەۋىسىگە بويسۇندۇرۇپ ،نەپسىنى روھىغا ھاكىم قىلىۋالسا، ئۇ ھايۋانلىق دەرىجىسىگە چۈشۈپ قالغاندەك ،ئەگەر ئۇ،ئۆزىنىڭ قەدىر قىممىتىنى تونۇپ،نەپسىنى روھىنىڭ تەلەپلىرىگە بويسۇندۇرسا ، ئۇ پەرىشتىلەرگە ئوخشاش مەرتىۋىگە يېتىدۇ، بەلكى گاھىدا پەرىشتىلەردىنمۇ ئۇلۇغ بولىدۇ. چۈنكى ئاللاھ تائالاھ ھايۋانلارغا ئەقىل ۋە روھ ئاتا قىلماستىن ،پەقەت نەپسىي ھەۋەسنىلا ئاتا قىلغان، ۋە پەرىشتىلەرگە نەپسىي ھەۋەس بەرمەستىن، پەقەت ئەقىل بىلەن روھنىلا ئاتا قىلغان، ئىنسانغا بولسا ھەم روھ بىلەن ئەقىل،ھەم نەپسىي ھەۋەس ئاتا قىلغان. شۇڭا نەپسىگىلا بېرىلىپ ئۆز قەدىر قىممىتىنى يوقاتقان ئىنسان ،ھايۋانغا ئوخشاش  ئورۇنغا چۈشۈپ قالغاندەك، ئەقىل ۋە روھىنى ئىشقا سېلىپ،نەپىسنىڭ ھەۋەسلىرىنى ئەقىل ۋە شەرىئەت بىلەن مۇھاكىمە قىلغان كىشىمۇ ، ئاللاھ تائالانىڭ نەزىرىدە ،پەرىشتىلەردىن ئۇلۇغ سانىلىدۇ.  شۇڭا ئاللاھ تائالا قۇرئان كەرىمدە‹‹ ئىمان ئېيتقان ۋە ياخشى ئىشلارنى قىلغانلار ھەقىقەتەن ئۇلار مەخلۇقاتنىڭ ئەڭ ياخشىسىدۇر›› دەيدۇ( بەييىنە سۈرىسى 7-ئايەت)  .  پەرىشتىلەرمۇ مەخلۇقاتنىڭ قاتارىدىن بولغاچقا، بۇ ئايەتتىكى بايان قىلىنغان سۈپەتتىكلى ئىنسانلار،پەرىشتىلەردىن ياخشى ۋە ئۇلۇغدۇر.  نەپسىي ھەۋىسى ئۈچۈنلا ياشاپ ئاللاھ تائالانى تونىمىغان ئىنسانلار توغرىلىق ئاللاھ تائالا قۇرئان كەرىمدە مۇنداق دەيدۇ‹‹ئېيتىپ باقساڭچۇ؟ نەپسىي خاھىشنى ئىلاھ قىلىۋالغان ئادەمگە، نەپسىي خاھىشىگە ئەگىشىشتىن ئۇنى ساقلاشقا ھامىي بولالامسەن؟  ئۇلارنىڭ تولىسىنى (گىپىڭنى) ئاڭلايدىغان ۋە چۈشىنىدىغان ئادەملەر دەپ گۇمان قىلامسەن؟ ئۇلار پەقەت ھايۋانلارغا ئوخشاشتۇر، بەلكى ھايۋاندىنمۇ بەتتەر گۇمراھتۇر›› ( فۇرقان سۈرىسى 43-44- ئايەت)       نەپىسنىڭ خاھىشلىرغا ھۆكۈم قىلىشنى ئۆگۈنۈپ،لەززەتلەرنى ۋاقىتلىق تەرك ئىتىش،ۋە يىرىكچىلىكلەرگە ئۆزىنى چېنىقتۇرۇش، ئۆزىنى ئىنسانلىققا-مۇھىم بولغىنى ،مۇسۇلمانلىققا لايىق كەلمەيدىغان تۆۋەن ئورۇنغا چۈشۈرۈپ قويماستىن،بەلكى ئىنسانلىق ھۆرمىتىگە لايىق ھالدا پەرىشتە ماقامىغا يىتىش، بۇنىڭ بىلەن ئاللاھ تائالا نىڭ جەننىتىگە ۋە ئالىي مۇكاپاتىغا ئېرىشىش ئۈچۈن ،روزا تۇتۇش ئەڭ ياخشى پۇرسەتتۇر ، چۈنكى روزا ئىنساننىڭ ھاۋايى ھەۋەسلىرىنى يىڭىپ، روھىي مەنىۋىيتىنى يۈكسەلدۈرۈش ئۈچۈن  ئەڭ پايدىلىق ئىبادەتتۇر.    مەنبە؛(قۇرئان ۋە ئىشەنچىلىك ھەدىسلەر)

feroza

	ئۇلۇغ  اللە قولىڭىزغا دەرت بەرمىسۇن ، ئۇلۇغ ئايلاردا ناھايىتى ئەھمىيەتلىك تېمىدىن بىرنى يوللاپسىز.

ARZUY

	ئاللاھ ئىككى دۇنيادا ئەزىزلەردىن  قىلسۇن  قېرىندىشىم ،مۇشۇنداق  ياخشى تىمىنى  يوللىغىنىڭىزدىن  مەمنۇن بولدۇم ،

rizwangul0995

	ئاللاھ رەھمەت قىلسۇن قېرىندىشىم

intikam

	ئەسسالامۇ ئەلەيكۇم ۋەرەھمۇتۇللاھى ۋەبەرەكەتىھۇ! قېرىندىشىم، ئاللاھ رەھمەت قىلسۇن! بەكمۇ ئېسىل تېما يوللاپسىز، تېما يوللۇغان قوللۇرىڭىزغا  دەرت كەلمىسۇن! ،،،ئامىن!

galwang

	ﺋﺎﻟﻼﮪ ﺭﻩﮪﻤﻪﺕ ﻗﯩﻠﺴﯘﻥ

nurjula

	ئاللاھ رەھمەت قىلسۇن! رەھمەت سىزگە!

MR-omar

	مۇشۇنداق تىمىلار ئۈزۈلمىسىكەن  مىسرانىمدا

bayhenim

	ئاللاھ رەھمەت قىلسۇن ،ئىنتايىن ياخشى تىمىدىن بىرنى يوللاپ سىز

uygur521

	ئاللاھ رەھمەت قىلسۇن  قېرىندىشىم !