كىشلەرنىڭ جاپاسىغا سەۋىر قىلىش ھەققىدە

HY@Li

	كىشلەرنىڭ جاپاسىغا سەۋىر قىلىش ھەققىدە بۇ دۇنيادا كىشىلەرنىڭ تىلىدىن يىراق كىشىنىڭ كىملىكىنى بىلەمسىلەر؟ئىشىكىنى تاقاپ تەركىدۇنيا بولغان كىشىدۇر. كىشىلەر خاھى ئىككى يۈزلىمە بولسۇن،خاھى توغرا-دۇرۇس بولسۇن،نېمىشقىدۇر گەپ-چۆچەكتىن خالىي بولالمايدۇ. پەرىشتىدەك ئاسماندا ئۇچساڭ،يامان نىيەتلىك بىرى جەزمەن پېشىڭگە يېپىشىدۇ. تىرىشىش ئارقىلىق دەجلە دەرياسىنىڭ سۈيىنى توسقىلى بولسىمۇ،يامان نىيەتلىكنىڭ تىلىنى باغلىغىلى بولمايدۇ. بىر توپ نومۇسسىزلار ئولتۇرۇشۇپ،پالانى كىشى قۇرۇق سوپى،پالانى كىشى تەمەخۇر دەپ غەيۋەت قىلىشىدۇ. ئەزىز دوستۇم،سەن كىشلەرنى قويۇپ يۈزۈڭنى ھەققە قارات،ئۇلار نېمە دېسە دېسۇن.ئاللا قۇلىدىن خۇرسەن بولسا،كىشىلەرنىڭ سەندىن مەمنۇن بولغان-بولمىغىنىنىڭ نېمە ئەھمىيتى بار؟ باشقىلارغا يامانلىق ئويلىغانلار ھەقتائالادىن خەۋەرسىزدۇر،چۈنكى ئۇلار خەلق بىلەن دۈشمەنلىشىشتىن ھەقنى ئويلاشقا ۋاقىت چىقىرالمايدۇ. بۇنداقلار بىرىنجى قەدەمدىلا خاتا يول تۇتقاچقا،ھەققە بارىدىغان يولنى تاپالمايدۇ ۋە بىر مەنزىلگە يېتەلمەيدۇ. ئوخشاش بىر سۆزنى ئاڭلىغان ئىككى كىشى ئارىسىدا پەرىشتە بىلەن شەيتاندەك پەرق بار.پەرىشتە مىجەزلىكى ئاڭلىغان سۆزدىن نەسىھەت ئالىدۇ،شەيتان روھلىقى بولسا،ئېيتىلغان سۆزدىن قۇسۇر ئىزدەپ،نەسىھەت تەرىپىنى كۆرەلمەيدۇ.قاراڭغۇدىن باشقىنى بىلمىگەن كىشى قۇياشنى نەدىن بىلسۇن؟ خاھى شىر بول،خاھى تۈلكە بول،نە باتۇرلۇق،نە ھىيلە بىلەن كىشىلەردىن قۇتۇلالمايسەن. بىر كىشى پىنھان جايغا كېتىپ كىشىلەردىن يىراق ياشىسىمۇ،ئۇنى:《بۇ ئىككى يۈزلىمە ھىيلىگەرلىك قىلىۋاتىدۇ…ئادەمدىن خۇددى شەيتاندىن قاچقاندەك قېچىپ يۈرىدۇ》دېيىشىدۇ. گۈزەل چىراي ۋە ئىللىق مىجەز بولسىمۇ،ئۇنى نومۇسلۇق ۋە تەقۋادارلاردىن ھېساپلىماي《ئىپپەتسىز》دېيشىدۇ. باينى يامانلاپ تېرىسىنى سويىدۇ:《بۇ ئالەمدە بىر پىرئەۋىن بولسا،مۇشۇ شۇ》دەيدۇ. بىرى يوقسۇل بولسا ۋە ھاجەتمەنلىكتىن قىيلىنىپ زارلانسا،ئۇنى:《شور پىشانە گاداي》دەيدۇ ۋە 《بۇ ھال ئۇنىڭ بوشاڭلىقىدىن،ئۆز گۇناھى ئۆزىگە》دەپ ئەيىبلەيدۇ. قول ئىلكىدە بار بىر كىشى ۋەيران بولسا،خۇشال بولۇپ ۋە بۇنى پۇرسەت بىلىپ:《خوپ بولدى،ھاكاۋۇرلىقتىن يېنىغا بارغىلى بولمايتتى،بايلىقىغا ئىشىنەتتى،يۇقىرىغا كۆتۈرۈلىشنىڭ چۈشۈشىمۇ بولىدىغانلىقىنى ئەقلىگە كەلتۈرمەيتتى》دېيشىدۇ. يوقسۇلنىڭ ئىشى ئوڭغا تارتىپ،ھال-كۈنى ياخشىلانسا،زەھەرلىك چىشلىرىنى غىچىرلىتىپ:《خۇدانىڭ كۆزى يوق ئىكەن،بۇ پەسلەرگە بەرگىننى قارىمامدىغان》دېيشىدۇ. ئىش بىلەن مەشغۇل بىرىنى كۆرسە:ۋاي،نېمە دېگەن ئاچ كۆز،پۇلغا ئۆزى تويسىمۇ كۆزى تويمايدىكەن،دەيدۇ. كىچىككىنە ھۇرۇنلۇق قىلغاننى كۆرسە:《تىلەمچى مىجەز،تەييارغا ھەييار،تەييارتاپ…》دېگەندەك ناملارنى قويىدۇ. چىرايلىق گەپ قىلساڭ:《ھەزىل-چاقچاق،داقا-دۇمباق》،چىرايلىق گەپ قىلالمىساڭ《بىلىمسىز》دەيدۇ. سەۋىرلىك بولساڭ،《قورقۇنچىدىن زۇۋان سۈرەلمىدى》،باتۇر ۋە شىجائەتلىك بولساڭ،《خۇمپەرنىڭ پەيلى يامان》دەپ قاچىدۇ. ئاز يىگەننى《مىراسخورلىرىغا ساقلايدۇ》دېسە،ھالال ئەمگىكى بىلەن يەپ ئىچكەننى《ئاچ كۆز،ئوپقان》دەيدۇ. بىرى باي بولسىمۇ،ئاددى-ساددا كىيىنسە،پىخسىق،ئۆز پۇلىنى ئۆزىدىن ئايايدۇ،دەپ تىلىنى قىلىچتەك ئۇزارتىدۇ. لېكىن بىر كىشى داچا ياستىپ نەقىشلەتسە ياكى چىرايلىق كىينىپ يۈرسە،《ھەشەمەتلىك بىنا ياساتتى،ئاياللاردەك كىيىندى》دەپ ئۇنى جېنىدىن تويدۇرىدۇ. سايەھەتكە چىقمىغانلارنى نامەردكە چىقىرىپ《خوتۇنىنىڭ قوينىدىن چىقمايدىغان ئادەم ئىلىم،ھۈنەر ۋە ئارتۇقچىلىق بولسۇنمۇ》دەيدۇ،بىرەر ساياھەتچىنى كۆرسە《سەرگەردان ئابدال،ياخشى ئادەم بولسا شەھەردىن شەھەرگە سۈرۈلۈپ يۈرەمتى…》دەپ تېرىسىنى تەتۈر سويىدۇ. بويتاقلارنى《بۇلاردىن يېتىپ-قوپقان يەرلىرىمۇ ئاغرىنىدۇ》دەپ ئەيىپلىسە،ئۆيلەنگەنلەرنى《كۆڭۈلنىڭ كەينىگە كىرىپ،ئېشەكتەك بويۇنغىچە پاتقاققا پاتتى》دەيدۇ. ئاچچىقى يامان ئادەمنى《سەپرا مىجەز》دېسە،سەۋىرلىك،ياۋاشلارنى《ئىتىبارسىز،غۇرۇرسىز》دەپ ئەيىبلەيدۇ. بىر كىشى مەرد بولسا《ۋاي،نېمانچە چېچىۋېتىسەن؟ئەتە ئەۋرىتىڭنى ياپقۇدەك لاتىمۇ تاپالماي،بىر قولۇڭ بىلەن ئالدىڭنى،يەنە بىر قولۇڭ بىلەن كەينىڭنى يېپىپ يۈرىسەن》دەپ ئەيىپلەيدۇ. بىر كىشى قانائەتكار بولسا،ئىقتىسادچىللىقىغاتىل تەگكۈزۈپ《بۇ پەسمۇ ئاتىسىنى دوراپتۇ،ئۇمۇ بۇنىڭدەك يېمەي-ئىچمەي،يىغىپ-توپلاپ،ئاخىرى ھەسرەت بىلەن كەتكەن 》دەيدۇ. سەتنى سەت دەپ غاجىسا،چىرايلىقنى،ۋاي ئۇنىڭ ھالىنى دەپ كۆرەلمەيدۇ. سالامەت ماكانىدا كىم راھەت تاپالىسۇن ۋە بېشى ساق بولالىسۇن.پەيغەمبەر ئەلەيھىسسالاممۇ يامانلارنىڭ تىللىرىدىن قۇتۇلالىغانمۇ؟ يەكۈن شۇكى،كىشىلەرنىڭ قولىدىن،تىلىدىن قۇتۇلۇش مۇمكىن ئەمەس.تىلغا چۈشكەن كىشى ئۈچۈن بىرلا چارە باركى،سەۋىر قىلىش… شەيخ سەئدى(ئىران)نىڭ 《بوستان》نامىلق كىتابىدىن.     272-273-273-274-بەتلەر

hatem

	ئەھمىيەتلىك سۆزلەر،ئۆزىمىز تۈز بولساق،سايىدىن ئەنسىرەپ نېمە قىلىمىز؟

OkYa.Biz

	ياخشى يىزىپ سىز،  ئەھمىيەتلىك  سۆزلەركەن

Rujak

	مىىنڭ بىر قوشنام بار  گەپ قىلالمايدۇ، ھەم ئاڭلىيالمايدۇ .ھەممە ئىشنى جايىدا  قىلىدۇ ،ناماز ۋاقتى كەلسە  ناماز ئوقۇيدۇ ،غەيۋەت شىكايەتتىن مۇستەسنا . مانا بۇ ھەقىقى ئادەم ، بەك ياخشى سۆزلەرنى يوللاپسىز ،بولسا يەنە يوللاڭ،

‏ئىسيان

	ئاللاھ سىزدىن رازى بولسۇن قېرىندىشىم. تەربىيىۋى ئەھمىيىتى چوڭ ئىكەن.

ap~qilam

	بۇ گۈلىستان،بوستان دەپ خېلى يەردە ئۇچرىتىپ قالدىم قارىغاندا بولىدىغان كىتاپ ئوخشايدۇ جۇمۇ، ئىككىلىسى بىر كىتاپمۇ ياكى ئايرىم كىتاپمۇ

xohsanam886

	ap~qilam يوللىغان ۋاقتى  2013-7-15 05:39 AM بۇ گۈلىستان،بوستان دەپ خېلى يەردە ئۇچرىتىپ قالدىم قار ... ئايرىم كىتاپ،ئاۋال بوستاننى ئوقۇڭ،ئۇ بىر قەدەر چۈشۈنىشلىك،ئاندىن گۈلۈستاننى ئوقۇڭ،بەك ياخشى كىتاپ بۇ؛يەنە قىتىپ ھىدايەتنامىنى ئوقۇسىڭىز تىخىمۇ ياخشى،بىر بىرىگە بەكلا باغلىنىشلىق،بەك ياخشى كىتاپ؛

ap~qilam

	xohsanam886 يوللىغان ۋاقتى  2013-7-15 09:50 AM ئايرىم كىتاپ،ئاۋال بوستاننى ئوقۇڭ،ئۇ بىر قەدەر چۈشۈن ... كىتاپ ئۇقۇشقا ئۆچلىكىمنى سىزلا بىلمەيدىغان ئوخشايسىز جۇمۇ، مازاق قىلماڭ يەنە خەتلەرنىمۇ ئانچە راۋان ئۇقۇيالمايمەن مەن

توقماق

	ئەجەپ كۆڭلۆمنى ئەزدى بۇ تېما.تېما يوللىغۇچىغا رەھمەت.

mahatjan

	بىر بوۋاي، ئىشەككە ئۆزى مىنىپ نەۋرىسىگە ھەيدىتىپ ئېتىزلىققا كىتىۋاتسا يول دوقمۇشىدا ئولتۇرغانلار مۇنداق دەپتۇ؛-قاراڭلا،ئاۋۇ رەھمىسىز قېرىنىڭ،كىچىك بالىنى ماڭدۇرۇپ ،ئۆزى ئىشەككە مىنىۋالغىننى؛-دىيشىپتۇ.       ئەتىسى بوۋاي ئىشەككە نەۋرىسىنى مىندۈرۈپ،ئىشەكنى ئۆزى ھەيدەپ كىتىۋاتسا،يەنە شۇ دوقمۇشتا ئولتۇرغانلار؛-قاراڭلار ئاۋۇ ئۆزىنىڭ جېنىغا ئىچى ئاغرىمايدىغان قېرىنىڭ ،ئۆزى ئۆلمەيدىغاندەك،بالىنى ئشەككە مىندۈرۈپ،ئۆزى ھەيدەپ ماڭغىننى؛-دەپتۇ.        بوۋاي يەنە ئەتىسى ئىشەككە ھەم ئۆزىمۇ ھەم نەۋرىسىنىمۇ مىدۈرۈپ مېڭىپتىكەن،يەنە ھېلىقى يولداشلار يەنە؛-ئىشەككە ئىچى ئاغرىمايدىغان رەھمىسىز قېرى ئىكەن بۇ ؛- دەپ غۇدۇرشىپتۇ.       بوۋاي بۇ مەلئۇنلارنىڭ ھاقارەتلىرىگە چىداپ بولالماي ئاخىرى ئىشەكنىمۇ،نەۋرىسىنىمۇ يۈدۇپ ماڭغان ئىكەن،بۇ مەلئۇنلار بوۋايغا ئىنكاس قايتۇرماستىن ئۆيلىرىگە كىرىپ كىتىشكەن ئىكەن.