زامانىمىزدىكى پادىشاھلىقلار قەيەرلەردە؟

Dakyanos

	پادىشاھلىق  بولسا دۆلەت باشلىقى ئەۋلاتتىن- ئەۋلاتقا قالدىغان تۈزۈم بۇلۇپ، ئۇنىڭ تارىخى   نەچچە مىڭ يىلدىن ئاشىدۇ. جۇمھۇرىيەت تۈزۈمى گەرچە قەدىمقى دەۋىردە مەۋجۇت بولسىمۇ ئاز ساندا بۇلۇپ، ئاساسى ئېقىمغا ئايلىنىشى يىقىنىقى زاماندىكى ئىش ھىساپلىنىدۇ. پادىشاھلىق بىزگە گويا ئۆتمۈشتەك تەسىرات بەرسىمۇ، لىكىن نۆۋەتتە دۇنيا بۇيىچە 20نەچچە دۆلەت يەنىلا بۇ خىل ئەنئەنىۋىي تۈزۈمنى داۋاملاشتۇرۋاتىدۇ. يەنە كىلىپ دەۋرىمىزدىكى جۇمھۇرىيەت تۈزۈمنىڭ مەنبەسى بولغان غەربى ياۋرۇپا رايونىدا پادىشاھلىق تۈزۈمدىكى دۆلەتلەر نىسپەتەن كۆپ. ئەمما بىز يەنە بىر قىسىم ئەرەب دۆلەتلىرىنىڭمۇ پادىشاھى بارلىقىنى ئاڭلاپ تۇرىمىز، مەسلەن سەئۇدى پادىشاھى دىگەندەك. نۆۋەتتە دۇنيادا پادىشاھلىق تۈزۈمدىكى دۆلەتلەر ئاساسەن  غەربى ياۋرۇپا، ئۇتتۇرا شەرق ۋە شەرقى جەنۇبى ئاسىيادىن ئىبارەت ئۈچ رايونغا مەركەزلەشكەن. غەربىي ياۋرۇپا رايونىدا ئەنگىلىيە، لىيۇكسىمبورگ، نۇرۋىگىيە، شىۋىتسىيە، ئىسپانىيە، گوللاندىيە، بىلگىيە، دانىيە، مۇناكو، لىخنىشتىيىن قاتارلىق 10 دۆلەت پادىشاھلىق تۈزۈمدە بۇلۇپ، ئەمما پادىشاھلارنىڭ ئەمەلىي ھۇقۇقى يوق سېمۋول خاراكتېرلىك دۆلەت باشلىقى بۇلۇپ ھىساپلىنىدۇ. ئۇتتۇرا شەرق رايونىدا كۇۋەيىت، قاتار، بەھرەيىن، ئۇمان، ئىئوردانىيە، سەئۇدى ئەرەبىستانى، ئەرەب بىرلەشمە خەلىپىلىكى قاتارلىق 7 دۆلەت پادىشاھلىق تۈزۈمدە بۇلۇپ، پادىشاھ ۋە پارلامنىت ھۇقۇقتىن تەڭ بەھرىمەن بۇلىدۇ. پادىشاھلار قولىدا ئەمەلىي ھۇقۇق تۇتقان بۇلىدۇ. ئەمما پادىشاھلارمۇ قىسمەن چەكلىملەرگە ئۇچرايدىغان بۇلۇپ، بارغانسىرى دىمۇكراتىك بۇلۇشقا قاراپ يۈزلەنمەكتە. شەرقى جەنۇبى ئاسىيا رايونى كامبودژا، تايلاند، بىرونىي سۇلتانلىقى، مالايسىيا پادىشاھلىق فىدراتسىيسى، بۇتان، ياپۇنىيە، نېپال قاتارلىق 7 دۆلەت پادىشاھلىق تۈزۈمنى ساقلاپ قالغان بۇلۇپ، بۇنىڭ ئىچىدە كامبودژا، بىرونى، ۋە ياپۇنىيە خان جەمەتى دۇنيا بۇيىچە ئەڭ ئۇزاق دەۋىر سۈرگەن خان جەمەتلىرى بۇلۇپ، كامبودژانىڭ ھازىرقى پادىشاھى 97-ئەۋلاد پادىشاھ ھىساپلىنىدۇ. ئۇنىڭدىن باشقا ئافرىقىدا ماراكەش، سىۋازلاند،لىسوتۇ ۋە ئوكيانىيەدىكى ئارال دۆلەت تونگا قاتارلىق دۆلەتلەرمۇ پادىشاھلىق تۈزۈمدە. دۇنيا مىقياسىدىن قارىغاندا شىمالىي ۋە جەنۇبى ئامرىكا قىتئەلىرىدە بىرمۇ پادىشاھلىق تۈزۈمدىكى دۆلەت مەۋجۇت ئەمەس. ئوكيانىيە قىتئەسىدە بىر دۆلەت ، ئافرىقىدا ئۈچ دۆلەت، ئاسىيادا 14 دۆلەت، ياۋرۇپادا 10 دۆلەت ھىلھەم پادىشاھلىق تۈزۈمنى ساقلاپ كىلىۋاتىدۇ. بۇنداق ئەھۋالنىڭ كىلىپ چىقىشىدا يىقىنقى زاماندىكى مۇستەملىكچىلىك ھەركىتىنىڭ مۇئەييەن تەسىرى بار ئەلۋەتتە. مۇستەملىكچىلىكنىڭ ئەڭ زور تەسىرىگە ئۇچرىغان ئىككى ئامرىكا قىتئەسىدە يەرلىك ھىندىئانلارنىڭ ھاكىميەتلىرى ئۈزۈل -كىسىل ۋەيران قىلۋىتىلگەن ھەتتا ئەسىلىگە كەلتۇرۇش ئىمكانىيتى بولمايدىغان ھالغا چۈشۈرۈلۈپ قۇيۇلغان بۇلۇپ، پۈتۈنلەي تىپ ئۆزگەرتىپ بولغان.  مۇستەملىكچىلىكنىڭ نىسپەتەن چوڭ تەسىرگە ئۇچرىغان ئوكيانىيە، ئافرىقا قىتئەلىرىدىكى ھاكىميەتلەرمۇ ئېغىر زەربىگە ئۇچىغان، كۆپ قىسمى ۋەيران قىلىنغان بولسىمۇ ئەمما ساقلىنىپ قالغانلىرىمۇ مەۋجۇت. ئاسىيا قىتئەسى بولسا مۇستەملىكچىلىكنىڭ تەسىرىگە نىسپەتەن ئاز ئۇچرىغان، ھەتتا مەلۇم مەنىدە مۇستەملىكچى بولغان بولغاچقا يەرلىك ھاكىميەتلەرنىڭ بۇزغۇنچىلىققا ئۇچىرىشى ئازراق بولغان. ياۋرۇپا قىتئەسى مۇستەملىكە قىلىنغۇچى بولماستىن مۇستەملىكە قىلغۇچى بولغاچقا، ئۇمۇمەن ئۆز تەقدىرىنى ئۆزى بەلگىلگەن، ھەتتا باشقا دۆلەت ۋە رايونلارنىڭ تەقدىرىگىمۇ تەسىر كۆرسەتكەن. پادىشاھلىق تۈزۈم گەرچە دۆلەت باشلىقنى ئەۋلاتتىن -ئەۋلاتقا ۋارىس قالدۇرسىمۇ، زامانىمىزدىكى پادىشاھلىقلار مۇتلەق ھۇقۇقدارلاردىن دىگىلى بولمايدۇ. كۆپ قىسىم  پادىشاھلىق دۆلەتلەردىكى دىمكراتىيە، بەزى جۇمھۇرىيەتلەردىكىدىن كۆپ ئارتۇق دىيىشكە بۇلىدۇ. يەنە كىلىپ  چاۋشىيەندەك نامى جۇمھۇرىيەت بولىمۇ يەنىلا دۆلەت باشلىقى ئەۋلاتتىن ئەۋلاتقا ۋارىسلىق قىلدىغان دۆلەتلەرمۇ مەيدانغا چىقىپ جۇمھۇرىيەت نامىغا داغ تەككۇزۋاتىدۇ. ئەلۋەتتە دۇنيانىڭ مەمۇرى خەرىتىسى مۇقىم بولمىغىنىدەك، سىياسى خەرىتىسىمۇ مۇقىم ئەمەس. كەلگۈسىدە قايسى جۇمھۇرىيەتلەرنىڭ، پادىشاھلىقلارنىڭ مەۋجۇت بۇلۇشى ياكى يۇقىلىشىنى ھىچكىم بىلمەيدۇ.

ap~qilam

	ئەرەپ بىرلەشمە خەلپىلىكىدە  زادى قانچە خەلپىلىك بار

MR-omar

	چاۋشىيەننىمۇ پادىشاھلىق دىسە ئارتۇق  كەتمەسمىكىن دەيمەن

!UYGHURJAN

	بالىسىدىن بالىسىغا ھۇقۇق تۇتۇش بىلەن پەقەت بىرلا پارتىيە ھۇقۇق تۇتۇشنىڭ نىمە پەرقى بار ؟ بەزى دۆلەتلەردەك نەچچە پارتىيە رىقابەتلىشىپ ، پۇقرالار قايسى پارتىيەنى سايلىسا شۇ ھۇقۇق تۇتسا مانا بۇنى دىمكۇراتىيە دەيمىز .

KURAX.JAN

	دۆلىىمىزدىكى ئەڭ ئاخىرقى پادىشاھ ، يۇرتۇم كۇچادا ، ئۇ ئادەم تېخى ھايات . يەنى داۋۇت مەخسۇت ۋاڭ .

fathullah

	ap~qilam يوللىغان ۋاقتى  2013-7-13 06:25 PM ئەرەپ بىرلەشمە خەلپىلىكىدە  زادى قانچە خەلپىلىك بار {:11 ... يەتتە چوڭ خەلىپىلىك بىرلەشكەن.ئۇلارنىڭ ئارىسىدىكى ئەڭ چوڭ خەلىپىلىك بولغان ئەبۇدەبى خەلىپىلىكىنى مەركەز قىلىپ ئۇيۇشقان.پايتىەختىمۇ ئەبۇدەبى.

muzmuz

	KURAX.JAN يوللىغان ۋاقتى  2013-7-13 07:07 PM دۆلىىمىزدىكى ئەڭ ئاخىرقى پادىشاھ ، يۇرتۇم كۇچادا ، ئۇ  ... ھەجەپ  نامى  چىقمىغان  پادىشاھكىنا  ئۇ  ？  ھەجەب  ئاڭلىماپتىكەنمەن ،  لېكىن  بىلىۋالدىم  ، رەھمەت .

sewdaye1

	ap~qilam يوللىغان ۋاقتى  2013-7-13 06:25 PM ئەرەپ بىرلەشمە خەلپىلىكىدە  زادى قانچە خەلپىلىك بار {:11 ... مەن 7 خەلىپىلىك بار دەپ ئاڭلىغان، دۇبەيمۇ ئايرىم خەلىپىلىككەن

sewdaye1

	KURAX.JAN يوللىغان ۋاقتى  2013-7-13 07:07 PM دۆلىىمىزدىكى ئەڭ ئاخىرقى پادىشاھ ، يۇرتۇم كۇچادا ، ئۇ  ... مەنمۇ ئاڭلىغان، ھەركۈنى 40نەچچە بالا-چاقا، نەۋرە-چەۋرىلىرى بىلەن ھويلىسىدا دۆلەت بايرىقى چىقىرىدىغان،ۋەتەنپەرۋەر ۋاڭ دەپ نام بەرگەن ئادەم شۇدۇ؟

yulghunjan

	ap~qilam يوللىغان ۋاقتى  2013-7-13 06:25 PM ئەرەپ بىرلەشمە خەلپىلىكىدە  زادى قانچە خەلپىلىك بار {:11 ...       دۆلەت گىربى                     دۆلەت بايرىقى مېنىڭچە خەلىپىلىك دېمەي ئەمىرلىك دېسەك توغرا بولىدۇ، يەتتە ئەمىرلىكنىڭ بىرلىشىشىدىن تەركىب تاپقان. قالغىنىغا بۇ ھەقتە تېخىمۇ كۆپ ماتېرىيال بىلىدىغانلار بىر نېمە دەپ باقسۇن.