ھېكمەت

galwang

	ناز قىلغۇچى ئەقىلسىزدۇر ، تەكەببۇر يېقىمسىزدۇر ، شەھۋەتپەرەس ئۆز نەپسىگە ئەسىردۇر ، ئۆزىنىلا كۆگەن بۇتپەرەستۇر ، نادان ئەقىلسىزدۇر ، دىنسىز كۆزى ئوچۇق قارىغۇدۇر ، مۇناپىق تۇز يەپ تۇزلۇقىنى چاققىچىدۇر ، جوھۇد شەيتاننىڭ يولىنى تۇتقىچىدۇر ، زاباي ئۈزىنى پەس قىلغۇچىدۇر . بارنى قەدىرلەش  ياخشىدۇر ، يوقنى  تەمە قىلىش  خارلىقتۇر ، سېخىيلىق ھۈنەر بىلەن تېپىش ۋە يىگۈزىشتۇر ، ئەيىبلەرنى يېپىش ۋە كۆيدۈرۈشتۇر ، جايىدا بېرىلگەن ئەسكى چاپان يىرتىق تون ساخاۋەتتۇر ، جايىدا بېرىلمىگەن زەرباپ تون شەقاۋەتتۇر . ساخاۋەتسىز ئەر يېغىنسىز بۇلۇتتۇر ، پۇرىقى يوق ئىپاردۇر ، مېۋىسىز دەرەخ ئوتۇندۇر ، يېغىنسىز بۇلۇت تۈتۈندۇر . ئەي دوس دۇنيا بىلەن ئاخىرەتنىڭ ئىشى ئىككىسى جەم بولماسلىقتۇر ، كىمكى ئىككى كىمىگە تەڭ دەسسىسە سۇغا غەرىقتۇر ، ئادەم  بالىسى ئاقىۋەت ئۇ دۇنياغا سەپەر قىلغۇچىدۇر ، بىر قانچە كۈنلۈك تىرىكلىك غەنىيمەتتۇر ، باقىي ئالەمنىڭ پۇختا تەييارلىقى تەقۋالىقتۇر ، بۇ تەييارلىقنى  ياخشى قىلىش  ئاللاھنىڭ  ئۇلۇغلىقىغا ئىشىنىشتۇر ، ياخشى ئىش قىلدىم دەپ ئىشىنىپ كەتمە كىشىنىڭ پەزىلىتى كەرىمى بولمىسا ، ئۇنىڭ ئىلىمى بىلەن ئەمىلى ھېچنىمە ئەمەستۇر . ، مال دۇنياغا كىشەلەنگەن جاھانداردىن ، كىشەنسىز گاداي ياخشىراقتۇر ، ئۆتكەن كۈن كەتكەن كۈندۈر ، ھازىرقىسى غەنىيمەتتۇر ، دەم ئۇشبۇ دەمدۇر ، ۋاقىت گويا ئۆتكۈر قىلىچتۇر ئۈلۈم ھەممە  ئىنسانغا باردۇر ، ئۆلۈمدىن قېچىپ قۇتۇلغان كىشى يوقتۇر ، ئۆلۈمدىن قۇتۇلدۇرۇشقىمۇ ياردەمچى يوقتۇر ، ئۈلۈم سەپىرىنىڭ تەييارلىقىنى ياخشى ئىش ۋە ياخشى ئەخلاقتۇر ،ئادەمنىڭ نۇرغۇن ياخشى سۈپەتلىرى باردۇر ، لىكىن ئۇنىڭ ئىچىدە ئەڭ شەرەپلىكى ئىنساپتۇر ، ئىنساپ ئادەملەرنىڭ ئەڭ ياخشى سۈپەتلىردىندۇر ، ئىنسابى يوق كىشىدىن ھايۋان ياخشىراقتۇر ،قانائەت بىھاجەتلىكنىڭ دەسمايىسىدۇر ، شەرەپ ۋە ئۇلۇغلۇقنىڭ ياراشقىسىدۇر ، بىر كەمبەغەل ئەگەر قانائەتچان بولىدىكەن ، ئۇ بايدۇر ، شاھ ۋە گادايدىن بىھاجەتتۇر ، تەمەخورلىقنىڭ ئاخىرى خارلىقتۇر ، ئەگەر باي تەمەخور بولىدىكەن ، ئۇ خار ۋە زەلىلىدۇر . تەمەخورلۇق پەسلىكتۇر ،سېنىڭ نەفسىڭ ئەقلىڭگە شاھلىق قىلسا ، شەيتانمۇ ئۇنىڭغا ئادەتتىكى شاگىرىتتۇر . قانائەتچان كىشى خەلىق ئارىسىدا ئىززەت ھۆرمەتكە سازاۋەردۇر ، تەمەخور ۋە ئاچكۆز كىشى ياخشى ھەم يامانلار ئارىسىدا ، خار ۋە بەخىتسىزدۇر . قانائەت چۈشكۈلۈكتەك سېزىلسىمۇ ، نەتىخىسى ئۈستۈنلۈكتۇر ، ئاجىزلىقتەك سېزىلسىمۇ نەتىجىسى كۈچلۈكلۈكتۇر . ئاقىل ئۈزىنى باشقىلانىڭ ئازارىدىن ساقلىغۇچىدۇر ، باشقىلارغا ھەم ئازار بەرماسلىكتۇر ، ھىممەتلىك كىشىلەر تۈزلۈكتە سەۋرىگە ئوخشاش بۇلۇپ ، ئالەم بوستانىدا ياشناپ تۇرغۇچىدۇر . پەس تەبىئەت  كۇفرىنىڭ يولى يەنى ئەگىرى يول تۇتقۇچىلار سۇغا ئوخشاشتۇركى ، ئۇنىڭغا پىغان چىكىپ ، تىنماسلىق ئادەتتۇر . ھىممەتسىز كىشى ئەر سانىدا ئەمەستۇر ، روھسىز بەدەننى ھېچكىشى تىرىك دىمەس . كىشىنىڭ ئەيىبىنى ئىزدەشنىڭ ئۆزى ئەيىبتۇر . كىشىنىڭ ئەيىبىنى سۆزلەپ يۈرۈش پەسلىكتۇر . كىمكى راس سۆزلۈكتۇر توغرىدۇر . كىمنىڭ قۇلى ئەگرىدۇر  ئوغرىدۇر . ئەلدىن ھەسرەت يەتمىسە ، ئەلنىڭ مۇكاپاتىدۇر . مۇئمىن ئايال ئەينەككە ئوخشاشتۇر ، نادان پاسىق ئايال ئۇنىڭ ئەكسىدۇر . مۇئىمىن ئايال يورۇق تاڭ بولسا ، زالىم نادان پاسىق ئايال قاراڭغۇ كېچىدۇر . ئىنسان سۆز بىلەن ئۇلۇغدۇر ، ھايۋان تىلسىز بولغاچقا پەستۇر . سۆز كۆڭۈل قۇتىسىدىكى گۆھەردۇر ، ئىسانىيەت گۈلشىنىدىكى مىۋىدۇر . كۆپ سۆزلىگۈچى زېرىكتۈرگۈچىدۇر ، تەكرار سۆزلىگۈچى ئەقىلسىزدۇر . تىل شەرىئىەتتە نوتۇقنىڭ قورالىدۇر ، تىل يامان بولسا باشنىڭ  ئاپىتىدۇر . چاق چاق ئاقىلانىلىك بىلەن باشلىنىپ ئەخمىقانىلىققا ئېلىپ بارغۇچىدۇر . پاسىقلار گوروھىدىكى بىر دورامچىنىڭ خەقنى كۈلدۈرمەن دەپ قىلغان ئىشلىرى سەت پاھىشە خوتۇننىڭ ئەينەك ئالدىدىكى كۆرۈنىشىگە ئوخشاشتۇر ، ھەزىل  بىلەن شوغۇللىنىش بىراۋنىڭ ئەيىبىنى ئېچىشتۇر . بەزىلەر ئۇنىڭدىن كۈلسە ، ياخشىلار ئۇنىڭدىن ئارلىنىدۇ . چاق چاق جايىدا بولسا ، لەززەت ۋە شادلىق كەلتۈرىدۇ ، چۈنكى ئۇنىڭدا يامان سۆز بولمىغاچقا كىشىگە ئازار يەتمەيدۇ ،يۈز تۈمەن ناپاك ئەردىن ، پاك ئاياللارنىڭ ئايىغىنىڭ ئىزى ياخشىراقتۇر . ئەي يىگىت ئاي يۈزلۈك خېنىملار قارا كۆڭۈللۈك كۆرۈلسە ئەجەبلەنمە ، ئۇنىڭ تېشى ئاق بولغىنى بىلەن ، ئىچى قارىدۇر . ئەرلەرنىڭ كۆرۈنۈش ئۈچۈن ياسىنىشى  ياخشى خوتۇنلارنىڭ زىننەت پەرداز ئۈچۈن ياسىنىشىغا ئوخشاشتۇر ، مەيلى كۆرۈنۈش مەيلى زىننەت ئىككىلىسىگە قەبىھتۇر . بولوپمۇ ئەرلە ئۈچۈن تولىمۇ رەسۋالىقتۇر ، ئەرلەنىڭ ئەرلە بىلەن بىر تۈشەكتە  بولىشى  ئىپلاسلىقتۇر ، پەسلىكتۇر  ، لەنەتلىكتۇر ، ئۇلارغا دەۋزەخ پەرىزدۇر .   ھايا بىلەن ئەدەپ ئىماننىڭ بەلگىسىدۇر ، ھۆرمەت بىلەن تازىم ئۇلۇغلۇقنىڭ سەۋەپچىسىدۇر . باشقىلارنىڭ ئۆلۈمىدىن شادلانغان كىشى قارىغۇ كۈندەش ۋە جاللاتتۇر . ئەرلەگە ئورۇن مەرتىۋە ۋە نەسەب شەرەپ ئەمەس ، ھايا ۋە ئەدەپ شەرەپتۇر . ئەخلاق شەخىسنىڭ قىممەت باھالىق لىباسىدۇر ، ۋە كىيىملەر ئارىسىدىكى دىباسىدۇر . نادانغا سۆز سۆزلەش بىكاردۇر ، كۆپ سۆزلەش تېخىمۇ ياماندۇر ، ئازراق سۆزلىسە نەسىھەت بۇلۇپ قالۇر ، لىكىن سۆزلىمىگەن ياخشىدۇر . ئالىم ئەگەر جاھىللار سۆھبىتىگە ئاشنا بولسا  ، ئۇ  ئالىم ئەمەس  ، ئۆزىگە زالىمدۇر .

korul

	مەن  تېخى  بىرەرسى  مىنى  مەدھىيلەپ  داستان  پۈتىۋەتكەن  ئوخشايدۇ  دەپ  ئالدىراپ كىرىپ تۆرگە  چىقىۋاپتىكەنمەن  ئەمەسمۇ؟  ئەستاغفىرۇللاھ!!!!!!   تۆردە ئولتاغاندىن ماندا بى ئىسىل چوڭ سۈپەت ئولتۇرىلى سەت ھىجايماي

galwang

	ئۇ ئشلارمۇ بولۇپ قالار  ھى ھى

uyol

	قىممەتلىك سۆزلەركەن!!!!رەھمەت جاپا چەكتىڭىز

mahatjan

	ھەقىقىتەن قىممەتلىك ھىكمەتلەركەن. رەھمەت سىزگە.يەنە داۋاملىق يېزىپ تۇرارسىز.

musilina

	مەزمۇنى چوڭقۇر،ئەھمىيەتلىك ھېكمەتلەركەن،ئەجرىڭىزگە تەشەككۈر..... ‹‹نەۋائى خەزىنىسى جاۋاھرىتلار››بىلەن ‹‹ئەخلاق ھەققىدە ھېكمەتلەر››دېگەن كىتابتىن ئېلىنغان ھېكەمەتلەر كۆپرەكمۇ نېمە؟

rahmansaykin

	قانداق لاتا قاسقاس باشقۇرغۇچى بار بۇ مۇنبەردە ؟؟؟؟؟؟؟؟؟؟؟؟؟؟ ئادەم بىر مۇنچە ئەجىر قىلىپ تېما يازسا (گەرچە باشقىلارنىڭ ماقالىسى بولسىمۇ ، ئىككى سائەت ئولتۇرۇپ بېسىپ چىققان ) ھىچقانداق سەۋەپسىزلا ئەخلەتخانىدا يۈرۈيدىغۇ ؟ تەستىقلىمىساڭلارمۇ مەيلىتى . ئەڭ بولمىغاندا بىر قۇر خەت يىزىپ چۈشەنچە بىرىپ قويساڭلار بولمامدۇ ؟

tax☆kampit

	ھەقىقەتەن ئېسىل ھېكمەتلەركەن ... رەھمەت سىزگە بىلىۋالدۇق ...

تۈركيار

	rahmansaykin يوللىغان ۋاقتى  2013-7-11 11:05 PM قانداق لاتا قاسقاس باشقۇرغۇچى بار بۇ مۇنبەردە ؟؟؟؟؟؟؟ ... مىسرانىمنىڭ ئالاھىدە يېرى شۇ.... شۇڭا ھەممەيلەن ئامراق بۇ مۇنبەرگە ؟