ياشانغانلار يالغۇزسىرىمىسا ياخشىدى (گۈلجاھان)

Gvljahan

	ياشانغانلار يالغۇزسىرىمىسا ياخشىدى .... ( ي ھەرىپىدىن باشلانغان يۈرەك سۆزى) گۈلجاھان ياشانغانلارمۇ ياشلاردەكلا يالغۇزلۇقنى ياقتۇرمايدۇ ، يېقىنلاردىن -ياقايۇرتلارغىچە ، ياخشىلاردىن - يامانلارغىچە يالغۇزسىراشتىن ياربۇيى يىراقلىشىشنى ياقتۇرىدۇ . ياريۆلەكلىكنى ياقلىمايدىغانلارنىڭ ياۋلارغا يانداشقىنى -يانداشقان .يۈزنى -يۈزىگە ، يۈرىكىنى -يۈرىكىگە يېقىشىپ يۈرگەنلەر يېنىدىن يامبۇ يۈتسىمۇ«ياتلاريۈتىۋەتمىدى ، يېقىنلىرىم يالجىسۇن يانداشلىرىم يۈتىۋالسىمۇ ياندۇرا ، يۈتسە يولىغا يۈرەر... »نى يادلىشىپ يۈرىشىدۇ . يېقىننىڭ ياقى ياۋ يۈرىكىمنى يۈلغاندەك ، يېرىم يارتا يۈرىۋاتىمەن ، يۈزلىرىمگە يىغا يامىشىدۇ ، يىراقتىن يەتكەن يائوقى يارامنى يارغاندەك ، يانلىرىمنى يالقۇن يالمىغاندەك ....... «يۆلەكسىزنى يۆلىگەنلەر ياشنىسۇن ..»نى يادلايمەن . يادىمغا يېتىشىچە ، يىراق-يىراقلاردىن يەتتە ياشتىن يەتمىش ياشارغىچە ياشىغانلار يېشىلچىلىقلاردا يايلىشىپ ، يادنامىلەرنى ياندۇرۇپ -ياندۇرۇپ يادلىشىپ ،يىقىلغانلارنى يۆلىشىپ ، ياۋدىن يانماي ، يارىلانغانلارنى يىتىلىشىپ ،يىغلاشماي-ياتلاشماي ياشاپتىكەن . يامانلىقلار يادىمىزغا يەتتىمۇ ياكى ياشلىرىمىز يېتىشكەنچە ياۋايىلىشىۋاتامدۇ ياشانغانلارنى يالغۇزسىرىتىۋاتىمىز ، ياشانغانلارنىڭ ياشلىرى يۈرىكىنى يېنىش-يېنىشلاپ يالماۋاتىدۇ ، يا ! يىگانە-يا ...يادىمىزدىن يۈتتۈرگەنلىرىمىز يىتەر ، يولۇڭغا يېپىشالمىغانلارنى يۆلىگىن ............ ياشلىرىمىزمۇ ياشىنىمىز ، ياشنىغانلىرىمىزمۇ يانىمىز ، يىلىنجىغانلىرىمىزمۇ يېنىپ-يېنىپ يوقايمىز ، ياشانغانلىرىمىزنىڭ يۈرىكىدىن يوقىمايدىغىنى - ياشلىقىدىكىيادنامىلىرىدىن يىراقلىمىغان ، يېقىنقى يىتەرسىزلىكلىرىدىن ياماشقان يىگانىلىقىدۇر. يىگانىلىق ياشانغانلىرىمىزغا ياراشمايتتى ، ياشانغانلارسىز -ياشلىقىمىزيالجىمايتتى ، ياشانغانلار ياۋلارنى ياندۇرۇشنى يادلاتقان ، ياشانغانلاريەرلىرىمىزنى ياشناتقان ، يېرىمىزنى يۇمىلاتقان ، يارا-يېغىرىمىزنى ،يىرتىقلىرىمىزنى يامىغان ، يىمىگەننى يىگۈزگەن ، يادىمىزدىن يىراقلىمىغاندۇ _يىقىلغانلىرىمىزدا يۆلىگەن-يىتىلىگەن ، يىرىقىمىزنى يېقىنلاتقان ،يۈكىمىزنى يىنىكلەتكەن ، ياشانغانلار يۈتتۈرسىمۇ ياشلارغا يىتىشتۈرۈپ ، يۈزىمىزنى يورۇتقان................. ياشانغانلارنى يوقلايدىغان يولىمىزنى يوقاتمىساق ياخشىدى ، ياشانغانلارنىڭمۇياشلارغا يۆلەنگۈسى ، ياشلارغا يىتىلەتكۈزۈپ يول يۈرگۈسى ، ياشلارنىڭ يېنىدايانپاشلىغۇسى ، يارىشىملىق يېپىنچىلارنى يېپىنغۇسى ، يۇمشاق ياتقۇسى ، يىيىشلىكياپمىلارنى ياپتۇرۇپ يۇمشاق -يۇمشاق يىگۈسى يوقمىدى ؟ ياق ، ياق ! ياشانغانلارنىڭ يۈرىكىدىكىسى -ياشلىرىمىزنىڭمۇ يۈرىكىگە ، يادىغا يەتكۈسى ...... ** ياسىن يادىمىزغا يەتكۈزگەن : «ياشانغانلارنىڭ يىغىسى- ياشلىرىڭلارنى يېشىللىقنىڭ يولىدىن ياندۇرىۋىتىدۇ » . ياشاش يولىمىزنى يانتاقلىققا يەملىتىۋەتمەي ، يۈرىكىمىزدە يانغان يىڭنىچىلىكياخشىلىقنىمۇ يالتايتتۇرىۋەتمەي ، ياشانغانلىرىمىزنى ياشىغانلىرىغا يارىشاياشاتقۇزايلى ، يۈتتۇرگەنلىرىنى يىتىشكىنىمىزچە ياندۇرايلى ،*** يىلتىزلىرىمىزمۇيەر يېرىپ ياشنايدۇ ، ياپراقلىرىمىزمۇ يېشىللىقىدىن يىراقلارنىمۇ يورىتىدۇ ،يىتىمسىرىگەن يىگانىلەر يادىمىزغا يەتسۇن _ياشانغانلىقىمىزمۇ يادىمىزغا يەتسۇن ،يەرگە يېنىمىز يەتكۈچە ، ياخشىلىقىمىز يىراق -يېقىنلارغا يەتسۇن . يەتكۈزۈڭلار ، ياشانغانلار يالغۇزسىرىمىسا ياخشىدى . ئىلاۋە: *يا ! يىگانە-يا ..._ ياراتقۇچىمىزنىڭ سۈپىتى (تەلەپپۇز ئېھتىياجىدىن شۇنداق يېزىلدى ، كەم يەرلىرىدىن ئەپۇ سورايمەن ) ** ياسىن يادىمىزغا يەتكۈزگەن : «ياشانغانلارنىڭ يىغىسى- ياشلىرىڭلارنى يېشىللىقنىڭ يولىدىن ياندۇرىۋىتىدۇ » _ پەيغەمبىرىمىز ، ئىنسانىيەتنىڭ ئۇستازى ،مۇتەپەككۇر مۇھەممەد ئەلەيھىسسالام «ئاتا -ئانىسىنى رازى قىلمىغان ، ئۇلارنىڭدۇئاسىنى ئالمىغان پەرزەنت جەننەت يۈزى كۆرەلمەيدۇ » دىگەن ، شۇ مۇبارەك ھەدىس، بۇتېمىدا تەلەپپۇز ئېھتىياجى تۈپەيلى مەزمۇنى ساقلانغان ئاساستا پايدىلىنىلدى ، كەم يەرلىرىدىن ئەپۇ سورايمەن ) *** يىلتىزلىرىمىزمۇ يەر يېرىپ ياشنايدۇ ، ياپراقلىرىمىزمۇ يېشىللىقىدىنيىراقلارنىمۇ يورىتىدۇ _ ئەنئەنىۋى ئەخلاق ۋە تەربىيە ئۈگۈتلەردىن يىتىشكەنئەۋلاتلىرىمىز مەۋجۇلىقىمىزنى ساقلىيالايدۇ ۋە پارلاق مەنزىللەرنى يارىتالايدۇ . مەنبەسى :گۈلجاھان قەلىمى ، ياشلىرىمىزغا ياققىدى ..... يېزىلغان ۋە يوللانغان ۋاقتى :2013-يىل 7-ئاينىڭ 7-كۈنى

rahmansaykin

	بەك ياخشى يىزىپسىز . مەزمۇنىنى بەك ياقتۇردۇم .

uyol

	سۆز ئۇيۇنى ياخشى يېزلىپتۇ

ap~qilam

	قالتىس، ئارتۇق تەرىپلەشكە ئاجىزلىق كەلدى بۇ تىللار، قەلىمىڭىز داتلىشىپ قالمىسۇن بۇنداق تالانت بولغانكىن تېمىلىرىڭىزنىمۇ پات-پات ئۇچرىتىپ تۇرايلى

kugul

	ۋاھ ،ھەجەب قۇراشتۇرۇشقا ئۇستا ئىكەنسىز. بىر تىما تۈگىگىچە ،بىر ھەرپىتىن يەنە بىر ھەرىپكە يۆتكىگۈچە قىلچە تەمتىرىمەپسىز. بىزمۇ يىزىپ باقساق، بىرقۇرنى ئارانلا يازىمىز بەلكىم.قەلەم قۇۋۋتىڭىز يۈكسەلسۇن!

Gvljahan

	قېرىنداشلىرىمنىڭ ھوزۇرىغا ياققىنىدىن خۇشالمەن ، ئانا تىلىمىزنىڭ نەقەدەر باي  ، گۈزەل  ، پاساھەتلىك ، قىممەتلىك ئىكەنلىكىگە گەپ كەتمەيدۇ ، ئانا تىلىمدىن پەخىرلىنىمەن  ، خەلقىمدىن پەخىرلىنىمەن ..... بۇ تېمىنى يېزىپ بولۇپ ، داڭدار ئىپىزۇتچى ، سەنئەتكارىمىز - «چوڭ ئەيسا »  خالمۇرات ئاكا  بۇ «   ي دىن باشلانغان يۈرەك سۆزى » نى بىرەر پائالىيەتتە ئۆزىنىڭ يېقىملىق تەلەپپۇزى ، خاس ئىنتۇناتسىيەسى بىلەن ، يېقىملىق مۇزىكا ھەمرالىقىدا ئورۇنلاپ باققان بولسا نەقەدەر ياخشى بولاتتى ..دەپ ئويلىغان ئىدىم .....

kugul

	Gvljahan يوللىغان ۋاقتى  2013-7-7 11:55 PM قېرىنداشلىرىمنىڭ ھوزۇرىغا ياققىنىدىن خۇشالمەن ، ئانا  ... ئۇمۇ بۇلۇپ قالا ئاللاھ خالىسا. داۋاملىق يىزىپ بىزدەكلەرگە تەلىم بىرىپ تۇرارسىز.

fathullah

	يالقۇنلۇق يۈرەكلەرگە ياغدەك ياقتى.يەنە يالغۇزسىرىمايلى.يازمىلىرىڭىز يىراقلاشمىغاي!

Gvljahan

	fathullah يوللىغان ۋاقتى  2013-7-8 12:23 AM يالقۇنلۇق يۈرەكلەرگە ياغدەك ياقتى.يەنە يالغۇزسىرىماي ... سىزدەك «ي»دىن يانماي ئىنكاس يازىدىغاندىن بىرسى چۇقۇم چىقىدۇ دەپ ئويلىغان ئىدىم ، مەدەت بەرگىنىڭىزگە تەشەككۈر ، ئۇزاق قالماي ، «ت» دىن باشلانغان يازمامنى يوللايمەن ، لىكىن ئۇ بۇنىڭدىن بۇرۇنراق يىزىلغان ئىدى ...

fathullah

	Gvljahan يوللىغان ۋاقتى  2013-7-8 12:28 AM سىزدەك «ي»دىن يانماي ئىنكاس يازىدىغاندىن بىرسى چۇقۇم ... تاپقان–تەرگەنلىرىڭىزنى توختىماي تارقىتىپ،تەقەززالىقتىن تەزدۈرۈپ تورداشلارغا تۇتماقچىكانسىزدە؟