قەشقەر سودا يەرمەنكىسىدىن كىچىككىنە تەسىرات

apchil

	تۈنۈگۈن قەشقەردە يەرمەنكىدە مېنى ئەڭ تەسىرلەندۈرگەن ئىش ،خوتەنلىك كارخانىچىلارنىڭ مەھسۇلاتلىرىنى   يەرمەنكە ئەھلىگە ئەتراپلىق چۈشەندۈرىشى  ۋە كۆرگىلى كىرگەنلەرگە مەھسۇلاتلىرىدىن سوۋغات قىلىشى(بىكارغا جۇمۇ) بولدى .دىيارىمىزدىكى باشقا كارخانىلارنىڭ  قىلغان چوڭ ئىشى بىر ۋاراقتىن تەشۋىقات قەغىزى بولدى خالاس،ئۇتەشۋىقات قەغىزىنىڭ كۆپلىكىدىن  سىرىتقا چىقىپلا ئەخلەت چېلىكىگە تاشلىۋەتتىم ،بىراق خوتەنلىك كارخانىچىلارنىڭ سوۋغات قىلغان مەھسۇلاتلىرىنى ئۆيگە كېلىپ قايتىدىن تېتىپ كۆرۈپ چۈشەندۈرۈشلىرىنى قايتىدىن ئوقۇپ  شۇ مەھسۇلاتلارغا نىسپەتەن چۈشەنچەم ۋە تونۇشۇم چوڭقۇرلاشتى .ياشاپ كەت بىرنى بىر دەيدىغان ،ۋۇجۇدىغا ساختىپەزلىك  يات بولغان خوتەن ئۇيغۇرلىرى! ھېلقى <<ئۆزقولۇم>><<جەۋھەر>> ماركىسىدىكى ئاچچىقسۇ قايسى شىركەتنىڭ بولغىيتى كاساپەت يامان خۇشپۇراق ،شۇنداق مېزىلىك...   بىراق كۆڭلۈمنى بىرقىسما قىپ قويغىنى  بىخەتەرلىك تەكشۈرۈش ئورنىنىڭ يېنىدىكى  ئاپتۇمۇبىل سىېتىش دۇكىنىنىڭ ئاپتۇمۇبىل سېتىش تەشۋىقاتى،بۇنىڭدا بىر قىزنىڭ(خەن) ئاپتۇمۇبىلغا يۆلىنىپ تۇرۇپ ھەرخىل ياڭزا چىقىرىپ تۇرۇپ بېرىشى،بۇنى كۆرۈپ  11ياشلىق ئوغلۇم :<<دادا-دادا يەرمەنكىدە ھەرخىل يېڭى مەھسۇلاتلار تونۇشتۇرۈلۇپ سېتىلىدۇ دىگەنتىڭ بۇ ئاچاشمۇ ئۆزىنى ساتامدىكەن >> دىمەسمۇ  ئوغلۇمغا نىمە دەپ چۈشەندۈرۈشۈمنىمۇ بىلمەي قالدىم . توۋا دەيمەن مۇشۇ ماشىنا سودىگەرلىرىمۇ ماشىنا ئالغان خېرىدارغا شۇ قىزلارنىمۇ بىرگە بېرىدىغاندەك قىپ كېتىدىكەن .... تەسىراتلار شۇنداق جىق ،سۈرەتلەرمۇ كۆپ ئىدى  بىراق يوللاشقا ئىمكان بولمىدى ...

azrat705

	دېمىسىمۇ راسىت زادى '' ماشىنا مودىللىرى '' نىڭ قىلىقلىرىغا گەپ يەتمەيدۇ ھازىر ئوغلىڭىزغا  ھە ئە بالام ، ئاۋۇ بەسەينى ئالغىلى ئادەم چىقماپتىكەن مۇشۇ يەرگە كىلىپ يېرىم ياتا كىيىنىپ ئۆزىنى بازارغا سالغىلى تۇرۇپتۇ ئۇ شەرمەندە دەپ قويسىڭىز بولمامدۇ

tatlik0997

	مەن يەرمەنكىگە قاتنىشىپ باقمىدىم، بىزنىڭ بۇ كىچىككىنە ناھىيەدە ئۇنداق ئىشلار كەمدىن كەم ئۇچىرايدۇ، يەرمەنكە قىلغان ھالەتتىمۇ  ۋاقىت بەك قىس، بېرىشقا« چولىمىز »تەگمەيدۇ.

سائەت

	خوتەنلىكلەر ياخشى. خوتەنلىكلەر مۇسۇلمان تەقۋادار بولغاچقا  ھەممە نەرسە خوتەننىڭ داڭلىق.مەسىلەن:ئەتلەس،ياڭاق،بادام،ئۈزۈم،چىلان،ئەتلەس،تاش،گىلەم،ئانار. مىنىڭ خوتەنگە بەك بارغۇم بار

idikut510

	تالاي قېتىم نۇرغۇن كىشىلەرنىڭ ۋەتەندىن ئۆز يۇرتىدىن ئايرىلىپ باشقا يۇرتلاردا كۆن ئۆتكۈزگىنىدە جۇدالىق زارى ۋە مۇساپىرلىق نالىسى قىلىدىغىنىنى كۆرۈپ بەزىدە ئۆز ئۆزۈمگە مۇشۇنچىۋالا قىلىش كېتەمدۇ، ھەممىسى ئاللانىڭ ياراتقان زېمىنى ئەمەسمۇ؟ قەيەرلا بولسا ،مەيلى ،قۇرسىقىم توق، كىيىمىم پۈتۈن بولسا خەجلەيدىغانغا يېتەرلىك پۇلم بولسا ،مەن ھەرقانداق جايدا خۇشال خاتىرجەم ياشىۋىرىمەن دەپ ئۇيلايتتىم، ئەمما ئىشلار بۇنداق ئەمەسكەن، ماددى بايلىق تۇرمۇشنىڭ ھەممىسى ئەمەسكەن ، كىندىك قېنى  تۆكۈلگەن جايلاردىن ئايرىلىپ ، ئاتام كۆرمىگەن، ئانام كۆرمىگەن ياقا يۇرتلاردا مۇساپىرلىق تۇرمۇشى ئىتنىڭ كۈنىدىنمۇ تەس ئىكەن ، خۇددى شائىرلارنىڭ دىگىنىدەك: ئۆزگە يۇرتتا شاھى تون ئىچرە قورۇنغان تەنلىرىم ئۆز يۇرتۇمدا يايرىغاي كىيسەم كۇلاھۇ جەندىمەن ئۆزگە يۇرتتا، سۇلتان بولغۇچە، ئۆزيۇرتۇڭدا ئۇلتاڭ بول. دىگەن سۆزلەرنىڭ نەقەدەر توغرا ئېيتىلغانلىقىنى ئەمدى ھەقىقىي تۈردە چۈشۈنۈپ يەتمەكتىمەن، بۇ يەردە كۆڭلۈم يېرىم بولسا ھال مۇڭ بولىشىدىغان ئىچ كۆيەر دوستلۇرۇم يوق، دوستقۇ بادۇر، ئەمما، دوست يېگىچە، تۇققان ئۆلگىچە. ئەمەسمۇ، قانداقمۇ قانداشلىق مۇناسىۋىتىم بولغان تۇققانلىرىمغا يەتسۇن، بەزىدە يانچۇقۇمدىكى پۇل، ئۈستى بېشىمدىكى ئېسىل كىيىملەر بىلەن ئۆز كۆڭلۈمنى ياساپ باقىمەن، ئەمما بۇ ئۆز- ئۆزۈمنى ئالداشتىن باشقا ئىش ئەمەس ئىكەن، ئاتا-ئانام مېنى كۆرگۈسى كەلگەندە ئۇلار بىلەن ھال-مۇڭ بولالمىسام، پەرزەنتلىك بۇرچۇمنى، ئانامنىڭ بەرگەن ھالال، ئاق،پاك سۈتلىرىنىڭ ھەققىنى ئادا قىلالمىسام،باشقا،يۇرتلاردا،ئۆگىنىش، خىزمەت ،سودا،ۋە ئالىقانداق تاينى يوق مۇھىم ئىشلار ئۈچۈن، نېمنى مۇھىم نېمىنىڭ مۇھىم ئەمەسلىكىنى ئويلاشماستىن ،تۇرمۇش ھەلەكچىلىدكىدە پۇل ،پۇل پۇل ،يەنىلا شۇ نىجىس، ئەمما سۈيۈملۈك بىلىنىدىغان پۇل ئۈچۈن ئۆزۈمنى يوقىتىپ قويسام، تېخى پات-پت ئۆز-ئۆزۈمگە  باشقىلار نېمىنى بىلەتتى، ئۆزۈمنىڭ تۇتقان يولى ئەڭ توغرا دەپ ، ئۆزۈمنىڭ مۇھەببەتكە تەشنا قەلبىمنى يالغان ياۋىداق سۆزلەر بىلەن پەدازلاپ يۈرسەم قانداقمۇ باشقىلارغا ،ياق، ياق،قانداقمۇ ئۆز-ئۆزۈمگە يۈز كېلەلەيمەن. ياراتقۇچى ئۇلۇغ ئاللاغا تۈمەن مىڭ شۈكۈرلەر بولسۇن ،ھېلىمۇياخشى ،مەن بۇ يەردە پەقەت ئىككى يىل تۇرۇدىكەنمەن، ئەگەر يەنە ئۇزاقراق بولغان بولسا مەن سەۋدايى بولۇپ قالمىغان تەغدىردىمۇ، باشقا ئىشلارنى تەسەۋۋۇر قىلماق خېلى تەس، . مانا ئەتە، يۇرتۇمغا، ئەزىز ماكانىمغا، ئاتا-ئانامنىڭ قىشىغا، قاراپ يول ئالىمەن، ئۇلۈغ، ئاللادىن ماڭا، دوستلۇرۇمغا، ۋە ياقا يۇرتلاردا سەرگەردەن مۇساپىر بولۇپ يۇرگەن ھەر بىر ئەزىز قېرىندىشمغا روھىغا چىدام غەيرەت، دىلىغا ئىمان ۋە ھىدايەت، تېنىغا سالامەتىك تىلەيمەن

idikut510

	مىسرانىمنىڭ باشقۇرغۇچىلىرى مۇشۇنداق ياخشى تېمىلارنى تەستىقلىماي، نەدە ناچار تېمىلارنى تەستىقلاپ يۈرىدىكەن

kuraxqan

	بو تىما ياخشى ئىكەن.ئاق بىلەن قارانى پەرىق ئتش ئقدارىمىزنى ئاشۇردىكەن.

hey

	يەرمەنكىنىڭ تەپسىلاتى توغرىسىدىكى خەۋەر ۋە ئۇچۇرلارنى مىكروبلوگ ئارقىلىق كۆردۈم ، مېنى ھەممىدىن ئىچىندۇرغىنى قەشقەردە ئېچىلغان مۇشۇنداق يەرمەنكىلەردىكى ھىچقانداق لوزۇنكا ، پىلاكاتلاردا ئۇيغۇرچە خەتنىڭ بولمىغانلىقى ، يەنە بىرقانچە مەسلىلەرنى ھىس قىلغان بۇيەردە ئوتتۇرىغا قويساممۇ پايدىسى بولماسلىقى مۇمكىن. مېنىڭچە ھەرقانداق سودىگەرنىڭ ئەمەلىي ئەھۋالى ئوخشىمايدۇ ، سودا ئۇسۇللىرىمۇ ئوخشىماسلىقى مۇمكىن  ، شەخسەن ئۆزۈم شۇنداق قارايمەن . تېمىدىكى يەرمەنكىگە قاتناشقان خوتەنلىك سودىگەرلەرنىڭ ‹‹ھەقسىز›› تارقاتقان مەھسۇلاتلىرى ئارقىلىقلا ئۇلارغا ياخشى باھا ئارقىلىق باشقا سودىگەرلەرنى سىلىشتۇرۇش ئانچە ئاقىلانىلىك بولماسلىقى مۇمكىن. بەلكىم ‹‹ھەقسىز›› بۇنىڭ ئارقىسىدا بىز بىلمەيدىغان ھىكايىلەر بولىشى مۇمكىن. ئەمما ھالال مىھنىتى ئارقىلىق تاپقان پۇللىرىنى شۇنداق ھالال ئىشلارغا سەرپ ئېتىۋاتقان سودىگەرلىرىمىزدىن ھەممىمىز پەخىرلىنىمىز.