كاللىنى مۇنداق ئىشلەتسىمۇ بولىدىكەن

xepket

	دەششەت قىزىقارلىقكەن كاللىنى مۇنداق ئوينىتىدىكەنمىز ئەسلى تېلېفۇننىڭ ئەنسىز ئاۋازى چۇشتىكى شېرىن ئۇيقۇمنى بۇزىۋەتتى .<كىمدۇ بۇچاغدا تىلفۇن بېرىپ ئادەمنى ئۇخلاتمىغان ؟>مىڭ تەسلىكتە ئورنۇمدىن تۇرۇپ تۇرۇپكىنى ئالدىم: _ياخشىمۇسىز ؟ _ئەنۋەرجانمۇ؟ تىچلىقمۇ، سالامەت تۇردىڭىزمۇ؟ _سىزنى تونىيالمىدىمغۇ ،كىمۇ؟ _تونىيالمىدىڭىزمۇ؟ ياخشىراق ئەسلەپ بېقىڭ ،ئاغىنىلىرىڭىزنى بۇنداق ئۇنتۇپ كەتسىڭىز بولماس . _راسىتلا تونىيالمىدىم. _پادا باققاندا بىللە بولۇپ ،ياڭاق چاققاندا ئايرىلىدىغان ئېشنى قىلساق سەت تۇرامىكىن ئاغىنە.        بۇ كىشىنى پەقەتلا ئېسىمگە ئالالمىدىم<توختا ،يېقىندا كىشلەرنىڭ شەخسى ئۇچۇرىغا قانۇنسىز يوللار ئارقىلىق ئېرىشىپ ئادەم ئالدايدىغانلار كۆپىيىپ كەتتى .مۇشۇنداق كاززاپتىن بىرىگە ئۇچىرىغان بولماي يەنە،قېنى بىر سىناپ باقاي .> _ھە سىز قاسىممۇ؟ _دەل تاپتىڭىز ،تاس قالدىڭىزھە تونىيالمىغىلى.قانداق ياخشى تۇرىۋاتامسىز ؟ ئۇ مېنى قىلتاققا چۈشتى،دەپ ئويلىدى بولغاي ،ئاۋازى باشقىچە جاللىنىپ كەتتى .بۇ قىزىل كۆزنىڭ مېنى ئالدىماقچى بولغىنىنى ئويلاپ قاتتىق غەزىپىم كەلدى.تېخى ئىككى ئاينىڭ ئالدىدا مۇشىنىڭغا ئوخشاش ئالدامچىلار ئانامنىڭ 20مىڭ يۇەن پۇلىنى ئالداپ كەتكەنىدى .<توختا ،ئۆزەمنى بېسىۋالاي ،ئۇنى بىر ئەخمەق قىلىپ ،ئاچچىقىمنى ئازىراق بولسىمۇ چىقىرىۋالمايدىغان بولسام .> _قاسىم ،ھەجەپ ئۇزاق بوپتۇ كۆرۈشمىگىنىمىزگە ،سىزنى دائىم ئەسلەپ تۇرىمەن .بايام تونىماي سەت بوپتۇ . _شۇ، شۇ .ئالاقىلىشەلمىگەن بولساقمۇ سىزنى ئۆزۈمنىڭ ئەڭ يېقىن ئاغىنىلىرىدىن ھېساپلايمەن . _مەنمۇ شۇ .تۇيۇقسىز تىلفۇن بېرىپ قاپسىز ،بىرەر مۇھىم ئىشىڭىز چىقىپ قالدىمۇ ؟ياردەم لازىم بولسا تارتىنماي دەڭ . _رەھمەت سىزگە .ئەمىسە گەپنى ئەگىىتىپ يۈرمەي ،شۇ ئازىراق پۇل لازىم بوپ قالغانتى .        ئەپت-بەشىرسىنى ئاشكارلىغان بۇ ئالدامچى توزىقىمغا قانداقلارچە چۇشۇپ قالغانلىقىنى سەزمەيلا قالدى . _قانچە پۇل لازىم بولسا دەڭ ،ياردەم قىلىمەن ،ئۆزىڭىزنى كۆرمىگەن بىلەن ئەھۋالىڭىزدىن خەۋەردار بولۇپ تۇردۇم . ئاڭلىسام ئاتىڭىزنى ماشىنا سوقۇپ بەش پارچە قىلىۋېتىپتۇ ،دەيدۇ .تولىمۇ كېلىشمەسلىك بوپتۇ .        ساختىپەز سۆزۈمدىن ھەيران قالغان بولسىمۇ ،ئۆزىنى چاندۇرۇپ قويماسلىق ئۈچۈن ماڭا ماسلىشىشقا تىرىشىۋاتاتتى  . _شۇ ، يولدىن كېسىپ ئۆتىمەن دەپ بېخەستىلىكتىن .... _بىچارە ئانىڭىز ئاتىڭىزنىڭ  دەردىدە كېسىلى ئېغىرلاپ ئۆلەي دەپ قالدى دىيىشىدىغۇ. _شۇ ،ھازىر ئانامنى دوختۇرخانىدا داۋالىتىۋاتىمىز .دوختۇر ئۈمىد چوڭ ئەمەس ،دەيدۇ. _ھە...ھازىر كېسەل كۆرسىتىشكە بىر مۇنچە پۇل كېتىدۇ ئەمەسمۇ. ئايالىڭىزچۇ، ھازىرمۇ پۈتۈنلەي پالەچ ھالەتتە يېتىۋاتامدۇ؟  ئۇنى بېقىش ئېغىر كېلىپ ئاجىرىشىپ كەتمىگەنسىز ؟ساراڭ بولسىمۇ ،سىزگە ئۇزاق يىل ھەمراھ بولدى ،ئەمەسمۇ. _ياق،ياق ئاجىرىشىپ كەتمىدىم، ھازىرمۇ بېقىۋاتىمەن . _ياخشى ،خېلى ۋاپادار كەنسىز .كېلىشمەسلىك چوڭلار بىلەنلا كېتىپ بالىڭىز ساق قالسىچۇ-ھە!   ئۇ ئاڭقىرالماي، نىمە دىيىشىنى بىلمەي قالدى. مەقسىتىمنى ،شەكلى ئۆزگەرگەن قارغىشلىرىمنى ھېس قىلدىمۇ -قانداق، ئاۋازى بارغانسىرى بوشاپ كېتىۋاتاتتى ،لېكىن ئۇ مەقسىتىگە يېتىش ئۈچۈن ئاخىرغىچە تىركەشتى . _ ھە؟  قانداق دەيسىز ؟ _  بالىڭىزنى ئايروپىلاندىن چۈشۈپ كەتتى ،دىيىشىدىغۇ، ئۇنىڭ ئۈستىگە ئۇدۇل ئېغىلغىلا چۈشۈپ ،تەخەيگە ئايلىنىپ قالغانلىقى تولىمۇ ئەپسۇسلىنارلىق ئىش بوپتۇ . بۇ ساختىپەز ئاخىرى تىل-ئاھانەتلەرگە بەرداشلىق بېرەلمەي ،<ئۆزۈڭنىڭ بالىسى تەخەي >دەپ تىلفۇننى قويىۋەتتى . تۇرۇپلا ئاچچىقىم چىققىندەك، ئانامنىڭ ئۆچىنى ئېلىپ بەرگەندەك يىنىكلەپلا  قالدىم . ياشانغانلار گېزىتىدىن ئېلىندى.

nazigul8

	ھاھاھا قىززىق

barter

	يامانكەنسىز جۇمۇ !ئاپىرىن، لىكىن ئا ئانامنىڭ 20 مىڭ سومنى ئالداپ ئېلىۋالدى دىگىنىڭىز راسمۇ يا ؟ ھەجەپ پالاكەت يېغىپتۇ سىلەگە

axek13999649893

	ۋاي  ۋاي   سىز دىن   ئۆگەنسەك  بولغۇدەك   ئالدامچى  بابلاشنى

xepket

	http://wisalbbs.com/forum.php?mod=viewthread&tid=4605 پىچاندا  يۇز بەرگەن خەۋەر بۇ يەردە بار ىكەن

qayan444

	ئىنكاسىڭىز بوپ قويىدىكەن كۈلىۋالدىم  .

xepket

	barter يوللىغان ۋاقتى  2013-6-30 10:45 AM يامانكەنسىز جۇمۇ !ئاپىرىن، لىكىن ئا ئانامنىڭ 20 مىڭ س ... kaqurung    ,,,yan tilfunda  yolligantim,,,dostumning  dosluk qambirkidin  koqurup  kalgan,,,,inik askartip  koymaptiman  sat  boldi,,,,

0999uyghurkizi

	بەك قىزىقارلىقكەن  .   ئەجەب جايلاپتۇ  .

nazila998

	يائاللا مۇشۇنداقمۇ كەلتۈرەمسىز ، ئاچچىقتىن ئۆتى يىرىلىپ كەتكەندىمۇ ئۇ ئالدامچىنىڭ

nawa0998

	ئەدىبىى راسا بىرىپسىز ھە، ئەمما بەك كۈلكىلىك ئىكەن، رەھمەت سىزگە