قىقاس

fanteken

	قيقاس   تۇرىمىز،ئورمانۇ-تاغ،دەشتى-چۆل، غايىلەر پايخان،كۆزلەر قىسىق ئۈمىدسىزلىكلەر ئارا، تۇرىمىز، ھېلىمۇ يەر دەسسەپ ،لەرزان كۆتۈرۈلسە ئالەم،كۆرەلمەي كۈن نۇرىن كۆككە قارا. يورۇتماي كۆز،ئىدراك-ئەقىلنى جۆيلۈپ تاشلىدۇق،قەدەمنى گالغىچە پاتقاققا تاشلىدۇق، ئۇنى دېدۇق بۇنى دېدۇق بىكارنى دىدۇق،پۈتكۈل ئەل ئىستىقبالىنى تۇيۇققا تاشلىدۇق. تارىخ سۆزى قىلساق ھەممىنىڭ پەخرى بىز،زامانىمىزدە،  نېنىنى يېيەلمەس پەقىرى بىز. ئەجدادىمىزدىن قالمىدىمۇ بىزگە قان ئۇرۇقى تاڭ،يۇقالدىمۇ سۇلتانغا خاس قەھرىمىز. ياۋنى كۆرسە كۆزى بىرلە جانىن ئالۇر،شىرمەت،ياۋايى-ئەر ئوغلانلىرىمىز قايدىدۇر، قالمىغانمۇ مادارى،يىلىك تولمىغانمۇ سۆڭەكىگە ،كۆپىنىڭ تاماسى سەدىقە ناندىدۇر. ئۇلۇغ روھلارمۇ يىغلىدى بەلكىم،يوشۇرالماي ئۆزىنى ئۇ دۇنيادىمۇ بۇ ئاھانەتتىن، تانغۇسى كېلەر قارا خاننىڭمۇ ئېھتىمال،بۇ يارىماس،ئىتائەتلىك غەش ئەۋلاتتىن. مىندۈرۈپ ئاتقا،تۇتقۇزۈپ مىسراننى كۆرسەتتى ئۇزاق نىشاننى يىقىلماس ئاتام، نە قالمىغانمۇ ئەجداتتىن بىزگە ماغدۇر،يىقىلدۇق ئىچىنىشلىق ھەممىمىز تامام. كەلسە نەچچە يۈز تۈمەنمىڭ ياۋ،قات قىلماي يۈرەك،ئالغانتىغۇ شەرەپ غەلبىنى، بىز كىم؟ئەمەسمۇيە شۇ باھادىرلانىڭ قەۋمى؟ئۆرۈلمەكتىغۇ بىز ئەلنىڭ نىشان يەلكىنى. مانا كۆتۈرۈلمەكتە كۆتۈرگۈزمەي باش مەسخىرە كۈلكە،ھەتتا يۈز كۆزلەرگە تۈكۈرۈك، بىز باغلانغان ئىت كەبى تىلەيمىزمۇ نىجاتلىقنى قەۋمىمىز بويچە بولدۇقمۇ توخۇ يۈرەك؟ مېڭە-كاللىلەرگە ئۇرۇلماقتا قىيقاس ،جاننى ئالۇر،يەنە چىداشلار راستلا ئۆلۈم تىلەشمۇ؟ ئىچىنىدۇ دۇنيا پۇتتى ھايات،ھارام ئەمگەنمۇ <<ئوغۇزنى>>؟ئۆلۈمگە بېرەمدۇق كۆرەشنى؟. ئۆلمە! ھەي ھەي شىرمەتلەر تاپمامسەن ئەسلىڭنى بۆرىدەك،تۇرما تۈلكە جىندەك بزىرىپ. ئالەم پۈتۈن قان تۇرسا ئەكسى يوقمۇ كۆزۈڭدە تامچە قاننىڭ،باقمىدىمۇ ئازلا-ئازلا قىزىرىپ. مەغلۇپ ھاياتنىڭ سەھەر-كەچنى كۆرۈشىمۇ شەپقىتى ئىمىش،<<دانا تۇرمىش قانخورنىڭ>>. ھىيلە-مىكىر،نەيرەڭلەرىنى باتۇر سانارمىش،تۈلكە ئاتلىق قورقۇنچاق يالغانچى<<جالپەكنىڭ>>. بىل!ئاچ كۆزۈڭنى كىم قىلدى باھارنىڭ گۈلىنى خازان،قېنى ئىچ ،تىنىنى تالا،قىلىۋەت يەكسەن. كۆرسىتىپ قوي ھەقىقەت نىمە؟ئادەم نىمە ؟ئەر نىمە؟قەھر نىمە؟بىلدۇر ئۇنىڭغا شۈنچىكى <<بۈيۈكسەن>>. ئۇلۇغ ئاللاھ ئۇيغۇرلىرىمغا ،شىردەك ياۋايىلىك،يولۋاستەك جاسارەت،بۆرىدەك مەرد ۋە غالىبىيەتچىلىكنى ئاتا قىلغايسەن!!! پانتىكىن. 2013-7-30

axek13999649893

	يورۇتماي كۆز،ئىدراك-ئەقىلنى جۆيلۈپ تاشلىدۇق،قەدەمنى گالغىچە پاتقاققا تاشلىدۇق. ئۇنى دىدۇق بۇنى دىدۇق بىكارنى دىدۇق،پۈتكۈل ئەل ئىستىقبالىنى تۇيۇققا تاشلىدۇق.

Yigsari

	بۇ شىئىرنىڭ قايسى تۈرىگە كىرىدۇ باللا؟ غەزەلمىكىن دىسەم تېخى ؟

fanteken

	Yigsari يوللىغان ۋاقتى  2013-6-29 07:30 AM بۇ شىئىرنىڭ قايسى تۈرىگە كىرىدۇ باللا؟ غەزەلمىكىن دىس ... بۇ مۇشۇنداق بىر شىئىرلا خالاس.ناخشا-غەزەل دىسىڭىز غەزەل،بىيت دىسىڭىزمۇ بولارمۇ يە؟

326ayixa

	مەنىسى چوڭقۇر ئىكەن . ئادەمنى ئويغا سالىدۇ . ھازىرقى مۇشۇنداق شارائىتتا....... قەلەملىرىڭىز ھارمىغاي .

kakkuk11

	Yigsari يوللىغان ۋاقتى  2013-6-29 09:30 PM بۇ شىئىرنىڭ قايسى تۈرىگە كىرىدۇ باللا؟ غەزەلمىكىن دىس ... غەزەل ئەمەس ، قاپىيە شەكلى ماس كەلمەيدۇ . مەسنەۋى شەكلىدە يېزىلغان بىراق مىسرالىرى ئۇزۇن بولۇپ كەتكەچكە كىشىگە نەسرى شېئىردەك تۇيغۇ بېرىدىكەن.

kakkuk11

	قيقاس - ماۋۇ سۆزنى گىراماتېكا ئۇسۇلى بۇيىچە ئوقالمىدىم. ئوقۇلۇش ۋە مەزمونى جەھەتتىن چۈشەنچە بەرسىڭىز قانداق ؟

fanteken

	kakkuk11 يوللىغان ۋاقتى  2013-6-29 08:59 AM قيقاس - ماۋۇ سۆزنى گىراماتېكا ئۇسۇلى بۇيىچە ئوقالمىدىم ... ئۇيغۇرچە تىلدا بار سۆزغۇ ،نىمىشقا ئوقۇيالمىدىڭىز؟قيقاس،باشقىچە تۇيۇلىۋاتامدا؟

kakkuk11

	fanteken يوللىغان ۋاقتى  2013-6-29 11:01 PM ئۇيغۇرچە تىلدا بار سۆزغۇ ،نىمىشقا ئوقۇيالمىدىڭىز؟قي ... بىرەر چۈشۈپ قالغان ھەرپ يوقتۇ -ھە! بۇ بىر بوغۇملۇق سۆزمۇ ياكى ئىككى بوغۇملۇق سۆزمۇ ؟

fanteken

	kakkuk11 يوللىغان ۋاقتى  2013-6-29 09:03 AM بىرەر چۈشۈپ قالغان ھەرپ يوقتۇ -ھە! بۇ بىر بوغۇملۇق سۆز ... شۇنداق ،بىر ھەرپنى مەن قالدۇرغان،بۇ ئىككى بوغۇملۇق سۆز. ئىغىزغا تولدۇرۇپ چىقىدىغاندەك بىلىنىپ ‹‹ى››نى قالدۇرغانتىم.باشقىچە تۇيۇلغان بولسا مۇنداق ئوقۇڭ، قىيقاس.