ساراڭنىڭ كۈندىلىك خاتىرسى

koxmak7

	ساراڭنىڭ كۈندىلىك خاتىرسى                                                                           (ھېكايە)                                                           تاھىرجان ئاتاۋۇللا قوشماق ئوتتۇرا مەكتەپكە تۇنجى چىققان كۈنۈم ئىدى . مەكتەپ دەرۋازىسى ئالدىدا ساقاللىرى ئۆسۈپ كەتكەن ، ئاق باش ، رەڭگى ئۆڭۈپ كەتكەن  شىم - كاستىيۇم كىيۋالغان ،قولىدا دۇتتار كۆتىرىرۋالغان بىر ئادەمنى  كۆرگەن ئىدىم . مەن ھازىر تولۇق ئوتتۇرامەكتەپنىڭ 2-يىللىقىغا چىقتىم . مۇشۇ مەكتەپتە ئوقۇۋاتقىنىمغا بەش يىل بولاي دىدى . مۇشۇ بەش يىل جەريانىدا ، دەم ئېلىش كۈنلىردىن باشقا كۈنلەردە ، ئۇ ئادەمنى كۆرمىگەن كۈنۈم يوق .ئۇنىڭ ئىسمى مىجىت ئاخۇن بولۇپ ، يېزىمىزنىڭ قۇمباغ كەنتىدىن ئىدى . ئۇ ھازىر مەكتەپ دەرۋازىسنىڭ يېنىغا بىر ئاياغ ياماقچىلىق دۇككىنى ئاچتى . چۈشلىكى يوغان چار تۆمۈر قاچىسىغا پوتەيدەك نان چېلۋېلىپ بىز بىلەن بىللە مەكتەپنىڭ چايخانىسىدا ئولتۇرۇپ چاي ئىچىدۇ . ئۇ يوغان قارا تاشلىق خاتىرسىنى دائىم يېنىدىن ئايرىمايدۇ . ئازراق بىكار بولۇپ قالسىلا، توختىماي بىرنەرسىلەرنى يېزىپ ئولتۇردۇ . بالىلارنىڭ ھەممىسى ئۇنى مىجىت « ساراڭ » دەپ ئاتايدۇ . مەنمۇ ئۇ ئادەمدىن سەل قورقاتتىم. ئۇ ئادەم ھۈنەرگە پىششىق بولغىنى بىلەن ، خېرىدار قانچە پۇل بەرسە تالاشماي ئالاتتى. شۇڭا خېرىدارى كۆپ ،سودىسىمۇ ياخشى ئىدى .  تېخى دۇككىننىڭ ئالدىدىكى بوش يەرگە ، يوغان بىر داس گازىر تىزىپ قويغان ئىدى . گازىرنىڭ بىر ئىستىكىنى 2موچەن ئىدى . بالىلار سومكا ، كەشىنى ياماتقۇچى ، گازىر ئېلىپ چېقى ئولتۇراتتى . ئۇ ئادەم ئىشى يوق چاغلاردا يەنە ھېلىقى يوغان خاتىرسىنى ئېلىپ ، بىرنەرسىەلرنى يازاتتى . بۈگۈن چۈشتىن كىيىن ئىمتىھاندىن بۇرۇنلا چىقىپ ، كەشىمنى يامىتىش ئۈچۈن ئۇدۇل مىجىت ئاخۇننىڭ بوتكىسنىڭ ئالدىغا كەلسەم ، ئۇ كىشى خاتىرسگە خەت يېزىپ ئولتۇرۇپتۇ . مەن بوتكا ئالدىغا قويۇلغان كىچىك ئورۇندۇققا جايلىشۋالغاندىن كىيىن ، كەشىمنىڭ يىپىنى يىشىپ ، مىجىت ئاخۇنغا ئۇزاتتىم . ئۇ خاتىرنى قويۇپ ، كەشىمنى ياماشقا باشلىدى .مەن ئۇنىڭ خاتىرسىگە قىزقىپ قالدىم . —        خاتىرىڭىزنى كۆرۈپ باقسام بولامدۇ ؟ -دىيىشىمگە ئۇ كىشى : —        بولىدۇ ، — دەپلا قولۇمغا تۇتقۇزۇپ قويدى . «توۋا ،ساراڭمۇ كۈندىلىك خاتىرە يازسا ھە !،نىمە دەپ يازىدىغاندۇ ؟» دەپ ئويلاپ خاتىرنى ئاچتىم .1-بېتىگە «كۈندلىىك خاتىرە » دەپ چوڭ قىلىپ يېزلىپ ، ئاستىغا «مەشھۇر موزدۇز ، مەززىلىك گازىر ساتقۇچى سۆدىگەر مىجىت ئاخۇن  » دەپ يېزىلغان ئىدى . مەن 2-بەتنى ئاچتىم . ئۈستىگە 2007-يىلى 11-ئاينىڭ 29-كۈنى دەپ يېزىلىپ ئاستى نەزىم شەكىلدە مۇنداق يېزىلغان ئىدى .                  يامالدى بەش كەش ،                 يەتمىش ئىككى يەرنى تەش ،                موم سۈركەلدى يىپقا ،                 بەش سوم تاپماق تەس .                 سەكسەن بالىغا سېتىلدى ،                قىرىق سوملۇق شىمىشكا ،                پۇلنى بۇزسا بالىسى ،                گەپ قىلمايدۇ ئانىسى نىمىشقا .   3 -بېتىگە مۇنۇلار يېزىلغان ئىدى : « بۇ يىل ھۈنەر قىلىپ ، گازىر سېتىپ 1900سوم پۇل تېپىپتىمەن . بۇ پۇلنى بىرەر ياخشى ئىش ئۈچۈن خەجلەي دەپ  تۇرمۇشتا قيىنچىلىقى بار ئوقۇغۇچلارغا قىشلىق كىيىم ئېلىپ بىرىشقارارىغا كەلدىم . 60 دانە قىشلىق چاپان ئېلىپ ، مەكتەپ مۇدىرى ساتارغا تاپشۇرۇپ بەردىم . ئەمما مىنىڭ ئىسمىمنى ھېچكىمگە دىمەسلىكنى تەلەپ قىلدىم » . بۇ قۇرلارنى ئوقۇۋېتىپ تىترەپ كەتتىم . چۈنكى ئۇچامدىكى مۇنۇ چاپان ، دەل مىجىت ئاخۇن ئېلىپ بەرگەن چاپان ئىكەن ئەمەسمۇ . مەن ئۇنىڭغا قارىدىم . ئۇ پۈتۈن دىققىتى بىلەن كەشىمنى ياماۋاتاتتى .بەدىنىمگە بىر ىىل ئىسسىق سىزىم تارقىلىشقا باشلىدى . توۋا بۇ ئادەم ئەسلى قەلبى ئويغاق ياخشا ئادەم ئىكەن ئەمەسمۇ .شۇ كۇندىن باشلاپ،ئۇ ئادەم مىنىڭ كۆزۈمگە بۆلەكچىلا ئىسسىق كۆرنىدىغان بولدى .

jundullah114

	ئەسسالامۇ ئەلەيكۇم تورداش. تەسەۋۋۇرىڭىز بولىدىكەن. مىنىڭ سەمىمى تەۋسىيەرىم ،بولسا سەھىھ ھەدىسلەرنى كۆپرەك كۆرۈپ بىرىڭ ! پىكىرىڭىز ساپلىشىپ نىيىتىڭىز پاكلاشقۇسى ئىنشائاللاھ.  ھازىر دۇنيادا نۇرغۇنلىغان ئالىملار،يازغۇچىلار ئىسلامنى تەتقىق قىلىپ راسلىقىنى ئىسپاتلاپ پولاتتەك پاكىت نىلەن ئىسلامغا بەيئەت قىلىۋاتىدۇ، بولۇپمۇ غەربىي گىرمانىيەدە.....

سائەت

	نىمانداق تەسىرلىك راس بولغان ۋەقە مۇ؟

xayar18

	پولاتتەك پاكىتلىنى بىزگىمۇ يەتكۈز سىڭىز قانداق بىزمۇباشقىلارغا يەتكۈزۈپ قويامىز

ahsajan

	jundullah114 يوللىغان ۋاقتى  2013-6-29 05:09 PM ئەسسالامۇ ئەلەيكۇم تورداش. تەسەۋۋۇرىڭىز بولىدىكەن. مى ... سىزنى تونىغاندەك قىلىمەنغۇ ؟.... ئايرىم خەت يازامسىز .

xamxar836

	يارايسىز

ahsajan

	بۇ ماۋزۇدا بۇرۇن بىر تىمىنى ئوقىغىنىم ئىسىمدە ....

musilina

	ئەتىگەندە يازغۇچىلار مۇنبىرىدە ئوقۇغان ئىدىم،جەمىيىتىمىزدە مىجىت ئاخۇندەك‹‹ساراڭلار›› كۆپەيگەن بولسا ياخشى بولاتتى... ئەھمىيەتلىك ھېكايىكەن....

0999uyghurkizi

	بۇ باشلانغۇچنىڭ ئەدەبىيات دەرسلىكىگە كىرگۈزۈلگەن ئەسەرغۇ دەيمەن .

marhaba77

	pakat mawzuse ohxaydekan,bu asarmu ozgeqa ekan