چاچلىرىڭ قېنى

شورلۇق

	قېنى چىرايىڭغا بەكمۇ ياراشقان، ئۈرۈم-ئۈرۈم چاچلىرىڭ قېنى. كۆڭلۈم ئۇتۇپ مېنى قاراتقان، سۇمبۇل-سۇمبۇل چاچلىرىڭ قېنى. ئوخشىمايلا قاپسەن ئۆزۈڭگە، ئىشەنمەيلا قالدىم كۆزۈمگە، ئۈششۈك تەگدى چېچەك ، گۈلۈمگە، سۇمبۇل-سۇمبۇل چاچلىرىڭ قېنى. گۇناھلارنىڭ چاقمىقى چاقتى، چىرايىڭدىن چىرايلار قاچتى، ئەقىدىلەر يولدىن ئاداشتى ، سۇمبۇل-سۇمبۇل چاچلىرىڭ قېنى. بۇ ئەمەسمۇ ئېغىر جۇدالىق، قايغۇ - ئازاب ئىككى دۇنيالىق، ئۆلۈم ، ئۆلۈم  ئۆزدىن تانغانلىق، سۇمبۇل-سۇمبۇل چاچلىرىڭ قېنى. ماڭا ھارام ئامدى بۇ ھايات، چىرماشماقتا جېنىمغا مامات، يىغلار ئاسمان ، يىغلار كائىنات، سۇمبۇل-سۇمبۇل چاچلىرىڭ قېنى. ئۈرۈم-ئۈرۈم چاچلىرىڭ قېنى، سۇمبۇل-سۇمبۇل چاچلىرىڭ قېنى. پاكىز چىققان قۇياش يىغلايدۇ ، قارا-قارا چاچلىرىڭ قېنى.

MiRul

	پاھ   تولىمۇ يېقىشلىق شېئىر بوپتۇ بۇ،    مۇشۇنداق ئسىل شېئىرلىرىڭىز ئارقىلىق بىزگە زوق ئاتا قىلىۋاتىقىنىڭىزدىن تولىمۇ خۇشالمەن، قەلەم تۇتقان قوللىرىڭىز ھارمىسۇن....

tatlik0997

	بۇ تېمىنى ئوقۇپ ئوزۇن چېچىمنى ئەسلەپ قالدىم.

tatlik0997

	چاچنى قانداق قىلغاندا ياخشى ئاسىرغىلى بولىدىغاندۇ شۇ،تىزراق ئۆستەسەم بولاتتى چېچىمنى، كالتە چاچ بىلەن دوپپا كەيسىمۇ بەك يارىشىپ كەتمەيدىكەن.  نىمىلا دېمەيلى ئوزۇن چاچ «ئۇز»ئىكەن.

uyoglani

	ئوغۇللارغىمۇ ئۇزۇن چاچلىق قىزلار بەكرەك ياقىدۇ، شەخسەن ماڭا شۇنداق،

326ayixa

	قەلەملىرىڭىز ھارمىغاي .

tilk

	پاھ   تولىمۇ يېقىشلىق شېئىر بوپتۇ ؟

yulghunjan

	مۇنۇ ناخشىنى ئاڭلىسىڭىز بۇ شېئىرنى تېخىمۇ چۈشۈنىسىز. http://www.udun1.com/play_user_music.asp?id=41806 http://www.udun1.com/user/izdax.asp?keyword=%D9%82%D9%89%D9%86%D9%89%20%D9%82%D8%A7%D8%B1%D8%A7%20%DA%86%D8%A7%DA%86

yulghunjan

	بۇ شېئىرنى ياخشى يېزىپسىز. ئەخمەت ئېلىنىڭ مەن يوللاپ قويغان "قېنى قارا چاچ" دېگەن ناخشىسىنىمۇ قوشۇپ يوللاپ قويغان بولسىڭىز تېخىمۇ ياخشى بولاتتى.

boraoghli

	بولسا ئۇزۇن-ئۇزۇن رومالىڭ قېنى دەپ يېزىڭلا، بۇ كۈنلەردە قىزلىرىمىزنىڭ شۇ ئوچۇق قالغان چاچلىرى تولا بىر نېمىلەرگە ئىلىنىپ قېلىپ بېشىنى زىدە قىلىۋاتىدۇ…