يۈزتۇرانە ئىنتىھان تاكتىكىلىرى

esyankar75

	ئەسسالام ئەلەيكوم تورداشلار ، ھازىرقى مۇشۇ ۋاقىتتا نۇرغۇن ئالىي مەكتەپ ئوقۇغۇچىلىرى  ئوقۇش پۈتتۈرتۈپ خىزمەت تىپىش ئۈچۈن قاترىماقتا . كەمىنە بىزنىڭ شىنجاڭ مالىيە ئىقتىساد ئۈنۋىرسىتىتىنىڭ <<مالىيە ئىقتىساد ئۈنۋىرسىتىتى ياشلىرى>> ژورنىلىدا يۈزتۇرانە ئىنتىھانغا قانداق تاقابىل تۇرۇش تاكتىكىسى توغرىسىدا مەزمۇن بارئىكەن ، تەرجىمە قىلىپ خىزمەت ئىزدەۋاتقان ياكى ئىزدىمەكچى بولغان قىرىنداشلارنىڭ پايدىلىنىشى ئۈچۈن يوللىدىم .    1.سوئال : ئۆزىنى تونۇشتۇرۇش : پىكىر يۆنىلىشى : (1)يۈزتۇرانەئىنتىھاندا ئۆزىنى تونۇشتۇرغاندا ، ئۆزىنى تونۇشتۇرۇش ئورىگىنالىدىكى مەزمۇن بىلەن ئوخشاش تونۇشتۇرۇش كىرەك .(2) ئامال بار چۈشىنىشلىك ئورتاق تىلدا سۆزلەش كىرەك .(3) گەپنىڭ مىغىزىنى تىپىپ سۆزلەش كىرەك ، ھەرگىزمۇ مۇناسىۋەتسىز ، كىرىكى يوق گەپلەرنى قىلماسلىق كىرەك. (4) پىكىر يۆنىلىشى ئىنىق ، پىكىر قاتلاملىرى چۈشىنىشلىك بولۇش كىرەك .(6) ئاۋۋال ئورىگىنالغا قاراپ ياخشى مەشىق قىلىش كىرەك . 2.سوئال : ئائىلە ئەھۋالىنى چۈشەندۈرۈش : (1) ئائىلە ئەھۋالى ، كىلىپ چىقىشى خىزمەت ئىزدىمەكچى بولغانلارنىڭ مىجەزى ،كىشىلىك قارىشى ، پىسخىكا ساپاسى بىلەن زىچ مۇناسىۋەتلىك ، بۇ خىزمەتكە قوبۇل قىلغۇچىلارنىڭ بۇ سوئالنى سوراشتىكى ئاساسلىق مەقسىتىدۇر . (2) ئاددىي قىلىپ تۇرۇشلۇق جاي ، ئائىلە جان سانىنى دىيىش كىرەك .(3) ئامال بار خىزمەت قىلغۇچىنىڭ گەپ ئۇرامىدا ئۆزىنىڭ بىر بەخىتلىك ئائىلە مۇھىتىدا چوڭ بولغانلىقى گەۋدىلىنىش كىرەك .(4) چوقۇم ئاتا ئانىسىنىڭ ئۆزىنىڭ ئۆسۈپ يىتىلىشىگە ئىنتايىن كۆڭۈل بولدىغانلىقىنى پۇرىتىش كىرەك .(5) سۆز جەريانىدا ئۆزىنىڭ ئائىلىسىگە بولغان مەسئۇلىيەت تۇيغۇسىنى پۇرىتىش كىرەك .(7)ئامال بار ئۆزىنىڭ ئائىلىسىدىكى بەختسىزلىكلەرنى كۆپ تىلغا ئالماسلىقى كىرەك . 3.سوئال :ئىشتىن سىرتقى قىزىقىشىنى چۈشەندۈرۈش : (1)بۇ تۈرنى سوراشتىكى سەۋەب بولسا ئىش ئىزدىگۈچىنىڭ مىجەزى ، دۇنيا قارىشى ، پىسخىكا ساپاسىنى چۈشىنىش.(2)ئەڭ ياخشىسى مەندە ئىشتىن سىرتقى قىزىقىش يوق دىمەسلىك كىرەك .(3)ھەرگىزمۇ ئۆزىدە بولمىغان قىزقىشنى دىمەسلىك كىرەك .(4) ئامال بار ، كىتاب ئوقۇش ، مۇزىكا ئاڭلاش ، تورغا چىقىش، دىمەسلىك بولمىسا خىزمەتكە قوبۇل قىلماقچى بولغانلار سىزنىڭ كىشىلىك تۇرمۇشىڭىزدا غىرىبلىق ، يالغۇزلۇق بارمىكى دەپ گۇمانلىنىپ قالىدۇ .(5) ئەڭ ياخشىسى كۆپچىلىك بىلەن بىللە قىلىدىغان قىزىقىشىڭىزنى دىگىنىڭىز ياخشى ، مەسىلەن پۇتبول ئويناش ، تاغقا چىقىش ... 4.سوئال : كىمگە ئەڭ چوقۇنىسىز . (1) بىز مۇسۇلمان ئاللاھتىن باشقا مەبۇدىمىز يوق ، ئەگەر سىز ئىشلىمەكچى بولغان ئورۇن دىنسىزلار قول ئاستىدا بولسا ، ئامال بار (ئاللاھ) قا دەپ سالماڭ ، چۈنكى قۇرۇق تاغار ئۆرە تۇرمايدۇ ، ھەممە گەپنىڭ دەيدىغان سورۇنى بار ، چوقىنىمەن دىمەي پالانچىنى ياختۇرىمەن دەپ ئۆتۈپ كەتسىڭىزمۇ ھىچقىسى يوق . (2)ھىچكىمگە ، ياكى ئۆزۈمگە دىگەن گەپنى ئامال بار قىلماسلىق . ئۆزۈمگە دىيىش گەرچە بىر خىل ئۆزىگە ئىشىنىش تۇيغۇسىنى كەلتۈرسىمۇ ، قوماندان باشبالتاق ئەسكەرنى ئانچە ياقتۇرۇپ كەتمەيدۇ. (3) ھەرگىزمۇ سىز ياشاۋاتقان تروىيىگە يامان تەسىرى بار ئادەمنى، ياكى نامى يوق ئادەمنى دەپ يۈرمەڭ .(4)ئامال بار سىز ياختۇرىدىغان ئادەم سىزنىڭ قىلماقچى بولغان خىزمىتىڭىز بىلەن مۇناسىۋىتى بار كىشىنى دەڭ ، مەسىلەن : كومپىيىتىر كەسپى بولسا بىلگايتىسنى ياقتۇرىمەن دىگەندەك . (7) جاۋاب بەرگەندە شۇ كىشىنىڭ سىزنىڭ ھاياتىڭىزغا ، كىشىلىك قارىشىڭىزغا قانداق تەسىر كۆرسەتكەنلىكىنى ئىپادىلەپ بىرىڭ ، ھەرگىزمۇ شۇلارنىڭ داڭلىق سۆزلىرى ئارقىلىق ئۆزىڭىزنى مەنمۇ نەق شۇنداق دەپ ماختاپ يۈرمەڭ . 5.سوئال : شۇئارىڭىز ، سىز ياقتۇرىدىغان ھىكمەتلىك سۆز ياكى ماقال تەمسىللىڭىز نىمە؟ (1) بۇمۇ سوئال سورىغۇچىنىڭ سىزنىڭ كەيپىياتىڭىزنى دەڭسەشتىكى ۋاستە . (2)ھەرگىزمۇ بەك ئابىستىراكىت سۆزلەرنى قىلماڭ.(3)بەك ئۇزۇن ئادەمنى ئەسنىتىپ قويىدىغان ھىكمەتلىك سۆزلەرنى دەپ يۈرمەڭ .(4) ھىكمەتلىك سۆزدە ئامال بار ئۆزىڭىزنىڭ مەلۇم جەھەتتىكى ئالاھىدىلىكىڭىز ، باشقىلارغا ئانچە ئوخشىمايدىغان خاراكتىڭىزنى پۇرىتىشىڭىز كىرەك . 6.كەمچىللىكىڭىز نىمە ؟ (1) يوق دىمەڭ .(2) ھەرگىزمۇ كەمتەرلىك قىلىمەن دەپ ئارتۇقچىلىقىڭىزنى كەمچىللىك دەپ يۈرمەڭ ، مەسىلەن باغرىم بەك يۇمشاق دىگەندەك . (3)ھەرگىزمۇ سىز ئىرىشمەكچى بولغان خىزمەتكە مۇناسىۋەتلىك كەمچىللىكىڭىزنى ، مەن راسىتچىل دەپ ئاشكارلاپ يۈرمەڭ ، مەسىلەن پروگىرامما تۈزىدىغان خىزمەتكە ئىرىشمەكچى بولسىڭىز ، ئۆزىڭىزنى رەتسىز ، قالايمىقان ئىش قىلىمەن دەپ سالماڭ . 7.سىزنىڭ ئۆزىڭىزنىڭ مۇشۇ كەمگىچە ئەڭ چوڭ مەغلۇبىيىتىڭىزنى دەپ بىقىڭ ؟ (1)يوق دىمەڭ .(2) ياسالما كەمتەرلىك قىلىپ غەلبىڭىزنى مەغلۇبىيەت دەپ يۈرمەڭ .(3)ھەرگىزمۇ سىز ئىرىشمەكچى بولغان خىزمەتكە تەسىر كۆرسىتىدىغان مەغلۇبىيىتىڭىزنى دەپ سالماڭ . (4)ئامال بار گىپىڭىزدا سىزنىڭ شۇ مەغلۇبىيەتكە قانداق تاقابىل تۇرغىنىڭىزنى ، ئۈمىدۋار بولغىنىڭىزنى ئوچۇق دىمەستىن ئايلاندۇرۇپ پۇرىتىڭ .(5)مەغلۇبىيەت غەلبىنىڭ ئانىسى دەپ سەپسەتە سىتىپ يۈرمەڭ .(6) مەغلۇبىيىتىڭىزدا ئامال بار سىرتقى مۇھىتنىڭ تەسرىدىن دەپ چۈشەندۈرۈڭ ، پىسخىكا جەھەتتىكى ئاجىزلىقىڭىز ئىپادىلىنىپ قالمىسۇن . (7)شۇ قىتىملىق مەغلۇبىيەتتىن سىزنىڭ نىمىنى ئۆگەنگەنلىكىڭىزنى ، باشتا چۈشكەن كۆرۈكنىڭ تۆشۈكىدىن قانداق ئايلىنىپ ئۆتكىنىڭىزنى سۆزلەڭ . 8.نىمىشقا بىزگە خىزمەت قىلىشنى تاللىدىڭىز؟ (1)بۇ سوئالدا خەق سىزنىڭ ئۆزىگە نىسپەتەن قانداق پىكىرىنىڭ بارلىقىنى ، كىينكى خىزمەتتە سىزنىڭ خىزمەتكە قانداق پوزىتسىيە تۇتىدغانلىقىڭىزنى تىڭتىڭلاپ باقماقچى ،(2) بۇنىڭغا سىزنىڭ كەسپىڭىز ، قىزىقىشىڭىز ،شۇ خىزمەتكە بولغان پوزىتسىيىڭىز ۋە شۇ خىزمەتنىڭ تەرەققىيات يۆنىلىشى نۇقتىلىرىدىن چىقىپ پىكىر قىلىڭ . 9.سەن بىز ئۈچۈن نىمىش قىلىپ بىرەلەيسەن؟ (1)بۇ سوئالغا جاۋاب بىرىشتىن ئاۋال ، شۇ شىركەت ياكى ئورۇننىڭ ھازىرقى تەرەققىياتى ، تارىخى ۋە بازار ئەھۋالىنى ئىنتايىن ياخشى ئىگەللەڭ . (2) بۇ سوئالغا ئۆزىڭىزنىڭ ئەمەلىي ئەھۋالىنى ۋە شۇ شۇ خىزمەتكە مۇناسىۋەتلىك ئۆزىدىكى ئارتۇقچىلىقنى شۇ ئورۇننىڭ ئەمەلىي ئەھۋالىغا بىرلەشتۇرۇپ سۆزلەڭ .(3) ھەرگىز چوڭ سۆزلىمەڭ ، ئامال بار ئىشنى كىچىكىدىن باشلاپ سىز ئىرىشمەكچى بولغان مۇھىتنى ياخشى چۈشىنىشكە تىرىشىمەن دەڭ . 10.سەن ئۈستىڭدە قانداق رەھبەرلەرنىڭ بولىشىنى ئارزۇ قىلىسەن ؟ (1) ئامال بار ئۈستىڭىزدىكى رەھبەرنىڭ قانداق بولىشىنى چۈشەندۈرۈشتىن قىچىپ ، ئۆزىڭىزنىڭ ئۇلارغا بولغان تەلىپىنى ئوتتۇرىغا قويۇڭ .(2)مەسىلەن : ئەمدى جەمىيەتكە قەدەم باسقان بىر ياش بولۇش سالاھىيىتىم بىلەن تىرىشىپ سىرتقى مۇھىت بىلەن تونۇشىمەن ۋە ئۇنىڭغا ماسلىشىمەن دىيىش ھەرگىزمۇ سىرتقى مۇھىتقا بولغان تەلەپنى ئوتتۇرىغا قويماسلىق ، مەسىلەن ئىشخانە كەڭ ، ئازادە يورۇق بولسا ، مائاشىمنى مانچىدىن بەرسە ، يىلدا مانچە قىتىم ساياھەتكە چىقارسا دىگەندەك ، ئامال بار يۇقىردىكى رەھبەرلەربىلەن تەڭ نىيەتتە بولۇپ شىركەتنىڭ گۈللىنىشى ، تەرەققىياتى ئۈچۈن تۆھپە قوشىمەن دىيىش كىرەك .    باشقىلار بىلەن روبىرو پاراشلاشقاندا ئىنتايىن سەگەك بولۇش  ئامال بار گەپنىڭ ئىچىدىكى گەپنى چۈشىنىپ يىتىش كىرەك ،شۇندق ۋاقىتتا  سىزدە باشقىلارنىڭ مەيلىنى تارتقۇدەك قالتىس تەييارلىق بولمىسا ھىچقانداق ئىشنى باشقا ئىلىپ چىققىنى بولمايدۇ، ھەتتا كۆڭلىڭىزدىن چىن سۆيىدىغان ئادىمىڭىزنىمۇ سىزدە بۇ خىل تەييارلىق بولمىسا ئۇنىڭ بىلەن تۇنجى كۆرۈشكەندە ئەڭ چوڭ پۇرسەتنى قولدىن بىرىپ قويىسىز .

sirdax998

	ھەقىقەتەن پايدىلىق ماتىرياللاركەن.لىكىن ماڭا ئالىي مەكتەپتە ئوقۇش،نىسىپ بولماپتىكەن.شۇنداق بولسىمۇ رەھمەت.

326ayixa

	تۇرمۇشتا ئىشلەتسەكمۇ بولغۇدەك . رەھمەت . بىلىۋالدۇق. قوللىرڭىز ھارمىغاي .

rahmansaykin

	دىققەت قىلسا بولغىدەك ئىشلاركەن .

dil@wur

	مەنمۇ بىلىۋالدىم ...ھارمىغايسىز..

xarari

	يوۋۋۋ ...  ماڭا كېرەكلىك نەرسىنىلا ئەكەپ بېرىپسىز .. ئۇقۇپ باقسام جىق يەرلەردە دىيىلگىنى ئاساسلىق  ، ھەددىدىن زىيادە بەك ياسالمىلىق قىلماڭ ، تەبئىيرەك بولۇڭ دىگەندەك سۆزلەركەن .. مەن يەنە بىر يىلدىن كېيىن بۇ ماتىرىياللارنى قايتا بىر كۆرۈپ چىقىمەن .. ھەقىقەتەن ئەھمىيەتلىك نەرسىكەن .. تېما ئىگىسىگە رەھمەت ..

quxtikiakku

	بۇنىڭدىن كىيىن خىزمەت ئىزدەيدىغانلار ئۇچۇن بەكلا مۇھىمكەن.