مۇنبەرداشلارغا دۇردانە ھېكمەتلەردىن سوۋغا

musilina

	ئىنساننى خار قىلىدىغىنىمۇ نىيەت،ئەزىز قىلىدىغىنىمۇ نىيەت. سەن قارىمۇ،ئاقمۇ،پاكارمۇ ،ئېگىزمۇ،ئۇرۇقمۇ ،سېمىزمۇ،بايمۇ،نامراتمۇ چاتىقىم يوق،پەقەت سەن مېنى ھۆرمەتلىسەڭ،مەنمۇ سېنى ھۆرمەتلەيمەن. ئاغزىغا كەلگەننى دېمەك  ناداننىڭ ئىشى،ئالدىغا كەلگەننى يېمەك ھايۋاننىڭ ئىشى،كۆپ دېمەك بىلەن بولمىغىل نادان.كۆپ يېمەك بىلەن بولمىغىن ھايۋان. ئاچچىق تىل  زەھەر ئارىلاشقان نەشتەردۇر،تىل  ئوقىنىڭ كۆڭۈلدىكى يارىسى ساقايماس،ئۇنىڭغا ھېچقانداق نەرسە داۋا بولالماس.. كىشىنىڭ ئەيىبىنى ئىزدەشنىڭ ئۆزى ئەيىبتۇر،كىشىنىڭ ئەيىبىنى سۆزلەپ يۈرۈش پەسلىكتۇر،نەرسىنىڭ ئەينىنى كۆرگۈچىلەر ۋە ئارتۇقچىلىقىنى كۆرگۈچىلەر –راست كۆرگۈچىلەردۇر. ئەر كىشى تىكلىگەن ئۆينى ئايال ۋەيران قىلالايدۇ،ئەمما ئايال تىكلىگەن ئۆينى شەيتانمۇ ۋەيران قىلالمايدۇ. ئەقىل ئىگىسى بولاي دېسەڭ نەپسىڭگە قۇل بولما. باشقىلارنى ئەپۇ قىلىش بەزىدە ئەينەككە ئوخشاش ئۆزىڭىزنى ئەپۇ قىلىشىڭىزنىمۇ  كۆرسىتىپ بېرەلەيدۇ. كىشىلەرگە ياخشىلىق قىلىش قولۇڭدىن كەلمىسە ،زەررىچە  يامانلىق ئويلىما. مېھرى –ۋاپاسى يوق كىشى قۇياش بولغان تەقدىردىمۇ ئۇنىڭدىن نېمە پايدا؟ كىشى بىلىم –پەزىلەت،ياخشى خۇلق ۋە قىلىقنى ئۆگەنسە ،ئاندىن يۈرۈش –تۇرۇشى  تۈزىلىدۇ. تەكەببۇرلۇق شەيتاننىڭ ئىشى،مەنمەنلىك ناداننىڭ ئىشى. كەمتەرلىك ئۇرۇقىنى چاچقان كىشى،چاچقان دان ھېسابىغا گۆھەردىن ھوسۇل ئالىدۇ. ھەممە كىشىنى ئۆزۈڭگە سىرداش دەپ بىلمە،چۈنكى ھەقىقىي سىرداش دۇنيادا ئاز نەرسىدۇر. ۋىسال شارابىنى ئىچكەنلەر ھېجرانغا خۇمار بولماي قالمايدۇ،ئالەم بېغىدا نەدىمۇ تىكەنسىز گۈل بولسۇن؟ مەنبە ؛  چ چ بوشلىقى ، ‹‹نەۋائى خەزىنىسى جاۋاھراتلار›› قاتارلىق بىرقانچە كىتابلاردىن تەرمىلەر

ئالماس

	ئىسىل دۇردانىلار

326ayixa

	ھەقىقەتەن ئىسىل دۇردانىلەركەن . بىلىۋالدۇق . رەھمەت .

qirakpay

	دۇردانە سوغىلىرىڭىزگە رەخمەت...داۋاملىق يوللاپ تۇرغايسىز.

kaLGundi

	بۇگۇن ماڭمىساڭ ئەتە يۇگۇرەيسەن.. .. ئىككى كىشى بىلگەن سىر ئەمەس. ..

تۈركيار

	تېمىغا مۇناسىۋەتسىز بوپ قالدى ئۆزۆرە ..ماۋۇ QQ   نۇمۇردا ئۈندېدار ئاچسا مۇنداق خەت چېقىۋالدى ... ئادەتتە QQ /ئېچىلىدۇ .. باشقىلار پاش قىلغان ددەمدۇ ئىش قىلىپ .. ياردەم قىلغان بولساڭلا بەك موھىم ئاچمىسام زادى بولمايتى .. رەھمەت QQ نۇمۇرۇم 137107999   رەھمەت .

mahatjan

	كىشى بىلىم –پەزىلەت،ياخشى خۇلق ۋە قىلىقنى ئۆگەنسە ،ئاندىن يۈرۈش –تۇرۇشى  تۈزىلىدۇ. بەكمۇ توغرا ئېيتلغان ھېكمەتلەر ئىكەن.

蓝狼-0947

	جىددى خەۋەر ، تۇرپان لۈكچندە  ئىغىر تۇپلىشىپ ئۇرۇشۇش ۋەقەسى يۇز  بەردى ، ئۆلگەن ، يارلانغانلارنىڭ سانى ھازىرچە ئىنىق ئەمەس  ئاڭلىشىمىزچە 50-60 ئەتراپىدا .ساقچىلار ۋەزىيەتنى  كونتىرول قىلىدى.

handanjan

	تۈركيار يوللىغان ۋاقتى  2013-6-27 02:19 AM تېمىغا مۇناسىۋەتسىز بوپ قالدى ئۆزۆرە ..ماۋۇ QQ   نۇمۇردا  ... باشقىلارغا قالايمىقان گەپ قىلىپ،ياكى باشقىلارنىڭ زىتىغا تىگىدىغان ئىش قىلغان بولسىڭىز باشقىلات سىزنى پاش قىلغان گەپ، بەلكىم بىر ھەپتىدىن كېيىن ئوڭشىلىشى مۇمكىن