ھەققانىي: 3پارچە ساتىرا

akkani

	ئابدىۋىلى راخمان (ھەققانى) (ساتىرا) 1. ئۆي سالسام تۇيۇپ-تۇيماي پۈتۈپ قالدى ھۇقۇق بار چاغدا ئۆي سالسام، پۈتەركەن بۇ دەمدە ھەتتاكى ئېگىز ئاسماندا ئۆي سالسام. ھوقۇق بولسا لاتا قۇزۇق كىرەركەن داق يەرگە پۇرلاشماي، ياغاچ، خىش، قۇم، پولات، سىمۇنىت ئىكەن بىكاردا ئۆي سالسام. ھوقۇق مەنسەپنى پەش قىپتىم ياغاچچى، تامچى جان تىكتى، بوياقچى، سىرچى، ئەينەكچى كۈتۈپ تامادا ئۆي سالسام. ئېلىپ ماڭسام زىيان يوقكەن، ھوقۇق بىرلە قېلىنلقنى، نى ھەددى بەرمىسە ياردەم ئاۋام ئاراندا ئۆي سالسام. كىچىكى، چوڭى ئوغلۇمنىڭ تۈگەشتى غېمى، نەۋرەمگە- (ھازىرقى بېرى سەل-پەل ئاز) يەنە ئون جايدا ئۆي سالسام. ئىلىككە ئالمىدىم قىلچە پىكىر، دەرت، ئەرزى-ۋايساشنى، قىلالماس ھىچكىشى غىڭ-پىڭ، ئىگەللەپ ئون مودا ئۆي سالسام. سىناپ باقتىم ھوقۇقۇمنى چېكەمدىن تامچە تەر تۆكمەي، پۈتەركەن ھەپتە ئون كۈندە سۇ يوق جاڭگالدا ئۆي سالسام. داداممۇ ئوتتى يىل-يىللاپ پۈتۈن كېسەكتە ئۆي سالماي، ئۇنىڭ روھىمۇ ھەيرانغۇ مىراس يوق ھالدا ئۆي سالسام. چۈشۈمدە توۋا تام باستى، بىلمىنى غارس قىلىپ نەئىش، يۈتەمدۇ مىنى ئەل قەھرى، يېتىپ سافادا ئۆي سالسام. دىيانەت تىزگىنى تارتىپ ئارام بەرمەيدۇ كاللامغا، تۇتارمۇ بىركۇنى گالدىن پارا-ھارامدا ئۆي سالسام. 2. توي قىلسام (ساتىرا) ماڭا قوش-قوش ياغار ئامەت كۆرۈڭ مۇبادا توي قىلسام، كېلەركەن ھەر تامان پايدا، ھۇقۇق بار چاغدا توي قىلسام. جاھاننىڭ كارى شۇنداقمۇ، ماڭا نۆۋەتتە سوۋغات كۆپ، تولاركەن قازنىقىم تويدا ئەمەل بار چاغدا توي قىلسام. كىچكتى ئۈچ بالام ،ئەپسۇس، چوڭايتىشقا ئامال بولسا، بۇرۇنقى ئۆيلىگەن ئوغلۇم، جىمىگە قايتا توي قىلسام. بۇ تويدا پايدا كۆردۈم جىق، بۇرۇنغا پۇشمىنىم باردۇر، قەدىناسىمنى قىز قىلسام، يېڭىچە كاتتا توي قىلسام. تۇغۇلغان كۈن، تۇيى سۈننەت، مىنىڭ نەۋرەمۇ-چەۋرەم دەپ، بۇگۇن تەبرىك ئەجەپ ئالقىش، ماڭا ياغقاندا توي قىلسام. دەرىخا! ئۈچ قىزىم بولسا، مۇشۇ پۇرسەتكە ئۈلگۈرسە، باغاقنى ئاينتىپ ھەسسە بۇ دورەم باغدا توي قىلسام. بېيىشقا پەمى يەتكەنگە بۇ چارە زەپمۇ ئوبدانكەن، ماڭا ئامەت گويا سەلدەك، ئۇدۇل ئاققاندا توي قىلسام. جىنايەتكە ئەمەس تەۋە، ئەمەس ھەم پارىغا مەنسۇپ، بۇ بىزگە ئۆرپە-ئادەت دەپ سەۋەپ تاپقاندا توي قىلسام. ھوقۇق پەيتى ئۇزۇن بولماس، ئاۋايلاپ قىسقا پۇرسەتتە، سېخى كۈز، ياق جىمى پەسىل، ئۇزاتماي ئايدا توي قىلسام. 3. داۋالانسام (ساتىرا) ئەجەپمۇ پەيزىكەن ياتسام، (ئەمەل باردا داۋالانسام)، كېسەلنىڭ تاينى يوق ئەمما، دارىم مودا داۋالانسام. يېنىمدىن كەتمىدى دوختۇر، مېھىرلىك باقتى ھەمشىرە، كۈنۈم ئۆتتى مىنۇت-سائەت، پاراۋاندا داۋالانسام . كېلىپ تۇردى جىمى نىممەت، يېتىپ بەرسەملا ھەر ياقتىن، مىسالى ئىرىشىپ قازدىمكى، زەر كاندا داۋالانسام. راسا كۈلدۈردى بۇ پىنھان، ياتاققا پاتمىدى سوۋغات، كېچىلەپ تۇشۇدۇق-ساتتۇق دۇكانلاردا، داۋالانسام. تىزىلغان دەستە گۈللەردىن ھۇزۇر ئېپ شۇندا ھىس قىلدىم: گوياكى سەيلە قىلغاندەك چىمەن باغدا داۋالانسام. قېنى پەقىرگە كىم سادىق (يەنە كەلمىدى كىم يوقلاپ؟)، سىناشقا خەقنى خوپ پەيىتكەن ئاداشقاندا داۋالانسام. كۆنۈپ قالدىم ياتاققا خەپ، پەقەت-پەقەتلا كەتكىم يوق، ۋادىرىخ! نەپ كېلۇركەن كۆپ مۇشۇ چاغدا داۋالانسام. 27-ئاۋغۇست  (ماكانىي كەلپىن)

kizzik99

	خەت نۇسقىسىنى ئۆزگەرتسىلە بولغۇدەك، ئوقىيالمىدىم.

hekmat110

	شۇنداق خەت نۇسخسى ئۆزگەرتىلسە بولغۇدەك

xajarim

	بۇ ئەرەپ خەت نۇسىخىسمۇ نىمە  بارلىق  ئە   ھەرىپنىڭ ئۇستىگە  قوش چىكىت قويىلپ  قاپتۇ.      ھەققانىي ئاكا  شېئىرلىڭىز بەك ئىسىل چىقىپتۇ.   ھەققىي ئەمىلىي  ئەھۋالىنى يىزىپسىز.

ap~qilam

	بىرىنچى ساتىرانى ئانچە راۋان ئۇقىيالمىدىم جۇمۇ ئاكا ، لېكىن مەزمۇن قالتىس چىقىپتۇ ، مۇمكىن بولسا 15بۇغۇمدىن قىلىپ يازسىڭىز بولاتتىكەن دەپ قالدىم

MiRul

	ھەققانىي ئاكىمىزنىڭ يازغان تېمىلىرى بىر-بېرىدىن يېقىشلىق جۇما..... قەلىمىڭىزگە كۆز تەگىمىسۇن ئاكا...........

sardar105

	Yana paqat xirdin birni yizip siz koligizga dat kalmisun

قۇمباغ79

	تۇيۇپ-تۇيماي پۈتۈپ قالدى ھۇقۇق بار چاغدا ئۆي سالسام، پۈتەركەن بۇ دەمدە ھەتتاكى ئېگىز ئاسماندا ئۆي سالسام. ھوقۇق بولسا لاتا قۇزۇق كىرەركەن داق يەرگە پۇرلاشماي، ياغاچ، خىش، قۇم، پولات، سىمۇنىت ئىكەن بىكاردا ئۆي سالسام. تۇيۇپ-تۇيماي پۈتۈپ قالدى ھوقۇق بار چاغدا ئۆي سالسام، پۈتەركەن بىر دەمدە ھەتتاكى ئېگىز ئاسمانغا ئۆي سالسام. ھوقۇق بولسا لاتا قۇزۇق كىرەركەن داق يەرگە پۇرلاشماي، ياغاچ،خىش،قۇم،سىمۇنىتلار بىكارلىقكەن ئۆي سالسام. مۇنداق ئۆزگەرتسىڭىز بولامدۇ نىمە؟ ئاتكاچىلىق  قىپ قويدۇم ،

ghalibjan

	ياخشى شئېر بوپتۇ ... داۋاملىق تىرشىڭ ، بولسا ئەسەرلىرىڭىزنى كىتاپ قىلىپ تارقاتسىڭىزمۇ بوپتىكەن ... ئەمما تەھرىردىن ئۈتۈپ بولغۇچە ياتا قۇلاپ بوپ قېلشى تۇرغانلا گەپ...

rahmansaykin

	قەلىمىڭىز ئۆتكۈركەن !