ئاھ ..ھىيتگاھ كىنو تىياتىرخانىسى

rahatmakan

	قەشقەرشەھرىنىڭ مەركىزى بولغان ھىيتگاھ مەيدانىنىڭ جەنۇبى تەرىپىدە (ھازىرقى ئۈزدىيار سودا سارىينىڭ ئورنىدا)ھىيىتگاھ كىنو تىياتىرخانىسى بولۇپ بۇ قۇرۇلۇشنى ئۆزۋاقتىدىكى يەنى گومىنداڭ ھۆكۈمىتىنىڭ شىنجاڭدىكى ۋەكىلى بولمىش شىڭ شىسەي ئالتە بۈيۈك سىياسەتنى ئوتتۇرغا قويۇپ قەشقەردە دىنى كەيپىياتنى پەسەيتىش ئاقارتىش سىياسىتىنى ئەمەلىيلەشتۈرۈش ئۈچۈن 1936-يىلى سابىق سوۋىت ئىتتىپاقىدىن ئىنژىنىر ئارختىكتۇر تەكلىپ قىلىپ سالدۇرغان بولۇپ بۇ قۇرۇلۇش تەخمىنەن 3يىلدا پۈتكەن تىياتىرخانىنىڭ ئومومى كۆلىمى تەخمىنەن 10000كۇۋادىرات مىتىر سوۋېت ياۋرۇپا ئۇسلۇبىدا سىلىنغان 3مىڭدىن 5مىڭغىچە ئادەم سىغىدۇ.( قانچە پۇلغا پۈتكەنلىكى نامەلۇم) ھىيىتگاھ مەسچىتى بىلەن بولغان ئارىلىقى 100مىتىر.شۇنىڭ بىلەن ھىيتگاھ مەيدانىدا بىر چوڭ كاتتا مەسچىت بىر چوڭ كاتتا تىياتىرخانا تەڭ مەۋجۇد بولغان. شۇنىڭدىن ئىتىبارەن ھىيتىگاھ مەيدانى دىنى زاتلار يىغىلىدىغان يەر بولۇپلا قالماي سەنئەتكارلارنىڭمۇ يىغىلىدىغان سورۇنىغا ئايلانغان بۇ يەردە جوڭگو چەتئەلنىڭ نادىر فىلىملىرى قەشقەر خەلقى بىلەن يۈز كۆرۈشكەن .كىين بىر مەزگىللەردە تىياتىرخانا بۇتخانا قىلىنغان بولسىمۇ ئۇزاق داۋاملاشمىغان. بۇ تىياتىرخانا چوڭلۇق جەھەتتىن ئۈرۈمچىدىكى خەلق تىياتىرىدىن قىلىشمايدىغان بولۇپ بىر بەلگە خاراكتىرلىك ھەيۋەتلىك قۇرۇلۇش ئىدى.1950-يىللاردا شۇچاغلاردا قەشقەردە قۇرۇلغان سانايى نەفىسە تەرىپىدىن ساپ يەرلىك ئويۇن قويۇلغان مەدەنىيەت ئىنقىلابى مەزگىللىرىدە جىڭجۈي تىياتىرى ئىچىدىكى ئۈلگىلىك تىياتىر قىزىل چىراق خاتىرسى شىنجاڭ ئۇيغۇر ئاپتۇنۇم رايۇنلۇق ناخشا ئۇسۇل ئوپىرا تىياتىرىنىڭ ئارتىسلىرىنىڭ ئورۇنلىشىدا قەشقەرگە ئىلىپ كىلىنىپ مۇشۇ تىياتىرخانىدا ئوينالغان .ئۇۋاقىتلار سىرىق ناخشىلارغا زەربە بىرىلىۋاتقان ۋاقىتلار بولغاچقا مۇقام مۇزىكىسى سەپلەنگەن جىڭجۈي تىياتىرى  شۇچاغدىكى قەشقەر خەلقىدە زىل زىلە قوزغىۋەتكەن.ئۇ چاغلار ھىيىتگاھ مەسچىتى تاقىۋىتىلگەن مەزگىل بولغاچقا ئەڭ ئاۋات جاي تىياتىرخانا ئالدى بولغان. ھەم بۇ مەيداندا ھاراق شاراپ ئىچىش قىزغىنلىقى ھەم ھاراق شاراپ ساتىدىغان دۇكانلار پەيدا بولغان  كىين تۆت كىشلىك گورۇھ تارمار قىلىنغاندىن كىيىن بارچە گۈللەر تەكشى ئىچىلىش ھەممە ئىقىملار بەس-بەستە سايراش سىياسىتىنىڭ تۈرىتكىسىدە ناخشا ئۇسۇل ئوپىرا تىياتىرغا بولغان چەكلىمىلەر بىكار قىلىنغان،ئۇنىڭدىن كىيىن مەسچىتلەر ئىچىلىپ ،ھاراق ساتىدىغان دۇكانلارمۇ ھىيتگاھ مەيدانىدىن تەدرىجى يوقالغان شۇنىڭدىن كىيىن ھىيىتگاھ تىياتىرىدا غىرىپ سەنەم ،كۆمۈلمەس ئىزلار،مەسلىھەت چىيى،سىزبىزگە ئىشىنەمسىز،ئارزۇلۇق بالا..بەڭۋاش قىز،،ئەزىزەم..ئالتۇندەك ياشلىق.........قاتارلىق ئۆزىمىزنىڭ يەرلىك تىياتىرلىرى ئوينالغان ۋە رايۇنىمىزدا ئىشلەنگەن ئارتىس بولالمىغان قىز ،رەنانىڭ تويى ،نەسىردىن ئەپەندى،پۇل دىگەن نەرسە ،ساھىپجامالنىڭ ئۆلۈمى قاتارلىق كىنولىرىمىز تۇنجى بولۇپ قەشقەردە ھىيتگاھ كىنو تىياتىرخانىسىدا قويۇلغان .ئۇ مەزگىللەردە ھىيىت مەزگىلدە ھەممە ئادەم ھىيىتگاھقا توپلىندىغان بولۇپ يا،ھىيىتگاھ مەسچىت ئالدىغا بىرىپ ساما سالىدۇ ياكى ھىيىتگاھ كىنو تىياتىرخانىسىغا كىرىپ كىنو ياكى تىياتىر كۆرىدۇ،ئۇ مەزگىللەردە تىلىۋىزۇر ئوموملاشمىغاچقا كىنو تىياتىر قىزغىنلىقى شۇنچە كۈچلۈك بولۇپ ئۈرۈمچىدىن تىياتىركەلگەندە ياكى ھىندىستان فىلىملىرى كەلگەندە ھىيىتگاھ مەيدانىغا ئادەملەر پاتماي قالغان.بۇ تىياتىرخانىدا زىكرى ئەلپەتتا ،پاتەم قۇربان ،قۇربان ئىبراھىم،مەمتىلى زۇنۇن ،داۋۇت ئاۋۇت،ئابدىقادىراجىم، يولۋاسخان ،پەرىدە قاسىم ،ئەخمەتجان مەمتىمىن،پاتىمە، ھەسەن يۈسۈپ .......قاتارلىق مەرھۇم ئارتىسلىرىمىزنىڭ ئىزلىرى قالغان . پاشا ئىشان ، زۇنۇنقىز ھىلاخۇن، ئاپرىل سەمەت، ئابدۇللا ئابدۇرىھىم، نىجات نىياز، ئۆمەرجان ئالىم ،تۇداخۇن، ھوشۇرقارىي، ئابدىكىرىم ئابلىز،ئەكبەرقەھرىمان.....قاتارلىق ئارتىسلىرىمىز ھىيىتگاھ تىياتىرى ئارقىلىق قەشقەرخەلقىنىڭ ھۆرمىتىگە سازاۋەر بولغان ھەم تۇنۇلغان 1998-يىلدىن كىيىن ئائىللەردە چوڭ ئىكرانلىق رەڭلىك تىلىۋىزۇرنىڭ كەڭ كۈلەمدە ئوموملىشىشى تىلۋىزىيە نۇمۇرلىرىنىڭ سەرخىل بولۇشى ناخشا كىچىلىكلىرىنىڭ تىلۋىزۇردا كۆپلەپ بىرىلىشى ئويۇن قويۇش ئۆمەكلىرىنىڭ قەشقەرگە كەمدىن كەم كىلىشى  vcdپىلاستىنكىلىرىنىڭ تىزدىن بازار تىپىشى نەتىجىسىدە بۇ كىنو تىياتىرخانا چۆلدەرەشكە باشلىدى.كىچە كۈندۈز ئادەم ئۈزۈلمەيدىغان تىياتىرخانا ئالدى بورت سوقىدىغان يەرگە ئايلىنىپ قالدى.ئىزچىل ئىقتىسادى قىممەت يارىتالمىغان ھىيىتگاھ كىنو تىياتىرخانىسى 2003-يىلى ھىيتگاھ مەيدانىنى كىڭەيتىپ ياساش قۇرلۇشى سەۋەبلىك چىقىۋىتىلدى .ئاتا -ئانامنىڭ ياشلىقىغا مىنىڭ بالىلىقىمغا شاھىت بولغان ھىيىتگاھ كىنو تىياتىرخانىسى  شۇنىڭ بىلەن يوق بولدى.ئاھ ھىيىتگاھ كىنو تىياتىرى مانا چىقىۋىتىلگىنڭگىمۇ 10يىل بوپتۇ سەن مەيلى تارىختا سەلبى رول ئالغان بول ۋە ياكى ئىجابى رول ئالغان بول سەندە قالغان ئەسلىمىلەر خىلى ئۇزۇن ۋاقىتلارغىچە خەلقىمىز تەرىپىدىن ئۇنتۇلمايدۇ.

قۇمباغ79

	مەن ئەسلىيەلمىدىمغۇ؟بۇنداق بىر تىياتىر خاننىڭ بارلىقىنى.بولمىسا قەشقەرنى خېلى پىششىق بىلمەن.2000-يىلدىن بىرى.

1miskal

	تەپسىلات رەسىملەرنى بۇ تىمىدىن كۆرۈڭ! http://1miskal.com/forum.php?mod ... ge=1&extra=#pid1404

rahatmakan

	1miskal يوللىغان ۋاقتى  2013-6-26 05:21 PM تەپسىلات رەسىملەرنى بۇ تىمىدىن كۆرۈڭ! http://1miskal.com/forum.ph ... دەل ئۆزى شۇ مۇشۇ رەسىم

DAWRAN0991

	ۋاھ!!..ئاۋۇ بۇرۇنقى ھىيتىگاھ تىياتىرخانسىنى كۆرۈپ كىچىك ۋاقىتلىرىم ئىسىمگە كەلدى...يەنە تۆت دوقمۇشدىكى）大十字（ تۈرلۈك ماللار سۇدا سارىيى(百货大楼)،ئۇدۇلىدىكى 1-ماي كىنۇخانسى..قاتارلىقلار كىچىك ۋاختىمىزدا دائىم بارىدىغان ئاۋات يەر ئىدى،كىچىك ۋاختىمدىكى يەنە بىر قىززىق ئىش ھازىرقىدەك ئىسىمدا:تۆت دوقمۇشتىكى  ماي كۇلۇب يان تەرپىدىكى، ھازىرقى بانكىنىڭ ئالدىدا ئەسلى بىر پوتەي شەكىللىك قاتناش ساقچىسى قاراۋۇلخانسى بار ئىدى،.قاتناش ساقچىلىرى باشقا ساقچىلارغا ئوخشاش ئاق فورما كىيىپ تۇراتتى،مەن قاراۋۇلخانا ئالدىدا تۇرغان بىر ساقچىنىڭ ئالدىدا تۇرىۋىلىپ ئەسكەرلەردەك چاس بىرىپ «ھۆرمەت!!خوپ باشلىق!!»دەپ ئوينىغان،ساقچى ئالدىراش ئۇياق بۇياققا قاراپ قاتناشقا يىتەكچىلىك قىلىۋاتسا يەنە ئالدىغا بىرىۋىلىپ چاس بىرىپ ئوينىغان،ئالدىراشچىلىقتىن جۇدۇنى تۇتقان ساقچى شەپكەمنى تارتىۋىلىپ قاراۋۇلخانا ئىچىگە تاشلاپ قويغان،پوتلامنى ئىقىتىپ بىردەم يىغلاپ تۇرسام ئاندىن  : «ئەمدى نىرى بىرىپ ئوينا جىمۇ» دەپ شەپكەمنى قايتۇرۇپ بەرگەن.ھەي بالىلىق!!...

Bilge

	ئانچە ھەيۋەتمۇ ئەمەسكەنغۇ.

eliborisi

	مەسچىت قىشىدىكى تىياتىرخانىنى چىقىۋىتىپ ياخشى قىپتىغۇ ..

delazar

	بەك ھەيۋەتمۇ ئەمەسكەن

ئەخمەد

	قۇمباغ79 يوللىغان ۋاقتى  2013-6-26 05:06 PM مەن ئەسلىيەلمىدىمغۇ؟بۇنداق بىر تىياتىر خاننىڭ بارلىق ... ھېيتگاھ مەيدانىنىڭ ھازىرقى تۇرقىدىكى ۋاقىتتىن بۇرۇن نەدە ئىدىڭىز؟؟