10 سوم

balik

	10 سوم (راست ئىشلار خاتىرىسى ) ئابلەت كېرىم ئانامنىڭ قولىنى قىڭغىراق كېسىۋاپتۇ . دورىلىق پىلاستىر سېتىۋېلىپ كىرەي ، دەپ ماڭسام ئانام زۇكام دورىسىمۇ ئالغاچ كېلىڭ ، دەپ قالدى ، ئايالىممۇ چاققانلىق بىلەن قىزىمنىڭ كىچىكىنى قۇچىقىمغا سېلىپ ئۈلگۈردى . قىزىمنى كۆتىرىپ يولنىڭ ئىككى قاسنىقدىىكى قايناق بازارنى بولۇپمۇ " كۈسەن قەدىمىي كىچىكى"نىڭ كۈنچىقىش تەرىپىدىكى كەچلىك باققال بازىرىنى تاماشا قىلغاچ ، ئاستا كېتىۋاتاتتىم . تۇيۇقسىز بىر توكسىكىلىت مېنىۋالغان ئىگىز بويلۇق بۈدۈرە چاچ بىرەيلەن ئالدىمدىلا توختىدى . قارىسام ئاغىنەم پەرھات ئىكەن ، بىز قىزغىن كۆرۈشۈپ ، ھال - ئەھۋال سوراشقاندىن كىيىن ، ئاغىنەم : - ۋاي كىچىكىمۇ بۇ ، بىر جۈپ قىزىڭ بوپتۇ-دە ئاداش ، ھە بوپتۇ ، ئاللاھنىڭ بەرگىنى ، - دېدى ۋە ، - تۇنجى كۆرۈشۈش سوۋغىسى ، دەپلا يېنىدىن يېپ - يېڭى بىر ۋاراق 10 سوم پۇلنى ئېلىپ ، قىزىمنىڭ يۈزىگە ئاستا قويۇپ پىشانىسىگە يىنىك سۆيۈپ قويدى . مەن خېلى تۈزۈت قىلساممۇ ئۇنىماي خوشلىشىپ كېتىپ قالدى . قىزىم بۇ ناتونۇش تاغىسى بەرگەن پۇلنى چىڭ سىقىمداپ تۇتۇۋالغان ئىدى ، بىز ھايال ئۆتمەيلا دورا دۇكىنىغا كىردۇق . دورىلىق پىلاستىر ۋە ئۇيغۇر تىبابەتنىڭ زۇكام دورىسىدىن بىر قاپ سېتىۋېلىپ قايتتۇق . "كۈسەن قەدىمىي كىچىكى "دىن ئۆتۈپ قارىسام قىزىمنىڭ قولىدا پۇل يوق . چۈشۈرۈپ قويۇپتۇ- دە ، مەن ئويلىنىپ قالدىم ، ئىزدىسەم قانداق بولار ، بۇ قايناق بازاردا بەرىبىر تېپىلمايدۇ ، ئىزدىمەي دېسەم ، ئۇ ئادەتتىكى قەغەز پۇل ئەمەس ، ئۇ ئاغىنەمنىڭ قىزىمغا سوۋغىسى ، تىلەكلىرى . قىزىمغا نىسبەتەن خاتىرە ، نەمۇنە ئۇ ، ئىزدەش كېرەك . مەن  ئاستا كەينىمگە بۇرۇلدۇم . يولدا كۆكتاتلارنىڭ قالدۇقلىرى ، مۇزقايماق ۋە باشقا تەييار يىمەكلىكلەرنىڭ ئورالمىلىرى ، مېۋە شۈپۈكلىرى ئاندا - ساندا ئۇچراپ تۇراتتى . باققاللارنىڭ ئالدىدىكى شىرنىسى ئېقىپ تۇرغان شاتۇت ، ئۈژمە ، ئالتۇندەك تاۋلىنىپ كۆزلەرنى قاماشتۇرغان ئۆرۈك ، ئالۇچا ، شاپتۇللار ، سەھرالاردىن ھېلىلا ئۈزۈلۈپ كىرىلگەنلىكى ساپىقىدىن ئېنىق بىلىنىپ تۇرغان قوغۇن - تاۋۇزلار ، ياقۇتتەك جۇلالىنىپ گۈزەللىكىنى نامايەن قىلىۋاتقان ئالگىرات ( ئەلگە راھەت ) ، ئالمىلار ئاجايىپ ئېغىزىمغا ئىختىيارسىز سېرىق سۇ يىغىپ ، نەپسىمنى قوزغاپ ، كۆزۈمنى يەردىن ئۈزۈپ قوياتتى . ئىزدەپ مېڭىۋېرىپ ، دورىخانا ئالدىغىمۇ كېلىپ قاپتىمەن ، 10 سوم ھېچيەردە يوق . - ھوي ، دۇكاندا بىر نەرسە ئۇنتۇپ قاپلىمۇ ، بىرنەرسە ئىزدەۋەتقاندەك قىلىلا ، قارىسام ، - دورىخانىدىكى بۇرۇتلۇق ، قوشۇماق قاشلىق يىگىت ئىشىكى ئالدىدا تۇرۇپ ماڭا قاراپ توۋلاۋاتاتتى . راست گەپنى قىلىشتىن ئۇيالدىم . مەن ئۇنىڭ 10 سوم ئۈچۈن مۇشۇ قايناق بازاردا شۇنچىلىك ئىزدەش كېتەمدۇ . تازىمۇ بىر پسخىق بىر نېمىكەن ، دەپ مازاق قىلىشىدىن ئەنسىرىگەن ئىدىم . مەن جۈرئەتلىك بولۇپ ئىشنىڭ جەريانىنى قىسقىچىقىلا دېدىم . - ھە ، دەل شۇكەن ، بايا سىلى چىقىىپ كەتكەندىن كىيىن قارىسام پۇكەيدە قاپتىكەن ، - ئۇ شۇنداق دېگىنىچە 10 سوم پۇلنى ئېلىپ چىقىپ قولۇمغا تۇتقۇزدى . - رەھمەت ، مەن تېخى يولدا چۈشۈپ قالغانمىكىن ، دەپتىكەنمەن . مەن كېتىۋېتىپ ئويلىنىپ قالدىم : ھەي 10 سوم ، سەن ئەمدى سوۋغا ، تىلەكنىڭلا ئەمەس ، ئۇيغۇردىكى ھالاللىق ، ئىنسابلىقنىڭ پاكىتى بوپ قالدىڭ . مەن سېنى ئەۋلادمۇ - ئەۋلاد ساقلايمەن .

katran

	ئالتۇن تېپىۋالسىمۇ كۆز قىرىنى سالماسلىقتەك ياخشى ئۇدۇم ئۇيغۇرلىرىمىزنىڭ قان- قىنىغا سىڭىپ كەتكەن، لېكىن ھازىرقى جەمئىيەتتە شۇنچە كۆپ ساپ نىيەتلىك كىشىلىرىمىز ئارىسىدا شۇمبۇيىلارنىمۇ يوق دەپ بولالمايمىز.....

rahmansaykin

	قەلەم قابىليىتىڭىز كۈچلۈككەن .

ap~qilam

	قالتىس ، ئىخچام ھەم مەزمۇنلۇق،

yulghunjan

	پۇل بىرلىكىنى سوم، تىيىن دەپ ئىشلەتسەك ياخشى ئاڭلىنىدىكەن.

قۇمباغ79

	katran يوللىغان ۋاقتى  2013-6-25 03:09 PM ئالتۇن تېپىۋالسىمۇ كۆز قىرىنى سالماسلىقتەك ياخشى ئۇدۇ ... شۇنداق،

Eltekin

	ئەسسالامۇئەلەيكۇم،  ئوقۇشلۇق قىلىپ ياخشى يېزىلغان ئەسەر ئىكەن. قىسقا مەنىلىك.  تېپىۋالغان نەرسىنى قايتۇرۇش سىناقتىن ئۆتكەندىن كېين ئادەتكە ئايلىنىدۇ، ھەر بىرىمىز تۇنجى قېتىم تېپىۋالغان نەرسىنى ئىگىسىگە قايتۇرۇپ سىناپ باقايلى، ئۇ خىل كۆتۈرەڭگۈلۈك، رازىمەنلىك ... ھىسىياتى بىزگە ئادەت يېتىلدۈرىدۇ. ئىمان، ئىتقادلىق كىشى كىشىگە زىيان-زەخمەت يەتكۈزمەيدۇ، يەتكۈزگىنى بولسا ئىمان-ئىتقادسىز ياكى مۇستەھكەمسىز ئىتقادلىق كىشىدۇر .

faruh193

	مانا بۇ ئىماندۇر .

MiRul

	تولىمۇ چۈشىنىشلىك يېزىلىپتۇ، ئاپىرىن قەلىمىز ناھايتىمۇئۆتكۈركەن

xarari

	yulghunjan يوللىغان ۋاقتى  2013-6-25 03:21 PM پۇل بىرلىكىنى سوم، تىيىن دەپ ئىشلەتسەك ياخشى ئاڭلىنىد ... ئوخشاش پىكىر . ..    ئون كوي دىگەندىن ئون سوم دىگەن ئۆلچەملىكرەكمىكىن دەيمەن .. ئون كوي دىگەن سۆز ، 块 دىگەن سۆزدىن ئۆزگەرگەن .. يەنى خەنزۇچە ئاتالغۇ .. سوم دىگەننى ساپ ئۇيغۇرچە دىيەلمەيمەن .. ئىشقىلىپ خەنلەرنىڭ سۆزىنى ئشلەتكەندىن مىڭ ياخشى ..   ئاساسەن ، غۇلجا  تەرەپلەردە سوم دەپ ئىشلىتىلىدۇ ...