غۇلاپ چۈشۈش ...

abaytarim

	غۇلاپ چۈشۈش     مەھەلىمىزدىكى ئۆيلەرنىڭ ھەممىسى غۇلاپ چۈشۈپ بولغانىدى . ئەلۋەتتە بەزى ئۆيلەرنىڭ تېمى ئۆرۈلۈپ غۇلىغان بولسا يەنە بەزىلىرىنىڭ ئىگىسى ھەر خىل سەۋەبلەر بىلەن ئۇ ئالەمگە سەپەر قىلىپ غۇلىغان بولدى . ئارىمىزدا ئاجايىپ ھەيۋەتلىك سېلىنغان ، ماتىرىيالى تاشتىن پۈتكەن ، ئېگىسى تەرىپىدىن پەقەت غۇلىمايدۇ دەپ قارىلىدىغان بىر ئۆي بار . بۇ ئۆينىڭ ئېگىسى ئۆيىگە ئىشلەتكەن تاش ماتىرىيالدىنمۇ بەكرەك قاتتىق ، باغرىنى تاش بىلەن سۈپەتلەشكە كىشى خىجىل بولغىدەك ، سۇس تەبەسسۇمىمۇ شۇنچە قىممەت ئادەم ئىدى . ھاياتلىققا ھېچكىممۇ ئالدىن تەبىر بېرەلمەيدۇ . ئىنسان قانچە دۇنيا مەئىشىتىگە تويۇنغان ، زەردار باي بولسىمۇ كەلگۈسىدىكى بىر مىنوتتا ئۆزىنى قانداق ئىشلارنىڭ كۈتىۋاتقانلىقىنى بىلمەيدىغان ئاجىز خەستۇر خالاس . مانا مۇشۇ تاش ئادەممۇ غۇلاپ چۈشكەنىدى . ئەلۋەتتە ئۆيى ئەمەس ، ئۆزى غۇلاپ چۈشۈپتۇ . ئەمدى ئۇنىڭ تاشتىن پۈتكەن ئۆيلىرى كىشىگە توپىدىن سېلىنغان كونا ئۆيدەك، ھېلىلا يىقىلىپ كېتىدىغاندەكمۇ كۆرۈنۈپ قالاتتى . غۇلاپ چۈشۈش ھەر خىل بولىدىكەن . ..                                                                                                         ئەتراپىمىزدا تەرەققىياتنىڭ غەليانلىرى قانچە كۆپ بولسا ، غۇلاپ چۈشۈشنىڭمۇ خەۋەر - ئۇچۇرلىرى تولۇپ ياتاتتى . مەن غولاپ چۈشۈپ ئورنىدىن دەس تۇرغان ، قەددىنى رۇسلىغان ئادەملەرنىمۇ ، ھەر ۋاقىت غۇلاپ چۈشۈش ئېھتىماللىقىنىڭ ئالدىنى ئېلىپ تۇرىدىغان ، تەدبىر تۈزىدىغان ، ئادەملەر ھەققىدە ، مەڭگۈ غۇلاپ چۈشۈشنى ئويلاپمۇ باقمايدىغان ئادەملەر ھەققىدە ئويلىنىپ قالاتتىم .  ئەتراپىمدا غۇلاپ چۈشۈپ ئورنىدىن دەست تۇرغانلار ناھايىتى كۆپ ، ئەمما غۇلىغان پېتى ئەسلىنى ئۇنتىغانلارمۇ كۆپ ئىدى .  مەھەللىمىزدە يېقىندا چوڭلار تەرىپىدىن 100 يىلدىن ئارتۇق تارىخقا ئىگە دەپ قارالغان بىر قارىياغاچ دەرىخى بىر كېچىدىلا كىملەر تەرىپىدىندۇر غۇلىتىلۋېتىلگەنىدى . .. ھەي !... يەنە شۇ كونىراپ كەتكەن ، قەدىمىي سۆزىمىز ھەي ! تەكرارلاۋەرگىلى قانچە يىللار بولغانلىقىنى بىلگىلى بولمايدىغان ، غۇلاپ چۈشۈشنىڭ يەنە بىر خىل سىلىق ئېيتىلىشى ھەي !...     ئەمدى غۇلاش نۆۋىتى نېمىلەرگە كېلەركىن . كىملەرگە كېلەركىن . مەن تولا ھاللاردا ئىقتىسادى جەھەتتە غۇلىغانلارنى بەكرەك بىلىپ روھى غۇلىغان كىشىلىرىمىز ھەققىدە ساۋاتسىز ئىدىم . قارىغاندا مەنمۇ روھى جەھەتىن غۇلىغانلارغا كىرەرمەن . چۈنكى مەن ئەترەاپىمدىكى ئازابلىق غۇلاشلارنى كۆرسەممۇ كۆرمەسكە سېلىۋاتقىلى بەك ئۇزۇن بوپتۇ . ئادەم غۇلاۋەرسە سەزگۈلىرىمۇ سەزمەس ، غۇلاۋېرىشنى نورمال قۇبۇل قىلىۋېرىدىغان بولۇپ كېتىدىغان ئوخشايدۇ . بىراق بۇ مەن بىلەنلا كەتسۇن ، پۈتكۈل قۇۋمىم ماڭا ئوخشاش بولۇپ قالمىسۇن ، ھەرگىز ...ھەرگىز...  ھەي !... ھەي ...!...       مەنبە :   ئۆزۈم  .  ئەبەي تارىم .   2013 - يىل 6 - 25 - كۈنى .  (  دوستۇم مەھمۇد ئابلىمىت ، ئەخمەتجان مۇھەممەتلەرنىڭ رىغبىتى بىلەن يېزىلدى .)   شەھىرى شىخو .

vincent

	ئازراقلا دىققەت قىلمىسا ھەرقانداق ئىنسان غولاپ چۈشىدۇ........ئەگەردە مۇنۇ تېمىڭىزنى تەستىقلىمىسا سىزمۇ مسرانىم باشقۇرغۇچىلىرى تەرىپىدىن غولاپ چۈشۈرۋېتىلگەن بولىسىز.....يازمىڭىز ياخشى چىقىپتۇ ،داۋاملىق تىرىشىپ نادىر يازمىلاردىن بىزنى بەھىرلەندۈرگەيسىز قېرىندىشىم...............

OkYa.Biz

	ياخشى يىزىپسىز  تىخىمۇ تىرشىڭ!!!!!!!!!!!!!!!!!!!!

masthux

	ناھايىتى ياخشى يېزىپسىز، تېما ئىچىگە شۇنداق ئسىل مەزمۇن سىڭدۈرۈلگەن~!!!!!

uyol

	ياخشى يېزىپسىز

timtas007

	vincent يوللىغان ۋاقتى  2013-6-25 08:10 PM ئازراقلا دىققەت قىلمىسا ھەرقانداق ئىنسان غولاپ چۈشىدۇ ... يەنە بېشىڭىزنى تۇتىۋاپسىزغۇ؟ قارىغاندا سىزمۇ ئىلگىرى بىرەر قېتىم غۇلاپ چۈشۈپ بېشىڭىزنى ئۇرىۋالغان ئوخشايسىز-ھە؟ بەلكىم بىرەر قېتىم ئەمەس بەلكى بىر قانچە قېتىمدۇ.

vincent

	timtas007 يوللىغان ۋاقتى  2013-6-26 09:22 AM يەنە بېشىڭىزنى تۇتىۋاپسىزغۇ؟ قارىغاندا سىزمۇ ئىلگىر ... ئەجەپ قىزىقچىكەنسىز   ....مەنغۇ غۇلاپ چۈشكەن ،سىز  غولاپ چۈشۈپ باقمىغانما موللام؟!!خى خى

timtas007

	vincent يوللىغان ۋاقتى  2013-6-26 09:29 AM ئەجەپ قىزىقچىكەنسىز   ....مەنغۇ غۇلاپ چۈشكەن ،سىز  غولا ... شۇ بىر قېتىم تاس-ماس قالغان غۇلاپ چۈشكىلى! خۇداغا شۇكرى، قولۇمدا تۇتقۇچ بار ئىدى. غۇلاپ چۈشۈشتىن ساقلىنىپ قالدىم قارىم! ھاھاھا

vincent

	timtas007 يوللىغان ۋاقتى  2013-6-26 09:47 AM شۇ بىر قېتىم تاس-ماس قالغان غۇلاپ چۈشكىلى! خۇداغا شۇكر ... مانداق دەڭ   ئارقا تۈرىكىڭىز  چىڭ  ئىكەن ھە؟!!

timtas007

	vincent يوللىغان ۋاقتى  2013-6-26 10:39 AM مانداق دەڭ   ئارقا تۈرىكىڭىز  چىڭ  ئىكەن ھە؟!! ئۇنداق ئەمەس! مەن ئۇ چاغدا بېشىمنى ئەمەس بەلكى تۇتقۇچنى تۇتقان دەيمە!