شەنبە ۋە قۇرغاقچىلىق

apsana-977

	شەنبە ۋە قۇرغاقچىلىق ھېچنەرسىنىڭ  مەۋجۇت بۇلۇشى ناتايىن، سۆزلەر كۆزلەرگە تۇتقۇن، قاتتىق ئىسسق بولغان بىر كۈنى ئۇزۇن چاچلىرى كۆزلىرىنى ئېتىۋالغان، پادىچىلار شىمى كەيگەن 22،23 ياشلار چامىسىدىكى بىر ئادەم، قاراقاش ناھىيە تاناي بېشى ئەتراپىدىكى كونا كەپىدە ئولتۇرۇپ يانلىرى قىرقىلغان  ئەبجىقى چىقىپ كەتكەن بىر  خاتىرىگە مۇنۇ  سۆزلەرنى يازدى: بۈگۈن ناھايىتى ئىسسق، ھەم ناھايىتى ئۇزۇن بىر كۈن بولدى،  بۈگۈن كىشىنى ھاياجانغا سالغۇدەك ياكى ھەسرەت-نادامەتكە تولغان ھېچقانداق ئىش يۈز بەردى، خۇددى بۇندىن بۇرۇنقى سانسىز شەنبىلەرگە ئوخشاش بۈگۈنمۇ يەنە ئاشۇنداق مەنسىز، جىمجىتلا ئۆتۈپ كەتتى. مەن چەكسىز ۋاقىت دوزىخىغا مىخلانغىنىمچە كەچ بۇلۇشىنى كۈتتۈم. 2013-يىلى 6-ئاينىڭ 22-كۈنى، چۈشتىن كېيىن سائەت تۆت ئەتراپىدا ، خوتەن ۋىلايەتلىك دوختۇرخانىنىڭ يۈرەك كېسەللىكلەر بۆلۈمى 234- ياتاقتىكى ھۇشۇر ئەمەت تۈنۈگۈن قىلىنغان ئوپراتسىيەنىڭ تەسىرىدە تا-ھازىرغىچە ھۇشسىز ياتماقتا... - ھېنىپىخان تېخى  دۇكىنىنى ئاچماپتۇ-، دېدى- لاسكۇي بازىرىدا ئولتۇرۇشلۇق بۇ ئاسىيەم. مەن جىنسىي ئاجىزلىق بىلەن ساپما كەشنىڭ مۇناسىۋىتىنى بېرىلىپ خىيال قىلىۋاتقاندا، جىيەنىم: ـ  تراپىسيە دېگەن نېمە گەپ ئاكا دەپ-، سوراپ قالدى. مەن نېمە دىيىشىمنى بىلەلمەي قالدىم، تراپىسىيەنىڭ نېمىلىكىنى بىلسەممۇ بىراق ئۇنىڭ زادى قانداق نەرسە ئىكەنلىكىنى بىلمەيتتىم. شۇنىڭ بىلەن ھېچنىمىنى ئويلىمايلا: -     ئىشقىلىپ ئۇ ياخشى ئادەم ئەمەس، ئۇ بىر ھايۋاندىن بەتەر ھايۋان! -     ئۇنداقتا ئۇ ئادەمكەن-،دە! -   -ياق. -   ئەمىسە ھايۋانكەن-،دە! -   ئۇنداقمۇ ئەمەس. -   ئەمىسە ئۇ نېمە؟ نېمىشقىدۇر ‹ھېچنېمە›  دېگەن سۆزنى ئىشلەتكۈم كەلمىدى، چۈنكى باشقىلار بۇ سۆزنى ئىشلىتىۋېرىپ ئادەم ئىشلىتىشكىمۇ نۇمۇس قىلغۇدەك دەرىجىگە ئاپىرىپ قويدى. مەن تىلىمىزدىكى  ئىشلىتىش چاستوتىسى يۇقىرى سۆزلەرگە بەكلا ئۆچ! -        ئۇ كىمۇ؟ قاراقاش ناھىيلىك 1- ئوتتۇرا مەكتەپنىڭ ئەدەبىيات ئوقۇتقۇچىسى ئابدۇلھەمىد ياسىن مۇئەللىم يېنىمدا مەن بىلەن ياندىشىپ كېتىۋاتقان  بىر قىزنى كۆرۈپ شۇنداق سورىدى. مەن نېمە دىيىشىمنى بىلەلمىدىم، چۈنكى مەن تۇغۇلۇپ – تا ھازىرغىچە بىرەر كىمنىڭ كىملىكىگە ئىزاھات بېرىپ باقمىغان ئىدىم، بىر ئادەمنىڭ يەنە بىر ئادەمدىن ‹ ئۇ كىم › دەپ سورىشى نېمىدېگەن قورقۇنچلۇق-ھە!  شۇنىڭ بىلەن ئويلىمايلا: -  ئۇ ئوڭ يېنىمدىكى! مەن ئۇنى ھېس قىلىۋاتىمەن.... دېدىم.     شېئىرنىڭ چوڭقۇرلىقى، مەۋجۇتلۇق، نۆلگە تەڭ بۇلۇش، نېتزىنىڭ ئۆلۈمى، چىرايلىق ئايال بىمارنىڭ گۈزەللىكىدىن مەسىتخۇش بۇلۇپ ھۇشىنى يوقاتقان ئەر دوختۇر، پاھىشە، پاھشىنى ئالسا ساۋاب بولىدۇ دەپ پاھىشىنى ئالغان ئاغىينەم، كوچىدىكى چىرايلىق ئايال، كەينىگە كىرىۋېلىش، قارىماي كەتكەندىن كېينكى قيماي قاراپ تۇرۇش قىزغىنلىقى، ھاراقكەش، بىزنىڭ مەلىدىكى  ھاراقكەشنىڭ ماڭا ئامراق چىرايلىق خوتۇنى... قەزىر بېرىش، ئايدا ئالىدىغان 3000 سوم، ئاھ، خۇدا! ئادەم بولساڭ ھەرگىز قىزلارغا پۇل بېرىپ تۇرما! دادام  تاماكىنى بەكلا كۆپ چىكىۋالىدىغان بولىۋالدى، ھەر قېتىم تاماكىنىڭ تەسىرىدىن شۇنداق قاتتىق يۆتىلىپ كېتىدۇكى، يۆتەل دەستىدىن دادامنىڭ كۆزلىرى ئېتىلىپ چىقىپ كېتەمدىكىن دەپ ئەنسىرەپ كېتىمەن. شۇڭا دادامنىڭ سالامەتلىكى، ئۇزۇن ئۆمۈر كۆرۈشى ئەڭ مۇھىمى  دادامنىڭ بۇ دۇنيادىكى خۇشاللىقى ئۈچۈن ھەر ئايلىق مائاشىمدىن زىخ-زىخ چىقىرىپ ئاتايىن يەكەن، مەكىتتىن ئېسىل ‹مەي›لەرنى سېتىۋېلىپ دادامغا ئەكىرىپ بېىرىدىغان بولدۇم. دۇنيادىكى ئەڭ ئازاپلىق بىراق مەن ئەڭ ئارزۇ قىلىدىغان  بىردىنبىر كۆڭۈللۈك ئىش: ھاراق ئېچىشنى ئۆگىنىش. دۇنيادىكى ئەڭ قىيىن مەن مەڭگۈ قىلالمايدىغان ئىش: تاماكا چېكىش. دۇنيادىكى ئەڭ خەتەرلىك ئىش: چىرايلىق خوتۇن ئېلىش. ھېچنەرسىنىڭ  مەۋجۇت بۇلۇشى ناتايىن، سۆزلەر كۆزلەرگە تۇتقۇن، قاتتىق ئىسسق بولغان بىر كۈنى ئۇزۇن چاچلىرى كۆزلىرىنى ئېتىۋالغان، پادىچىلار شىمى كەيگەن 22،23 ياشلار چامىسىدىكى بىر ئادەم، قاراقاش ناھىيە تاناي بېشى ئەتراپىدىكى كونا كەپىدە ئولتۇرۇپ يانلىرى قىرقىلغان  ئەبجىقى چىقىپ كەتكەن بىر  خاتىرىگە مۇنۇ  سۆزلەرنى يازدى: ئازابلىرىم ئازراق بولسىمۇ يىنىكلىنەر دەپ بۈگۈن بىر كۈن ئۆيدىن تالاغا چىقمىدىم.... 2013-يىلى 6-ئاينىڭ 22-كۈنى، لوس ئانجىلىس مەنبە: ئۆزۈم

rahmansaykin

	سەۋىيەم تۈۋەن ئوخشىمامدۇ ؟ ھەجەپ چۈشىنەلمىدىم دىسە

gork@r

	قۇتادبىلىك تورىغا  نىمە  بولغاندۇ؟؟؟؟؟؟

korul

	سەۋىيەم تۈۋەن ئوخشىمامدۇ ؟ ھەجەپ چۈشىنەلمىدىم دىسە قېرىندىشىم ،ئاۋۇ ئىسمىڭىزنىڭ ئاستىدىكى يېزىۋالغان ئۇيغۇرچە خەتنى ئۆچۈرۋىتەمسىز؟

uyoglani

	ھېچنەرسىنىڭ مەۋجۇت بولۇشى ناتايىن دەپ،  ھېچ نەرسىنى چۈشەنمىدىم يا.

fathullah

	مەن ئازراق تىگىگە يەتكەندەك قىلدىم.كۈندىلىك خاتىرە بولسىمۇ خېلى ئويغا سالغۇدەككەن.

ap~qilam

	كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا مۇناسىۋەتسىز ئىنكاس يېزىپ قويدۇم ، توغرا چۈشىنىڭ نېمىشقا  ئاپتۇنۇم رايۇنىمىزدا ئۇيغۇر خېتى  شۇنداقلا تۈركىيە بايرىقى چۈشۈرۈلگەن مايكىنى(كىيىم)كەيگىلى قويمايدۇ، تاس قالدى مېنىمۇتۇتۇپ ئەكەتكىلى ، گەپتە ئۇستا كەلگەنلىكىم ئۈچۈن قۇتۇلۇپ قالدىم، لېكىن بىر نەچچە بۇرادەرلىرىمنى تۇتۇپ كەتتى، كەچ بولغاندا كەپتۇ،  سورىسام ،ئۇنداق مايكىنى كەيسەڭ بولمايدۇ دەپ  ئۇيغۇر خېتى چۈشۈرۈلگەن مايكىنى تارتېۋېلىپ ، ئۆزلىرى بىر مايكىنى كايدۈرۈپ قۇيۇپتۇ، ئېيتىڭلار  ئۇچۇقتىن ئۇچۇق ئېكىسپالاتسىيە بولماي نېمە ئۇ، ئەمدى كىيىم كىچىكىمىزنىمۇ ..............ئۇزۇن كەيمە دېدى ماقۇل دېسەك ئەمدى بۇ ئىشنىڭ چىققىنى نېمىسى، راست گەپ قىلسام بۇ ئەلەم  ئىچىمگە پاتمىدى، قاراپ تۇرامدۇق؟   يۇقىرى دەرىجىلىك رەھبەرلەر بىلەن سۆزلىشىدىغان يەرگە يەتتى، مۇشۇنداق قىلسا قانداقمۇ جەمىئەت ئەمىن تاپىدۇ ، ھالبۇكى بۇ ھال كىشىلەرنىڭ قارشىلىقىنى قوزغىمامدۇ ،مانا ئەتە چۈقۈم كىيىمەن مايكىنى تۇتىۋالغاندا بىر ئىش بولىدۇ ، يەنە بىر ئۆتۈنۈش  بەلكىم ئاز كۈندىن كېيىن بازارلاردىكى ئۇيغۇر ۋە ياكى تۈركىيە بايرىقى خېتى چۈشۈرۈلگەن مايكىلارنىڭ باھارى ئۆچۈشى مۇمكىن شۇڭا يالداما سۈپىتىدە بولسىمۇ ئېلىپ قۇيۇڭلار،

vincent

	ap~qilam يوللىغان ۋاقتى  2013-6-25 04:49 AM كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا ... خەپ خەپ   مۇشۇ نداق ئادالەتسىزلىكلەرنى ئادەم ئىچىگە پاتۇرالمايدۇ...خەپ ئىنساپسىزلار ،بىزمۇ ھامان بىر كۈنى باش كۆتىرىمىز .............

vincent

	ap~qilam يوللىغان ۋاقتى  2013-6-25 04:49 AM كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا ... جوڭگودىكى قىسقا يوپكا كەيگەنلەرنى تۇتسىچۇ   مۇشۇنداق ئىتلار

fathullah

	ap~qilam يوللىغان ۋاقتى  2013-6-25 04:49 AM كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا ... مەنغۇ ساقال سەۋەبلىك تەقىبكە ئۇچرىماي دەپ دائىم ئىھتىيات بىلەنلا ياشاۋاتىمەن.چەكتىن ئاشقان ئىشلار نۇرغۇن.قايسىسى ئىكىپالاتاتسىيە ئەمەس.