جۇدالىق

xabnam00

	قەدىرلىك دىلكىشىم،غۇبارسىز ئاق كۆڭۈللۈك ھەم تۈنجى قاردەك كىرسىز پاك ئىتىقادىڭ بىلەن سەمىمى نىيەت زەرلىرى چاقنىغان نۇرانە قەلبىڭ بىتىگە بارلىق ئارزۇ -ئۈمىد،ئىشەنچىم تىزىلغان ئىدى،رەھىمسىز رىئاللىق دەرىت-ئەلەم ئۇنى قامغاقتەك ئۇچۇرۇپ كەتتى.مۇشۇ زىمىندا غايەم بەربات بولدى،كۆزلىرىمدىن شاتلىق نۇرلىرى ئۆچتى.چىرايىمدىن خۇشال كۈلكىلەر يوقالدى.ئىنسانلار دائىم ياشلىق دەۋرىدىكى يىقىملىق مەنزىرلەرنى ئەسلەپ ئولتۇرۇپ،ياشلىق باھارىنىڭ مەڭگۈ قايتىپ كەلمەيدىغانلىقىنى ئويلىغىنىدا ئەپسۇسلانماي قالمايدۇ.بەلكىم مەن مەلۇم ياشقا بارغاندا ياشلىق دەۋرىمنى باشقىلارغا ئوخشاش بەخىت تۇيغۇسى ئىچىدە ئەمەس،ئىچىنىش تۇيغۇسى بىلەن  ياشلىق دەۋرىم -ئەڭ ئازاپلىق دەۋرىم ئىدى دەپ ئويلىشىم مۈمكىن.چۈنكى ھازىر ئۈنسىز دەرىت-ئەلەم يۈرۈگۈمنى قاماللاپ،مىنى خۇددى بوران-چاپقۇندا لەيلەپ يۈرگەن بىر تال پەيگە ئوخشاش ھەريان تاشلىماقتا....... بىر رىتىمدا كەتتىم ئەجەپ قىينىلىپ، ئوتلۇق تىنىق ئازاپ بىلەن چىقىلدى. نىسىپ بولغان ئاقىۋەتكە ئامال يوق، ئاھ! سۆيگىنىم قارا يەرگە يىقىلدى. تاۋۇتۇڭ كەينىدىن ماڭىمەن غەمكىن، ئاھ!قەددىم پۈكۈلگەن ئىغىر ماتەمدە. قەيەردە،كىملەردىن تاپىمەن تەسكىن، يۈرىكىم مۇجۇلدى مۇسىبەت،غەمدە. قانمىغان ئىدۇققۇ تىخى مۇڭدىشىپ، كۈلەلمىگەن ئىدىڭ تىخى يىتەرلىك، ئىشەن جىنىم مەڭگۈ يالغۇز ئەمەسسەن، تۇتتۇم ساڭا ئەقىدەمدىن كىپەنلىك. ماڭىمەن سۈكۈتتە قەلبىمدە پىغان، يۈرەكنى قاماللاپ مورلىدى ھېجىران. ھاياتلىق سەھنەمدە بولغانتىڭ ئۇستاز، گۇلىستان بىغىمدا مەڭگۈ نەۋقىران. كۈلەلمىدىم ئالداشقىمۇ ئۆزۈمنى، دەھشەت ئىكەن تىرىكلىكتە ئايرىلىش. كۆز ئالدىمدا كۆزۇڭ يۇمغان دەقىقە، جۇدالىققا بولدى تالاي باشلىنىش...... مانا ئەمدى تۇيۇقسىزلا بارسا-كەلمەس سەپەرگە ئاتلاندىڭ. ئۇلۇغ ئاللا ياتقان يىرىڭنى جەننەتتە قىلغاي!مەن ئەمدى ھېجىران دەشتىدە شاتلىق ھىسلىرىمنى كىپەنلەپ ،تۇرمۇشنىڭ كۈچلۈك بورانلىرىغا يالغۇز تاقابىل تۇرۇشۇمغا توغىرا كەلدى.....سەن بىلەن ئۆتكەن تاتلىق خاتىرلەر،ۋاپاتىڭنىڭ ئاچچىق ئەسلىمىلىرى تەسۋى ئۇرۇقىدەك بىر-بىرلەپ كۆز ئالدىمدا تىزىلىپ تۇرىۋىلىپ،تالاي كۈنلەرنى ھەسىرەت-نادامەت ئىچىدەئۆتكۈزمەكتىمەن....مەن ئەمدى قانداق قىلاي؟ تۇرمۇشنىڭ بۇ ئۇزۇن مۇساپىسىنى ئۆزۈم يالغۇز قانداق ئۇزىتاي؟  ياق!!مەن ئۆزۈمنى يوقىتىپ قويماسلىقىم كىرەك! ياشلىقنىڭ شۇ شىرىن دەملىرى ھەم ئاچچىق قىسمەتلىرىنىمۇ تۇرمۇشنىڭ يالدامىسى سۈپىتىدە قەلبىمگە مەڭگۈلۈك دەپنە قىلىۋىتىپ،ئورنۇمدىن دەس تۇرۇشىم كىرەك!! ئىنسان ئۈچۈن ئېيىتقاندا غايە بولسىمۇ بولىدىغان،بولمىسىمۇ بولىدىغان زىننەت بۇيۇمى ئەمەس بەلكى-ئۇنى ئالغا ئىنتىلدۈرىدىغان ھەركەتلەندۈرگۈچ كۈچ.غايىسى بولمىغان كىشى-نىشاندىن ئاسانلا ئادىشىپ قالىدۇ.مەن تۇرمۇشنىڭ كۈچلۈك بورانلىرىدا توزغاقتەك توزۇپ كەتمەسلىگىم كىرەك!غايەم مىنى ھەرۋاقىت قەيسەر بولۇشقا ئۈندە!! مەنبە قەلىمىم.

YAZR

ap~qilam

	كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا مۇناسىۋەتسىز ئىنكاس يېزىپ قويدۇم ، توغرا چۈشىنىڭ نېمىشقا  ئاپتۇنۇم رايۇنىمىزدا ئۇيغۇر خېتى  شۇنداقلا تۈركىيە بايرىقى چۈشۈرۈلگەن مايكىنى(كىيىم)كەيگىلى قويمايدۇ، تاس قالدى مېنىمۇتۇتۇپ ئەكەتكىلى ، گەپتە ئۇستا كەلگەنلىكىم ئۈچۈن قۇتۇلۇپ قالدىم، لېكىن بىر نەچچە بۇرادەرلىرىمنى تۇتۇپ كەتتى، كەچ بولغاندا كەپتۇ،  سورىسام ،ئۇنداق مايكىنى كەيسەڭ بولمايدۇ دەپ  ئۇيغۇر خېتى چۈشۈرۈلگەن مايكىنى تارتېۋېلىپ ، ئۆزلىرى بىر مايكىنى كايدۈرۈپ قۇيۇپتۇ، ئېيتىڭلار  ئۇچۇقتىن ئۇچۇق ئېكىسپالاتسىيە بولماي نېمە ئۇ، ئەمدى كىيىم كىچىكىمىزنىمۇ ..............ئۇزۇن كەيمە دېدى ماقۇل دېسەك ئەمدى بۇ ئىشنىڭ چىققىنى نېمىسى، راست گەپ قىلسام بۇ ئەلەم  ئىچىمگە پاتمىدى، قاراپ تۇرامدۇق؟   يۇقىرى دەرىجىلىك رەھبەرلەر بىلەن سۆزلىشىدىغان يەرگە يەتتى، مۇشۇنداق قىلسا قانداقمۇ جەمىئەت ئەمىن تاپىدۇ ، ھالبۇكى بۇ ھال كىشىلەرنىڭ قارشىلىقىنى قوزغىمامدۇ ،مانا ئەتە چۈقۈم كىيىمەن مايكىنى تۇتىۋالغاندا بىر ئىش بولىدۇ ، يەنە بىر ئۆتۈنۈش  بەلكىم ئاز كۈندىن كېيىن بازارلاردىكى ئۇيغۇر ۋە ياكى تۈركىيە بايرىقى خېتى چۈشۈرۈلگەن مايكىلارنىڭ باھارى ئۆچۈشى مۇمكىن شۇڭا يالداما سۈپىتىدە بولسىمۇ ئېلىپ قۇيۇڭلار،

fathullah

	سەنەمجاننىڭ ھىجرانىغا ئورتاقلاشقانتۇق.سىزنىڭ جۇدالىقىڭزغا ھەم ئاللاھ سەبىر بەرسۇن!

fathullah

	ئاللاھىم!ھىجراننى قىلىپسەن تەقدىر، ناتىۋان قەلىبكە مەلھەم ئىنئام ئەت. سەبىردىن باشلىنىپ داۋامى بەخىت، ۋىسال بوپ خاتىمە تاپقاي قانائەت.

fathullah

	ap~qilam يوللىغان ۋاقتى  2013-6-25 04:51 AM كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا ... بالدۇر ئويغانغان ئادەم كۆپچىلىكنى ئويغىتىمەن دىسە،باشقىلار ئارامىمىزنى بۇزدى دەپ رەنجىپتۇ،تىل ساپتۇ،ھەتتا قارغاپتۇ،ھۇجۇمغا ئۆتكەنلەرمۇ چىقىپتۇ تېخى. ئۇنچىلىك بېسىمغا سەبىر قىلالمىسا ئۇيقۇسى ئېچىلامتىكى دەيمەنغۇ؟؟؟؟؟؟؟؟؟؟

1263318936

	قەيەردە،كىملەردىن تاپىمەن تەسكىن، يۈرىكىم مۇجۇلدى مۇسىبەت،غەمدە                        ئۆزىگە ئۆزى تەسەللى بەرمىسە باشقىلار سىزنىڭ ئۇسسىغان يىرىڭىزگە بىرىشى ناتايىن

326ayixa

	ap~qilam يوللىغان ۋاقتى  2013-6-25 04:51 AM كەچۈرۈڭ تېما سۈپىتىدە يوللاشقا مۇمكىن بولمىغاچ تېمىغا ... مەنمۇ شۇنداق ئاڭلىغانتىم . ھازىر ئۇيغۇر مەدىنىيىتىمىز ، تىلىمىز ھەممىسى بەك قىينىلىپ جان تالىشىۋاتىدۇ . بىزنىڭ تۇرپان تەرەپتە ئۇنداق ئىشلار يوقتى ، نەچچە كۈن بولدى ،كوچا-كوچىدا ساقچى ،ھەممە دۇكانغا كۈندە ئىككى تەكشۈرۈش ......

326ayixa

	بەك تەسىرلىككەن . رەھمەت .