«سايرام سەنىمى» ئىشقىدا كۆيۈۋاتقان يۈرەك

tayir77

	«سايرام سەنىمى» ئىشقىدا كۆيۈۋاتقان يۈرەك    باي ناھىيىسىنىڭ سايرام بازارلىق مائارىپ ئىشخانىسىنىڭ پىنسىيونېرى، پېشقەدەم مائارىپچى ھاپىز ھاكىم ، پىنسىيىگە چىققان 10 يىلدىن بۇيان يوقاپ كىتىش گىرداۋىغا بېرىپ قالغان «سايرام سەنىمى»نى قېزىپ چىقىپ رەتلەپ،ئاپتونۇم رايۇننىڭ مۇئايەنلەشتۈرىشىگە ئېرىشىپ، بۇ ئىلغار، ئەنئەنىۋى مەدەنىيەتنى ئەل-خەلق ئىچىدە قايتىدىن جانلاندۇرۇپ، تەشكىلنىڭ مۇئايەنلەشتۈرىشىگە، ئەل-خەلقنىڭ ھۆرمىتىگە سازاۋەر بولۇپ كەلمەكتە. سۈرەتتە: ھاپىز ھاكىم       ھاپىز ھاكىم 1947-يىلى9-ئايدا باي ناھىيە سايرام بازىرى لاپا كەنتىدە بىر ئوقۇمۇشلۇق، مەرىپەتپەرۋەر، موللا، ھۈنەرۋەن، ئەل-نەغمىچى ئائىلىسىدە دۇنياغا كەلگەن بولۇپ، يەتتە يېشىدىن باشلاپ دادىسىدىن ساز، مۇزىكا، ناخشا ئۆگۈنىپ، 12 يېشىدىن باشلاپ توي مەشرەپلەردە داپ چېلىپ، ناخشا ئېيتىپ، بارغانسىرى مۇكەممەل ئەل-نەغمىچى بولۇپ يىتىشىپ چىققان. 1963-يىلدىن 1997-يىلغىچە34 يىل سايرامدا ئۇقۇتقۇچىلىققا بىرلەشتۈرۈپ، يۇرتىدىكى ئەلنەغمىچىلەرنى تەشكىللەپ، ئىشتىن سىرتقى سەنئەت ئەترىتى قۇرۇپ، يېزا تەۋەسىدە ئويۇن قويۇپ،خەلقنىڭ ئالقىشىغا ئېرىشكەن. بۇ جەرياندا، ناھىيە تەشكىللىگەن 13 قېتىملىق مەشرەپ پائالىيىتىدە ئىلغار شەخس بولۇپ تەقدىرلەنگەن. 1982- يىلى 12-ئايدا ئاپتونۇم رايۇن ئاچقان خەلق سەنئەتكارلىرىنى تەقدىرلەش يىغىنىغا ۋەكىل بولۇپ قاتنىشىپ، ماددىي ۋە مەنىۋىي جەھەتتىن تەقدىرلەنگەن. ھاپىز ھاكىمنىڭ ئەجداتلىرى ئەۋلاتمۇ-ئەۋلات مۇقامچى، ئەل-نەغمىچى، ‹‹سايرام سەنىمى››نىڭ قوغداپ تەرەققىي قىلدۇرغۇچىلىرى بولۇپ، ھاپىز ھاكىم «سايرام سەنىمى»نىڭ 6-ئەۋلات ۋارىسى بولۇپ ھىساپلىنىدىكەن.      «سايرام سەنىمى» باي ناھىيەسىدىكى سايرام بازىرى مەركەز قىلىنغان كانچى، قىزىل، توقسۇن، قېيىر قاتارلىق يېزىلاردىكى ئويغۇرلار ئارىسىدا ئۇزاق تارىخىي تەرەققىيات جەريانىدا داۋاملىشىپ كېلىۋاتقان، ئائىلىۋى ئولتۇرۇش ۋە ئەنئەنىۋى مەشرەپ پائالىيەتلىرىدە ئىزچىل ئورۇنلانغان، ناخشا-ئۇسۇل، مۇزىكا قاتارلىقلار مۇجەسسەملەنگەن ئەل ئىچى ئاھاڭلىرىنىڭ ئومۇمىي ئاتىلىشى بولۇپ، ژانېر جەھەتتە «ئويغۇر سەنەملىرى»نىڭ ئايرىلماس بىر تەركىۋى قىسمى. ئۇزاق تارىخي تەرەققىيات جەريانىدا، ئۇ سايرام خەلقىنىڭ ئىستېتىك ھىسياتىنىڭ كونكىرت ئىپادىسى تەرىقىسىدە ئىزچىل داۋاملاشقان ھەمدە باشتىن-ئاياق ئۆزىنىڭ تەربىيىلەش رولىنى جارى قىلدۇرۇپ كەلگەن ئونىۋېرسال يەرلىك مەدەنىيەت ھادىسىسى.     «سايرام سەنىمى» تۈرلۈك سەۋەبلەر تۈپەيلىدىن، ئالدىنقى ئەسىرنىڭ ئاخىرىدا يوقىلىش گىردابىغا بېرىپ قالغانىدى. ناھىيە رەھبەرلىكىنىڭ غەيرىي ماددىي مەدەنىيەت مىراسلىرىنى قېزىش، رەتلەش ۋە قوغداشقا ئەھمىيەت بېرىشى بىلەن، پېشقەدەم مائارىپچى، ‹‹سايرام سەنىمى››نىڭ 6-ئەۋلات ۋارىسى يولداش ھاپىز ھاكىم ئوزۇندىن بىرى قەلبىدە لاۋۇلداپ كېلىۋاتقان «سايرام سەنىمى»گە بولغانئوتلۇق ئىشتىياقى بىلەن 500 دىن ئارتۇق ئەلنەغمىچىنى زىيارەت قىلىپ، 12 يۈرۈشسەنەم، 84 دۈم پەدە ئۆزگىرىشى، 96 ئاھاڭ، 300 كۇپلېتتىن ئارتۇق ناخشا تېكىستىدىن تەركىب تاپقان ‹‹سايرام سەنىمى››نى رەتلەپ چىقتى ھەم ناھىيىلىك مەدەنىيەت ئىدارىسىنىڭ قوللىشىدا 2009 – يىلى سايرام بازارىدا 22 ئەلنەغمىچىلەردىن تەركىب تاپقان «سايرام سەنىمى» سەنئەت ئەترىتىنى قۇرۇپ چىقىپ، قەرەللىك تەشكىللەپ، دېھقان-چارۋىچىلارنىڭ مەنىۋى ئېھتىياجىنى قاندۇرۇپلا قالماي، بەش يىلدا رەتلەپ چىقىلغان «سايرام سەنىمى» مۇتەخەسسىسلەرنىڭ ئېتىراپ قىلىشىغا ئېرىشتى.        «سايرام سەنىمى» نى تولۇق ئورۇنداشقا ئالتە سائەت ۋاقىت كېتىدىغان بولۇپ، ئۇ ئاپتونوم رايونىمىزدىكى يەرلىك سەنەملەر ئىچىدە ئەڭ چوڭ يەرلىك سەنەم ھېسابلىنىدىكەن. «سايرام سەنىمى» شىنجاڭ تېلېۋىزىيە ئىستانسىسى تەرىپىدىن سۈرەتكە ئېلىنىپ، شىنجاڭ ئۈن – سىن نەشرىياتى تەرىپىدىن DVD پىلاستىنكىسى قىلىپ ئىشلەندى ۋە يېقىندا «سايرام سەنىمى» كىتابى شىنجاڭ مائارىپ نەشىرياتى تەرىپىدىن نەشىر قىلىنىپ، جامائەتچىلىك بىلەن يۈز كۆرۈشتى. ھاپىز ھاكىممۇ ئەجرىگە يارىشا شەرەپكە ئېرىشىپ، ناھىيەلىك ھۆكۈمەت تەرىپىدىن 100 مىڭ يۈەن نەق پۇل بىلەن مۇكاپاتلاندى.       باي ناھىيەسىدە ھازىر ‹‹سايرام سەنىمى››نى ئورۇندىغۇچىلار ھۆرمەتكە سازاۋەر كىشىلەرگە ئايلاندى. چۈنكى، ‹‹سايرام سەنىمى›› ناھىيەدىكى تەبرىكلەش پائالىيەتلىرىدە كىشىلەرگە يېڭىچە مەنىۋى زوق ئاتا قىلىدىغان سەنئەت ئامىللىرىنىڭ بىرى بولۇپ قالدى.       ئىجتىھاتلىق خەلق سەنئەتكارى، «سايرام سەنىمى»نىڭ 6-ئەۋلات ۋارىسى، «سايرام سەنىمى»نى قېزىپ توپلاپ ئەۋلاتلارغا يەتكۈزۈشتە كۆرۈنەرلىك ئەجىر سىڭدۈرگەن پېشقەدەم ئۇستاز ھاپىز ھاكىم ھازىر سالامەتلىكىنىڭ ناچارلىشىشىغا قارىماي ، قەدىمىي يۇرت باينىڭ تارىخى، ئۆرۈپ-ئادەتلىرى ۋە مەدەنىيەت ئىزنالىرى ئۈستىدە داۋاملىق ئىزدەنمەكتە. مەنبە گۈزەل باي تورى

rahmansaykin

	مەدىنيەتلىرىمىزنىڭ يۇقۇلۇپ كەتمەسلىكى ئۈچۈن تۆھپە قۇشۇپتۇدە . ئەجرىگە ئاپىرىن .

fathullah

	ئاڭلاپمۇ باقماپتىكەنمەن.ئاڭلىتىش،تونۇتۇش ئۈچۈن قىلىنغان مىھنەتلەركەندە؟

zapar

	مائارىپ ئۈچۈن بىر ئۆمۈر ئىشلىگەن ئادەمدە بۇ،

Nimjan

	ئېشەك قېتىقىنى ئىچكەچ رەتلەپتۇ-دە

mima520

	ئېشەك قېتىقىنى ئىچكەچ رەتلەپتۇ-دە ياقاڭلار  كىر  بولسڭمۇ  3  قېتڭم  چڭشلەڭلا  ئاداش      نىمدا  سەت گەپ  بۇ

awatbag

	Nimjan يوللىغان ۋاقتى  2013-6-25 09:52 AM ئېشەك قېتىقىنى ئىچكەچ رەتلەپتۇ-دە ھەي قېرىندىشم ئىنكاس يازمىساقمۇبىركىم بىرنىمەدىمىگەندىكىن مۇشۇنداق جىدەل ماجراغاسەۋەب بولىدىغان ئىنكاس يازمىساق بولماسمۇ؟ئىنكاس يېزىش مەجبۇرىيەت ئەمەسقۇ بىزگە.

Nimjan

	mima520 يوللىغان ۋاقتى  2013-6-25 10:04 AM ئېشەك قېتىقىنى ئىچكەچ رەتلەپتۇ-دە ياقاڭلار  كىر  بولسڭ ... سەت گەپمۇ بۇ؟ بۇ دېگەن چاقچاق! كەچكىچە قاپاق تۈرۈپ ئولتۇرماي ماندا لەقەم-لەقەب دېيىشىپ يازغان ياخشى ئەمەسمۇ؟

كارۋان

	Nimjan يوللىغان ۋاقتى  2013-6-25 12:22 PM سەت گەپمۇ بۇ؟ بۇ دېگەن چاقچاق! كەچكىچە قاپاق تۈرۈپ ئول ... ھا ھا ھا ما گەپنى كۆرۈڭ...

كارۋان

	تايىرجان مىسرانىم مۇنبىرىگىمۇ كەپتۇ مانا...ياخشى تېمىلار بولسا يوللاپ تۇرۇڭ..