بۇغدايلىقتىكى ئالتۇن سېمفۇنىيەسى (نۇرقىز)

NurQiz

	بۇغدايلىقتىكى ئالتۇن  سېمفۇنىيەسى (نۇرقىز) ئالتۇندەك ساپسېرىق بۇغدايزارلىقتا ئورما ئورىۋاتقان ئەي دېھقان ئاتا..... يەڭلىرىڭنى تۈرۈپسەن جەينەككىچە،پېشانەڭدە مەرۋايىتتەك تەر تامچىسى..،دۈمبەڭدىكى تەردىن سىزىلغان سۈرەتنى ھېچقانداق رەسسام سىزالماس بۇ دۇنيادا، ئالدىڭدا ئالتۇنرەڭ باشاقلار باشلىرىنى ئىگىپ ساڭا تازىم قىلماقتا،ئاياقلىرىڭدا ئالتۇنرەڭ باشاقلار پېشانىسىنى قويۇپ ساڭا سەجىدە قىلماقتا،سېنىڭدىنمۇ ئۇلۇغ كىشى بارمىدۇر ھە دۇنيادا... نىمە بولدى،قولۇڭنى كەستىڭما؟ كۆزۈڭگە كىرگەن تەردەك ئاچچىق خىياللىرىڭ قولىغا ئالدىمۇ سېنى؟ كەل ئەي ئاتا،تەر بىلەن قوشۇلۇپ چۈشىۋاتقان كۆز ياشلىرىڭنى سۈرتۈپ قوياي، ئويلاۋاتقانسەن،تەندە رۇس جوپ ئوغۇللىرىم ، مىسالى جۇپ كۆزلىرىم نەدىدۇر دەپ؟ياكى ئۇلار تۇرۇپ بۇ دېڭىزدا ئەجەپ يالغۇز ئۈزدۈم دەپ...،ۋادەرخ، خىياللىرىڭنى غۇلاچلاپ ئۈزىۋاتقان سوللىرىڭدەك كەينىڭگە تاشلىۋەتكىن...،ئۇلارغىمۇ نان قەدرى ئۆتۈلەر بىر كۈنى،خۇددى شائىرلىرىمىز ئېيتقاندەك ‹دۇنيا ئۇلارغىمۇ يۈك ئارتار بىر كۈنى› شۇ چاغلاردا سېنىڭ قەدرىڭگە يېتەر ھامان.... ياكى يىغلاۋاتامسەن؟ قاپاقلىرىدا يېڭى ئۇيۇتقان قېتىقنى يۈدۈپ كېلىپ،مۇزدك ئۇسۇزلۇق بېرىدىغان مومىيىڭنى ئەسلەپ؟قارىغىنە ئاتا! قارىغىنە...،ھەر سوللار ئارىسىدىن ساڭا قاراپ ئاپپاققىنە داكا رومالىنى پۇلاڭلىتىپ ساڭا مەدەت بېرىۋاتقان ئاشۇ مومىيىڭ ئەمەسمۇ؟ ئويلاۋاتقانسەن ئاتا، ئورغاقنى يىللاردىكىدەك تۇتالماس بوپتىمەن دەپ،  باشاقلارغا ئاستا ئەمما كۈچلۈك ئۇرۇلۋاتقان ئورغاقلىرىڭ ئاستىدا پۈتۈن دۇنيا ياتىدۇ....،كۈچلۈكمىكەنسەن؟ بۇ دېڭىزدا تالاي ئۈزدۈڭ، يەنە ئۈزەلەيسەن تېخى! غۇلاچلىرىڭغا پالاق بولىۋاتقان ئاشۇ ئورغىقىڭ،ئۆزۈڭگە ئوخشاش ئۆتكۈر ئورغاقلىرىڭ بولسىلا.... ئالتۇندەك ساپسېرىق بۇغدايزارلىقتا ئورما ئورىۋاتقان ئەي دېھقان ئاتا..... قوياش بەسلىشىپ ئالتۇن نۇر تارقىتىۋاتقان،جۇپ قولىدا ئالتۇن رەڭ باشاقنى ياراتقان ئاشۇ ئالتۇندەك جىسمىڭ ئەمەسمۇ؟      ئورما ئورىسەن كۈندە،    تالمامدۇ بىلەكلەرىڭ،   ئاھ ئامرىقىم،  ئالتۇنۇم.. سىنى كۈيلەپ ئېيتقان بۇ ناخشلار نىمە دىگەن چىرايلىق ھە، ئاھ! ئۆلمەس ناخشىلار..... سەنمۇ خۇددى ئاشۇ ناخشىدەكلا  مەڭگۈ ياشايسەن، گەرچە ئاخىرى تۇپراققا كۆمۈلسەڭمۇ... ئاھ ئالتۇنۇم ئاتا.... 2013-يىل سەپەر ئېيىنىڭ  24 -كۈنى يېزىلدى.

dazqwan

	ياخشى يېزىپسىز !!!!!  داۋاملىق تىرشىڭ !!!!!!

sirdax998

	نىمە دىگەن پاساھەتلىك سۆزلەر بىلەن يېزىلغان نەسىر بۇ.تېخىمۇ كىڭەيتىپ يازغان بولسىڭىز،بەك ياخشى چىقماقچىكەن.ھازىرمۇ ياخشى يېزىپسىز.رەھمەت سىزگە.

uyol

	تىل ھەقىقەتەن جانلىق پاساھەتلىىك بولغان

handanjan

	بەك يارقىن ، يېقىشلىق سۆزلەرنى ئىشلىتىپسىز

kulpat

	بۇنى بىرسىڭىلا تىما قىلىپ يوللاپ قويساڭلارچۇ؟

小孩子

	بەكلا ياخشى يېزىپسىز

خۇش

	خۇداغا شۈكرى بۇغدايلار خالتىلارغا كېرىپمۇ بولدى

سائەت

	جاپاكەش دېھقانلار

uyoglani

	ياخشى يېزىىپسىز.