ئۆگەي ئانىلار كېڭىشى

پادىشاھ

	ئۆگەي ئانىلار كېڭىشى                                                  ( ھەجۋى ھېكايە)                                                   ئاپتورى:پادىشاھ تۈنۈگۈن چۈشتىن كېيىن ھەرقايسى يۇرتتىن كەلگەن ئۆگەي ئانىلار ،ئۆگەي ئانىلار رستۇرانىنىڭ 30نومۇرلۇق ئايرىمخانىسىغا جەم بولۇشۇپ،تەجرىبە ئالماشتۇرۇش زىياپىتى ئۆتكۈزدى. زىياپەتكە ھەر قايسى يۇرتتىن.كەلگەن ئۆگەي ئانىلار ۋەكىللىرى ئىشتىراك قىلدى.كەچ قۇرۇن سائەت 5تە تاشۋاي مۇزىكىسىنىڭ ئورۇنلىنىشى بىلەن يىغىن باشلانغانلىقى رەسمىي جاكارلاندى. __ ھۆمەتلىك خانىملار كەچلىكىڭلار خەيىرلىك بولسۇن !مەن ئۆگەي ئانىلار جەمئىيىتىگە ۋاكالىتەن يىغىن قاتانشقۇچىلىرىغا ئالىي ئېھتىرام بىلدۈرش بىلەن بىرگە ئۇلارنىڭ تنىگە ساغلاملىق تىللەيمەن .ھەممىگە ئايان يىتىمنىڭ بېشىنى سىللاش شەرىئەتتە ساۋابلىق ئىش شۇ ۋەجىدىن بۈگۈن موشۇ سورۇنغا جەم بولغان جاپاكەش ئانىلار پىداكارلىق بىلەن ئوتتۇرىغا چۈشۈپ يۇرتىمىزدىكى ئاتا-ئانىسىز قالغان يىتىم بالىلارنىڭ بېشىنى سىللاپ ئۇلارغا ئىللىقلىق يەتكۈزدى.مانا بۇ بارلىق مۇسۇلمان ئەھلى ئۆگىنىشكە تېگىشلىك روھ،بۇ ئۇلۇغۋار روھنى تەشۋىق قىلىشقا ئەرزىيدۇ شۇ مۇناسىۋەت بىلەن <<ئۆگەي ئانىلار جەمئىيىتى>>بۇ نۆۋەتلىك چاي زىياپىتىنى ئۆتكۈزشنى قارار قىلدى،مەبلەغ كەمچىل بولغانلىقى تۈپەيلى داستىخانلىرىمىز ئاددى بولۇپ قالدى شۇ تۈپەيلى مەن جەمئىيەتكە ۋاكالىتەن ھەرقايسىڭلاردىن سەمىمىي ئەپۇ سورايمەن،شۇنداقلا بۈگۈنكى زىياپەت جەريانىدا ھەرقايسىڭالارنىڭ تەجرىبىلىرىنى بىمالال ئوتتۇرىغا قويۇپ بىزنىڭ بۇنداىن كېتىنكى خىزمەتلىرىمىزنىڭ ئوڭۇشلۇق ئېلىپ بېرىلىشى ئۈچۈن بىر كىشلىك تۆھپە قوشۇشۇڭلارنى چىن قەلبىمدىن ئۈمىد قىلىمەن.قېىنى ئازنى -كۆپكە تاۋاپ قىلىپ داستىخانغا باقايلى !سورۇن باشلانسۇن.رىياسەتچىنىڭ سۆزى تۈگىمەستىن ئايرىمخانا ئىچىدە گۈلدىردس -ئالقىش سادالىرى ياڭراش بىلەن بىرگە چوكىلارنىڭ تەخسىلەرگە تېگىشكەن ئاۋازىمۇ ياڭراڭشقا باشلىدى. خىېلى ئۇزۇنغىچە ئايرىمخانىدا چوكىلارنىڭ تىرىق-تىرىق قىلغان ئاۋازى بىلەن،شالاپ-شۇلۇپ  قىلغان ئاۋازدىن باشقا ھېچقانداق تىۋىش ئاڭلانمىدى.ئارىدىن بىر پەس ئۆتكەندىن كېيىن،چوقۇر،قاڭشارلىق،چاچلىرىغا ئاندا-ساندا ئاق سانجىغان سېمىزغىنە بىر ئايال دومسىيىپ چىققان قۇرساقلىرىنى تەسلىكتە كۆتۈرۈپ دىگەندەك ئورنىدىن تۇردى-دە. __ مەن ئۆز تەجرىبەمنى سۆزلەپ باقاي.مېنىڭ ئۆيۈمدە "6نەپەر يىتىم ئوغلاق "بار .ئۆزۈمنىڭ ئۈچى شۇنداى قىلىپ بىز چوڭ بىر ئائىلىگە ئايلاندۇق.بۇندىن بەش يىل مۇقەددەم يۇرتىمىزدا يۈز بەرگەن يەر تەۋەر ئاپىتىدە نۇرغۇن ئادەم ئۆلدى، بىرمۇنچە بالىلار يىتىم قالدى.  مەن ئوتتۇرىغا چىقىپ ئۇلاردىن 6نى بېقىۋالغاندىم.ۋاقىتنىڭ ئۆتۈشىگە ئەگىشىپ بۇ" يېتىم ئوغلاق"لارمۇ خېلى چوڭ بولۇپ قېلىشتى بىراق ئۇلار سەن ئۆز بلاڭ بىلەن بىزگە ئىككى خىل مۇئامىلە قىلدىڭ دەپ غەۋغا قىلىشتى، خۇددى مەندە ھەققى باردەك.ئۇرۇپ -تىللاي دىسەم قانۇندىن قورقتۇم  شۇنداق قىلىپ مەن بۇ ئالتە يىتىم ئوغلاقنى ئۈچ گۇرۇپىغا بۆلدۈم ھەر بىر گۇرۇپىغا ئۆز بالامنى باشلىق قىلىپ بېكىتتىم.ئۇ 6سىنى بىر يەرگە كەلتۈرمىدىم نەتىجىدە غەۋغا  بېسىقىپ ئائىلە ئىگىلىكىمىز راۋاجلاندى .ئۇ مەغرۇر قىياپەتتە كۆپچىلىككە نەزەر سالغان ھالدا نۇتۇقىنى ئاخىرلاشتۇردى. ئايرىمخانىدا بىر پەس ئالقىش سادالىرى ياڭراشقا باشلىدى.ئىككىنچى بولۇپ سۆزگە چىققىنى چېقىركۆزلىرىدىن شۇملۇق يېغىپ تۇرىدىغان ،ئاق پىشماق،سېمىز ئايال بولۇپ.ئۇ ئوڭ قولىنى سول كۆكسىگە قويۇپ سالام بەرگەندىن كېيىن چېقىر كۆزلىرىنى كۆپچىلىككە تىكىپ تۇرۇپ.__ ھۆرمەتلىك خانىملار مەن ئالدى بىلەن بىزگە موشۇنداق كاتتا سورۇن ھازىرلاپ تەجرىبە ئالماشتۇرۇش پۇرسىتى يارىتىپ بەرگەن "ئۆگەي ئانىلار جەمئىيىتى>>گە تەشەككۈر بىلدۈرۈش بىلەن بىرگە بىزنىڭ بۇ خەيرلىك ئىشلىرىمىزنىڭ كۈنسايىن روناق تېپىشىنى ئۇلۇغ ئاللاھدىن تىللەش بىلەن بىرگە،ئۇيۇشما رەھبەرلىرىنىڭ تېنىنىڭ ساغلام بولۇشىنى تىللەيمەن شۇنداقلا بارلىق كەسپداشلارغا ئۇتۇغلۇق تىللەيمەن.مېنىڭ بۈگۈنكى سۆزلەيدىغان نۇتۇقۇم"پىچاق"مەن چارۋىچىلىق رايونىدىن كەلدىم بۇندىن بىر قانچە يىللار ئىلگىرى بۇ جايدا ئېغىر يەر تەۋرەپ نۇرغان كىشى قازا قىلدى يىتىم قالغان بالىلارغا كىشىنىڭ ئىچى ئاغرىماي قالمايدۇ.شۇنۇڭ ئۈچۈن مەن قىلچە ئىككىلەنمەي 18يىتم ئوغلاققا ئانا بولۇشقا رازى بولغاندىم.ھەممىڭلارغا ئايان چارۋۇچىدا پىچاق بولمىسا بولمايدۇ، ئۇ شۇملارنىڭ چوڭ بولۇشى بىلەن ئۆزۈمنىڭ ئۈچ بالىسىمۇ تەڭلا چوڭ بولۇشتى.بىر كۈنى بازارغا بېرىپ 21تال پىچاق سېتىۋالدىم ئۈچىنى ئۆزۈمنىڭ بالىلىرىغا قالغان 18دانىسىنى ھېلىقى تېگى پەس ساقلاندىلارغا .شۇنداق قىلىپ مەن ئۇ پىچاقلارنى ئۇلارغا تەقسىم قىلىپ بەردىم .كىم بىلسۇن ئەتىسى ھېلىقى يۈزى قېلىن يىتىم ئوغلاقلار .چارۋا باققىلى چىقماي،تامقمۇ يېمەي سۈلۈتتە تۇرۇۋېلىشتى.نېمە بولغانلىقىنى سورىسام بىرى.سىز بىزگە كەسمەيدىغان پىچاق ئېلىپ بېرىپ ئۆزىڭىزنىڭ بالىلىرىغا كېسىدىغان پىچاق بېرىپسىز .بۇ سىزنىڭ بىزنى باراۋەر كۆرمىگىنىڭىز بولماي نېمە سىز دائىم باراۋەرلىكنى تەكىتلىگىنىڭىز بىلەن ئەمەلىيەتتە،ئۇنداق قىلمايدىكەنسىز دىگىنىچە يەردىن ئۈستۈن قارىماي تۇرۇۋالدى.مەن دەرھال بىر داس سۇ كەلتۈدۈم-دە. _ كىم بۇ پىچاقنى كەسمەيدۇ دەيدۇ؟دىدىم . __ بىز ،ئەتىگەن گۆشكە ئۆتمىدى دىيىشتى تەڭلا ئۇلار.مەن بىرىنىڭ قولىدىن پىچاقنى ئالدىم-دە،قارا ڭلار كەسمىگىنىنى مەن بىر كۆرەي دىگىنىمچە ئۇنى سۇغا سانجىدىم .پىچاق سۇدىن ئۆتتى.ئۇلار ئۈندىمىدى.بىر ئازدىن كېيىن چوڭراق بىرى. __ بۇ پىچاق سوغا ئۆتكىنى بىلەن لايغا ئۆتمەيدۇ دىدى چەكچەيگەن ھالدا. __ شۇنداق بۇ سۇدىن ئۆتۈپ لايدا توختايدىغان پىچاق.شۇنى بىلىپ قويۇشۇڭلار لازىمكى ھازىر سىلەر كىچىك سىلەر موشۇ پىچاققىلا لايىق.ئەگەر ئۇ پىچاق لايدىن ئۆتۈپ كېتىدىغان بولسا قولۇڭلارنى كېسىۋالىسىلەن.بۇمۇ مېنىڭ سىلەرگە كۆڭۈل بۆلگۈنۈم،غەمخورلۇق قىلغىنىم بىلدىڭلارمۇ دىۋىدىم.ھەممىسى : __ چۈشەندۇق،بۇندىن كېيىن باشقىچە چۈشەنچىدە بولمايمىز،ئانىمىزغا رەھمەت دىيىشتى بىر ئېغىزدىن شۇندىن بېرى ئائىلىمىز دىكى جەڭگى-جېدەللەر بېسىقىم ئىناق-ئىجىل بولۇشتىن ئىبارەت ياخشى ۋەزىيەت شەكىللەندى. ئۇنىڭ سۆزى يىغىن قاتناشقۇچىلىرىنىڭ ئالقىشىغا ئېرىشتى.ھەممە بىر ئېغىزدىن بۇ بولىدىغان چارە ئىكەن كېڭەيتىشكە بولىدۇ دىگەن قاراشقا كېلىشتى.شۇنداق قىلىپ بۇ نۆۋەتلىك ئۆگەي ئانىلار كېڭىشى غەلبىلىك ئاياغلاشتى...

sirdax998

	ۋاي تەسەۋۋۇرغا نىمانداق باي سىز.

ghalibjan

	بالدۇر ئويغانغان ئادەم مۇشۇنداق پكىرلىك ، ئەمما ئېھتىياتچان بۇلدۇ ...تىرشىڭ كاللىسى سەگەكلەر مەقسىدىڭىزنى بىلگۈسى ....

uyol

	تەشەككۈر

ئۆل

	توۋا نىمە ئۇ يىتىم ئوغلاق ،تىگى پەس دىگەن .ئۆگەي ئانلارنىڭ ئۇبرازى ياخشى ياتلىپتىمۇ نىمە ھە ....يەنلا ئۆگەي ئانادە

handanjan

	بىر خىل پەيزى چىقىپتۇ

ablimitt

	ئۆل يوللىغان ۋاقتى  2013-6-24 09:17 PM توۋا نىمە ئۇ يىتىم ئوغلاق ،تىگى پەس دىگەن .ئۆگەي ئان ... سىز يۈزىڭىزنى سۇغۇق غۇدا يۇيۇپ سەگەك تۇرۇپ ئۇقۇڭ. ‹‹كۈيۈنۈش›› ئۇ...

uyoglani

	ھەقىقەتەن ياخشى چىقىپتۇ، ماختاشقا ئەرزىيدۇ. لېكىن ئىملاغا دىققەت قىلسىڭىز تېخىممۇ ياخشى بولاتتىكەن.

ghalibjan

	ئۆل يوللىغان ۋاقتى  2013-6-24 09:17 PM توۋا نىمە ئۇ يىتىم ئوغلاق ،تىگى پەس دىگەن .ئۆگەي ئان ... گەپنىڭ تىگىدە گەپ بار بۇرادەر ....

fathullah

	ئاللاھ تىزرەك قۇتۇلدۇرار بۇ يىتىملىكتىن.ئامىين!