تاماكا تاشلاشنىڭ ئىلمى ئۇسۇللىرى توغرىسدا.

mahatjan

	تاماكا تاشلاشنىڭ ئىلمى ئۇسۇللىرى توغرىسدا     ئەسسالامۇئەلەيكۇم ھۆرمەتلىك مىھرى ئىللىق جامائەت،ئۇلۇق ئاللاھ دىن تىلەيمەن ھەممەيلەننىڭ تېنىگە چەكسىز سالامەت.ساغلاملىق ھەممىمىزگە مەڭگۈ يار بولسۇن!مەن تورداشلار بىلەن،تاماكا تاشلاشنىڭ ئىلمىي ئۇسۇللىرى توغرىسىدىكى بەزى قاراشلىرىمنى ئورتاقلاشماقچى،كۆپچىلىكنىڭ بۇ ھەقتە سەمىمىي ياردەملىششىنى ئۈممۈت قىلىمەن.       تاماكا چىكىش توغرىسدا دۇنيادىكى داڭلىق پىسخىلوگىيە ۋە فىزولوگىيە ئالىملىرى -تاماكا چىكىشنى خۇمارداش ھەم پىسخىكىلىق ئادەت ھەم فىزولوگىيلىك تەلەپ دەپ مۇئەييەنلەشتۈرۈپ،تاماكا چىكىشنى خۇمارداشتىكى پىسخىكىلىق ئادەتنى چەكلەش ئاسان، ئەمما فىزولوگىيلىك تەلەپنى چەكلەش تەسرەك، يەنى تاماكا چىكىشنى بىراقلا توختاتسا،شۇ ئادەمنىڭ بەدىنىدە بەزى غىدىقلاش ئالامەتلىرى كۆرۈلىدۇ،شۇ غىدىقلاشنى فىزولوگىيلىك جەھەتتىن قاندۇرمىسا بەزى كىسەللىكلەرنى كەلتۈرۈپ چىقىرىدۇ،دەپ قارىغان.       ئالىملارنىڭ تاماكا چىكىشنى خۇمارداش توغرىسىدىكى ئىلمىي تەتقىقاتلىرىغا،ئۆزەمنىڭ تاماكا تاشلاش جەريانىدىكى ئەمەلى تەجىرىبىللىرىمگە ئاساسەن،تاماكا چىكىشنى توختۇتۇشنى ئارزۇ قىلىدىغان ياكى تاماكا چىكىشنى توختاتمىسا بولمايدىغان يولداشلارغا،تاماكا تاشلاش ئۈچۈن تۆۋەندىكىدەك ئۇسۇللاردىن پايدىلىنىشنى ئوتتۇرىغا قويىمەن.        1.ئىمكان قەدەر بەزى سەۋەپلەرنى تېپىپ،قەتئىي تاماكا تاشلاش نىيتىگە كىلىش،مەسىلەن؛تاماكا يۆتەل،ئۆپكە ئىششىقى،كاناي ياللۇغى،قان-تومور تارىيىش قاتارلىق كىسەللىكلەرنى پەيدا قىلىدىغانلىقىنى كۆز ئالدىغا كەلتۈرۈش.        مەن تاماكىنى ئۇزۇن يىل چەككەنلىكىمدىن قان-تومور تارىيىپ كىتىپ،چوڭ مىڭىگە ئوكسىگىن يىتىشمەي،بىر قانچە قېتىم دەرسخانىدا ئايلىنىپ كىتىپ يىقىلىپ قالغان ئىدىم،شۇ سەۋەپتىن قەتئى تاماكا چەكمەسلىك قارارىغا كىلىپ 10 يىلدىن ئاشتى تاماكا تاشلىغىنى.        2. مەلۇم بىر كۈننى تاماكا تاشلاش كۈنى قىلىپ بەلگىلىۋىلىپ،ئاندىن تاماكا چىكىشنى بارا-بارا ئازايتىش.         مەن 2002-يىلى 5-ئاينىڭ 4-كۈنى تاماكا چىكىشنى توختاتقان ئىدىم.         3. تاماق يەپ بولغاندىن كىيىن دەرھال سىرتقا چىقىپ ئايلىنىش ۋە ھاۋالىنىش.         4. تاماكىنى قولغا ئېلىش،ئەمما ئۆزىنى تۇتۇۋىلىپ زادىلا چەكمەسلىك.          5. پۇرىقى ئۆزگۈرۈپ قالغان تاماكا ۋە تاماكا قالدۇقىنى كۈلداندا قالدۇرۇپ قويۇش.          6. تاماكىنى ئاسان ئالغىلى بولمايدىغان،كۆزگەچېلىقمايدىغان يەردە قويۇش.          7. بىرەر قېتىم چەككەننىڭ زىيىنى يوققۇ دەيدىغان نىيەتتە ھەرگىز بولماسلىق.          8. تاماكا چىكىشتىن چىكىنگەنلىكىنى دوس-بۇرادەرلىرىگەخەۋەرلەندۈرۈپ قويۇش.          9. بىرەر ئىش ئۈچۈن ئاچچىغلىنىپ قالغاندا دەرھال ئازراق سوغاق سۇ ئىچىۋىتىش.         10. تاماكا چىكىشنى توختۇتۇشنىڭ ئىختىسادى جەھەتتىنمۇ پايدىلىق ئىكەنلىكىنى مۇئەييەنلەشتۈرۈش.         يۇقارقىلاردىن باشقا يەنە تاماكا تاشلاشقا پايدىلىق ئۇسۇل ۋە تەجىرىبىلەر بولسا تەلەپ ۋە تەكلىپ بىرىشىڭلارنى ۋە مۇشۇ تەجىرىبە ئۇسۇللاردىن مۇۋاپىق پايدىلىنىشىڭلارنى ئۈمۈت قىلىمەن.                                                                   مەنبە؛ئۆزەمنىڭ تەجىرىبە تەسىراتى.

forever1

	ئاللاھنىڭ ئىلتىپاتى بىلەن مەندەك چەكمەسلىك كىچىكىدىن باشلاپ چوڭلىرى ياخشى كۆز-قۇلاق بۇلۇش...چاق-چاق ئارلىشىپ قالدى،ئەمما يازغان قولىڭىزغا دەرت كەلمىسۇن!ياخشى تېمىكەن.بولسا باشقىلارنىمۇ بۇ زىيانكارلىق ئىچىدىن قۇتقۇزىۋالايلى!

sayram

	بولسا ھاراقنىمۇ تاشلايلى. ھاراق ۋە تاماكا تاشلانغاندىن كېيىنكى ئۆزىمىزنى قىياس قىپ باقايلى.

rahmansaykin

	ئىرادە بولسا چۇقۇم تاشلىغىلى بۇلىدۇ .

tokqi123

tokqi123

	tokqi123 يوللىغان ۋاقتى  2013-6-24 02:38 PM تاماكا تاشلاش ئۇچۇن ئالدى بىلەن قەتئى نىيەتكە كېلىش كېرەك.كاللىدا مەن تاماكا تاشلايمەن،يەنە چەكسەم بولمايدۇ دىگەن ئاڭ شەكىللەنگەندىلا ئاندىن تاماكىنى تاشلىغى بولىدۇ.

mostafa

	tokqi123 يوللىغان ۋاقتى  2013-6-24 02:45 PM تاماكا تاشلاش ئۇچۇن ئالدى بىلەن قەتئى نىيەتكە كېلىش ك ... تۇغرا دەيسىز، مەنمۇ قەتئى نىيەتكە كىلىپ 97-يىلى تاشلىغانتىم، اللە خالىسا بىشىمغا شۇنداق ئېغىر دەت ئەلەملەر كىلىۋدىمۇ ئېغزىمغا ئاممىمىدىم بۇ نىجىسنى، تاماكا تاشلاش نىيەت ئىرادىگە باغلىق

vincent

	مەن چوقۇم تاشلاشقا تىرىشىمەن...........  پايدىغۇ كۆرۈپ باقمىدىم مۇشۇ تاماكا دىگەن نىجىزدىن......

SORINTO

	مەنمۇ مانا 6 يىلغا تولۇق توشۇپتۇ ئاشۇ نەرسە بىلەن خوشلاشقىلى .    مىنىڭچە ئەڭ ئۈنۈملۈك دورا ‹‹ ئىرادە ›› كاپسۇلىكەن .  شۇ بولسىلا قىلغىلى بولمايدىغان ئىش يوق .

ئۆل

	تاشلغىلى بولىدۇ ئەمەليەتتىمۇ ؟؟بىراق نىمانچە ئامراقكىن بۇ ئەرلەر توۋا  ..ئاچچىق ئىسىنى شوراپ ...بۇنداق پۇلغا شورغاندىن ئۆگۈزىگە چىقىپ تۇرخۇنلۇقتىن ھەقسىز شورسا بوتو ...