ئۇيغۇر قاغا ھەققىدە قىسسە

ap~qilam

	ئۇيغۇر قاغا ھەققىدە قىسسە مىللەتـنىڭ ئۈستىـگە قوندى بىر قاغـا ، شۇملۇقتى تىلەيدۇ توختىماي قاق-قاق. ئەل سۆيگەن ئوغلانلار قولىدا ئوقيـا ، چەنلـىدى ئۇ  قاغا ئۈركـىـدى بىــراق . ئاڭلىسام چۈشۈپتۇ مىللەت ئىچىگە ، قورققانچە ئاتاپتۇ ئۆزىنى ئۇيغۇر ، زەن سېلىڭ ئوقۇرمەن ئەمدى ھېكايە، يازدىممەن قاينىغاچ مۇشتۇمدەك غۇرۇر. قونۇشقا قاغىغا بولماپتۇ ئىمكان، مىللىتىم قوغلاپتۇ ئۇنى دەپ ئاپەت . ئەپسۇزكى قاغىنىڭ خىيالى ئارمان ، قۇشلىرى ئەكەپتۇ ئۇنىڭغا ئامەت . ئويلاپـتۇ بېشـىغا قونـالمـىدىم دەپ ، خەيىر مـەن قېتىلاي ئۇنىـڭ قېتـىغـا . شۇنداق بىر ئۆچ ئالاي بۇ مىللەتتىن خەپ، شايتاننىڭ ئۇرۇقى سالاي ئارىغا . ئۆزگىرىپ ساختا نام-كىبىرلەر بىلەن، كىرىپتۇ مىلللەتنىڭ قېتىغا شۇڭغۇپ . ئاھ ئېسىل مىللىتىم نېمانداق بېلەن ، ئېچىپتۇ قوينىنى قۇياشتەك  كۈلۈپ . قاغـىمۇ ھەيرانـدا چېھرىدە كۈلـكە ، توۋا دەپ ئويلاپتۇ -نىمانداق ساددا. خۇشلۇقتىن تۈزۈپتۇ شۇنداق بىر ھىيلە، ئالەممۇ ھاڭ قاپتۇ ئەقلىگە ھەتتا . ئويلاپتۇ- بۇلارنىڭ ئاجىزلىقى شۇ ، تۈزكۆڭۈل ساددىلىق،كۆڭلى يۇمشاقلىق، مەن بېرەي ئۇلارغا ساختا دىل-سۆيگۈ، شۇندىلا ئۇلارمۇ ماڭا مۇشتاغلىق  . يۇپۇرماق قۇرۇپتۇ ،كۈنلەر ئۆتۈپتۇ ، قاغىمۇ پەيت ساقلاپ بولۇپتۇ تىت-تىت. ئاشۇنداق كۈن كەپتۇ قاغا كۈلۈپتۇ ، مىللىتىم ئازاپتا دەپ قاپتۇ ئىسىت . ۋاقىـتنىڭ ئۆتـمىكىى ئۇنـىڭ كىملىـكى ، ئۇيغۇر بوپ ئېلىمگە تارقاپتۇ تېزدىن . ھەم تېخى قىلىپتۇ ئۇيغۇر دېرىكى ، مـاڭغۇزۇش ئۈچۈنـلا قاغـا ئىـزىدىن . نەچچىسى ھە-دەپتۇ ئىسىت نادانلىق، قـاغىنـىڭ سۆزىگـە كىرىپتـۇ ئوڭاي . يات جانلىق مۇنداقلا قىلىپ قاراملىق ، ئۇلارنى بىر قاغا قىلىپتۇ ۋاي-ۋاي . روھىنى ،جىسمىنى ئوغۇرلاپ ئاستا ، سۆزلەپتۇ سىلەرگە مانا مەن ئىگە . ئەمدىلىك ئۇ قاغا قالماپتۇ تەنھا ، قوللاپتۇ نە ئامال يۇيۇلغاچ مېڭە . بولۇپتۇ ھەقىقىي تۈردە بىر مەڭقۇرت، مىللەتتىن شاخلىغان ئازغىنە نادان . يېغىپتۇ قاغىنىڭ باشلىـرىغـا قۇت ، چېھرىدە شوخ كۈلكە،دىلدا ھاياجان . تەل بوپتۇ ئەمدىلىك باشتىكى خاھىش ، پـىلانى ئۈستىدە ئويـلاپتـۇ تىنمـاي . بولغاچقا ماڭقۇرتلار شۇنچىلىك رايىش. قىل دېسە قىلىپتۇ ، ياق دېسە قىلماي . تۇنجى رەت  يامانلىق قىلغاندا بىرسى ، پالانى دېمەپتۇ دەپـتـۇ ئا مىلـلـەت . نىمانـداق ....يـوقـكەن ساپـاسى ، بۇرۇنمۇ شۇنداقتى كۆپ ئىكەن ئىللەت. قاغىنىڭ كۈتكىنى شۇ ئىدى مانا  ، خۇشلۇقتىن قاق دەپتۇ قىلىپ تەنتەنە ، ئەل ئاۋام قارىسا ئەسلى بىر قاغا ، غەزەپتە قوغلاپـتــۇ قاغىنـى يەنە  . شۇ كەتكەن پېتىچە كەلمەپتۇ پەقەت ، قىلغاچقا ئويلىغان ئىشىنى ئادا ، ئەمدىلىك قاغىلار چىقىپتۇ رەت-رەت، ئەسلىدە ماڭقۇرتلار بولغانكەن قاغا . باشلاپتۇ بۇلۇڭدا بىرسى چىكىشنى، ئەل ھەيران غەزەپتە چىشلەپتۇ ياقا. باشلاپتۇ يەنە بىر ماڭقۇرت ئىچىشنى ، قاراڭلا ئۇيغۇردەپ چىشلەپتۇ ياقا . -يانچۇقنى كولاپتۇ بىرسى كۈندۈزدە، قارىسام ئۇيغۇركەن ئىسىت مىللىتىم . بولغاچقا مۇشۇنداق بىز تالا تۈزدە ، بوپ قالدۇق ئانىسىز گوياكى يىتىم . ماڭقۇرتلار قىلغان ئىش كۆپەيگەن سىرى ، ئۇيغۇرغا ئۆچمەنلىك ، بىھۇدە رەنجىش ، كۆپىيىپ بېرىپتۇ ، بىر قىـزىـق يېـرى ، نېمىشقا توختىماس مىللەتكە كايىش . بىر كىشى قىلغاننى مىللەتكە يۈكلەپ ، سۆزلەپتۇ ئەيبىنى ھەسرەت ئىلكىدە ، قەلەممۇ ئۇيغۇرنى يازماستىن كۈيلەپ ، لاتىـدەك سۆكۈپتـۇ ئۇنى جەرتتـىدە . جـىقىيـىپ بېرىپتـۇ ماڭقۇرت قوشۇنى  ، زىيالى ، ئىشلەمچى، ھۈنەرۋەن كاسسىپ. ئىتەكتە ياپقىلى بولمايكەن كۈننى ، ئەمدىلىك دۇنيامۇ قاپتىغۇ كايىشىپ . ماڭقۇرت دەر؛ كۆزنى ئاچ ئويغانغىن ئاستا ، ئەي ئىسىت مىللىتىم ، ئىللىتىڭ ئېغىر . ئويـلىـدىم يارىنى يەنـە تاتلـىسا ، بولمامدۇ ئاشۇ يەر تېزدىنلا يېغىر . ئىشىنىپ ياتلارمۇ كۈن ئۆتكەنسىرى ، ئىللىتى راستىنلا ئاشتاق ئوخشايدۇ . تارىختا ياراتقان شانۇ شەۋكىتى ، پەقەتلا كىتاپتا قالغان ئوخشايدۇ . خاتىمە سۆز تامام ھېلىمۇ ماڭقۇرتنىڭ گېپى ، ئۇيغۇردىن قاغىغا ئۆزگەرگەن قەۋىم . دېگەنگە ئۆزگەرمەس شۇندىمۇ ئېپى, كەلگەندە دەۋالاي بوشىسۇن ئىچىم . -بىرسىنىڭ  ئەيبىنى ئوخشىتىپ كۆپكە . مىللەتكە چېتىش ئۇ ئەسلى نادانلىق ، كۆتۈرۈڭ مىللەتنى مەدىھلەپ كۆككە ، بولىدۇ ماڭقۇرتمۇ ئادەمدەك جانلىق . بولمايدۇ ئەسلىدە مىللەتتە ئىللەت ، تۈگىمەس شۇ ئىللەت ئەسلى شەخىستە . ئىللەتنى مىللەتكە يۈكلىگەن مىللەت ، زاۋالغا يول تۇرار سىرلىق رەۋىشتە . مەنبەسى:ئەپچىلەم

xaxmas

	رەھمەت مەن تور دۇنياسىدا ئەڭ ياقتۇرغان شئىرى تېما بولدى  ، بولدى بەس ئۇيغۇر ئەمدى تىللاۋىرىشكە مۇھتاج ئەمەس، ماڭقۇرۇتلار تىلڭلارنى ئەمدى يىغىڭلار ، بىز مىللتىمىزنى ، دىنىمىزنى سۆيگەندەكلا سۈيىمىز ، تەھلىلىڭىز توغرا

nul

uyol

	بارىكاللا  قولىڭىزغا دەت كەلمىسۇن

654321

	ناھايىتى ئەتراپلىق يەكۇنلەپسىز ئاللا قولىڭىزغا دەت بدرمىسۇن

tograk198510

	خېلى جاپا چېكىپسىز!!! بارىكاللا@@@ ئىتىقادىڭز يۈكسەلگەي@

fathullah

	ئەجەپ تەپەككۇرۇمنى غىدىقلاپ ئارامىدا قويمىدى ماۋۇ شىئىر.ئەمما لىكىن ئىلھام مانداق تالانت مۇشۇنداقلا بولسا ئەپچىلەم ماڭقۇرت باينى راس تۈگەشتۈرگۈدەك.

handanjan

	ئەپچىلامكامنىڭ شېئىرلىرى مۇشۇنداق پەچەت، داۋاملىق ياخشى شېئىر ئوقۇيالايدىغېنىمغا ئىشەنچىم كامىل

mahatjan

	ئۇكام ئەپچىلەم بۇ شىئېرىڭىزنى ئوقوپ بەك خىجىل بولدۇم،مۇشۇ شىئېرنى كۆرۈشتىن بىر قانچە سائەت بۇرۇن بىر شىئېر يوللاپتىكەنمەن،بىزدىكى ئىللەتلەر دەپ،ئۇنداق دىمەي مەندىكى ئىللەتلەر دەپ يازسام بوپتىكەن. ئۆزەمنى ئەمدى چۈشەندىم،رەھمەت سىزگە.

uyoglani

	يارايسىز قېرىندىشىم،  قاغا ئوبرازىنى ياخشى ئىپادىلەپسىز.