ئاسماندىن چۈشكەن ئادەملەر[ئابدۇلئەھەد مامۇت]

dua

	ئاسماندىن چۈشكەن ئادەملەر <<ھېكايە>> ئابدۇلئەھەد مامۇت قۇربان[دۇئا] بۈگۈن دۈشەنبە بولغاچقا ئىشخانىغا بالدۇرراق كېلىپ تازىلىق قىلىپ تۇرۇشۇمغا ئىشىك چېكىلمەيلا 40ياشلار ئەتراپىدىكى بىر جۈپ ئەر-ئايال كىرىپ كەلدى.مەن ئولتۇرۇشقا ئىشارەت قىلىپ نېمە ئىش دېگەندەك ئۇلارغا قارىدىم.ئەر قۇلىدىكى قەغەزلەرنى ماڭا سۇندى.قارىسام نىكادىن ئاجىرشىش توغرىسىدىكى ئىلتىماس،تۇنۇشتۇرۇشلار ئىكەن. -ئاجىرىشىشنىڭ سەۋەبى نېمە ؟-دېدىم ئۇلارغا. ئۇلار بىر- بىرىگە قارىشۋالغاندىن كېيىن ئەر سۆز باشلىدى. -بىز توي قىلغىلى 20 يىلدىن ئاشتى ،ئۈچ بالىمىز بار.مەن غۇلجىدىن 20 يىل بۇرۇن تىجارەت بىلەن بۇ يەرگە كېلىپ ئايالىم بىلەن تونۇشۇپ توي قىلغان.ئايالىم يالغۇز بالا بولغاچقا تويدىن كېيىن ئاپىسى مېنىڭ كۆزۈم يۇمۇلغىچە مۇشۇ يەردە تۇرۇڭلاردەپ تۇرىۋالدى.2يىلدىن كېيىن تۇنجى بالىمىز توغۇلدى.نوپۇسقا ئالدۇراي دەپ بارسام كەنت ئىشخانىسىدىكىلەر <<تويدىن كېيىن ئايالنى يۇرتىڭىزغا ئېلىپ كەتمىگەندىكىن بالىنى نۇپۇسقا ئېلىشقا بولمايدۇ>>دەپ بىجىرىپ بەرمىدى. يېزىلىق،ناھىيىلىك ج خ ئورۇنلىرىنىڭ نۇپۇس ئىشخانىلىرغا بېرىپ ئېيتسام ،-قانونى تەرتىپ بويىچە ئانىنىڭ نۇپۇسى نەدە بولسا شۇ يەرنىڭ نۇپۇسىغا ئېلىنىشى كېرەك،ئەمما ھازىر تۈۋەنگە بۇيرۇق چۈشۈرەلمەيمىز -دېدى. يۇرتۇم غۇلجىغا بارسام ئۇ يەردىكى كادىرلار <<ئەر- ئايال ئىككىڭلار تۇرپاندا تۇرساڭلار ،بالاڭلارنى بۇ يەرنىڭ نۇپۇسىغا قانداق ئالىمىز ؟بۇ مۇمكىن بولمايدىغان ئىش>>دېدى. شۇنىڭ بىلەن بالىمىز نۇپۇسسىز قالدى.شۇ كۈنلەردە ساقچىخانىدىن ئادەم كېلىپ بىر يىللىق ۋاقىتلىق نۇپۇس بىجىرىشمنى ئېيتتى .مەن ۋاقىتلىق نۇپۇس ئېلىش سەۋەبىنى سورىسام ،<<يۇرتىڭىزدىن نۇپۇسىڭىزنى سۆكۈپ كەلسىڭىز دائىملىق نۇپۇسقا ئالىمىز-دېدى. بۇ توغرىلىق كەنت مەسئۇللىرى بىلەن كۆرۈشسەم <<بىز بالىڭىزنى نۇپۇسقا ئالمىغان يەردە سىزنى تېخىمۇ ئالمايمىز >>دېدى.مەن قايتا ناھىيلىك ج خ ئىدارىسنىڭ نۇپۇس بۆلۈمىگە بارسام ،ئۇلار<<نىكاھ قانونىدا تويدىن كېيىن ئايال ئەرنىڭ ئا ئىلىسىگە بارسىمۇ ،ئەر ئايالنىڭ ئائىلىسىگە بېرىپ تۇرسىمۇ بولىدۇ دېيىلگەن. شۇ بويىچە كەنت سىزنى داىملىق نۇپۇسقا ئېلىشى كېرەك،لېكىن ئۇلار ئالمىسا بىز ئامال قىلالمايمىز>>دېدى. شۇندىن بۇيان مەن ۋە ئۈچ بالام نۇپۇسسىز قالدۇق.بالىلار شۇ پېتى ئۆتىۋەردى .لېكىن مەن يىلدا بىر قىتىم ۋاقىتلىق نۇپۇسقا پۇل تۆلەيمەن.ھېساپلاپ باقسام 2000 يۈەنگە يېقىن ۋاقىتلىق نۇپۇس پۇلى تۆلەپتىمەن. بالىلارنى نۇپۇسى بولمىغاچقا ئوقۇش راسخوتلىرىنى بىر ھەسسە ئارتۇق تاپشۇرۇشۇم كېرەككەن،شۇنداق ئوقۇتتۇم .ئېچىنىشلىق بولغىنى شۇكى چوڭ قىزىمغا ئالى مەكتەپتىن چاقىرىق كېلىۋىدى.قىزىمنىڭ نۇپۇسى، كىملىكى بولمىغاچقا ئوقۇشقا بارالمىدى.يۇقىرى نۇمۇر ئېلىپمۇ ئوقۇشقا بارالمىغان قىزىم بىر ئايغىچە ئۆيدىن چىقماي يىغلىدى. ئەرنىڭ مۇقىم نۇپۇسى يوق دەپ ئۆي سالىدىغان يەر بەرمىگەچكە باشقىلارنىڭ ئۆيلىرىدە ئولتۇردۇق.ساناپ باقسام 20 يىلدا 15 قىتىم ئۆي كۆچۈپتىمىز .ئىجارە ھەقلىرىنى دېمەيلا قوياي، ئۈچ بالا بىلەن بۇنداق ئۆي كۆچۈش ئاسانمۇ؟ ئالى مەكتەپكە بارالمىغان شۇ قىزىمغا بىر يەردىن لايىق كېلىۋىدى،ھەممىمىز قۇشۇلغان بولساقمۇ .2 چايدىن كېيىنلا مۇقىم ئۆيى يوقكەن دەپ يېنىپ كەتتى. يېقىندا قىزىمغا يەنە بىر لايىق كېلىۋدى .ئۇلارغا ئالدى بىلەن ئۆيىمىز يوقلۇقىنى ئېيتىۋىدىم،<<ئۇنداق بولسىمۇ مەيلى ئوغلىمىز ياقتۇرغاننى ئەپ بېرىمىز->>دېدى.ھەممە ئىش تەييار بولۇپ،توي خېتى ئالىدىغان ۋاقىتتا كەنت مەسئۇللىرى<< نۇپۇسى يوق قىز >>دەپ بىر ۋاراق تونۇشتۇرۇش قەغىزىنمۇ بەرمەپتۇ .ئوغۇل تەرەپتىكلەر جىق يول مېڭىپ ئامال قىلالماي تويدىن ۋاز كەچتى.بۇنى ئاڭلىغان قىزىم ئۆلىۋالماقچى بولۇپ ئېلىكتىر ئىستانىسىنىڭ سۇ ئامبىرىغا ئۆزىنى تاشلىغان ئىكەن ،بەختكە يارىشا سۇ ئامبىرىغا قارايدىغان ئادەم قۇتقۇزۋاپتۇ. ئەھۋال بولسا مۇشۇنداق . ئويلاپ بېقىڭە، بىز ھازىر ئاسماندىن چۈشكەندەكلا بىر  ئادەملەردىن بولۇپ قالدۇق بالىلارنى ئالدىدا يا ئاتىلىق بۇرچۇمنى ئادا قىلالمىسام،ئائىلىدە شۇنداق كۆڭۈلسىزلىكلەر بولىۋەرسە ئاجىرشىپلا كىتىپ يۇرتۇمغا كىتەي دەپ ئويلىدىم.>>.............. مەن ئايالغا قارىدىم ،ئۇمۇ ئۈنسىز ئولتۇراتتى.شۇ تاپتا مېنىڭ بۇ ئائىلىگە بەكمۇ ھېسدا شلىقىم قوزغالماقتا ئىدى.ئۇلارنى يەنە قانداق كۆڭۈلسىزلىكلەر  كۈتىۈۋاتقاندۇ؟... مەن بۇ ئەر -خۇتۇنلار غا قاراپ ئۆزۈمگە ئىشەنگەن ھالدا ئۇرغۇلۇق قىلىپ ئېيتتىم: - بۈگۈنچە قايتىپ تۇرۇڭلار.سىلەرنىڭ نۇپۇس ئىشىڭلارنى چوققۇم مەن ھەل قىلىپ  بېرىمەن.بۇ ئىش سەۋەبلىك ئاجىرىشىش مۇتلەق خاتا.ئۆيۈڭلارنى تۇتۇڭلار.

MiRul

	نومۇسسىز، پەسەندى نېمىلەر،  نەدىكى بىريەرلەردىن جېنىنى باقالماي ئاران كەلگەن نېمىلەرگە قوشقوللاپ نوپوس بىجىرىپ يەر، ئۆي ھەل قىلىپ بېرىدىكەن، مۇشۇ زېمىندا تۇغۇلۇپ ئۆسكەنلەرگە بولسا يوق،،،،،،،،،،،،،،،،،،  مۇقىملىق، مۇقىملىق دەپ ئاغزى ئاغزىمىزغا تەگمەي سۆزلەيمىز، لېكىن شۇ مۇقىمسىزلىقنى دەل شۇ مۇقىملىقنى ياقىلىغۇچىلار چىقىرىدۇ ئەمەسمۇ.......

albax

	بۇلۇپمۇ ساقچىخانىلاردا مۇشۇنداق سەۋەبىنى ئۇققىلى بولمايدىغان باھانىلەر بەك جىق ، ئاز-تولا خەلقىم دەيدىغان ساقچىلارغۇ بىر ئىشلارنى بىجىرىپ بىرىدىكەن ، لېكىن كۆپىنچە ساقچىلار كەسپى بەز قاپاق كىسىلى ، غورا كىسىلى بۇلۇپ قالغان . ئۇلارغا گەپ قىلىپ غۇرۇرى ئازار يەپ قىلىشتىن ئەنسىرەيدۇ كىشى .................................   بۇ ئىشلارنىڭ ھەممىسى كەسىپ ۋە ھوقۇق ئايرىمىسى بۇيىچە ج خ ج نىڭ خىزمەت مەسئۇلىيىتى .   بىر چاغدا ئىسمىمنى كىملىكىمگە خاتا يېزىپ قۇيۇپتۇ ، بېرىپ ئۆزگەرتىمەن دىسەم نىمىشقا بۇنداق يېزىۋالدىڭ دەيدۇ . بۇ مەن يېزىۋالغان نەرسىمۇ سەن خەق تارتقاتقان نەرسىمۇ دىسەم ، نىمىشقا بىجىرگەندە توغرا دەپ بەرمىدىڭ دەيدۇ ، سەن مىنىڭ دىگىنىم بۇيىچە يازدىڭمۇ ياكى كومپىيوتىرىڭدىكى ئۇچۇر بۇيىچە يازدىڭمۇ دىسەم گەپ تاپالماي : سەن نىمە ئىش قىلىسەن دەيدۇ ،.........................................................   ساقچىلارنىڭ خىزمەت ئىستىلىنى ، ساپاسىنى ، قانۇنغا خىلاپ قىلمىشلىرىنى تۈزىمەي تۇرۇپ باشقا ئىشلاردىن سۆز ئېچىش تەس گەپ .

kariguja

	ئۆز يۇرتىدىكى مۇساپىر  .ھەممىمىزنى شۇنداق قىلىۋەتسە  ‹‹موقوملۇق  ››ئەمەلگە  ئاشىدۇ

asma507

	ئۇفففففففففففففففففففففففففففففففففففف........................نىم دىگۈلۈك ئەمدى

326ayixa

	توي خىتى ئالغاندا نوپوسىڭىزنى ئەكەلمىگەنمۇ ؟

seyyah

	326ayixa يوللىغان ۋاقتى 2013-6-21 10:59 AM توي خىتى ئالغاندا نوپوسىڭىزنى ئەكەلمىگەنمۇ ؟ بۇ دىگەن بىر ھىكايە！

zulqinay

	ھەيرانمەن !؟يېنىمىزدىكى ئۆينى ئىجارە ئالغان يولداشلارنىڭ ئىككى  قولىدا بىردىن بالا ،دومبىسىدە بىرى،قورسىقىدا بىرى.قانداقچاغلاردا تۇغىۋالىدىكىن ،يەنە بىر يىلى قارىسا يەنە تۇغاي دەپلا قاغان...........

sardar105

	MiRul يوللىغان ۋاقتى  2013-6-21 10:19 AM نومۇسسىز، پەسەندى نېمىلەر،  نەدىكى بىريەرلەردىن جېنىن ... Bak togra dapsez

polat0903

	بۇ بىر ادالەتىسز لىك بوپتۇ