ئارزۇ تولدۇرۇشتا ياردەم سورايمەن

QUTIZ

	ئەسسالامۇ ئەلەيكۇم مىسرانىم تورىدىكى سىتۇدىنت ئاكا-ھەدىلەر : ئالىي مەكتەپ ئىنتىھانى ئاخىرلاشتى  ، ئەمما ئارزۇ تولدۇرۇشتىن ئىبارەت مۇرەككەپ ، قېيىن بىر ئىش باشلاندى... مەن قانۇن كەسپىگە قىززىقاتتىم ، نۇمۇرۇممۇ(ئاللا خالىسا) خېلى ياخشى چىقىدىغاندەك قىلىدۇ ، شۇڭا ئىچكىردىكى بىر قىسىم ئالىي مەكتەپلەرنىڭ قانۇن كەسپىنى يېزىشنى ئويلاشتىم  ، ئەمما ئاڭلىسام ئاز سانلىق مىللەت ئوقۇغۇچىلىرى قانۇن كەسپىنى ئۆز رايۇنىدىكى يەنى ئۆز تىلى بويىچە ئۆگەنسە  كېيىنكى خىزمەت ئىشلىرى تېخىمۇ قولايلىق بولىدىكەن.....  شۇڭا  سىلەردىن سورايدېغىنىم  : قانۇن كەسپىنى  ئىچكىردىكى  نۇقتىلىق ئالىي مەكتەپتە ئۆگەنگەن ياخشىمۇ  ياكى شىنجاڭ ئۇنۋېرسىتىتىدا ئۆگەنگەن ياخشىمۇ؟ ياخشى تەكلىپ -پىكىرىڭلار ، تەجىربەڭلار  بولسا  سۆزلەپ بەرگەن بولساڭلا!!! باشقا كەسىپلەر ھەققىدە بايانىڭلار  بولسىمۇ ئاڭلاپ باققان بولسام.... قوشۇمچە:        مەن قوشتىل ئوقۇغۇچىسى رەھمەت

fathullah

	سېزنىڭ ئستىقباللىق يىگىت بولۇشىڭىزنى ئۈمىد قىلىمەن.كىرىپتىمەن قۇرۇق چىقىپ كەتكۈم كەلمىدى!بىلىملىكلىرىمىزنىڭ كۆپىيىشى ئاللاھ خالىسا بىزلەرگە بەخىت.ئاللاھ شۇنداق بولۇشقا نىسىپ قىلسۇن! ئەمدى بىلىدىغانلارنىڭ مەسلەھەتىنى ئاڭلاپ باقايلى.

Marigold

	ئىىچكىردە  ئۇقۇمىسىڭىزمۇ  شىنجاڭدا ئۇقىسىڭىزمۇ بۇلىدۇ. ئىچكىردە ئۇقۇڭ ياكى شىنجاڭدا  ئۇقۇڭ بۇ ئۆزىڭىزگە باغلىق.....................

rahmansaykin

	مىنىڭ نەسىھىتىم يامان جىقتى . بۇ يەردە دەپ بولغىلى بولمىغىدەك .

narkos

	قانۇن ئوقۇساڭ شىنجاڭ ئونىۋېرسىتىتىنىڭ ياخشى.  مەن ئاخباراتنى يازدىم.

تەلقىنى

	مەن تولۇقنىمۇ،ئالىي مەكتەپنىمۇ ئىچكىردە ئوقۇدۇم مەنچە سىز يەنىلا ئىچكىرگە كىلىڭ ،نېمە ئۈچۈن بۇنداق دەيدىغانلىقىمنى سىز ئىچىكرگە كەلگەندىن كىيىن ھىس قىلىسىز ئەگەر ئازراق تەپەككۇر قىلىشنى،مۇھىت سېلىشتۇرۇشنى بىلسىڭىز.

atlan028

	مىنىڭچە بولغاندا ئىچكىرىدە ئوقۇڭ،  جەمئىيەتنى تېخمۇ چوڭقۇر چۈشىنىش پۇرسىتىگە ئىگە بولالايسىز، كىتابى بىلىملەردىن باشقا نۇرغۇن نەرسىلەرنى ئۆگىنىۋالالايسىز

muhabbatsiman

	مەن سىزگە شۇنداق نەسىھەت قىلىمەنكى شىنجاڭ ئىچىدە ئوقۇغىڭىز بولسا شىنجاڭ ئۇنۋېرسىتېتىنىڭ قانۇن كەسپىنى تاللاڭ،ھەرگىز پۇشايمان قىلمايسىز،نۇرغۇن ئىشلارغا قولايلىق،مۇساپىرچىلىق ئۇنچە بىلىنىپ كەتمەيدۇ،ئاش-تاماق،قاتناش قاتارلىقلاردىن قىينالمايسىز،دەرسىنىمۇ شىنجاڭ قانۇن ساھەسىدىكى داڭدار ئوقۇتقۇچىلار ئۆتىدۇ،ئىچكىرىدىكى مەكتەپلەرنىڭمۇ ئۆزىگە چۇشلۇق ئالاھىدىلىكى بار،مەنمۇ ئەينى ۋاقىتتا ئىچكىرىدە ئوقۇمىغانغا بىر ئايدەك پۇشايمان قىلغان،كېيىن پۇشايمىنىمنىڭ ئارتۇقچە ئىكەنلىكىنى ھېس قىلدىم،نېمىلا دېگەن بىلەن ئۆزىمىزنىڭ مىللىتى بار جايدا ئوقۇغانغا يېتەمدۇ دەيسىز،بەلكىم سىز قانۇننى ئۇنداق ئۆگۈنۈپ مۇنداق ئىشلارنى قىلىپ دېگەندەك غايىلاردا بولىدىغانسىز،بۇنى خاتا دېمەيمەن،خىزمەتكە چىقىپ ئاستا-ئاستا چۈشۈنۈپ قالسىز،نەدىلا ئوقۇڭ گەپ ئۆزىڭىزدە،كەسپىي بىلىمنى ياخشى ئىگەللەپ ۋاقتى كەلگەندە ئەدلىيە ئىمتاھاننى ياخشى بېرىپ ‹ئا›دەرىجە ئالالىسڭىز سىز نوچى،ئاندىن ئادوۋكات بولامسىز،سوتچىمۇ،تەپتىشمۇ،ئىختىيار ئۆزىڭىزدە .ئەينى ۋاقىتتا مېنىڭ نومۇرۇممۇ جوڭگو سىياسى -قانۇن ئۇنۋېرسىتېتىغا توشقان،لېكىن شىنجاڭ ئۇنۋېرسىتېتىنى 1-ئارزۇغا توشقۇزۇپ قانۇن كەسپىدە ئوقۇغان،ھازىر ھەرگىز پۇشايمان قىلمايمەن.مەكتىپىمىنى ماختاپ ئەمەس،ھەر قايسى جەھەتتىن بولىدۇ،ھازىرمەكتەپ تاللاش مۇھىم ئەمەس،كەسىپ تاللاش مۇھىم،بىڭسىى بار ئوقۇغۇچىلار ئۆزلىكىدىن ئۆگىنىش (زىكاۋ)دا ئوقۇپمۇ قانۇن ساھەسىدىكى ياخشى خىزمەتلەر بىلەن شۇغۇللىنۋاتىدۇ،مۇھىمى ئۆزىڭىزنىڭ تىرىشچانلىقىدا!مۇشۇنچىلىك مەسلىھەت بېرىپ تۇراي،باشقا سورايدىغان مەسلىھەت بولسا ئىنكاس ئارقىلىق پىكىرلىشەرمىز،سىزگە ياخشى نەتىجە تىلەيمەن

hayat

	مەنچە بولغاندىمۇ شىنجاڭ ئونۋېرسىتىتىدا ئوقۇڭ.(قوبۇل قىلسىلا) ئۇندىن باشقا قانۇن كەسپىنىلا تۇتىۋالماي باشقا ئېھتىياجلىق كەسىپلەرگىمۇ نەزىرىڭىزنى ئاغدۇرۇپ بېقىڭ. بۇ يىللىق كەسپ تاللا ش كىتابى تېخى يېتىپ كەلمىدى. توردىن ئانچە -مۇنچە كۆرۈپ قويدۇم. ياخشى كەسىپلەر بەكمۇ كۆپ.كەسىپ تاللاشتا ئونۋىرساللىقىغا ئالاھىدە دىققەت قىلىش كىرەك. بۇرۇنلاردا قايسى كەسىپتە ئوقۇشتىن قەتئىنەزەر ئىش ئورنىغا چىقىشقا ئىمتىھان بىرىشتە قەيەرگە ئىمتىھان بەرسە بولىۋىرەتتى. شۇ سەۋەپتىن مەكتەپلەردە دوختۇرلۇقنى پۈتتۈرگەنلەر، قۇرلۇش كەسپىنى پۈتتۈرگەنلەر كۆپىيىپ كەتكەن. (ھېلىمۇ يوق ئەمەس) ھازىر بۇ جەھەتكە چەك قويۇلىۋاتىدۇ(بىر يىل بولۇپ قالدى) بۇندىن كىيىن بۇ تەرەپ يەنىمۇ كۈچىيىدۇ. قانۇن كەسپى ياخشى كەسىپ. بىراق مۇشۇ بىر قانچە يىلدا بۇ ساھەمۇ تويۇنۇش ئالدىدا تۇرۋاتىدۇ. ئارزۇ تاللاشتا يەنە ئۆزىڭىز ئۆسۈپ چوڭ بولغان ئورۇنمۇ موھىم ئورۇندا تۇرىدۇ. چۈنكى ھەممىلا ئوقۇغۇچى ئوقۇش پۈتتۈرۈپ شەھەرگە ئورۇنلىشالمايدۇ -دە.