نەسىر :ئەي يىگىت

ئارزۇ0903

	نەسىر:                                                  ئەي يىگىت ئەي يىگىت شۇنى ئىسىڭدە چىڭ تۇتقىنكى يىگىتلەرگە خاس بولغان ئەڭ گۈزەل ۋە ئەڭ قەدىرلىك بىزەك ۋىجدان ۋە غۇرۇردۇر .ۋىجدان ۋە غۇرۇرى يوق يىگىت نۇرسىز ،يالىڭاچ بىر گەۋدىدىن باشقا نەرسە ئەمەس.ۋىجدان ۋە غۇرۇرىنى ساقلاشقا تىرىشمىغان يىگىت ھېچقاچان مۇھەببەت ۋە ئىلتىپاتقا نائىل بۇلالماس. ئەي يىگىت؛ سەن ئۈچۈن ئەڭ زور بايلىق ۋە ئەڭ ئۇلۇغ مەرتىۋە،ئەڭ بۇيۇك پەزىلەت ۋىجدانلىق ۋە غۇرۇرلۇق بۇلۇشتۇر. ۋىجدان ۋە غۇرۇرلۇق يىگىت گەرچە كەمبەغەل بولسىمۇ،لېكىن مەنىۋى جەھەتتىن دۆلەتمەن ھىساپلىنىدۇ. ۋىجدانسىز ۋە غۇرۇرى يوق يىگىت ھەرقانچە دۆلەتمەن ۋە،سالاپەتلىك بولسىمۇ كىشىلەر نەزىرىدە ھۆرمەتسىز سانىلىدۇ.ئىسىل كىيىم،ماشىنا،باش ۋە كۆكرەككە تاقىغا گۈھەرلەر،ساندۇققا تولغان پۇل-پۈچەكلەر بىلەنمۇ  ۋىجدان ۋە غۇرۇرنى سېتىۋالغىلى بولمايدۇ،ۋىجدان ۋە غۇرۇر شۇنداق زور بىر بايلىقكى،ئۇنىڭ ئەسلا باھاسى يوق. يىگىتلەر كىلىشكەن قەددى-قامىتى ،چىرايلىقلىقى ۋە پۇل-ماللىرى بىلەن ئەمەس،بەلكى ئۆزلىرىدىكى ۋىجدان ۋە غۇرۇر بىلەن پەخىرلىنىشى لازىم.ئەي ۋىجدانى پاك يىگىت؛  شۇنى ئىسىڭدە چىڭ تۇتقىنكى ،ۋىجدان-پاكلىق،غۇرۇر-ھايا دىگەنلىكتۇر. يىگىت قانچە كىلىشكەن بولغانسىرى شۇنچە ۋىجدانلىق ۋە غۇرۇلۇق بۇلۇشى لازىم. ۋىجدانلىق ۋە غۇرۇرلۇق يىگىتلەر خۇددى دۆلەتنىڭ بىر خەزىنىسىگە ئوخشايدۇ،بۇ خەزىنە ۋاقتى كەلگەندە بىر دۆلەتنىڭ ھاياتىنى قۇتۇلدۇرۇپ قالىدۇ. سەن مۇھەببەت مەسىلىسىدە، قىزلار بىلەن بولغان مۇئامىلىدە ئەڭ مۇھىمى ئۆزەڭنىڭ ۋىجدانىنى،غۇرۇرىنى ساقلاشنى بىلسەڭلا،قىزلارنىڭ ئىپپىتى بۇلغانمايدۇ،ھەرقانداق چاغدا ئۆزۈڭنىڭ ۋە باشقىلارنىڭ يۈزىنىمۇ يۇرۇق قىلالايسەن. تۇرمۇشتا يىگىتلەرگە نىسبەتەن بەخت دىگەن -ئەنە شۇ، قەدىر-قىممەت دىگەن ئەنە شۇ.  پۇل، سىرتقى گۈزەللىك ھەرگىزمۇ چىن مۇھەببەتتىن ،ئىنسانى قەدىر-قىممەتتىن،نۇمۇستىن ۋە پاكلىقتىن،غۇرۇر ۋىجداندىن ئۈستۈن تۇرالمايدۇ.  ھەقىقى ئار-نۇمۇسلۇق،ئىنسابى بار يىگىت  ھەرگىزمۇ قىزلار بىلەن ئۇيۇن ھىسابىدا ئارلىشىپ ئۇلارنى ئاياغ-ئاستى قىلمايدۇ ۋە ئۇنداق قىلىشقا يول قويمايدۇ،ئەي ۋىجدانلىق ۋە غۇرۇرلۇق يىگىت؛  ۋىجدانلىق ۋە غۇرۇرلۇق بۇلۇش يىگىتلەرگە قانچىلىك زور ياخشىلىقلارنى، بەخت-سائادەتنى ۋە گۈزەل ئىستەقبالنى ئاتا قىلىدىغانلىقىنى بىلەمسەن!؟ ۋىجدانسىزلىق ۋە غۇرۇرى يق دىگنلىك دەل بۇنىڭ ئەكسىچە ئۈنۈم بىرىدۇ دىگەنلىكتۇر.   بىر قىزنىڭ ياخشى كۈرىشىگە ئىرىشكەن يىگىت بەلكى چىرايلىق ياكى پۇلدار بولسىمۇ، ئۇنىڭ ۋىقدانسىزلىقىنى بىلگەن قىزنىڭ شۇ سائەتتە ئۇنىڭدىن ئىخلاسى قايتىدۇ،مۇھەببىتى سۇنىدۇ ۋە بۇ دۇنيادىن نەپرەتلىنىشكە باشلايدۇ،.  ئەي سۇدەك ئەزىز ،ئاقكۆڭۈل يىگىت؛  يىگىتلەر ئۈچۈن ئەڭ زور زىننەت ۋە ئەڭ ئۇلۇغ بايلىق ۋىجدانلىق ۋە غۇرۇرلۇق بۇلۇشتۇر. بۇنى ھەرۋاقىت ئەستە تۇتۇشۇڭ ۋە ھەر ۋاقىت شۇنىڭغا ئەمەل قىلىشىڭ لازىم. پاكلىق ھەر سائەتتە سۇپۇن بىلەن يۇيۇنۇپ تۇرۇش ئەمەس،ئىسىل چىرايلىق كىيىنىپ يۈرۈشمۇ ئەمەس،ھەر كۈنى كىر كىيىم،قول ۋە باشقا نەرسىلەرنى توختىماي يۇيۇشمۇ ئەمەس، بەلكى ھەر نەرسىنىڭ قەدىر -قىممىتىنى بىلىش ۋە ئۇنى مەڭگۈلۈك قەدىرلەش،بىرقىزنىڭ مۇھەببىتىنى مەڭگۈلۈك ساپ پېتى تۇتۇشتۇر.

ANSWER

	تەشەككۇر قىممەتلىك دۇردانىلەرگە !

بوزئەر

	بارىكاللا ؛ ھەقىقەتەن ياخشى يېزىپسىز ،قەلىمىڭىز تېخىمۇ بەرىكەت تاپقاي!!! ئۇلۇغ ئاللا بارلىق يىگىتلىرىمىزگەتەۋپىق_ ھىدايەت ئاتاقىلغاي!!1

BATUR72

	يىگىتلەرگە قويۇلغان ئۆلچەملەر ھەقىقەتەن كۆپ ،لىكىن بۇ ئۆلچەملەرگە يىتىدىغانلار ئاز سانلىق ، ياكى يوقتىيەرلىك ، ۋىجدان غورۇر توغۇرلۇق گەپ بولۇپتۇ ، توغرا ، ۋىجدان غورۇر ئىنتايىن موھىم ،لىكىن بۇ ۋىجدان غورۇرنى ھەددىدىن زىيادە يۇقرى ئورۇنغا كۆتۈرۋىتىشمۇ مۇۋاپىق ئەمەس ، ئوغۇللارغا كىرەك بولغاندىن ۋىجدان ۋە غورۇردىن بۆلەك ئەقىل ،جاسارەت ، كۈچ قۇۋۋەت قاتارلىقلارمۇ ئوخشاشلا موھىم .    ئەقىل بولمىغان ۋىجدان ئىگىسىنىڭ ۋىجدانغا قويۇۋالغان ئۆلچىمىمۇ نادانلارچە بولىدۇ ، ئۇ ئۆزىنى ۋىجدانلىق دەيدۇ . جاسارەتسىز كىشىلەرمۇ  ئۆزىنى مۇناپىقلارچە يوشۇرۇشنى ۋىجدان دەپ قارايدۇ . شۇڭلاشقا بۇ ئەسەرنىڭ  تەپەككۇرى كۈچلۈك ئەمەس ، لىكىن ئىشلەتكەن گەپ سۆزلىرى ئورۇنلۇق سۆزلەر . يەنىمۇ تېرىشىڭ ، ئەسىرىڭزنى  تـېخىمۇ پۈتۈنلۈككە ،ئەتراپلىق تەھلىلگە  ئىگە قىلسىڭىز ،بىر ياخشى نادىر ئەسەر بولىدىكەن .

fathullah

	ياقتۇردۇم.رەھمەت باتۇر2دىگەندەك تېخىمۇ تېرىشىڭ.

fathullah

	ياقتۇردۇم.رەھمەت باتۇر2دىگەندەك تېخىمۇ تېرىشىڭ.

زەنجىر

	ئېگىمىز  ھەممە  ئوغاللارنى   شۇنداق  ياشاشقا  نىسىپ  قىلسۇن ،.

muhammadraxid

	تەشەككۇر قىممەتلىك دۇردانىلەرگە !

ئارزۇ0903

	BATUR72 يوللىغان ۋاقتى  2013-6-14 09:08 PM يىگىتلەرگە قويۇلغان ئۆلچەملەر ھەقىقەتەن كۆپ ،لىكىن بۇ ... بۇلىدۇ ،بۇ مىنىڭ مۇنبەردىكى ئىككىنچى تىمام شۇڭا كۆپرەك يول كۆرسىتەرسىلەر.

0908220

	بىزلەرگە ياخشى  خىتاب  بوپتۇ .