ئەيلە

tarurum

	ئەيلە (مۇناجات) مۇھەممەد قادىر بارخان . ساناقسىز شول گۇناھىمنى ئى رەببىم مەغفىرەت ئەيلە، كېچىككەن بولسىمۇ تەۋبەم بىرەر رەت خەيرىيەت ئەيلە. . ئىڭەلەپ كەلگىنىم ھەق-راس گۈدەكلىك چالغا بىتەققاس، توسىن تايدا يۈگەن بولماس، دىلىمغا ئاڭ زەرەت ئەيلە. . ئەيىش-ئىشقىدا غەمناكىم، گۈزەللىك سۈرمىسى-لاكىم ، نىتەي ياشلىق بىپەرۋاكىم؟ ھايا-شەرمى شەرەت ئەيلە. . پۇچۇلدۇم روزىغارىمچۈن، بالا-ۋاقى، ئايالىمچۈن، ياشاش ئىستەك قارارىمچۈن، ھالاللىقنى دەۋەت ئەيلە. . يېشىم ئاشقاندا يەتمىشتىن ئۇيۇلدۇم قىلمى- ئەتمىشتىن، ۋە ئىبرەت شۇكى كەچمىشتىن قەلەمنى خاسىيەت ئەيلە. . ئەجەلدىن ھۈركىدىم ئاخىر قىساسنى پۈركۈدۈم ئاخىر، ئۆزەمنى تۈرتۈدۈم ئاخىر، سىنەم خۇسلى-تەرەت ئەيلە. . پېقىرنىڭ جەيناماز جايى، ۋەئەمدى بىرلا دۇئايى: -ساتۇق سۇلتانى بۇغرايى تامانى ھەمجەھەت ئەيلە.

kariguja

fathullah

	قۇۋەتلىك قەلەم مىۋىلىرى قەلبىمىز داستىخىنىنى مول قىلدى.رەھمەت.

intikam

	ئەسسالامۇ ئەلەيكۇم قېرىندىشىم، بەك ياخشى يېزىلىپتۇ، ئاپتۇرنىڭ قوللۇرىغا دەرت كەلمىسۇن! بۇيەردە بەك ياخشى يېزىلغان بىر شېئىربار، لېكىن ئاپتۇرنىڭ كىملىكىنى بىلمەيمەن، بۇ شېئىرنىڭ ئاپتۇرغا ئاللاھ رەھمەت قىلسۇن! ئىنكاس شەكلىدە يوللاپ قوياي  بۇنىڭدىن  ھەممىمىز تەڭ بەھر ئالايلى. ئەسسالامۇ ئەلەيكۇم ۋەرەھمۇتۇللاھى ۋەبەرەكاتۇھۇ ئۇلۇغ رەببىم راھمان ئۈچۈن.. كىچىلەردە بىدار بولدۇم جانان ئۈچۈن، قاتراپ يۈردۈم ئەمەل مەنسەپ ، پۇل مال ئۈچۈن، تىنىم تاپماي مىھنەت قىلدىم ئاش نان ئۈچۈن، نىمە قىلدىم ئۇلۇغ رەببىم راھمان ئۈچۈن؟! ئۇ ياراتتى، رىزىق بەردى، ئەقىل بەردى، نىئمەتلەرنى ساناپ بولماس بەك جىق بەردى، كالامىدىن تەلىم بەردى، تەۋفىق بەردى، نىمە قىلدىم ئۇلۇغ رەببىم راھمان ئۈچۈن؟! رەسۇل ئەكرەم ئىلىپ كەلسە رىسالەتنى، بويۇن تولغاپ، قوبۇل قىلماي ھىدايەتنى، غاپىل بولدۇم ئەسكە ئالماي قىيامەتنى، شۈكۈر ئېيتماي غەمگۈزارىم راھمان ئۈچۈن؟! ئىزىپ يۈردۈم زالالەتتە ھەقتىن قىچىپ، ئىبلىس دىگەن شۇ دۈشمەنگە قۇچاق ئىچىپ، مانا ئەمدى ھەققە قايتىش بولدى نىسىپ، ئىخلاس بىلەن سەجدە قىلاي رەببىم ئۈچۈن؟! ئۇلۇغ رەببىم قوبۇل قىلغىن دۇئايىمنى، چىن يۈرەكتىن ئىتلىپ چىققان نىدايىمنى، رەھىم ئەيلەپ كەچۈرگەيسەن گۇناھىمنى، كۆز ياش تۆكۈپ تەۋبە قىلاي رەببىم ئۈچۈن ؟! مەنبە: ئىسلام خىزمەتكارى بىلوگىدىن ئېلىندى

tarurum

	ئەسسالامۇئەلەيكۇم «intikam» ئەپەندى ئىنكاسىڭىزدا يوللىغان «مۇناجات»نىڭ مەزمۇنى نايىتى ياخشى ئىكەن... ئوقۇپ ھوزۇرلاندىم... رەھمەت سىزگە...

ap~qilam

	كىلاسسىك شائىرلىرىمىزنىڭ تىلىدەك  بۇ شېئىرمۇ شۇنچە يېقىشلىق چىقىپتۇ  قەلىمىڭىز ھارمىغاي. ھەمجەھەت، بىتەققاس مەنىسى  نېمە ؟

tarurum

	ۋەئەلەيكۇم ئەسسالام بىتەققاس- ئوخشىماسلىق، ئوخشاتماسلىق (شېىردىكى كونكىرت مەنىسى ئەقىل مۇكەممەلىكىدىكى پىشقەدەم (چال) بىلەن ئەقىل تېپىۋاتقان گۆدەكلەرنى ئوخشاتماسلىق)... ھەمجەھەت- بىرلەشتۇرگىن، يېقىنلاشتۇرغىن...

uyol

	رەھمەت ياخشى يېزىپسىز