ئاتا-ئانىلارغا بىر جۈملە سۆز

idikut510

	ئاتا-ئانىلارغا بىر جۈملە سۆز تەرجىمە قىلغۇچى: ئابدىراخمان رىشىت ئادەم ياش ۋاقتىدا، ھەرگىزمۇ خىزمەت ۋە تۇرمۇش ھەلەكچىلىكىنى باھانە قىلىپ، بالىنىڭ ئوقۇش ۋە تەربىيلىنىشىگە سەل قاراشقا بولمايدۇ، قېرىغاندىكى شانۇ-شەۋكەت ئۇن-تىنسىز يوقاپ كېتىدۇ، بىر كېرەككە كەلمەيدىغان بالا سىېنىڭ ئاخىرقى ئۆمرۈڭنى خىرەلەشتۈرىدۇ. بەلكىم، بىر قىسىم ئاتىلارغا، بىر قىسىم ئانىلارغا نىسبەتەن ئېيتقاندا يۇقارقى سۆز ئۇلارنىڭ قەلبىنىڭ ئىچكى قاتلاملىرىغا سىڭىپ كىرەلمەسلىكى مۇمكىن؛ ئەگەر سىزنىڭ بالىڭىز بولسا، ياكى نۇرغۇن بالىلارنىڭ ئۆسۈپ يېتىلىش جەريانىدا قەدەممۇ-قەدەم چېكىنىۋاتقانلىقىنى كۆرگىنىڭىزدە، سىز ئاندىن قىسقا ۋە مەنىلىك ئېيتىلغان بۇ سۆزنىڭ ماھىيىتنى ھەقىقىي يوسۇندا چۈشۈنۈپ يېتەلەيسىز. ئائىلىنى بېقىش ئۈچۈن تۇرمۇش ھەلەكچىلىكىدە پايپېتەك بولۇپ، خىزمەت ئالدىراشلىقى بىلەن ، بالىلىرىنىڭ تەربىيلىنىشىگە كۆڭۈل بۆلمەيدىغان ئاتا-ئانىلار ناھايىتى نۇرغۇن. باشقىلار بىلەن پاراڭلاشقاندا، ھەمىشە ئەپسوسلىنارلىق بىلەن: ھەي... ئامال يوق، خىزمەت ئالدىراش، بالىنىڭ تەربىيلىنىشىگە ۋاقىت چىقىرالمايۋاتىمەن، دەيدۇ. بىر جۈپ ياشانغان ئەر-خوتۇنلار بار بولۇپ، پىنسىيەگە چىقىپ كۈندە ئۆيدە، كۆزلىرىدىن كۈندە ياش قۇرۇمايدۇ، سەۋەبى نىمە؟ ئۆزلىرىنىڭ ئامراق ئوغلى ئەسكى ئىش قىلىپ قويۇپ ھازىر سولاقتا. بۇ بىر جۈپلەر يولۇققانلىكى كىشىگە« كۆپ پۇل تاپقاننىڭ نېمىگە پايدىسى بار، پەرزەنتىڭ شان-شەرەپ كەلتۈرەلمىسە ھەممىسى نۆلگە تەڭ» دەپ يۈرمەكتە. كىچىك ۋاقىتتا ئاتا-ئانا بولسا بالىلارنىڭ تۈرۈكى، پەرزەنتلەر چوڭ بولغاندا، پەرزەنت ئاتا-ئانىنىڭ تۈۋرىكىدۇر. خىزمەت مۇھىممۇ ياكى بالىنى تەربىيلەش مۇھىممۇ؟ياكى بۇ ئىككىسىنىڭ تەڭپۇڭلۇق نوقتىسىنى تېپىش مۇھىممۇ؟ ئەمەلىيەتتە، ھازىر كىشىلەر ھەممىسى ئەمەلىيەتنى سۆزلەيدۇ، خىزمەت قىلىش ئائىلە ئۈچۈن، خىزمەت قىلىش پەرزەنتلەر ئۈچۈن. ئاتا-ئانىلار نوقتىسىدىن ئىيتقاندا، بەزى ۋاقىتتا، بالىلارغا بېرەلىگۈدەكنى ئامال قىلىپ بېرىشنى ئويلىشىدۇ. مەسىلەن ئالايلۇق، بالىنىڭ ئوقۇشىغا قارىتا، مەكتەپ تاللىغىلى بولسا، ئامال بار ياخشىسىنى تاللاش؛ بالىنىڭ تەربىيە ئىشىدا ئەڭ ياخشى تەربىيە ئۇسولىنى تاللاش. بەزى ئاتا-ئانىلار، بالام ئۆرلەپ ئوقۇش ئالدىدا تۇرىدۇ، ئەمما بالامنىڭ ھەر قايسى شەرتلىرى بىر ياخشى مەكتەپكە كىرىشكە توشمايدۇ،دەيدۇ. بۇنى ئاتا-ئانىدىن كۆرگىلى بولماس؟ ئەمەلىيەتتە، ئاتا-ئانىلار ئۆزىنىڭ خىزمىتىدە قىيىنچىلىققا يولۇققاندا، چوقۇم ھەرخىل ئاماللارنى ئىزدەپ يۈرۈپ ھەل قىلىدۇ؛ ئەمما بالىنىڭ تەربىيە ئېلىش ۋە ئوقۇشىغا ئانچە بەك كۈچەپ كەتمەيدۇ؟ ئۇمومەن، ئۆي ئوچاقلىق بولۇپ پەرزەنت تۇغۇلغاندا، ئەڭ مۇھىم ئىش خىزمەت بولماستىن، بالىنىڭ تەربىيە ئىشى بولۇشى كېرەك. ئاخىرىدا بارلىق ئاتا-ئانىلارنىڭ خۇشال –خورام بۇلۇشىنى ، پەرزەنتلەرنىڭ ئەڭ ياخشى ئۇتۇقلىرى ۋە نەتىجىلىرى بىلەن جاپاكەش ئاتا-ئانىلارنىڭ قورۇق باسقان يۈزلىرىنى تەبەسسۇم جىلۋىلىرى بىلەن نۇرلاندۇرۇشىنى ئۈمىد قىلىمەن. مەنبە: ئۆزلۈك مائارىپ مۇنبىرى

zulqinay

	ئىسمىڭنىڭ ئۇنتۇلماسلىقىنى ئىزدىسەڭ،بالاڭغا ئىلىم،ھۈنەر،ماھارەت ئۆگەت ۋە ئۇنى ئەققىللىق ،پىكىرلىك يېتىشتۇر.

mahatjan

	ئالەمنىڭ گۈزەللىكى ئادەملەر بىلەن، ئادەمنىڭ گۈزەللىكى ئانىلار بىلەن. ئالەمنىڭ مۇقەددەس گۈزەل رۇخسارى، شۇ ئوماق غۇنچە بوي بالىلار بىلەن.

abdirehim

	ھەقىقەتەن توغرا گەپ      ئىسىمنى بىلسەم داداممۇ ھەدىسە خىزمەت دەپ ئەتىگىنى بىز قوپماستا چىكەتسە  ئاخشىمى بىز ئۇخلىغاندا كىرەتتىكەنتۇق    بىز ئاساسەن ئانامنىڭ تەربىيسىسدلا چوڭ بولغان.ئانام بولسا ناھايىتى مىھرىبان  بەش بالىنىڭ ھەممىسنى قاتارغا قوشقان بولسىمۇ  مەكتەپتە ئوقۇمىغان  ساۋاتسىز ئادەم شۇ ئۆزىنىڭ كاللىسى بويىچە تەربىيلەيدىكەن    دادام بولسا پىنسىيگە چىققاندىن كىيىن   بىزنى تەربىيلەشنى باشلىدى    13-14ياش  ۋاقىتلىرىم ئىدى       ئۇ ياش ئاساسەن بىر ئادەمنىڭ  مىجەز -خاراكتىرى  قىزىقىش ھەۋەسلىرى  يىتلىپ بولغان مەزگىل ئىكەن     ھە دىسە  تاپا-تەنە  خەقنىڭ باللىرى ئۇنداق قىلالايدىكەنەي   خەقنىڭ باللىرى مۇنداق قائىدىلىكەنەي   دىگەنلاگەپ   خەقنىڭ ئارتۇقچىلىقنى كۈرۈپ  كەمچلكىنى  كۆرمەيدۇ          بالىنىڭ  ئاتىسنىڭ تەربىيسىگە موھتاج ۋاقىتلىردا  ئۆزىنىڭ ئەجىر سىڭدۈرمىگىنىنى  ئويلىمايدۇ   ئەمدى دادا بولغاندىكىن  ئەينى چاغدا مۇشۇنداق تەربىيلەپتىكەنسىلەر  دىگىلى بولمايدىكەن  ،  ئەمدى ھازىر چوڭ بولۇپ  بەزەن ئىشلارنىڭ توغرا ئەمەسلىكنى بىلسەكمۇ   ئادەم مىجەزىنى ئۇنداق تىز ئۆزگەرتىۋالغىلى بولمايدىكەن

KARAMAT147

	بالىنى ياخشى تەربىيىلەپ ياخشى ئادەم قىلىپ يىتىشتۈرۈپ چىقىش ئىسلام دىنىدىكى :كىشى ئۆلسە ساۋابى كەينىدىن ئۈزۈلمەي بىرىپ تۇرىدىغان ئۈچ ئىشنىڭ بىرىدۇر. شۇنىڭ ئۈچۈن ئاتا_ئانىلار ھەر ۋاقىت پەرزەنىتلەرنىڭ تەربىيىسىگە كۆڭۆل بۆلۆپ تۇرىشى كىرەك.             تىما ئىگىسىگە رەھمەت.

fathullah

	دادام ماڭا ئۆگنىشنى قانداق ئۆگىنىشنىلا ئۆگەتكەن ئىدى.شۇنداق سۆيۈنىمەن.ئاللاھ رەھمەت قىلسۇن،رازى بولسۇن.ئامىين!

992402464

	دادام ماڭا بىلىمنىمۇ،قانداق ئادەم بولۇشنىمۇ ھەر ئىككىسىنى ئۈگەتكەن،خۇدايىم بارلىق ئاتا-ئانىلارنىڭ ئۆمىرىنى زىيادە قىلسۇن.

jujam

	مىنىڭ ئاتا-ئاناممۇ تۇققۇز بالىنى ئۆزلىرى ئۇقۇمىغان بۇلسىمۇ ،ئادىمىيلىك،بىلىم ،ئىقتىدارلىق تەربىيلەپ چىقتى،ئاللاھ ئۇلارنىڭ ئۆمرىنى ئۇزۇن قىلسۇن. مىنىڭ ھېس قىلىشمچە،ئۇلارنىڭ تەربىيىسىدىكى ئەڭ چوڭ ئۆگىنشتىكى تەرەپ ،ئۆز ھەركىتى ئارقىلىق بىزنىڭ توغرا-خاتانى ئايرىتقۇزۇش، ھازىر ئۇلارنىڭ بىز ئۈچۈن قىلغانلىرىنى ئويلسام ،تۆلىگەن بەدەل بەك كۆپ

forever1

	ھېلىمۇ ياخشى بىر جۈملە سۆز دەپ ئاپسىز،10جۈملە دېگەن بولسىڭىز رومان پۈتەمدىكى تاڭ(چاق-چاق)

faeza

	توغرا ، بىز دائىم نۇرغۇن ئىشلاردا ئالدىراشلىقىمىزنى باھانە قىلىپ تۇرۇۋالىمىز .