ج خ مىنىستىرىنىڭ سابىق ياردەمچىسىگە ئۆلۈم

nur65

	شىنخۇا تورى شىئەن 8-ئاينىڭ 24-كۈنىدىكى خەۋىرى: شەنشى ئۆلكىسى شىئەن شەھەرلىك ئوتتۇرا خەلق سوت مەھكىمىسى، 8-ئاينىڭ 24-كۈنى ج خ مىنىستىرلىگى مىنىستېرىنىىڭ سابىق ياردەمچىسى، ئىقتىسادىي جىنايەت رازۋېتكا ئىدارىسىنىڭ سابىق باشلىقى جېڭشياۋدوڭنىڭ پارا ئېلىش جىنايىتى ئۈچۈن بىرىنچى سوتتا ئۆلۈم جازاسى بېرىپ، ئىككى يىل كىچىكتۈرۈپ ئىجرا قىلىش، سىياسىي ھوقۇقىدىن ئۆمۈرۋايەت مەھرۇم قىلىش، بارلىق شەخسىي مال مۈلكىنى مۇسادىرە قىلىش جازاسى بىرىش توغرىسىدا ھۆكۈم چىقاردى.   شىئەن شەھەرلىك ئوتتۇرا خەلق سوت مەھكىمىسى سوت قىلىپ ئېنىقلىشىچە، 2001-يىل 10-ئايدىن 2007-يىل 7-ئايغىچە جاۋاپكار جېڭ شياۋدوڭ گۇاڭدوڭ ئۆلكىلىك ج خ نازارىتىنىڭ مۇئاۋىن نازىرى، ج خ مېنىستىرلىگى مىنىستىرىنىڭ ياردەمچىسى، قوشۇمچە ئىقتىسادىي جىنايەت رازۋېتكا ئىدارىسىنىڭ باشلىقلىقى قاتارلىق خىزمەت قولايلىقىدىن پايدىلىنىپ، باشقىلارنىڭ دېلوسىنى تەكشۈرۈش، خىزمەتتىكى ھوقۇق دەرىجىسىنى ئۆستۈرۈش، خىزمەتكە ئورۇنلاشتۇرۇش قارارلىق تەرەپلەردە نەپ ئېلىش، باشقىلاردىن پۇل تەلەپ قىلىش ئۇسۇللىرى بىلەن 8 مىليون 260 مىڭ يۇەن خەلق پۇلىغا ئېرېشكەن. دېلو پاش بولغاندىن كېيىن بارلىق زاڭ مال ۋە زاڭ پۇل قايتۇرۇۋېلىنغان.   شىئەن شەھەرلىك ئوتتۇرا خەلق سوت مەھكىمىسى، جېڭ شياۋدوڭ دۆلەت خىزمەتچىسى سالاھىيتى بىلەن خىزمىتىنىڭ قولايلىقىدىن پايدىلىنىپ، باشقىلاردىن نەپ ئالغان، پۇل تەلەپ قىلغان، باشقىلاردىن ماددىي بۇيۇم قوبۇل قىلغان. قىلمىشى پارا ئېلىش جىنايىتى شەكىللەندۈرىدۇ، مىقدارى پەۋقۇلاددە كۆپ، جىنايىتى ئالاھىدە ئېغىر. دېلو پاش بولغاندىن كېيىن، جېڭ شياۋدوڭنىڭ جىنايىتىنى تونۇش پۇزۇتسىيىسى بىرقەدەر ياخشى، زاڭ مال ۋە زاڭ پۇللارنىڭ ھەممىسىنى قايتۇردى. ئۇنىڭغا بىرىلگەن ئۆلۈم جازاسىنى دەرھال ئىجرا قىلىشقا بولمايدۇ دەپ قاراپ، شىئەن شەھەرلىك ئوتتۇرا خەلق سوت مەھكىمىسى يوقارقىدەك ھۆكۈمنى چىقاردى. مەنبە: شىنخۇا تورى

elana101

	قايتالمىدۇق <‏ئاپپاق ‏ئاي > ‏دوستۇمنىڭ ‏ئەسىرى ‏ئىدى يوللاپ قويدۇم قىزىقارلىقكەن . بىرىنجى قىسىم مۇ‏ئەتتەرنىڭ گېپىنى قىلىشىپ شۇ تونۇشقان يىللار ‏يادىمغا كېلىپ قالدى. تولۇقسىز ‏ئۈچىنچى يىللىققا چىققان كۈندىن باشلاپ تەكرار,مۇزاكىرەدىن باشقا ھىچقانداق يېڭىلىق يوق ‏ئىدى,شۇ يىللىرى ياپونىيەنىڭ ۋاسكىتبول ماھىرى دىگەن كارتون مودا بولغاچ مەكتەپتىمۇ تولۇق يىللىقلارنىڭ مۇسابىقىسى  ‏ئەۋج ‏ئېلىپ كەتتى,‏ئىككى يېقىن ‏ئۆتىدىغان دوسلۇرۇم كۈندە مۇسابىقىنىڭ جىدىلىنى قىلاتتى ,سۆرۈلۈپ مەيدانغا چىقىپ كۆرەتتۇق,تولۇقسىز ھاياتىمىزدا ‏ئەزەلدىن تەنھەرىكەت مۇسابىقىسى بولسا ‏ئارغامچا تاخلاشقىمۇ قاتناشمايدىغان , قار ياغسىمۇ گۈرجەكنىمۇ ‏ئوڭشاپ كۆتىرەلمەي مۇ‏ئەللىمدىن "سىلەر پەقەت ‏ئابىدە بولۇشقا يارالغان "دىگەن گېپىنى ‏ئاڭلاپ كېلىۋاتقان بىز تۇيۇقسىزلام پۇتبول ۋاسكىتبولغا  قىزىپ قالغانلىقىمىزدىن سىنىپتىكىلەرنىڭ بەزىلىرى ھەيران بولۇشتى,شاشراقلىرى مەقسەتنىڭ نېمىلىكىنى چۈشەندى,پارتىيە بالىلىرى يېشىل ھەركەتلەرگە قىزىقىش ماختاشقا ‏ئەرزىيدۇ دەپ سۆيۈندى,‏‏ئەمدى بۇ ‏ئىككىسىنىڭ نېمە كۆرىۋاتقانلىقى ‏ئۆزىگە ‏ئايان ‏ئىدى,بىر قېتىم ‏ئا كوماناندا ‏ئۆزىنىڭ ۋارتاسىغا توپ كىرگۈزۋەتكەندە بۇ ‏ئىككىسى چاۋاك چېلىپ چۇقىرشىپ كەتكەن ‏ئىدى,‏ئۈچىمىز بولمىسا ‏ئا كوماندىنىڭ قوللىغۇچىلىرى ‏ئىدۇق,ھەممىسىنىڭ كۆزى بىزدە,‏ئاسمان ‏ئېگىز يەر قاتتىق ھالەتتە,مەسخىرە ‏ئارلاش كۈلۈشلىرىنى كۆرۈپ ھوپ قىپلام بىرسىنىڭ يانچۇقىغا كىرىپ قالسا‏مچۇ دەپ ‏ئويلىغان ‏ئىدىم . -قىزلار نېمىشقا توپ ‏ئوينىمايدۇ بىلەمسىلەر -دىدىم مۇسابىقە كۆرىۋىتىپ. -نىمىشقا؟ -چۈنكى ‏ئونبىر قىز بالا ‏‏ئوخشاش كىيىم كىيىشكە چىدىمايدۇ دە -دىدىم كۈلۈپ. -ھا ھا ما گەپنى ,‏ئەمسە مەكتەپ فورمىسىچۇ-دىدى ‏ئالىيە. -كىيمەي كەسەڭ ‏ئاسىي گۇناكار بولىسەن شۇ. تۇيۇقسز ھەممە ‏ئادە‏م چۇقىرشىپ كەتتى ,بىز نىم بوغىنىنى بىلمىدۇق. -مانا قاراڭلار,سىلەر گەپكە تۇتۇپ نىم بولغانلىقىنى بىلەلمىدىم -دىدى گۈلمىرە نارازى بولۇپ. -قۇلقۇڭ بىزدە بولغان بىلەن كۆزەڭنى بىز توسۇۋالمىدۇققۇ,سەن شۇ سالپاڭ قۇلاقنى كۆرسەڭلا بولىدۇ.-دېدى ‏ئالىيە. -‏ئۇنىڭ قۇلىقى كۆزەڭنى توسۇۋالغان ‏ئوخشايدۇ,‏ئاستا گەپ قىلىڭلا,يوغان قۇلاق ‏ئادەمنىڭ قۇلىقى بەك ‏ئىشلەمىش,ھېلى قۇلىقى بىلەن كېلىپ سىلەرنى ‏ئۇرۇپ كەتمىسۇن-دىدىم شىمىشكەمنى چاققاچ. دوستۇم گۈلمىرەنىڭ توپ كۆرۈش مەخسىتى خالمۇراتنى كۆرۈش ‏ئىدى,‏ئۇنىڭ دەپ بېرىشىچە بۇرۇن بىر مەھەللىدە چوڭ بولغانمىش,كېيىن كۆچۈپ كېتىپ ‏‏ئوتتۇرا مەكتەپكە كەلگەندە ‏ئۇچرىشىپ قاپتەك, شۇنىڭدىن ‏ئېتىبارەن ‏ئۇنىڭ كەينىدىن ‏‏ئىز قوغلاپ يۈرۈپ ھەر مۇسابىقىدە ‏بىزنى تارتىپ چىقاتتى,بۇ بالنىڭ قۇلىقى ‏ئادەتتىكى ‏ئادەمنىڭ قۇلقىدىن بىر يېرىم ھەسسە يوغان بولۇپ چېچى بەك قىسقا بولغاچ قاتتىق شامال چىققاندا ‏ئىككى قۇلىقى بايراقتەك لەپۈلدەپ بېشىغا ‏ئۇرۇلۇپ تاق  تاق تاق قىلىپ كېتىدىكەن, بۇنى بىر قېتىم ‏ئالىيە بىلەن ‏‏ئىككىسى تازا بوراندا كېتىۋاتسا خالمۇرات ‏ئۇچراپ قېلىپ ‏ئەتىسى بۇ ۋەقەنى سۆزلەپ بەرگەن ‏ئىدى,دىمىسمۇ ھەر بىر قېتىم مۇسابىقىدە ‏ئۇنىڭ بايراقتەك لەپىلدەپ تۇرغان قۇلىقىنىلام كۆرەتتۇق,بىرە قېتىم توپنى كىرگۈزۈپ باقمىغانلىقى ‏ئۈچۈن ‏ئۇنى سىنىپىدىلەر"قۇلقۇڭنى تېشىپ كەينىگە باغلاپ قويساق بولاتتى "دەپ چىشغا تېگىدىكەن,‏ئەمما ‏قۇلقى يوغان بولغاچقا دەرستە بەك ‏ئەلاچى,تۆتتە گۈزەل بەشتە ياخشى سىنپنىڭ ‏ئۈلگىسىمىش. ‏ئەمدى گۈلمىرە ‏ئالىيەنى كۈندە سۆرەپ چىقىپ بۇ كېسەل يۇقتىمۇ ‏ئۇمۇ شۇ سىنىپتكى بىرىگە كۆيەپ يۈردى,‏ئۆزى خېلى قاملاشقان بالا ‏ئىدى ,بۇ‏مۇ تۆت گۈزەل بەش ‏ئالتە بولۇش سېپىدىكى بولۇپ ‏ئەمما قاچانلا مۇسابىقىدە تاسمىسى بوساپ كەتكەن ‏ئىشتاننى يۇقىرغا تارتىپلا ‏ئاۋار بولاتتى,بىز دا‏ئىم ‏ئالىيەگە چاقچاق قىلىپ "مۇسابىقە كۆرگەچ ‏ئارغامچا ‏ئەكىلىپ تامبالدىن بىرنى توقۇپ ‏ئولتۇرساڭ بولمامد ۇ دەپلا چىشىغا تېگەتتۇق,بۇ بالنىڭ ‏ئىسمى ‏رېقىپ بولۇپ ‏ئادەتتىمۇ ‏ئىشتاننى تارتىدىغان ‏ئادەت بارمۇ بىلمىدىم ,تېشىدا زىنھار كۆرۈپ باقمىدىم ,مۇسابىقىدىن باشقا ۋاقىتتا مەكتەپتە ‏ئۇچراتقىلى بولمايتى. ‏ئەمدى ‏ماڭا كەلسەك  ‏ئىسمىم سەرۋەر,مۇسابىقە كۆرۈش مەخسىتىم بۇلارغا ھەمرا بولۇش ,كۆرمەيمەن دىگەنگە ‏ئۇنىماي سۆرەپ چىقىدۇ بەزىدە,كۈندە بىزدە ‏ئاق رەڭلىك شىمىشكە ‏ئايرىلمايدۇ,مۇسابىقە بولمىغان كۈنلىرى دەرستىن چۈشۈپ مەيداننىڭ بىر بۇلىڭىدا ‏ئولتۇرۇپ ‏ئۆتكەن كەتكەننىڭ سۈپىتىنى سۆزلەپ ,‏ئۆتۈلگەن دەرسلەرنىڭ ,سىنىپلاردا ‏‏ئۇنىڭ بۇنىڭدىن ‏ئاڭلىغان كوچا پاراڭلىرىنى ‏ئۆز -‏ئارا پىكىر ‏ئالماشتۇرۇپ   ‏ئاق شىمىشكىمىز تۈگىگەندىن كېيىن شەرەپلىك ۋەزىپىمىزنى تۈگىتىپ ماڭاتتۇق,بەزىدە مۇسابىقە كۆرىۋىتىپ ‏ئۇلارنىڭ قۇلاق مېڭىسىنى يەۋىتەتتىم. تولۇقسىز يىللىق بىلەن تولۇق يىللىقلارنىڭ بىناسى ‏ئايرىلىپ تۇراتتى,‏ئۇلار ‏ئالدىدىكى بىنادا بىز كەينىدىكى بىنادا تۇراتتۇق . بىر كۈنى دەرستىن چۈشۈپ مۇ‏ئەللىمنىڭ يۈگە يېتىم ‏ئىشىنى قىلىپ تاپشۇرۇق دەپتەرلەرنى ‏ئىشخانىغا ‏ئېلىپ چۈشىۋېتىپ ‏,قايتا تۆرەلگىلى ماڭغان بىرسىگە سوقۇلۇپ كېتىپ پۈتۈن دەپتەر چېچىلىپ كەتتى,‏ئۆزۈم سەل يوغان بولغاچ ‏ئۇنىڭ ‏ئوقتەك ‏ئۇچۇپ كېتىۋاتقان بەدىنىگە تېگىپ سەنتۈرلۈپ كەتتىم ,‏بۈگۈن يۈگە يېتىمدا مۇ‏ئەللىمنىڭ بىكا تېپىۋالغان ‏ئېشىكىدەك تولا سوكۇلداپ ‏ئاچچىقىمنى ‏ئالدىغان يەر تاپالماي تۇرغاندا مانىڭ ‏ئۇدۇل كېلىپ قالغىنى,سوقۇشاي دەپ دەر-غەزەپ بىلەن ‏ئارقىمغا قارىشىم ‏ئۇ دەرھاللا كەچۈرۈڭ كەچۈرۈڭ دەپ كەتتى,‏‏ئۇ پەلەمپەينىڭ يۇقىرى قىسمىدا مەن تۆۋەنكى قىسمىدا,‏ئۇنىڭ كەينىدىكى ‏ئەينىكتىن كىرگەن قۇياشنىڭ نۇرى,‏ئۇنىڭ كۈلۈمسىرەپ تۇرغان كۆزى,‏ئوھۇي خۇددى ‏كۈل قىزنىڭ ‏ئىچىدىكى ‏بېشىغا تاجا تاقىغان شاھزادە ماڭا قاراپ قولىنى ‏ئۇزارتىۋاتاتتى ... -‏ئىمتىھانغا كېچىكىپ قالماي دەپ ,كەچۈرۈڭ,مەن يىغىشىپ بېرەي. مەن خۇددى ‏قىرىق يىل ‏ئاپتاپ كۆرمىگەن ‏ئاپتاپ پەرەس تۇيۇقسىز ‏قۇياش جامالىنى كۆرگەندە يۈزىنى ‏ئاپتاققا قاراتقاندەك كۆزلىرىمگە كۈلكە ي يۈگۈرتۈپ ‏ئۇنىڭغا ‏ئىللىققىنا: -ھېچقىسى يوق ,‏ئىمتىھانغا كىرىۋېرىڭ ,مەن ‏ئۆزۈم يىغاي -دىدىم . ‏ئۇنىڭغا ماندالا تەكەللۇپ قىلىپ قويسام ماقا دەپلا سېكونىتنىڭ ‏ئىچىدە غايىپ بولدى,‏ئوھۇش دىدىمدە ‏ئەخلەت تېرىغاندەك ‏ئۆمىلەپ يۈرۈپ دەپتەرلەرنى تېرىپ چىقتىم. ‏ئەتىسىدىن باشلاپ ‏ئۇنى مەكتەپتىن ‏ئىزدەشكە باشلىدىم ,‏ئىككى دوستۇمغا تولا تەرىپلەپ بېرىپ ‏ئاغزىمدىن چاقماق كوپتا دەپ بولغۇچە سېكونىتقىچە ‏ئۇ ‏ئىككسى ‏ئۇخلاپ قالىدىغان ھالەتكە كەلدى. ‏خېلى بىر ۋاقىتلاردىن كېيىن  دەرستىن چۈشۈپ مەيدانغا چىقساق مۇسابىقە باشلىنىپ كېتىپتۇ,بىر يەرلەردىن ‏ئۇنىڭ سىماسىنى كۆرۈپ قالدىم ,‏‏مۇسابىقە تۈگەي دىگەن چىراي ‏ئۇ تۇيۇقسىزلام  ۋاش ۋۇش قىلىپ توپنى كىرگۈزۋەتتى,كۆرىۋاتقان بىر نەچچە قىزلار سىنىپىدىكى قىزلارمىكىن ‏بىرنىمىلەرنى دەپ غەيرەت قىل دەپ ۋاقىردى. -‏ئىسمىنى نىم دىدى؟‏ئەتتىر دەمدا؟-دىدىم ‏ئالىيەگە قاراپ. -مەنمۇ شۇندا ‏ئاڭلىدىم قازاق ‏ئوخشىمامدۇ؟ -‏ئاداش ,بىزنىڭكىنى ياراتمايۋاتىتىڭ ,‏ئەسلى باشقا مىللەتكە ‏ئامراق كەنسەندە,جاخسى جاخسى. بىز چىقىپ بىردەمدىلا مۇسابىقە ‏ئاياغلاشتى ,سالپىىپ ‏ئۆيگە كەتتىم ,نەچچە كۈنگىچە ‏ئۇ ‏ئىككىسى ماڭا قازاقچە سۆزلەپ بېشمنى ‏ئايلاندۇردى. -‏ئاداش ,بىزنىڭ سىنىپتىكى قازاق ساۋاقدىشىمىزمۇ تونۇيدىغاندۇ. -‏ئۇ يەرشارىلىق ‏ئەمەس,‏ئۇ مارىستىكى ‏ئادەملەر بىلەن ‏ئارلىشىدۇ دىدىم . چۈنكى بۇ قازاق ساۋاقدىشىمىز ھىچكىم بىلەن ‏ئارلاشمايتى ,ھەتتا بىر يىللىقتىكى قازاق بالىلار بىلەنمۇ پاراڭلاشمايتى ,پات پات مېنى سىلەر چۈشەنمەيسىلەر دەپ قوياتتى ,شۇنىڭ بىلەن مەن ‏ئۇنى يەر شارىنىڭ ‏ئادىمى ‏ئەمەس دەپ بىلەتتىم. نەچچە كۈن ‏ئۆتۈپ خەنزۇچە دوسكا ‏ئىشلەيدىغان بولۇپ قالدۇق,خەنزۇچە مۇ‏ئەللىمنىڭ بۇيرىقى بويىچە ‏ئوقۇغۇچىلار ‏ئويۇشمىسىنىڭ باشلىقىنى ‏ئىزلەپ ماقالىنى ‏ئالماقچى بولۇپ ‏ئەخلاق ‏ئىشخانىسىغا ماڭدىم ,‏ئىشخانىغا كىرسەم مېنى بىر دەم ‏ئولتۇرۇپ تۇرشۇمنى ‏,ئويۇشما باشلىقى ھازىر چىقىپ كەتكەنلىكىنى ‏ئېيتتى,‏ئۇنداق كاتتا ‏ئەزالار بىلەن كۆرۈشۈپ باقمىغاچ قورۇنۇپ ‏بىر بۇلۇڭدا ‏ئولتۇردۇم .‏ئۇ تامغا بۇ تامغا قاراپ ‏ئولتۇرسام ‏ئىشىكتىن بىرى كىردى,‏‏ئىزدەپ يۈرگەندە ‏ئۇچرىمايدۇ ,مۇشۇنداق ۋاقىتتا ‏ئۇچراپ قېلىشى,چۈشتە يېگەن جۈسەي مانتىسى چىشىمغا چاپلىشىپ قالمىغاندۇ دەپ ‏ئەنسىرىپ چىشىمنىڭ ‏ئارسىدىن گەپلىرىمنى سۈزۈپ سۈزۈپ چىقىرۋاتاتتىم ,گېپىمنىڭ ‏ئالدى كەينى قولاشماي ‏ئىشقىپ ‏ئۇ چۈشەندى بولغاي قولامغا بىر ۋاراق قەغەزنى تۇتقۇزدى,‏ئۇنىڭ قولى قولۇمغا ‏ئۇرۇپ كەتكەندە 220 ۋاتلىق توك‏مېنى سوقۇۋەتكەندەك  خۇددى يۈرىكىم قېپىدىن چىقىپ بەدەننى تېشىپ پۈتۈن تاملارغا ۋاس ۋۇس ۋاس ۋۇپ قىلىپ ‏ئۇرۇلۇپ قايتا قېپىغا چۈشۈپ پولتۇڭ پولتۇڭ قىلىپ كېتىپ باراتتى ... تېگىپ كەتكەن قولامنى قاتتىقراقمۇ يۇيمىدىم ,خۇددى قولام ‏ئۇپىراپ كېتىدىغاندەك,‏ئەڭ چوڭ غەلبە ‏ئۇنىڭ ‏ئىسمىنىڭ مۇ‏ئەتتەر ‏ئىكەنلىكىنى بىلگەن ‏ئىدىم . -خاتا ‏ئەمەستۇ ‏ئىسمى -دىدى ‏ئالىيە. قەغەزدە ‏ئۇيۇشما ھەييىتى مۇ‏ئەتتەر,گۈلجامال دەپ تۇرسا.‏ئۇنىڭ ‏ئىسمى ‏ئەجىبا گۈلجامالمىدۇ؟ -گۈلجامالنىڭ دادىسىنىڭ ‏ئىسمىدۇ -دىدى گۈلمىرە بىزگە قاراپ. ‏ئالىيە ‏ئىككىمىز بىر بىىرىمىزگە قاراپ قويۇپ ‏ئورنىمىزدىن تۇرۇپ كەتتۇق. بىر قېتىملىق مۇسابىقىدە بىز گارنىڭ يېنىدا تۇرۇپ ‏ئۇنىڭ مۇسابىقىسىنى كۆردۇق,ۋاراڭ چۇرۇڭ قىلىپ چاۋاك چېلىۋاتقان ‏ئۇنىڭ ‏ئىسمىنى ‏ئاتاپ ۋاقىراۋاتقان  ھەربىر قىزلارغا بىردىن ‏ئالىيىپ چىقتىم,‏ئىككىسىمۇ ماڭا"تەڭ ‏ئالىيىشىپ بېرەيلى "دەپ كۆزىنىڭ ‏ئاق پاختىسىنى چىقىرىپ تۇردى. بىرىنجى مەيدان تۈگەپ ‏ئىككىنجى مەيداندا ‏ئۇ مەيدانغا چۈشمەي گارنىڭ ‏ئاستىدا ‏ئولتۇردى,تۇيۇقىسىز كۆزىمىز ‏ئۇچرىشىپ قېلىپ ‏ئۇ بىز تەرەپكە كۈلۈمسىرىدى,‏مەن كەينىمگە قارىسام ‏ئادەم يوق ,باشقىلارغا قارىغان چېغى دەپ ‏ئولتۇرۇپتىمەن . -‏ئاداش ,‏ئۇ بايام ماڭا قاراپ كۈلدۇمۇ نېمە؟ -يۈزى تاتىشىپ قالغاندۇ,كۈلدى دەپ ‏ئويلاپ قاپسەن ,جىق ‏ئويلىما. -راس ,سېنى تونۇغان بولسا ‏ئالدىنقى قېتىم گەپ قىلار ‏ئىدى ,يۈزى تاتىشىپ شۇڭا مۇسابىقىگە چۈشمىگەن گەپ. دېدى گۈلمىرە. ‏ئالىيە ‏ئىككىمىز بىر بىرىمىزگە قاراپ ‏ئۇف تارتىپ قويدۇق. -ھېي گۈلمى ,‏باشلانغۇچنى پۈتتۈرگەندە ‏ئەقلى ‏ئىقتىدارىڭنى تەكشۈرتۈپ باققانمۇ؟ياكى كىچىكىڭدە قاتتىق قىزىپ كەتكەندە مېڭەڭ كۈيۈپ كەتكەنمۇ -دىدىم ‏مەن. -‏ئاداش بۇ چۈشەنمەيدۇ ,قۇلىقىنى سوزۇپ ‏ئاۋۇ كۈيۈپ يۈرگەن ‏ئەنجۈر قۇلاق بىلەن ‏ئوخشاش قىلساق چۈشۈنۈپ قالارمىكىن -دېدى ‏ئالىيە ‏ئۇنىڭ قۇلقىنى سوزۇپ. نەچچە كۈن بىزنىڭ مەھەللىدىكى بىرىگە يالۋۇرۇپ ‏مۇ‏ئەتتىرنىڭ كوت كوتىنى تاپتىم نومۇرنى قولۇمغا ‏ئېلىپ نوم ‏ئەكەلگەن تاڭ راھىپتەك تورخانىغا قاراپ مەن كەلدىم دەپ يۈگۈردۈم ۋە قېتىۋالدىم .‏ئۇنىڭ ‏كوت كوتىدىكى ‏ئىسمىمۇ ‏ئۆزىگە ‏ئوخشاش ‏ئىلمى بولۇپ ‏"‏ئېتىقاد ۋە ‏غەيرەت "‏ئىكەن. مېنىڭ بولسا ‏"يۈگرەۋاتقان پولو" ‏ئىدى. ‏ئۈچ كۈندىن كېيىن كىرسەم ‏ئۇمۇ مېنى قوشۇۋاپتۇ,بىردەم ‏ئۇنى بۇنى كۆرىۋاتسام ‏ئۇنىڭ باش سۈرىتى ياندى ,‏بىر ھازادىن كېيىن ماڭا: -‏ئەسسالامۇ ‏ئەلەيكۇم سەرۋەر قىز -دەپ خەت ‏ئەۋەتتى. ‏ئەسلى نو‏مۇرىنى ‏ئېلىشتىن بۇرۇن  ‏مېنىڭ سورىغىنىمنى دەپ بوپتىكەن ,شۇ كۈنى خىجىلچىلىقتا بەك تەستە پاراڭلاشتۇق.

elana101

	‏ئىككىنجى قىسىم ھەر قېتىم مۇسابىقىلەردىن قالماي كۆرىۋاتقانلىقىمنى كۆرۈپ مېنى ھەۋەسكار دەپ قالدىمۇ مەيلى تېلىۋىزور ياكى ‏ئۆزى قاتنىشىدىغان مۇسابىقىلەر بولسا ماڭا خەت قالدۇرۇپ قوياتتى,‏ئۇنىڭ ‏ئاغزىدىن شەنبە يەكشەنبە كۈنلىرى چۈشتىن كېيىن تورغا چىقىدىغانلىقىنى بىلىپ مەنمۇ شۇنىڭغا ‏ئۈلگۈرۈپ كىرەتتىم. بىر مەزگىل بىزنىڭ پارىڭىمىز پۇتبول,ۋاسكىتبول ‏ئۈستىدە بولدى,كۈندە بېرىپ ‏ئوغۇل ساۋاقداشلىرىمدىن مۇسابىقە ‏ئەھۋاللىرىنى ,مۇسابىقە مەركىزى ‏ئىدىيىسىنى سورايتىم ,‏ئاندىن ھەر قېتىم مۇ‏ئەتتەر بىلەن پاراڭلاشقاندا ‏ئۇنىڭغا يادلاپ بېرەتتىم ,ھېلىمۇ ‏ئۇ تىك تاك توپقا قىزىقمايدىكەن ,بولمىسا كىمدىن سورار ‏ئىدىم ,‏شۇنىڭ بىلەن ‏ئىككىمىزنىڭ قىزىقىشى ‏ئورتاقلىققا ‏ئايلاندى ,رومان كىتابلارنى ياخشى كۆرىدىغانلىقىنى بىلىپ ھەدەمدىن ‏ئاڭلىغان پاچە پۇرات مەركىزى ‏ئىدىيەلىرىنى قىستۇرۇپ قوياتتىم ,‏ئۇ ماڭا سىزدەك قېتىرقىنىپ مۇسابىقە كۆرىدىغان قىز بالا بەك ‏ئاز دەپ ماختاپ قوياتتى. دۈشەنبە بايراق چىقىرىشتىن كېيىن تەكشۈرگۈچىلەر سىنىپنىڭ تازلىقىنى ۋە ‏ئوقۇغۇچىلارنىڭ يوقلىمىسىنى قىلىپ كىرەتتى ,مەن ‏ئەڭ ‏ئاخىردا سىنىپتىكى كەتمەن گۈرجەكلەرنى قوغداپ ‏ئولتۇراتتىم .‏ئۇنىڭ ‏ئىككى قىز بىلەن كىرىشى ‏ئىككى دوستۇمنىڭ سەرۋەر سەرۋەر دەپ پىچىرلىشى سىنىپتىكىلەرنىڭ دېققىتىنى تارتتى. ‏ئەمدى دا‏ئىم ‏ئالمىشىپ تۇردىغان تەكشۈرگۈچىلەرنى مېنىڭ بىر قىتىم تەكشۈرىشىم سىنىپتىكىلەرگە ‏ئايان ‏ئىدى ,قاملاشقان بالا بولسا ھەممىسى ماڭا قاراپ ‏ئىشارەت قىلاتتى ,مەنمۇ چاق چاق قىلىپ بۇ كاساپەت بوپ قويدىكەن دەپ قوياتتىم . شۇ كۈندىن باشلاپ ‏ئۇنىڭ كىرىشى ھەممىسى سەرۋەر سەرۋەر دەپ ‏ئارقىغا قاراپ پىچىرلىشدىغان ‏ئىشارەت قىلىشىدىغان بولدى ماڭا ‏ئىشارەت قىلمىسمۇ مېنىڭ كۆزۈم بولغاندىن كېيىن كۆرەتتىم بۇلار مېنى كور دەپ ‏ئويلامدۇ بىلمىدىم ‏ئىشقىلىپ سىنىپقا ‏ئۇ كىرىشى بىلەن بىر خىل قاراشلا,پىچىرلاشلار ‏ئەۋج ‏ئالاتتى ,ھەمدە ‏ئوغۇل ساۋاقداشلىرىم مۇسابىقە كۆرگىلى ماڭغاندا سەرۋەر مۇ‏ئەتتەرنىڭ بولمىسا كۆرمەيسەن ھەقاچان مۇ دەپ قوياتتى. جۈمە كۈنى دوسكا ‏ئىشلىگەن ‏ئىككىسى بىلەن مەن ۋە ‏ئالىيە چوڭ تازلىقتا سىنىپتا قېلىپ تەكشۈرگىچىلەرنىڭ ‏ئۆتكۈزۋىلىشىنى كۈتۈپ تۇردۇق ,بىر نەچچە ‏ئوقۇغۇچىنى باشلاپ مۇ‏ئەتتەر كىردى ,‏ئۇ بۇ يەرلەرنى ‏ئېيتىشتۇرۇپ ‏,ئۇ قولىدىكى توپىنى ماڭا ‏ئاستا ‏ئەكىلىپ كۆرسەتتى ,ھەسەل بولسىتى يالىۋالسام ‏ئەمدى توپا يەيدىغان ‏ئۆمۈچۈك بولمىسام ‏ئۇنىڭغا ‏مۆرەمنى چىقىرىپ دومسۇيۇپ تۇردۇم ,‏ئۇ دەرھال قولىنى چاپىنىمغا سۈرتىۋىرىپ يۈرۈڭلار دەپ چىقىپ كەتتى. سىنىپىمىزدا دوسكا ‏ئىشلەيدىغان بىر گۈزەل بار ‏ئىدى ,‏قەۋەتتىن چۈشۈپ كېتىۋاتساق پەستە تۇرغان مۇ‏ئەتتەرنى كۆرۈپ مېنى شۇنداق جەينەكلىدىكىن تاس قالدىم پەلەمپەيدىن دومىلاپ كەتكىلى ,‏ئۇنىڭ ‏ئاۋازىغا مىكروفون كەتمەيتى ,‏ئاپامنىڭ دېيىشىچە بۇرۇن ھۈسەنباي دەپ ‏بىر باي بولۇپ ‏ئۇنىڭ بىر گۈدىكى بار ‏ئىكەنتۇق ,بۇ گۈزەل بىزنىڭ سىنىپنىڭ گۈدىكى ‏ئىدى ,‏ئاداش ‏ئاشىقىڭ  دەپ تۆۋەن ‏ئاۋازدا دىگەن بولسىمۇ ‏ئۇنىڭ تۆۋەن ‏ئاۋازى باشقىلارنىڭ چېقىرغان ‏ئاۋازى بىلەن تەڭ ‏ئىدى,‏ئارقىمغا ‏ئۆرۈلۈپ كىرىپ كەتتىمدە شەمشىرىم بولغان بولسا بۇ گۈزەلنىڭ تىلىنى كېسىپ ‏ئاپتاپقا نەچچە كۈن قاقلاپ ‏ئاخىردا سوقۇپ كومىلاچ قىلىپ ‏ ‏‏ئۆزىگە كاپ ‏ئەتكۈزۈپ يېگۈۋىتەتتىم . كۈنلەر بىر بىرىنى قوغلاپ ‏ئۆتۈپ كېتىپ باراتتى ,‏مۇ‏ئەتتەر ‏ئىككىمىز بىر بىرىمىزنى يامان ‏ئەمەس چۈشۈنۈشۈپ قالغان ‏ئىدۇق مەكتەپلەردە قانداق ‏ئىشلار بولىۋاتىدۇ ,نېمە سىياسەتلەر بار ,قايسى مۇ‏ئەللىم توي قىلدى ,قانداق پا‏ئالىيەتلەر بولماقچى كېيىن كىملەر ‏ئاجراشماقچى دىگەندەك خەۋەرلەرنى ماڭا يەتكۈزۈپ "بۇ ‏ئىشەنچىلىك خەۋەر,قورقماي تارقاتسىڭىز بولىدۇ "دەپ مەسخىرە قىلاتتى ,‏ئاندىن مەن بېرىپ ‏ئىككى دوستۇمغا دەيتىم دوسلۇرۇم ‏ئاڭلاپ ‏ئاڭلىۋىلىپ ‏ئاخىرىدا "‏ئاداش ,بۇ بالىنىمۇ غەيۋەتخور قىلىۋەتتىڭدە "دەپ بېشىنى چايقىشاتتى ‏ئاندىن مەن ھەر گىز سەن خەققە دىمەيمەن دەپ ‏نەچچە كۈندىن كېيىن ‏ئاداش دەپ سورىسا ھەممىنى دەۋىتىپ قاراپ ‏ئولتۇراتتىم . قىش كىرىشى بىلەن قاتتىق قار ياغدى ,مەكتەپ ھاياتى تېخىمۇ قىزىپ دەرستىن چۈشكەندە قارلارنى ‏ئېتىشىپ ‏ئوينىشاتتى . بىر كۈنى بىر نەچچە بالىنىڭ بىرسىنى قاردا يىقىتىپ پۇتىدىن داقىرتىپ سۆرەپ ماڭغانلىقىنى كۆرۈپ ھەيران قېلىشتۇق. -ھازىرقى بالىلار ‏ئەسەبى ‏ئويۇنلارنى ‏ئوينايدىغان بوپ كېتىپتۇ. -‏ئاۋۇ بالىنىڭ ‏ئىككى قولى ‏ئۇزىراپ كېتىدىغان بولدى ,‏ئەتىدىن باشلاپ ماكاكادەك ‏ئىككى قولىدا تاخلاپ مېڭىپ كېتەرمۇ-دىدىم مەن ياقامنى چىشلەپ. دەرستىن چۈشكەندە بالدۇر مابەتلەشكەنلەر قاردا سەيلە قىلىپ ماڭاتتى ,بىز ‏ئاسماندىكى غازنىڭ شورپىسغا نان چىلاپ ‏‏ئولتۇراتتۇق,‏ئۈچىمىزدىن گۈلمىرەنىڭ ‏ئىشى سەل راۋاج تاپقاندەك ,بۇ بالا بەش ياش ۋاختىدا كۆچەپ كېتىپتىكەن,گۈلمىرە كوت كوتتا ‏ئەسلىمىلەرنى تولا كوتۇلداپ زولاپ ‏ئەسلىتىپ ,‏‏ئاخىرى بۇ بالىنىڭ ‏ئۇنتۇلغان خاتىرىسىنى‏ئەسلىگە كەلتۈرۈپتۇ, -بۇ بىر غەلبە -دىدى گۈلمىرە . -يۈرلى دىدىما -دىدىم مەن . -ۋاي ياق,بىز بىرە قېتىممۇ تېشىدا پاراڭلىشىپ باقمىدۇق. -‏‏ئۇف,بولدى قىلە ھېي ,تۈكى يوق پاراڭنى قىلماي ,‏ئۇمۇ ساڭا ‏ئوخشاش مېڭىسى يېرىم كۆيگەن نېمىكەن -دىدى ‏ئالىيە. تولۇق ‏ئىككىنجى يىللىقلارنىڭ خۇلاسە ‏ئىمتىھانى باشلىنىپ مۇ‏ئەتتەر تورغا چىقالمايدىغانلىقىنى ‏ئېيتىپ خەت قالدۇرۇپتۇ,خېلى كۈنلەرگىچە ‏ئۇنى كۆرمىدىم.‏ ‏ئەتە يېڭى يىل دىگەن كۈنى مەكتەپتىن يېڭى يىل قىلىپ بەرمەكچى ‏ئىكەن ,‏ئەتىنىڭ تەييارلىقىنى دەرستىن چۈشكەندە سىنىپنى ياساپ ‏ئولتۇرساق,بىزنىڭ يىللىقتىكى ‏ئويۇشمىدا ‏ئىشلەيدىغان قىز بىر خەنزۇچە ھېكايە كىتاپنى ماڭا بەردى,‏ئىچىنى ‏ ۋاراقلىسام بىر ‏ئاق يەرگە,‏ئەتە پا‏ئالىيەتتىن كېيىن سىزنى دەرۋازا ‏ئالدىدا ساقلايمەن.م دەپ يېزىلغان ‏ئىكەن . يۈگۈرەپ بېرىپ دوستۇمغا نەچچىنى چىمدىتىپ بولدۇم ‏,‏ئوڭۇممۇ چۈشۈممۇ دەپ . ‏ئەتىسى مەكتەپنىڭ قا‏ئىسى بويىچە يېرىم كۈن ‏ئوقۇپ چۈشتىن كېيىن پا‏ئالىيەت قىلدۇق,كاللام قاچان پا‏ئالىيەت تۈگە,قاچان تۆت بولا دەپ كۆزۈم تۆت ‏ئىدى , كومۇنا ۋاقتىدەك ‏ئۈستەللەرنىڭ تۆپسىدە ياغان راسلادىن چېچىلغان گازىر پۇچاق ‏ئالمىلار. مۇ‏ئەللىمگىمۇ بۇ تېتىمەل پا‏ئالىيەت خوشاقمىدىمۇ بالدۇرلام تارقاتتى ,قارسام يەنە ‏ئازراق ۋاقىت باركەن ,سىنىپنى مەن رەتلەي دەپ ‏ئاكتىپ قېپ قالدىم ‏ئىككى دوستۇ‏م دوسلۇق مېھرىنى يەتكۈزىمىز دەپ ھەمدە مېنىڭ ‏ئىتتەك يالۋۇرىشىم بىلەن تەڭ قېلىپ پارتىلارنى رەتلىدى. ‏ئۇنىڭ ماڭا دەيدىغان گېپى بارمۇ ياكى بىردەم پاراڭلىشپ كېتىپ قالامدۇ بۇ ماڭا قاراڭغۇ ‏ئىدى. -مەن ھېلى چۈپ چىقاي ,‏ئەگەر بىر دەم پاراڭلىشىپ كېتىدىغان ‏ئىش بولسا مېنى ساقلاڭلار,‏ئەگەر ‏ئاپىرىپ قويىمەن دىسە  مەن سىنىپقا كىرىپ سىلەرگە دەپ قويىمەن -دەپ ‏ئاران ماقۇل دىگۈزدۈم. سەل ۋاقىتنى ‏ئۆتكۈزۈپ چۈشتۈم ,ھاۋارايىدىن مەلۇماتتا بۈگۈن قار بار دىگەن ‏ئىدى ,‏ئۇ بىزنىڭ بىنا ‏ئالدىدا ساقلاپ تۇرۇپتۇ,ماڭا باشقا ‏ئىشڭىز بولمىسا ‏ئاپىرىپ قوياي دەپ دەرۋازىدىن چىقىپ ‏ئۆيگە قاراپ يول ‏ئالدۇق.

elana101

	‏ئۈچىنجى قىسىم قار لەپىلدەپ يېغىۋاتاتتى  ,  پا‏ئالىيەتتىن قايتقان نۇرغۇنلىغان جۈپلەرنىڭ ‏ئارسىغا بىزمۇ قېتىلغان ‏ئىدۇق , قارنىڭ رېتىملىك ‏ئاستا چۈشىۋاتقىنىغا ماسلىشىپ بىزمۇ سۈرىتىمىزنى ‏ئاستىلىتىپ كېتىپ باراتتۇق , مەۋھۈم دۇنيادىن ھەقىقىي دۇنيادا پاراڭلىشىپ مېڭىشىمىز بىرىنجى قېتىم ۋە سۈيۈملۈك چۈش ‏ئىدى, ‏ئەزەلدىن بەدىنىمنى كەڭ زېمىنغا تاشلاپ ماڭىدىغان مەن ,‏ئۇنىڭ بىلەن مودىل سەھنىسىدە ماڭغاندەك قەددىمنى رۇسلاپ , ‏ئەزەلدىن بىر مېتىرنى بىر چامدايدىغان  مەن,دۈمبىسىگە يوتقان كۆپىسىنى چىگىپ ماڭىدىغان ياپۇن ‏ئاياللىرىدەك ‏ئۇششاق چامدەپ كېتىپ باراتتىم .‏‏‏ئارىمىزدىكى جىمجىتلىقنى بۇزۇپ ‏ئۇ گەپ باشلىدى ,بۈگۈنكى يىغىندىكى قىزىقارلىق ‏ئىشلار,مۇ‏ئەللىمنىڭ تەسىرلىك ھېكايىسى ,‏ئۇنىڭغا ھەممىدىن ياققان ساۋاقدىشىنىڭ ‏ئوقۇغان 15كوبلىت شې‏ئىرلىرى,پا‏ئالىيەتنىڭ تۈگىمەي ‏ئۇنىڭ قايتىپ چىققانلىقى ‏ئىشقىپ ‏ئۈچىنچى قەۋەتتە مەكتەپ مۇدىرىنىڭ ‏ئاچقان كىچىك تىپتكى يىغىنىغا قاتناشقاندەك ھېسياتقا كەلدىم. ‏ئۇنىڭ دەپ بەرگەن قىزىقارلىق ‏ئىشلىرى قوساق ‏ئاچقاندا قاتتىق نان يىسەڭ تويىسەن دىگەن گەپكەن,زورىغا ھى ھى دەپ كۈلۈپ قويدۇم ,مۇ‏ئەللىمنىڭ تەسىرلىك ھېكايىسى دىگەن بىر باش ‏ئاخىرى ئىگىسى بىلەن خەۋىرى يوق ,ھېكايىكەن , بايان خارەكتىرلىكمۇ ياكى مۇھاكىمە خارەكتىرلىكمۇ ياكى ‏‏ئاخىرىنى يېزىپ بولالمىغانمۇ ‏ئىشقىلىپ پۈتمىگەن چاپاندەكلا ھېكايىكەن. ‏ئىچىم سىقىلىپ ‏ئېغىر ‏ئۇف تار تىپ قويسام ,ھېكايىنىڭ مەركىزى ‏ئىدىيەسىنى قاق بىر بېكەت سۆزلىدى . ‏ئەمدى ھېلىقى شې‏ئىرنى ‏ئوقىغان  ساۋاقدىشىنى ‏ئۇچرىتىپ قالسام 800 مېتر يۈگرەيدىغان مەيدانغا ‏ئالدىمغا سېلىۋىلىپ قامچا بىلەن ۋاراسلىتىپ ‏ئۇرۇپ ۋەت ۋەرىكىنى چىقىرۋېتەتتىم . ‏‏بۇ تېخى كۆچۈرۋاپتىكەن ,يانچۇقىدىن چىقارغان چېغىدا  280ۋاتلىق توك بولغان بولسا قولىغا ‏ئۇرۇپلا ۋېتەتتىم . ‏ئىشقىپ ۋىڭ ۋىڭ ۋىڭ قىلىپ ‏ئوقۇپ بولۇپ سىزگىمۇ كۆچۈرۈپ بېرەي دىيىشىچۇ. قولا‏مغا ‏ئالغان كۈنۈم چوقۇم ‏ئوچاققا سېلىپ كۈلىنى پوچتا ‏ئارقىلىق ‏ئىلى دەرياسغا ‏ئېقىتىۋىتىمەن. ‏‏-سىزچۇ؟ بۈگۈن قانداق تەسىراتلارغا ‏ئىگە بولدىڭىز؟ مۇشۇ گەپنى سوراپ قالمىسۇن دەپ قوقاپ ‏يۈرگەن ‏ئىدىم ,خۇددى مەن بىرە يىغىنغا قاتنىشىپ مۇخبىرلار سورۋاتقاندەك جىددىيلىشىپ كەتتىم ,نىمە دەيمەن؟تارىخىمدا سەھنىگە چىقىپ سۆزلەپ باققان ‏ئىنسان ‏ئەمەسمەن,مەكتەپ مۇدىرىنىڭ گېپىنى ‏ئانچە مۇنچە دوراپ سۆزلەيمۇ يە؟ ‏ئەقلى ‏ئەقلاقى ۋە جىسمانى جەھەتلەردىن يېتىلگەن بىر قىسىم ‏ئەقلى ‏ئىقتىدارى بىنورمال ‏ئوقۇغۇچىلار سۈپۈرگىنى گىتتار دەپ ,پارتىلارنى پىيانىنو دەپ ‏ئۆزى غىڭشىپ ‏ئۆزى ‏ئېيتىپ ,يېرىم ‏ئېنگىلىسچە يېرىمى نېمىسچە ‏ئۇققىلى بولمايدىغان ناخشىلارنى ‏ئورۇنلاپ .... ‏ئۇيۇ,بۇ گەپلەرنى دىسەم مېنىمۇ مېڭىسى كۈيۈپ داڭقان پۇتى گەپ قىلدىغان نېمىكەن دەپ قېچىپ كەتمىسۇن دىىدىم ‏ئىچىمدە. ‏ئەمدى ‏ئاغزىمنى ‏ئېچىپ "مەن " دىگىنىمنى بىلىمەن پۇتۇم ‏ئاسماندا بېشىم يەردە ,پالاق پۇلۇق قىلىپ پۈتۈن يەر زېمىن جىغ قىلىپ كەتتى مەكتىپىم بىلەن ‏ئۆيۈمنىڭ ‏ئارلىقى ‏ئالتە بېكەت كېلەتتى ,‏ئالتە بېكەتنىڭ تۆت بېكىتى يىغىن ‏ئاڭلاش بىلەن قالغان ‏ئىككى بېكىتىدە گاچا بوپ ماڭدىم ,قاتتىق يىقىلغاچ ئۆپكەم قېقىلىپ كەتتىمۇ ياكى خىجىل بولۇپ زۇۋانىم گەپكە كەلماي قالدىمۇ بۇ ‏ئىككى بېكەتنىڭ بالدۇرراق ‏ئاخىرلىشىشىنى كۈتەتتىم ,قوققانغا قوش كۆرۈنگەندەك كېتىۋىتىپ نەچچە يەردە پۇتۇم مىتكوت كەتتى ,‏ يولدىن ‏ئۆتكەندە ‏ئۇ ‏مومىسىنى يۆلىگەندەك قولتىقىمدىن يۆلەپ ‏ئۆتكۈزدى . يىقىلىپ قېقىلىپ قىزىرىپ تاتىرىپ ‏ئاران مەنزىلگە كەلدۇق ,پۈتۈن كاللامدا  بايامقى يىقىلغان ھالىتىم ,‏ئۇنىڭ دىگەن گەپلىرىمۇ قۇلىقىمدا كىرمىگەن ‏ئىدى ,تېخى قىستاپ كەتكەن كۈلكىسىنى يوشۇرۇپ "تازا گەپ قىلىۋاتسام يەلەردە ‏ئۆمىلەپ يۈرىيسىز "دىيىشلىرى .... ‏‏‏ئۇ ‏ئاپتوبۇسقا چۈشۈپ كېتىپ قالدى ,كېچىچە يىقىلغان ۋاقتىم چۈشۈمگە كىرىپ نەچچە قېتىم ‏ئويغۇنۇپ كەتتىم . ‏ئەتىسى ‏ئەتتىگەندە سىنىپقا كىرىشىم بىلەن ‏ئىككى دوستۇم باش كۆزۈمگە دەپتەرلەرنى ‏ئېتىپ تىللاپ سىنىپنى بىر ‏ئالدى ,‏ئەسلى ‏ئاخشام ھاياجانلىنىپ ‏ئۇلارنى ‏ئۇنتۇپ كېتىپ قاپتىمەن ,‏ئۇلار يېرىم سا‏ئەت ساقلاپ دېرىزىدىن قارىسا بىرسىنىڭ سايىسى تۇرغان ,بىنا ‏ئالدىدا مېنى بار ‏ئوخشايدۇ دەپ ‏ئولتۇرۇپتۇ  ,كېيىن سىنىپ تاقايدىغان ‏ئادەم تىللاپ سۈرۈپ چىققاندىن كېيىن ‏,چىقىپ قارسا بىنا ‏ئالدىدىكى سايە تىكلەپ قويغان قەغەز ‏ئادەمنىڭ شەكلىكەن ,‏گۇنانىڭ يېرىمى مەن ‏ئۈستۈمگە ‏ئالدىم ,تاققاتۇققا سۆزلەپ بىلىپ بىلمىگەن گۇنانىڭ يېرىمىنى بۇلار ‏ئۈستىگە ‏ئالدى. بىر ‏ئوبدان رومانتىك ‏ئۇچرىشىشنىڭ كەيپىيىنى ‏ئۇچرۇپسەن دەپ ‏ئۇلار ‏ئەيىپلەشتى. -‏ئارلىشىش نېيىتى بولسىمۇ ھالىتىڭغا قاراپ ‏‏ئېغىز ‏ئاچمايدۇ,يولنىمۇ ‏ئوڭشاپ ماڭالمايدىغان پەلپەتىش نېمىكەن بۇ دەپ -دېدى گۈلمىرە. -‏ ماۋۇ ‏كاللىسىنىڭ يېرىمى سۇيۇق قېتىق چېغىدا شۇنى بىلىپتۇ ,‏ئازراق ‏ئەمىلى بار ‏چاقماق كوپتا شۇنى ‏ئويلىماي قالامدا,تۆت ‏ئادەمنىڭ قېشىغا ‏ئاپارسا ‏ئولتاغان يېرىڭدىن ‏يىقىلىپ , يەلەردە ‏ئۆمىلەپ ,تۇتقان نەرسەڭنى ‏ئۆرۈپ يۈرسەڭ تازا بىر مېڭىسى يىگلەپ كەتكەن قىز بالىكەن دەپ ‏ئويلايدۇ شۇ -دىدى ‏ئالىيە كۈلۈپ. -‏مېنى دەۋاتامسە مېڭىسى يىگلەپ كەتكەن دەپ -گۈلممىرە ‏ئالىيەنى نوقۇپ . -ساق بولساڭ نەق چېغىدا دىمەي خەققە دىگەن گەپنى ‏ئۆزەڭگە ‏ئالا‏مسە -دېدى ‏ئالىيە كۈلۈپ. -ھەقاسىڭنى مەۋەگە مېنى زاڭلىق قىلسۇن ,‏ئېچىشقان يەرگە تۇز سەپسۇن دەپ چاقاغانما -دىدىم . -‏ئەمدى ‏ئېچىشسا ‏ئېچىشمىسا بەرىبىر يىقىلىپ يۈزۈڭنىمۇ چۈشۈرۈپ بوپسە ,‏ئەمدىغۇ بەكمۇ جىق يۈزۈڭ يوقتى سېنىڭ -دىدى گۈلمىرە شىمىشكىنى چاققاچ. -ۋىيىي ماگەپنى ,خۇددى سەن ‏ئۇنىڭ ‏ئىنىك ‏ئانىسىدەك گەپ قىلدىڭيا,چۈشۈڭدە ‏ئايان بوغانمىتى يە -دىدى ‏ئالىيە ‏ئۇنىڭغا كۆزىنىڭ قۇيرىقىدا قاراپ. -ھۆل تامغا ‏ئېشەك تەپكەندەك گەپ قىلىدىغان بىر قىز بالا بوپسەن ,چۈپ بوغان يۈزۈمنى تىكلىيە ‏ئەمسە بېرىپ -دىدىم ‏‏ئۇنىڭغا قاراپ. -ۋاي ۋۇي ,نىمگە كايىيسىلەر ,‏كۆڭلى بولسا ‏ئىزدەيدۇ ,كۆڭلى بومىسا ‏ئامال يوق . -ماجىڭ گەپ . -سەنغۇ بىر يۇمىلاق تاۋۇز بوپسەن ‏ئوھۇش يۈرۈڭلا ماڭىلى. مەۋسۈملۈك ‏ئىمتھانلار باشلىنىپ  ھەممىمىز ‏ئالدىراش بولۇپ كەتتۇق,‏بىزنىڭ  مەۋسۈملۈك ‏ئىمتىھانىمىز بىلەن ‏ئۇلارنىڭ خۇلاسە ‏ئىمتىھانى ‏ئالدى كەينى بولۇپ رىغبەتلەندۈرۈپ ‏بىر پاچە ‏ئىلمى ‏ماقالە ‏ئەۋەتىپتۇ ماڭا. ‏ئىككى دوستۇم ‏ئوقۇپ كۈلۈپ يېتىۋالغاننى ‏ئاساس قىلمىغاندا بۇ خېتى ماڭا تەسىر كۈچى زور ‏ئىدى. ھەر بىر خېتىدە  ‏ئۆگۈنۈش ‏ئۇسۇلى ,ھەر ‏ئىمتاھاننىڭ قۇرۇلمىسى ,‏ئىمتىھانغا تەييارلىق ‏ئالدىدىكى ‏‏يېمەك ‏ئىچمەك ‏ئىستىمال ‏ئادىتى دىگەندەك,‏ئالاھىدە كۆيۈنۈش. ‏بۇ خەت خېلى خېلى ‏ئادەملەرنىڭ يازغان ‏ئىككى كەپتەرنىڭ بېشىنى چىگىپ قويىدىغان ,يۈرەكلەرنى سىزىپ نەيزە پىچاق سانجىپ قويىدىغان ,قاغا قۇزغۇنلارنىڭ يۈرەكلەرنى چىشلەپ ‏ئۇچۇپ يۈردىغان خەتلىرىدىن يۇقىرى سالماقنى ‏ئىگەللەيتى ,‏ئادەتتىكى ‏ئادەم يازالمايدىغان ,‏يازسىمۇ ‏ئوقىغان ‏ئادەم چۈشەنمەيغان مەركىزى ‏ئىدىيىسى كۈچلۈك ,ھەر بىر گەپنىڭ تېگىدە چوڭقۇر مەزمۇنى بار خەتتە بۇ . قىشلىق تەتىل ‏ئاياقلىشىپ ‏ئىككىنجى مەۋسۈم ‏ئاخىرلاشقىچە بەش پارچە خەتنى تاپشۇرۇپ ‏ئالدىم ,مېنىڭمۇ تولۇق يىللىققا كۆچىدىغان يىلىم بولغاچ مەنمۇ ‏زېھنىمنى بىر يەرگە يىغدىم . ‏ئىككىنجى مەۋسۈمدە  ‏ئۇ تەكشۈرگۈچى بولۇپ ھەر  ‏ئايدا ‏ئىككى ھەپتە قاتارىغا كىردى , ھەممىسى ‏ئۇنى قوشنا سىنىپتىكى قىزبالىنى قوغلىشىۋىتىپتۇ دىگەن گەپلەر تارقىلىپ يۈردى. كۆچۈش ‏ئىمتىھانى ‏ئاياغلىشىپ بىزمۇ تەتىلگە چىقتۇق ,‏غەلبىلىك كۆچكەنلىكىمنى مۇبارەكلەپ مېھمان قىلماقچى بولۇپ باغچىقا تەكلىپ قىلدى ,‏ئاپام چۈشتە جۈسەيدە مانتا قىلىپتىكەن ,يېمەيمەن دىگەنگە ‏ئۇنماي نەچچىنى يېگۈزۋاتتى ,بولاق مانتىغا بەك ‏ئامراق ‏ئىدىم ,‏ئەمما كۆرۈشۈشكە چىققاندا جۈسەينىڭ پۇرقى ‏ئەتتىرنى بېسىپ چۈشەتتى ,تېخى چىشلارغا توغرىسىغا چاپلىششىپ تۇرۋېلىشچۇ بولمىغان بولسا ‏ئۆزەم قىرىۋىتەتتىم بۇ مانتىنى,چىشىم ‏ئۇپراپ كەتكۈچە چوتكۇلىدىم ,‏ئاندىن دا‏ئىم جۈسەي مانتا ,بەنشىر بىلەن ھەپىلىشىدىغان ‏ئالىيەگە تېل قىلىپ ‏ئۇنىڭدىن تەلىم ‏ئالدىم . -پۇرىقى كۈچلۈك سېغىز چاينا ,‏ئەمما كېكىرىپ سالما جۇمۇ ,‏ئوسۇرغاندىنمۇ سېسىق پۇراق چىقىپ ‏ئۇنى ھوشىدىن كەتكۈزۋاتمە ,سۇدا سۈيى ‏ئىچىۋەت . ‏شۇنداق قىلىپ غەلبىلىك كۆرۈشۈپ قايتىپ كەلدىم ‏ئانچە مۇنچە قورسىقىمنىڭ غورت غورت قىلىشىدىن باشقا,سېغىزنى چايناپ تاشلاپ چايناپ تاشلاپ ‏ئىككى كۈنگىچە يۈزۈمنىڭ مۇسكۇللىرىمۇ ‏ئاغرىپ چىقتى . ‏تەتىلمۇ تېزلام ‏ئۆتۈپ كەتتى ,يېڭى سىنىپلارغا بۆلۈندۇق,باشقا مەكتەپتىن كەلگەن ‏ئانچە مۇنچەبالىلارنى ھېساپقا ‏ئالمىغاندا ھەممىسى پارالىل ‏ئوقۇغان بالىلار ‏ئىدى ,‏ئالىيە بىلەن ‏ئىككىمىز بىر سىنىپقا بۆلۈنۈپ خۇشال بولدۇق ,گۈلمىرە باشقا سىنىپتا بولۇپ ‏كۆڭلىمىز يېرىم بولدى ,ھەربى مەشىققە ‏ئورۇنلاشتۇرۇپ باشقا يىللىقلارنىڭ دەرسى باشلانغۇچە بىز قار تونۇرغا  ‏ئايلانغان ‏ئىدۇق .

dilhayat

	ھاھاھ  قىزىقارلىق ئىكەن، ھارماڭ داۋامىنى تزرەك يازارسىز

fathullah

	كۈلۈپلا ئوقۇدۇم.شۇنداق تەبئى چىقىپتۇ.داۋامىنى كۈتىمەن.

ap~qilam

	ھەممىسى ئوخشىمامدۇ، ئۇقۇيدىغان ھېكايە چىقتى ماما، باشلىقلار ئاۋۇ ماۋزۇنى ئۆزگەرتىۋېتىڭلار، 1- قىسىم دېگەننى ئاڭلاپلا  داۋامى يوق ئەسەر ئوخشايدۇ دەپ  كىشىلەرنىڭ ئۇقۇش قىزغىنلىقى تۆۋەنلەپ كەتمىسۇن يانا

fathullah

	ئاخىرى قاچان چىقىدۇ؟ئىڭەك يۆلەپ ئولتۇرۇپ كەتتىم.

fathullah

	تەستىقلىنىپ بولۇشىلا كىرىپتىكەنمەن.

elana101

	ئوقۇش باشلىنىپ بىزمۇ تولۇق يىللىقلارنىڭ بىناسىغا كۆچۈپ كىردۇق ,مۇ‏ئەتتەرمۇ تولۇق ‏ئۈچىنچى يىللىققا چىققان ‏ئىدى ,‏ئۇلار بىرىنجى  قەۋەتتە بىز ‏ئۈچىنچى قەۋەتتە ‏ئىدۇق ,‏بىر ھەپتىدىن كېيىن گۈلمىرە كۈدە كۆپىسىنى كۆتۈرۈپ بىزنىڭ سىنىپقا كىردى ‏ئاڭلىساق يىغلاپ يېتىۋاپ ياغان ساراڭ بولۇپ يۆتكۈلۈپتىمىش,كاللا ‏ئاجىز دەپ چاق چاق قىلغىنىمىزدىن بىلەن ‏ئۇنىڭ دەرسكە كاللىسى بەك ‏ئۆتكۈر ‏ئىدى ,نەتىجىسىمۇ بەك ‏ئالدىدا ‏ئىدى. ‏ساۋاقداشلىرىمىز سەرخىل ‏ئەمما سىنىپ مەس‏ئۇلىمىز ‏ئالگىبىرا مۇ‏ئەللىمى ‏ئىدى ,‏ئالگىبىرا دا خېلى داڭقى چىققان مۇ‏ئەللىم بولۇپ ‏ئاچچىقى ‏ئالامەت ‏,مۇ‏ئەللىمنىڭ كۆزىدە قىز ‏ئوغۇل دەپ ‏ئايرىلمايتى ,پەقەت ‏ئېكىس بىلەن ‏ئىگرىك ,قىزلار ياسىنامدۇ ياكى يالىڭاچ كېلەمدۇ ,سىنىپ نومۇرى تارتىلىۋاتا‏مدۇ بايراق ‏ئېلىۋاتامدۇق ياكى ‏‏ئاقىدىن بىرىنجىمۇ بۇلارنىڭ ھىچقايسىغا كۆڭۈل بۆلمەيتى . پەقەت ‏ئازغىنا ۋاقىت بولسا بىر مېسالنى ‏ئىشلەتسە ,قايسى مۇ‏ئەللىم كەلمىسە بىردەمدىلا يەدىن ‏ئۈنگەندەك پەيدا بولاتتى ,تازا سۆزلەۋاتسا قوڭغۇراق چېلىنىپ قالسا چىراينى كۆكەرتىپ لېۋىنىڭ يېرىمىنى چىشلەپ بورىنى يەرگە بىر ‏ئېتىپلام ‏ئىشىكنى جاڭ قىلىپ كىملەرنىدۇر قاغاپ چىقىپ كېتەتتى , كېچىچە قىلدىغان ‏ئىش ‏ئالگىبىرا كۆرۈش ‏ئىدى ,پەيلىدىن قورقۇپ ‏ئۇرۇپ كەتمىسۇن دەپ كېچىنى كۈندۈزگە ‏ئۇلاپ مىسال ‏ئىشلەيتۇق ,‏ئەدەبىيات مېتوتى ياخشى ‏ئەمەسمۇ ياكى ‏ئارتۇق سۆزلەش خوشاقمامدۇ ‏سىنىپ يىغىنىنى بەش مىنوتتا ‏ئېچىپ بولاتتى ,‏ئىشقىپ دېگەن گېپىنى ‏ئۆزىمۇ چۈشەنمەيتى ,مەكتەپتە پا‏ئالىيەت بار دىسە غەزەپ بىلەن كۈلۈپ چىقىپ كېتەتتى ,‏مۇ‏ئەللىمنىڭ كاللىدا يېشىلىپ بولالمىغان مىساللار بەك جىق چېغى ‏ئېچىلىپ كۈلگىنىنى كۆرگىلى بولمايتى . كۈز ۋاقتى ,يامغۇر تولا ياغىدىغان بولىۋالدى ,چۈشتىن كېيىن سىم سىم ياغغۇر يېغىشقا باشلىدى ,بىرىنجى قەۋەتكە چۈشكىنىمدە مۇ‏ئەتتەر ‏ئۇچراپ قېلىپ ماڭا ‏ئىشارەتلىدى. -كۈنلۈك بارمۇ-دەپ سورىدى . -يوق -دىدىم ‏ئىتتىكلام . -‏ئەمسە مەن ھېلى ‏‏ئەچىقىپ بېرەي. ‏ئوھۇش ,‏ئاپىرىپ قوياي دىىسچۇ دىدىم ‏ئىچىمدە. ‏ئالتىنجى سا‏ئەتلىك دەرس ‏ئالگىبىرابولۇپ ‏قوڭغىراق چېلىنىپمۇ يىگىرمە مىنوت تۇتىۋالدى ,دەرستىن چۈشكىچىمۇ ‏ئۇمۇ كۈنلۈكنى ‏ئەكىرمىدى,بولمىسا ‏ئۆزۈم كۈنلۈك ‏ئەكەلگەن ‏ئىدىم ,سىنىپتىن  چىقاي دەپ تۇرسام ‏ئۇ سىنىپقا كىرىپتۇ. -سەرۋەر... يېنىغا چىقتىم. -كۈنلۈكتىن پەقەت بىرسى بار ‏ئىكەن,مەن بولمىسا سىزنى ‏ئاپىرىپ قوياي. -بەك ‏ئاۋار بوپ كېتەرسىزمۇ -دىدىم گەرچە بۇ گەپنى دەپ بولۇپ ‏ئىچىمدە  ‏ئۆزۈمنى تۈمەنمىڭ تىللىغان بولساممۇ. -‏ئەمسە ‏ئون مىنۇتتىن كېيىن سزنى پەستە ساقلايمەن. پارتامدىكى كۈنلۈكنى ‏ئالىيەنىڭ سومكىسغا تىقتىم ‏ئۇنىڭ ‏ئۇنىمىغىنىغا قويماي. -‏سومكىغا سېلىۋالساڭ كىم كۆرىدۇ ,‏ئوغرىمۇ ‏ئۇ سومكاڭنى ‏ئاختۇردىغان -دىدى ‏ئالىيە . -سومكام ‏ئەگەردە ‏ئۈزلۈپ چېچىلىپ كەتسىچۇ؟ -ۋاي ‏ئېچىلمايدىغان كۈنلۈك دىمەمسە -‏ئۇيۇ ,جىق گەپ قىلماي سالە سومكاڭغا. شۇ ھازادا ‏ئون مىنوتتىن ‏ئاشقان ‏ئىدى ,‏بۇلاردىن ‏ئايرىلىپ تېشىغا چىقتىم ,‏ئۇ كالىدوردا ساخلاپ تۇرۇپتۇ. -ھە,مۇ‏ئەللىم يەنە تۇتۋالغان ‏ئوخشىمامدۇ -ياقەي ,چۈشەنمىگەن سو‏ئال بار ‏ئىدى ,شۇڭا ‏ئىشخانىغا كىرىپ ھايال بوپ قالدىم -دىدىم ‏ئۆزۈمنى تىرىشچان ‏ئەلاچى كۆرسۈتۈپ. ‏ئوقۇش ھاياتىمدا ‏ئىشخانىغا مۇ‏ئەللىمدىن رۇخسەت سوراپ ياكى تاپشۇرۇق ‏ئەكىرىپ ياكى ‏ئىشخانىنىڭ تازلىقىنى قىلغىلى كىرمىسەم چۈشەنمىگەننى سوراپ دەسسەپ باققىنىم  ‏يوق ۋە پەقەت مۇمكىن بولمايدىغان ‏ئىش,بۇ يالغانچىلىققا قەتتى يۈزۈم قىزارمىغام ‏ئىدى . سىم سىم يامغۇردا بىر كۈنلۈكتە شۇنداق رومانتىك دەرۋازىدىن چىقتۇق,مەن سەل گورويمۇ ياكى كۈنلۈك كىچىمۇ ‏ئىشقىلىپ ‏‏ئىككىمىزنىڭ يېرىم بەدىنى كۈنلۈك سىرتىدا ‏ئىدى ,بېكەتتە مىغ مىغ ‏ئادەم ,‏ئاپتوبوسلاردا ‏ئادەملەر تاسلا قاپتۇ تېشىغا چىقىپ كەتكىلى ,ھەر بىر بېكەتتە شوپۇرنىڭ ‏‏ئارقىغا ماڭمامسەن دەپ شالىنى چېچىپ ۋاقىراشلىرى. بىز  پاراڭلىشىپ تەبى‏ئەتتىن ھوزۇرلۇنۇپ كېتىپ باراتتۇق ,‏‏ئۆيۈمگە بىر بېكەت قالغاندا چاقماق چېقىپ چېلەكتە قۇيغاندەك  قاتتىق يامغۇر يېغىپ كەتتى ,يولدا دالدا ‏ئالغۇدەك نە ماگىزىن نە لە‏مپە يوق ,‏ئالدىمىزغا قاراپ مېڭىشتىن باشقا ‏ئامال يوق ‏ئىدى ,يامغۇرنىڭ كۈچلۈك ‏ئۇرۇلىشى بىلەن كۈنلۈك بىردەم بىردەم ‏ئاسمانغا قاراپ قالاتتى ,‏ئۇنى ‏ئوڭشاپ بولغۇچە  كۆلگە كىرىپ چىققان ‏ئادەمدەك بولۇپ كەتتۇق ,بايامدىن بېرى يېرىم بەدەننىڭ ھۆللىكىنى دىمەي تۇرسام ,كۈنلۈك تۇتقان تۇتمىغاننىڭ پەرقى قالمىغان ‏ئىدى ,ئۇنىڭ ‏ئۈستىگە بۇنىڭ ‏ئاسمانغا قارايدىغان كۈنلىكىچۇ تېخى,يالغان راسلاردىن تاقىۋالغان كۆزەينىكى سۇ ھور ‏ئارلىشىپ كۆزىنى بۇلۇت توسىۋالغاندەك پات پات ‏ئېيتىشقا ‏ئۈلگىرەتتى ,خېلى ‏ئىلمى چاچلىرى شامال يامغۇردا ‏ئوتتۇردىن ‏ئارىلىپ پارتىيە قىزى ناملىق كىنودىكى كۆزەينەك تاقاپ ‏ئىشپىيونلۇق قىلدىغان ‏ئادەمنىڭ ‏ئۆزى بولدى. كۈرەش جەڭلەر بىلەن  ‏ئاخىرى  ‏ئۆيگە كەلدىم ,‏ئۇنىڭ سوغاقتىن ‏ئاغزىغا گەپ كەلمەي چىشلىرىنىڭ ‏ئارىسدىن كاس كاس قىلىپ خوش ‏ئەمسە دىگەن گەپ ‏ئاران چىقتى ۋە بىكەتكە قاراپ ‏ئۇچتى. ‏ئۆيگە كىرسەم ھالىتىمگە قاراپ دادام  ‏ئۈزۈپ كەلدىڭما ‏ئۆيگە دەپ مەسخىرە قىلدى. كۈنلۈك سىرتىدا قالغان يېرىم بەدىنىىم كېچىچە ‏ئاغرىپ ‏كېچىچە مۇزلاپ كاس كاس كاس قىلىپ چىقتىم ,‏ھېلىمۇ ‏ئەتىسى شەنبە بولۇپ قاپتۇ,‏ئىككى كۈن ‏ئاپا‏م ھايۋانلارنىڭ ‏مېيىدا مايلاپ ‏ئاران ‏ئەسلىمگە كەلدىم , ‏‏ئاسمانغا قارايدىغان كۈنلۈك بىلەن مۇ‏ئەتتەر قانداق كەتكەنلىكىنى بىلمىدىم.