پەرزەنت تەربىيەسىدە بېشىم قاتتى

meslihet

	پەرزەنت تەربىيەسىدە بېشىم قاتتى ئەسسالامۇ ئەلەيكۇم، مىسرانىم ئەھلى. پەرزەنت تەربىيەسىدە بېشىم قېتىپ، مەسلىھەت سوراپ كەلدىم. مەسلىھەت بەرسەڭلارمۇ ياكى مەسلىھەت بېرەلەيدىغانلارنى، پىسخىكا مەسلىھەتچىلىرىنى تەۋسىيە قىلساڭلارمۇ كۆپ خۇرسەن بولارئىدىم. مۇنداق ئىش: ئوغلۇم (14 ياش) ھازىر تولۇقسىزنىڭ (قوش تىل) 2-يىللىقىنى پۈتتۈرۈش ئالدىدا تۇرىدۇ. ئۈگۈنۈش نەتىجىسى بۇ ماۋسۇمدا بىراقلا چېكىنىپ كەتتى، ئۈگۈنۈشكە خۇشياقمايدۇ دەيدۇ، ئۆيگە كەلگەندە تاپشۇرۇق ئىشلىمەيدۇ، دەرس تەكرارلىمايدۇ، مۇئەللىمنىڭ ئېيتىشىچە دەرسخانىدىمۇ جىم ئولتۇرالمايدىكەن. باشلانغۇچتا سىنىپنىڭ ئالدىنقى قاتارىدا ئوقۇغان، تولۇقسىزنىڭ 1-يىللىقىدىمۇ ئوبدان ئوقۇغان. 2-يىللىققا چىقىپ چېكىنىشكە باشلىدى. بۇ ماۋسۇمدا چېكىنىش بەك ئېغىر. تەربىيە قىلساقمۇ تەسىر قىلمايۋاتىدۇ، نېمە سەۋەب بولغاننى سورىساق ئۈگۈنۈشكە خۇشياقمىدىلا دەيدۇ. كومپيۇتېرغا ئامراق، ئويۇن ئويناشقا، تورغا چىقىپ چ چ بوشلۇقىدا ئويناشقا، ناخشا ئاڭلاشقا، پۇتبول مۇسابىقىسى كۆرۈشكە ئامراق. پۇتبول، ۋاسكىتبول ئويناشقا ئامراق، ئىشتىھاسى ئوبدان، پۇل بەرسەك خەجلەيدۇ، ئاساسلىقى گېلىغا خەجلەيدۇ، پۇل بەرمىسەك، پۇل بەر دەپ كاجلىق قىلمايدۇ. تورخانىغا قاچىدىغان، دەرس تاشلايدىغان ئىشلىرى ئاساسەن يوق. ئىچىپ-چېكىدىغان ئىشلارنى قىلغاننى بايقىمىدۇق، ساۋاقداشلىرى بىلەن ئوبدان ئۆتىدىكەن. لېكىن بىز بىلەن كۆپ پاراڭلاشمايدۇ، گەپ قىلساقمۇ، نەسىھەت قىلساقمۇ قۇلىقىغا تازا يېقىپ كەتمەيدۇ، ئۆزىنى چوڭ ئادەمدەك چاغلايدۇ. ئىلگىرى تەلەپنى قاتتىق قويۇپ كەلگەن، بەزى سەۋەنلىكلىرى سەۋەبىدىن ئۇرۇپ-تىللىغان ئىشلارمۇ بولغان. كومپيۇتېر ئويناشقا رۇخسەت قىلمىغان، ئەمدى تاپشۇرۇقنى ئىشلە، تەكرار قىل، ئاندىن كومپيۇتېر ئويناشقا رۇخسەت دېسەكمۇ ئۈگىنىشكە خۇشياقمىدى، كومپيۇتېر ئويناپلا ئولتۇرىدۇ، كومپيۇتېرنى بەرمىسەك سىرتقا چىقىپ توپ ئوينايدۇ ياكى دوستلىرى بىلەن ناخشا ئاڭلايدۇ. ياخشى ئوقۇمىساڭ كۈن ئالمىقىڭ تەس دېگەندەك بەك جىق گەپلەر بىلەن نەسىھەت قىلساقمۇ ئۈنۈمى بولمايۋاتىدۇ. 3-يىللىققا چىققاندا، تولۇق ئوتتۇرىغا چىققاندا ئۈگەنسەممۇ ئالي مەكتەپكە ئۆتەلەيمەن دەپ ئولتۇرىدۇ. يانفۇن ئەپ بەرسەڭلار دەپتى، سىنىپتا ئالدىنقى ئوننىڭ ئىچىگە كىرسەڭ ئېلىپ بېرىمىز دېسەك، ماقۇل بولدى. بورت ئوينايمەن دەپتى، ئالدىنقى 17 نىڭ قاتارىغا ئۆتسەڭ بورت ئالايلى دېسەك ماقۇل بولدى. لېكىن تاپشۇرۇق ئىشلەش، تەكرار قىلىشقا خۇشياقماي تۇرىدۇ. بالىنىڭ ئۈگىنىش نەتىجىسىنىڭ چېكىنىپ كەتكەنلىكىنى، ياخشىلىنىش بولمايۋاتقانلىنى كۆرۈپ كۆڭلىمىز بەك يېرىم، قانداق قىلارىمىزنى بىلمەي قالدۇق. ئەقىللىق ئوغلۇم موشۇنداقلا يارامسىز بولۇپ قالارمۇ، ئۈگىنىشكە قىزىقتۇرۇپ، ئىلگىرىكىدەك تىرىشىدىغان قىلغىلى بولماسمۇ دەپ بېشىمنىڭ ئىچىمۇ قاتتى، تېشىمۇ قاتتى. مەسلىھەتىڭلارغا مۇھتاجمەن، قېرىنداشلىرىم.

uyquchi

	دامۇللامدىن سوراپ بېقىڭ، قانداق گەپ بۇ، گەپ قىلسا ئۆتىدىغان بالىكەن بولمىسا، سىلەرنىڭ ئىشىڭلاركەن، بالىمىزغا تەربىيە قىلىشنى بىلەلمىدۇق دېمەي، ئاتا ئانا بولۇشنى ئۆگەنسەڭلار بولغۇدەك. يۇرتۇڭلاردىكى بىرە ئۇستازنىڭ قېشىغا بېرىپ ئوبدان سوراڭلار، يەنە تۈنۈگۈندىن تەرجىمە كىتاپلارنى ئوقىۋالغانلارنىڭ قېشىغا بېرىۋالماي.

مۇكەرەم

	بالىنى كىچىكىدىن ئەركە ئۆگىتىپ قويۇپسىلەر ، گۇنانىڭ يىرىمى سىلەردە ، ئۆيدىكى تورنى ئۈزۈپلىۋىتڭە

kokboraa

	ئەڭ ياخشىسى  بىرەر پىسخىك دوختۇرنىڭ كۆرسەتمىسىنى ئىلىپ بىقىڭلار

uyol

	سىز بورت ئەپپە دېسە ماقۇل دېدىڭىزما؟

intikam

	سىز بالىڭىزبىلەن، بالىڭىزنىڭ ئەڭ يېقىن دوستلىرىدەك  ياخشراق پاراڭلىشىڭ،!  ئۆزىڭىزنىڭ  بالىڭىزدەك ۋاقتلىرىڭىزدىكى ئىشلارنى ھىكايە قىلىپ سۆزلەپ بېرىڭ!  ۋاقتىڭىز بولسىلا  بالىڭىز بىلەن  سىرداش دوستلاردەك  پاراڭلىشىپ  پىكىر ئالماشتۇرۇڭ!

azrat705

	بالىڭىز دەل بالاغەتكە يىتىش مەزگىلىدە تۇرۋېتىپتۇ ، شۇ توغرىلىق تەربىيەنى ۋە ۈاشقۇرۇشنى كۈچەيتىڭ ، باشقا گەپلەرنى تەپسىيلى دەپ يۈرمىسەممۇ بۇلا . يەنە بىرسى بالىڭىز  بالدۇر مۇھەببەتلەشتىمۇ ياكى بىرەرسىنى يۇشۇرن ياخشى كۆرۈپ قېلىپ قىينىلىپ يۈرۋاتامدۇ بۇنىمۇ بىر ئامال قىلىپ بىلىپ بېقىڭ

ansar514

	كەچۇرۇڭلار مەن سىلەرگە بىر ھىكايە سۆزلەپ بىرەي تىما بىلەن مۇناسىۋىتى يوق. ئىمام شافى ئوقوۋاتقان چاغلىردا ئۇستازلىرى ئۇنىڭ زىرەكلىكگە قاتتىق قايىل ئىكەن كۇنلەرنىڭ بىردە ئۇ پەقەتلا دەرىس كاللىسىغا چۇشمەسلا بوپتۇ،ئۇستازلىرى ئۇنىڭغا بىر ئىش بولغانلىقىنى پەملەپ ئۇنىڭ كىچىك تۇرۇپ بۇنداق بولوپ قالسا بىر ئىچىنىشلىق ئىش بولدغانلىقىنى ئۇنىڭغا ئىيتىپ كۆڭۇلدىكىنى ئىيتىشنى ئىيتىپتۇ.شۇنىڭ بىلەن ئىمام ئۆزىگە ئاتسىدەك كۆيۇنگەن ئۇستازىغا سىرىنى ئىيتىپ بىرىپتۇ.ئۇ ئۇستازىغا ئۇنىڭ ئۆيدىن كىلىش يلدا پاچىقى ئوچۇق بىر يەھۇدى ئايالنى كۆرگەنلىكىنى شۇندىن باشلاپ ئۇنىڭ خىيالى يىغىلماس بولوپ قالغانلىقىنى ئىيتىپتۇ.شۇنىڭ بىلەن ئۇستازى مەسلەھەت قىلىپ ئۇنى ئويلەپ قۇيۇپتىكەن ئۇ ئوڭلىنىپ قاپتۇ ۋە تىخمۇ زىرەك بولوپ كىتىپتۇ.تامام. (مەن ؟ئويلەڭ دىمەكچى ئەمەس ھە)مەنچە بالىڭىزنىڭ روھىدىكى ئىھتىياجى چوقوم دەرىستىن باشقا بىر يونىلىشكە كىتىپ قاپتۇ.سىز ئۇنى ئىنىقلاڭ،ئۇنىڭغا شۇ روھى ئوزۇقنى بىرىڭ،ئەگەر ئۇ يىشىغا ماس كەلمەيدىغان ئىھتىياجنى دىسە ئۇنى ئىلمىي بولغان ئۇسسۇلدا چەكلەڭ ۋە ياكى مەلۇم ۋاقىتتىن كىيىن قىلىپ بىردىغانلىقڭىزنى ۋەدەقىلىپ ئۇنىڭغا شەرىت قويوڭ.شەرىتنى ئورۇندىسا ئاندىن ئۇئىھتىياجىنى قاندۇرۇڭ.ئۇنىڭغىچە بەلكىم ئىھتىياجىنى قاندۇردىغان يىشغا توشۇپ قالدۇ. 2.خىل ئۇسسۇلدا ئۇنىڭغا قەھرىمانلىق روھى پىسخىكىسنى يىتىلدۇرۇپ ئۇنىڭ غايە تىكلىشگە ياردەم قىلىڭ.(غايىلەرنىڭ ئاڭ ئالىيسى جەننەت.جەننەتكە كىرىشنىڭ يولى ئىسلام).غايىسى بار ئادەم ئاسان يودىن تايمايدۇ.دىققەت قىلىڭكى ئۇنىڭ غايىسىنىڭ چىن ۋە ئەمەلىي بولشىغا يىتەكچىلىك قىلىڭ.ۋە شۇنىڭ بىلەن بىرگە ئۇنىڭدا ئۆزلۇك ئىڭى پەيدا قىلىڭ.دۇنيادىكى ھەممە ئادەم ئۇنى چەكلىسىمۇ يالغۇر بولسىمۇ قەتئى غايە نىشانغا قاراپ جانلىق ئىلگرلەيدىغان ۋەقەلەرنى ئىيتىپ بىرىڭ.مەسلەن:ساھابىلەر ھاياتىدىن تاللانما دىگەن كىتاپتا ئىنتايىن باتۇر قەتئىي ئىرادىلىك كىشلەرنىڭ ئىش ئىزلىرى بار.ئەلۋەتتە سىز بالڭىزغا ئوقوپ بىرىڭ ۋە ئوقوپ بىرىشتىن بۇرۇن تەسىرلەنگىدەك دىكلىماتسىيە قىلىپ تەييارلىق بىلەن ئوقوپ بىرىڭ.مەن سىزنىڭ غەلبىنىڭ ئەڭ چوڭ مەنتىقىلىق يىتىش يولنى دەپ بىرەي.     غەلبە تەييارلىقنى پۇختا قىلغانلارغا مەنسۇپ! ئاللاھ ئائىلڭىزنى ھەقىيقى ئىسلام ئائىلسى بولوشقا نىسىپ ئەتسۇن!!!~~~ئائىلڭىزدىكى كىشلەرنى جەننىتىلەر قاتارىدىن قىلسۇن.سىزنى ئسلام سىپدە تۇردىغان ياخشى ئاتىلاردىن قىلسۇن.ئامىين

سۈمەييە

	azrat705 يوللىغان ۋاقتى  2013-6-12 12:12 PM بالىڭىز دەل بالاغەتكە يىتىش مەزگىلىدە تۇرۋېتىپتۇ ، شۇ  ... مەنمۇ شۇنداقراق ئويلاپ قالدىم