دېھقان بولماق تەس ئەمەس

kichikoghul

	دېھقان بولماق تەس ئەمەس قويسىلا شۇ ئۇ تەس،بۇ تەس،دېگەن گەپلەرنى!دېھقان بولۇشنىڭ نەرى تەس!؟قارىسىلا تاغا،ھازىر ماۋۇ جۇڭگودا ھەممىدىن دېھقان بولۇش ئاسان.ئۇيغۇردا دېھقان بولۇش تېخىمۇ ئاسان،دېھقان بولۇش ئۈچۈن ئوننەچچە يىل بىلىم ئېلىش كەتمەيدۇ.ئالىي مەكتەپ ياكى ئوتتۇرا تېخنىكومدا ئوقۇش كەتمەيدۇ،ئىمتىھان بىرىش كەتمەيدۇ.ھېچقانداق بىر سالاھىيەت ياكى كىنىشكا ئېلىش كەتمەيدۇ.قوش تىل بىلىش كەتمەيدۇ.كومپىيوتىر بىلىش كەتمەيدۇ. بىرتال كەتمەن سېتىۋالسىلا بولدى ئەمەسمۇ! پۇت-قولى بىجىرىم ھەرقانداق بىر ئادەمنى،ھەرقانداق بىر ساھەدىن ئەكىلىپلا ماۋۇ يەر سېنىڭ،ھازىردىن باشلاپ دېھقان بول دېسە دېھقان بولۇپ كېتەلەيدۇ.ئەمما سېلىنى ئاشۇ ئادەمنىڭ ئىشىنى سەن قىل دېسە قىلىپ كېتەلمەيلا. قارىسىلا تاغا،دېھقان بولسىلا خەجلەيدىغان پۇل ئېتىزلىرىدىن چىقىدۇ،يەيدىغان ئاشلىق-تۈلۈك،ئوتياش،ھەتتا گۆش-ياغلىرىغا قەدەر ئۆيلىرىدىن چىقىدۇ.مېچە —چېۋە،قوغۇن-تاۋۇز باغلىرىدىن چىقىدۇ. يىل ئاخىرىدا ھېچكىم سىلىنى مۇناۋەر،لاياقەتسىز دەپ باھالاپ يۈرمەيدۇ.ئەلا باغا لايىق دېھقان بولسىلا،ھالال ئەمگەكلىرىنىڭ مېۋىسىدىن كۆڭۈللىرى يايرايدۇ.لاياقەتسىز دېھقان بولسىلا تۆۋەن كاپالەت پۇلى ئېلىپ يەنە خاتىرىجەم ياشايلا. تېرىكلىكلىرىدە ئۆينىڭ غېمىنى قىلمايلا،ئۆلگەندە گۆرنىڭ غېمىنى قىلمايلا. دېھقان بولسىلا ھېچكىم سىلىنىڭ ساقال-بۇرۇتلىرىغا ئارىلاشمايدۇ.كېيىم-كېچەك،نورمال دىنىي پائالىيەتلىرىگە ئارىلاشمايدۇ. قانچە مو يەرلىرى بار؟قانچە بالىلىرى بار؟قانچىسىنى يوقۇرىلاپ ئوقۇتتىلا؟ دېھقان بولۇش ئاسان بولغاچقا،شۇڭا بالىلىرىنىڭ ھېچقايسىنى ئوقۇتمىغانلا ھەقاچان.بالىلىرىمۇ شۇ ئوقۇشتىن دېھقان بولۇشنىڭ ئاسانلىقىنى بىلىپ ئوقۇمايمىز دەپ تۇرىۋالغاندۇ ھەقاچان؟! مېنى دەملا،مەن شۇ ئونبەش يىل ئوقۇپ ئاران تاكسى ھەيدەپ يۈرىمەن مانا.دېھقان بولۇشتىن ماشىنا ھەيدەش ئاسان دەملا!ئەمىسە مەن ماۋۇ ماشىنىنى سېلىگە مەڭگۈلۈك بېرىۋىتەي،سىلە شوپۇر بولسىلا.   15مۇ يەرلىرىنى ماڭا مەڭگۈلۈك بېرىۋەتسىلە،مەن دېھقان بولاي.قانداق،قوشۇلاملا!؟ مېنىڭچە،جاھاندا تەس ئىش يوق،ئىشنى تەس كۆرىدىغان ئادەم بار. مەنبە: ئۆزۈم

turpan0995

	دېھقان بولۇش شۇنداق ئاسانما ؟ ..........................   بۇ يازمىنى قانداقلا چۇشەنسە بولغۇدەك.... ھەرخىل ھەرخىل مەنىلەردە ..... مەن مۇشۇنچىلىك ھېس قىلدىم بۇنى ئەمدى...............

darya.

	«ئۇيغۇرلار ۋە سېسىق توققۇزىنجى » نى ئەسلەتتى بۇ تىمىنىڭ ئىپادىلەش شەكلى...

matros1

	دېھقانغا ئايدا بىر مائاش چىقمىسا،   يا سىزگە ئوخشاش  كۈندە  كىرىدىغان كىرىمى بولمىسا،  بىر يىل ئىشلەپ تۈزۈك پۇل تاپالمىسا، ھازىر دېھقانلاردىن يىغۋاتقان ئۇششاق چۈششەك ھەقلەر ئاز بولمىسا، ئىستىمال سەۋيىسى كۈندىن كۈنگە ئۆرلەۋاتسا.  نەرسە قىممەت دەپ تاماقمۇ يىمەي ئۆيدە ئولتۇرغىلى بولمىسا، ئۇن ماي، كۆكتاتنى ھەپتىدە بىر ئالمىسا بولمىسا، ئۇلارنىڭمۇ ئوبدان باقمىسا بولمايدىغان باللىرى تۇرسا،  ئېتىز ئىشنى قىلىپ بۇلۇپ چىقىپ ئىشلەي دېسە مۇقۇم ئىش بولمىسا،  تولا ھاشار، كەنىتتە يىغىن بار دەپ ئۇلارنىمۇ بىكار قويمىسا،  يەرنى ئوبدان تېرىپ باي بولسا بولمامدۇ دېسە  تۈزۈك يەر بولمىسا ( كۆپ قىسىم يۇرتلاردا )  يىگىرمە ياشتىن ئاشقىچە يەر كىسىپ بەرمىسە، ئۇلارنىڭمۇ باللىرى چوڭ بولسا نەچچە ئونمىڭ خەجلەپ تۇيىنى قىلىپ قويمىسا بولمىسا.  ئاغىرىپقۇ قالمىسۇن ئەگەر ئاغرىپ تارتىپ قالسا يىل ئاخىرىدا تاپقان پۇلى دوختۇر پۇلى ،  تاماق پۇلى ، كىرا پۇلى دەپ بىر ئاي يەتمىسە،  دەپ بېقىڭە سىزچە دېھقان بولماق ئاسانمىكەن.   يا ئۇلارغا باشقا كەسىپتىكلەردەك تەلىيى كىلىپ كۆتۈرۈلۈپ ، كۈنلەرنىڭ بىرىدە بەخىت قۇشى بېشىغا قونمىسا ( دېھقانلارنىڭ ئىچىدە ئۇنداقلار يوق دىيەرلىك ) . ئۇلار ھېلىمۇ تۇرمۇشتىن ئۈمۈدىنى ئۆزمەي ياشاپ كىلۋاتسا  ، سىزچە ئوڭايمىكەن.   مەن مەن دىگەن  نوچىلار 5 يىل شۇنداق تۇرمۇش كەچۈرۈسە ئۈمۈتسىزلىنىپ روھىيتى بەرپات بۇلۇپ كىتەر ھەقىچان. مىنىڭچە دېھقان بولماق ھەقىقەتەن تەس. بۇلۇپمۇ مەركەزنىڭ گېپىنى ئاڭلىماي، يەرلىك سىياسەت يۈرگۈزۈلۋاتقان مۇشۇ دەۋىردە .

mercury

	تىما ئىگىسى سىز تۆت كۈن لاياقەتلىك دېھقان بولۇپ باققان بولسىڭىز ئاندىن بىلەتتىڭىزغۇ.

tuzluk1

	دىھقاننىڭ  دەردىنى دىھقانلا  بىلىدۇ جۇما  ھازىر

sultannur

	توۋا ما باشقۇرغۇچىلارنى، پارا بىرەمدىغاندۇ بۇخەخ،شۇنداق ياخشى تىمىلار ئۆچۈرۈلىدۇ.مۇشۇ تىمىنى تەستىقلاپتۇ.تىما ئىگىسى بۇنى دەم ئىلىشقا قويۇپ بىرىلگەن مۇشۇ كۈنلەرنىڭ ھەممىسىدە ئۇخلاپ كەچ بولغاندا ئويغۇنۇپلا مەڭدەپ تۇرۇپ يىزىپتۇ.ئىنىقكى دىھقان دىگەن ئۇقۇمنى تىلىۋىزوردىنلا كۆرۈپتۇ.دېھقاننى ئازراقمۇ چۈشەنمەيدىكەن.بۇ تىمىنىىڭ بىشىنى ئوقۇپ كىنايىمىكىن دىسەم تولۇق ئوقۇپ بولغاندىن كىيىن ئۇنداق ئەمەسلىكىنى،بۇنىڭ بىر تەسۋىر، ياق تەسۋىرمۇ ئەمەس ئىشقىلىپ ھىچنىمە ئەمەس بىر نەرسە ئىكەنلىكىنى ھىس قىلدىم.

sultannur

	قارىغاندا ھۆكۈمەت خىزمەتچىسى ئوخشايسىز،يۇقىرىنىڭ ئورۇنلاشتۇرۇشلىرىنى گىزىت-ژۇرناللاردىن باش كۆتۈرمەي ئوقۇيدىغان،تىلىۋىزوردىن،رادىئودىن ئاڭلايدىغان. لىكىن شۇ ئورۇنلاشتۇرۇشلارنىڭ قانچىلىك ئەمەلىيلىشىۋاتقانلىقىنى كۆرسىڭىز بۇنى يازغانغا پۇشايمان قىلىشىڭىز مۇمكىن.

ئەرتۇرا

	تىما ئىگىسى دىھقان بولۇپ باقسا، ئاندىن دىگىنىگە پۇشمان قىلىدۇ!

nul

	ھۆرلۈك يوللىغان ۋاقتى  2013-6-12 07:21 AM بىر قارىسا تەنىدەك،ئاخىرقى سۆزلىرىڭىزدىن راست دەۋاتق ... خو مۇشندا ئىنكاس