چەكلەنمىگەن پاراڭلار2(Boss)

.patrol.

	سالام، ئەزىزلەر! قىززىق ۋە تېخى قىززىمىغان مەسىلىلەرگە مۇناسىۋەتلىك ئىككى شىڭگىل مۇلاھىزە مۇنداق؛ 1)ھازىرغىچە تۈركىيىدىكى نامايىش ئىككى ھەپتە ئېلىپ بېرىلدى، ھەم قىسقا بىرمەزگىلگىچە  داۋاملىشىشى مۇمكىن. <بىرقانچە تۈپ دەرەخ>ئۈچۈن كۆرسىتىلگەن كۈچنىڭ ئۇلغىيىپ تۈركىيىگە جەمئىيىتىدە بېسىلىپ قالغان ياكى ئىتىۋار بىرىلمىگەن مەسىلىلەرنى ئىتتىرىپ چىقىرىشى، گەرچە 10يىل مابەينىدە ئىقتسىادى يۇقىرى كۆرسەتكۈچتە ئىزچىل ئېشىش ھالىتىنى ساقلاپ تەرەققىي قىلىشقا يۈزلەنگەن تۈركىيە جەمئىيىتىدە تۇيۇقسىز بىر دۆۋە ئاۋارىچىلىقنى پەيدا قىلىپ قويغان، مۆمىندىن ھاراق چەكلەش پەرمانىدىن نارازى بولغان بەندىگىچە، ئۆكتىچى پارتىيىدىن ئەردۇغان ھۆكۈمىتىگىچە ھەر قايسىسى ئۆزلىرىنىڭ تەشەببۇسى ۋە ھوقۇقىنى كەسكىن تەكىتلەۋاتقان بولسىمۇ يەنە بىر تەرەپتىن بۇ بىر دۆۋە ئاۋارىچىلىق تۈركىيىنىڭ دىمۇگراتىك تۈزۈلمىسىنى ئىسپاتلاش ۋە ھەم تۈركىيىگە جەمئىيىتىدە ھەقىقەتەن ساقلىنۋاتقان مەسىلىلەرنى ۋاقتىدا، توغرا ھەل قىلىشقا پۇرسەت يارىتىپ بىرىدۇ. چۈنكى تۈركىيە ھازىر بۇرۇلۇش نوقتسىىدا، ئىنىقراقى يىڭى كۈچلىنىش باسقۇچىغا كىرىۋاتقان دۆلەت. ئەگەر مۇھىم بىر يۈزلىنىش ئۈچۈن جەمئىيەتتىكى مەلۈم مەسىلىلەرگە سەل قارالسا بۇ دۆلەتنىڭ كىيىنچە ئەيىپ-ناق بۇپ قېلىشىنىڭ ئامىلى بۇلۇپ قالىدۇ شۇنداقلا مۇكەممەل تەرەققىي قىلىشىغا تەسىر كۆرسىتىدۇ. ئىككىنچىدىن ھازىر تۈركىيە ئوتتۇرا شەرق رايۇنىدا <ئۈلگىلىك> رول ئويناۋاتىدۇ. ئەلۋەتتە بۇ ئۇنىڭ رايۇندا تەسىر-دائىرىسىنى كىڭەيتىشىنىڭ باشقىچە ۋاستىسى. ئەمما، مەسىلە كۆرۈلمىگەن ئىشقا قارىغاندا كىشىلەر مەسىلە كۆرۈلۈپ توغرا ھەل قىلىش ئارقىلىق ئىزىغا چۈشۈرۈلگەن ئىشقا بەكرەك قايىل بۇلىدۇ ۋە ئەمەلىيەتچىلللىقىنى قۇبۇل قىلىدۇ. بۇ مەنىدىن ئېيتقاندا ئەگەر تۈركىيە بۇ قېتىمقى ئاۋارىچىلىقنى توغرا بىتەرەپ قىلالىسا، ئېرىشىدىغان پايدىسى  يەھۇدىي سودىگەرلىرىنىڭ خەقكە ئۆزىنى تىللاتقۇزۇپ مېلىنى تەشۋىق قىلىش تاكتىكىسى ئەكىلىدىغان ئۆنۈمدىن ئېشىپ كىتىدۇ. ئەمما، پۇرسەت ئىچىدە خەتەر ھامان مەۋجۇت بۇلغاندەك، بۇ قېتىم تۈركىيە يەنە ھەقىقەتەن زىيان ئېلىپ ئازراق ئاۋارىچىلىققىمۇ يۇلۇقتى، بۇ ئاۋارىچىلىق ئۆكتىچىلەر ئەردۇغانغا قىلغان خىرىس بولماستىن، بەلكى مۇشۇ باھانىدا تۈركىيىنى پالاچ قىلىپ قۇيۇشنى ئىستەۋاتقان تاشقى كۈچلەردۇر. يەنى2 يىل مابەينىدە ئوتتۇرا شەرقتە يۈزبەرگەن تۇقۇنۇشتا تۈركىيىنىڭ ئۆكتىچىلەرنى كۈچلۈك قوللىشى نەتىجىسىدە زىيان تارتقان روسىيە، ئىران، سۈرىيە،ئىسرائىلىيە قاتارلىق دۆلەتلەر توپۇلاڭغا مىنا كۆمۈپ ئەردۇغان ھۆكۈمىتىنى تېيىلدۇرماقچى بۇلىۋاتىدۇ. چۈنكى ھازىرقى مۇشۇ پەيتتە سۈرىيە ئىككى ئۇرۇشىدا بۇرۇلۇش ۋەزىيىتى كۆرىلىۋاتىدۇ. ئامىرىكا سياسىي جەھەتتە روسىيە بىلەن كەسكىن كۈچ سىنىشىۋاتىدۇ. بۇ ئىككى تەرەپ كۈچ سىنىشىشىنىڭ ئىككى تايانچ نوقتىسى دەل ئوتتۇرا شەرققە تەۋە رايۇندىكى چوڭ دۆلەتلەر بولغان تۈركىيە بىلەن ئىراندۇر. بۇ تايانچ دۆلەتلەرنىڭ سۈرىيىدىكى تاكتىكىلىق ئېلىشىشتا قايسىسىنىڭ ئۈستۈنلۈكنى ئىگىلىشى بىۋاستە ئامىرىكا بىلەن روسىيىنىڭ <سۆھبەت ئۇرۇشى>غا تەسىر كۆرسىتىدۇ. ئىران باشىر بىلەن بىرسەپتە ئۇرۇش قىلىش بىلەن بىرگە لازىمەتلىك ئوق-دورىلار، سىياسىي ھەيۋە كۆرسىتىش  قاتارلى ئەڭ يۇقىرى چەكتى ياردەمنىڭ ھەممىسىنى بىرىۋاتىدۇ. ئەمما تۈركىيىنىڭ سۈرىيە ئۆكتىچىلىرى بىلەن بىرسەپتە ئۇرۇشقا قاتناشمايلا قالماي، دۆلەت ئىچىدىكى قالايمىقانچىلىق تۈپەيلى سۈرىيە ئۆكتىچىلىرىنى ھىمايە قىلىش سالمىقىنىڭ ئاجىزلىشى قارشى سەپتىكى ئىران ۋە سۈرىيىنىڭ تاكتىكا قاتلىمىدا ئۈستۈنلىكنى ئىگىلىشىگە پۇرسەت يارىتىپ بىرىپ، پۈتكۈل سۈرىيە ئىچكى ۋەزىيىتىدە ئىستىراتىگىيىلىك ئەۋزەللىككە ئېرىشىش مۇمكىنچىلىكىنى چۇڭايتتى. بۇ مەزكۇر نامايىشنىڭ زىيادە ئۇلغىيىپ ھەم ئۇزاققا سۇزۇلۇپ كىتىشى تۈركىيىگە ئېلىپ كىلىدىغان ھەقىقىي باش ئاغرىقى ھىساپلىنىدۇ. 2)ھىندۇنېزىيە دىڭىز ئارمىيىسىنىڭ بىلدۈرىشچە ئۇلار كېپرى (Kepri) تاقىم ئاراللىرىغا قاراشلىق سېتوكوك(Setokok) ئارىلىدا ھەربىي بازا قۇرماقچى ئىكەن. قۇرۇلمىش مەزكۇر بازىغا بىر باتالىيون كۆلىمىدىكى دىڭىز ئارمىيىسىنىڭ قۇرۇقلۇقتا جەڭ قىلغۇچى قىسمى ئۇرۇنلاشتۇرۇش پىلانلانغان. كېپرى تاقىم ئاراللىرى مالاككا بۇغۇزىنىڭ شەرقى جەنۇبىغا جايلاشقان بۇلۇپ بۇغۇزنىڭ شەرق ئېغىزىغا نىسپەتەن تىزىلغان قاتار چىشقا ئوخشايدۇ. سېتوكوك ئارىلىنىڭ يېنىدا ھىندونېزىنىڭ مۇھىم ئىقتسىاد بازىسى بولغان باتام( Batam) ئارىلى بۇلۇپ سىنگاپورغا يىگىرمە نەچچە كىلومىتىر كىلىدۇ. باتام بىلەن سېنتوكوك ئاراللىرى مالاككا بۇغۇزىنىڭ شەرقى دەرۋازىسى(تىنچ ئوكياندىن چىقىش-كىرىش ئېغىزى)نى كونتىرول قىلىشتىكى ئىستىراتىگىيىلىك مۇھىم نوقتا. يېقىنقى بىرقانچە يىلدىن بۇيان ھىندۇنېزىيە دۆلەت مۇداپىئەسىگە سېلىنغان خىراجەتنى يىلسىرى ئاشۇرىۋاتىدۇ. 2012-يىلى 2011-يىلدىكىدىن %35ئېشىپ 7مىليارت 500مىليۇن دوللارغا كۆپەيگەن بولسا، 2013-يىلى 2012-يىلىدىكىدىن %18 ئاشۇرۇلۇپ 8مىليارت 100مىليۇن دوللارغا يەتتى. بۇ خىراجەتلەرنى ئاساسلىق قۇرۇقلۇق، دىڭىز  ۋە ھاۋا ئارمىيىلىرىنىڭ قۇرال-جابدۇقلىرىنى يىڭىلاشقا ئىشلەتتى. ھىندۇنېزىيىنىڭ تىز سۈرئەتتە دۆلەت مۇداپىئە خامچوت سوممىسىنى يۇقىرى كۆتۈرىشى ئۇنىڭ شەرىقى جەنۇبىي ئاسىيا رايۇنىدىكى خەتەر سەزگۈسىنىڭ سەگەك ئىكەنلىكىدىن دىرەك بىرىدۇ. يەنى ئىكى-ئۈچ يىلدىن بۇيان جۇڭگۇنىڭ شەرقى دىڭىز رايۇنىدىن باشلاپ ھىندونېزىيىنىڭ شىمالىي ئىشىك ئالدىغىچە جۇڭگۇ بىلەن ياپونىيە، ۋىيتام، فىلىپپىن قاتارلىق دۆلەتلەر ئارال-تالاش تارتىشى كەسكىنلەشتى. قۇراللىق تۇقۇنۇش پارتلاش ئىھتىماللىقىمۇ يۇقىرى چەككە يەتتى. جۇڭگۇنىڭ زىمىن ئىگىلىك ھوقۇقىنى قوغداش ئۈچۈن قۇرال كۈچى ئىشلەتمىگەنلىكىگە سەۋەپ بولغان ھەل قىلغۇچ ئامىلنىڭ ئىنىرگىيە تەمىنات جان تۇمۇرىنىڭ ئۈزۈۋىتىلىشىدىن ئەنسىرەش بىلەن يىراق مۇساپىلىق ئەسكەر ئۇرۇرش قىلىش ئىقتىدارىنىڭ تۈۋەن ئىكەنلىكى ھەممىگە ئايان. ھازىر جۇڭگۇ تىنچ-تەرققىيات سىياسىتىنى تەكىتلەش بىلەن بىرگە كىيىنكى ئىقتىدارنى كۈچەيتىپ ئىىرگىيە تەمىنات مەسىلىسىنى كاپالەتكە ئىگە قىلىش پىلانى ئىجرا قىلىۋاتقانلىقىمۇ گۇمان تەلەپ قىلىدىغان ئىش ئەمەس. ھىندۇنېزىيىنىڭمۇ جۇڭگۇ بىلەن زىمىن-تالاش تارتىشى بار. ئازادلىق ئارمىيە دىڭىز ئارمىسيىنىڭ جەنۇبىي دىڭىز رايۇنىدىكى ھەرىكىتىنىڭ كۆچىيىشى ھىندونېزىيىگە بېسىم پەيدا قىلدى. سېنتوكوك ئارىلىغا ھەربىي بازا قۇرۇشنى پىلانى ئۇچۇق -ئاشكارە ھالدا جۇڭگۇدىن مۇداپىئە قىلىش مەقسىتىدە ئېلىپ بېرىلمىغان بولسىمۇ، جۇغراپىيىۋى-سىياسىي نوقتىدىن قارىغاندا ھىندۇنېزىيىنىڭ بۇ تەدبىرى شەرىقى جەنۇبىي ئاسىيا رايۇنى ۋەزىيىتىدە تەھدىتكە تاقابىل تۇرۇش كۆلىمىنىڭ كەڭ دائىرىگە يۈزلىنىۋاتقانلىقىدىن دىرەك بىرىدۇ. ________________ مەنزىل-كەمىنە.

XERHAN

	جاناپلىرىنڭ تەھلىل ، مۇلاھىزىلىرى ئارقىلىق ئەمەتجان توختى سۆزلىگەن دۇنيا ھەپتىلىكىنى كۆرگەندەك بولدۇم . تۈركىيە ۋەزىيتى ئىزىغا چۈشسە بولاتتى . ھىندونىزىيەنى ئىقسادى ئاجىز ، ھەربىي كۈچى يىتەرسىز دۆلەت دەپ قارايىتتىم ، ماۋۇ بايانلار ئارقىلىق ئۇنداقمۇ ئەمەستەك ھىس قىلدىم .

dostum.

	پاكىستاندىن قەشقەرگىچە تاشيولنى بىكارغا ياسىمايدۇ...

dostum.

	ئىشىنىمەنكى بۇ تۈركىيە توقۇنۇشلىرى، تۈركىيەنىڭ ناتودىكى ئورنىنى چىڭىتىپ، ئۇلارنىڭ ياۋروپا بىرلەشمىسىگە ئەزا بولۇش سۈرئىتىنى تېزلىتىدۇ.

uyol

	بىلىمىڭىز مولكەن

YAZR

	dostum. يوللىغان ۋاقتى  2013-6-11 11:26 PM ئىشىنىمەنكى بۇ تۈركىيە توقۇنۇشلىرى، تۈركىيەنىڭ ناتود ... بۇ قېتىمقى توپىلاڭغا بىرمۇنچە تاشقى كۈچلەرنىڭ پۇشقاق پۈۋلىشى ئارلىشىپ كەتتى ، ئەگەر بۇ ئىشلانى تۈركىيە ئەتىراپلىق يىغۇشتۇرالىسا  مېنىڭچىمۇ ناتوغا نىسبەتەن تەسىر كۈچى ئاشىدۇ .... لىكىن ياۋروپا ئىتىپاقىغا تۈركىيەنىڭ كىرىشى يەنىلا بەك ئۇزۇنغا سۇزۇلۇپ كىتەمدىكىن دەيمەن ، ئەردوغان ھۆكۈمىتى تۈركىيەنى ئىسلاملاشتۇرۇش قەدىمىنى بەكلا تېز تاشلاۋاتىدۇ ، ئىسلاملاشقان تۈركىيەنى ياۋروپا ئىتتىپاقى تازا قارشى ئالمايدىغاندەك قىلىدۇ

turpan0995

mahbusman

	ئەردوغان  مەن  ئويلىغان،شۇنداق بوپ  قېلىشنى  ئەڭ خالىمايدىغان بىر ئىشقا تەۋەككۈل قىلىۋاتىدۇ.ئۇ  ئۈلۈشكۈن ئۆزىنى قوللايدىغانلارنى يىغىلىپ نامايىش قىلىشقا چاقىردى.مەن مۇشۇنداق بولىشىدىن ئەڭ ئەنسىرەيمەن.مۇشۇ سەۋەپلىك تۈركىيە ئىچكى ئۇرۇشقا پاتمىسا بولاتتى.مۇشۇ قىلتاققا دەسسىمەي ئۆتۈپ كېتەلىسىلا،ياكى قىلتاقنى بۇزۇپ ئۆتۈپ كېتەلىسىلا  ئاللاھ خالىسا تۈركىيە ئۇزۇنغا چېپىشى مۇمكڭن.بەلكىم ئەردوغان دونى چوڭ تىكىپ  تەۋەككۈل قىلغۇسى كەلگەندۇ.شۇنداق بوپ قالسا ئۇتۇشقا بولىدۇكى،ئۇتتۇرۇشقا ھەرگىز بولمايدۇ.

pida786

	ناھايتى ئورۇنلۇق مۇلاھىزە بولۇپتۇ،مۇلاھىزىڭىز ئۈزۈلۈپ قالمىغاي.

بانكىر

	تۈركىينىڭ ئىسلاملىشىشنى چىن دىلىمدىن خالايمەن. ھەم مۇشۇنداق ياخشى ئەمەلنى تۇتقان ۋە ياخشى ئەمەلنى- ياخشى ئىشلارغا ئىشلەتكەن تۈركىيە ئەلباشى ئەردوغانغا چەكسىز ھۆرمەت، ئاللادىن ئۇنىڭغا ئاسايىشلىق تىلەيمەن.