بارى قىز دوستىنىڭ سۈرىتىنى ئاشكارلىدى

german

	«ياپونغا قارشى» ياراملىق ئەسكەر دەپ ئاتالغان بارى قىز دوستىنىڭ سۈرىتىنى ئاشكارلىدى پايونىيە كوماندىسىنىڭ ۋارتاسىغا ئۇرغان بىر توپى بىلەن نام قازىنىپ كەتكەن ئۇيغۇر پۇتبولچىمىز بارى يېقىندا ئۆزىنىڭ سۈرەتتەك گۈزەل قىز دوستىنىڭ سۈرەتلىرىنى توردا ئاشكارىلىدى، ئىككەيلەننىڭ مىللىيچە كىيىنىپ چۈشكەن سۈرەتلىرى شۇنداق يېقىشلىق بولۇپ، نۇرغۇن تورداشلار ئۇنىڭ قىز دوستىنى فەن بىڭبىڭ، ياڭ مىلاردىنمۇ گۈزەلكەن دەپ ماختاپ كېتىشتى. بارى مەملىكەتلىك تەنھەرىكەت يىغىنىدىكى ئالاھىدە ئىپادىسى بىلەن ئەينى ۋاقىتتا يېشىل شەھەرنىڭ تېرىنىرىغا قاتتىق ياراپ كېتىپ، جۇڭگو دەرىجىدىن تاشقىرى پۇتبول بىرلەشمىسىدىكى يېشىل شەھەر كوماندىسىغا قوشۇلغان، شۇنىڭدىن كېيىن ئىككى يىل جەريانىدىكى ئەڭ ئۇتۇق قازانغان ۋاقىتلىرىنى يىشىل شەھەر كوماندىسىغا ۋاكالىتەن 2011-يىلىدىكى ئاسىيا ئۇزغۇنلۇق لوڭقىسى بىرلەشمىسىغا قاتنىشىشى دېيىشكە بولىدۇ، بۇ جەرياندا ئۇ ياپونىيەنىڭ كوماندىسىغا بىر توپ ئۇرۇپ، ئۇيغۇرلاردىن چىققان «ياپونغا قارشى ئاۋانگارت جەڭچى» دىگەن نامغا ئېرىشكەن. بۇنىڭدىن سىرت، ئۇ يەنە دۆلەتلىك ئولىمپىك كوماندىسىغا قوشۇلۇپ لوندۇن ئولىمپىك تەنھەرىكەت يىغىنىنىڭ تاللاش مۇسابىقىسىگە قاتناشتى، ئەمما ئۇ كوماندا ئەڭ ئاخىرىدا 12 كۈچلۈك كوماندا قاتارىغا كىرەلمىدى. ئەمما 2012-يىللىق مۇسابىقە پەسلىدە بارى كەسپىي ھاياتىدىكى «قاراڭغۇ زۇلمەتلىك دەۋر» ىنى باشتىن كەچۈردى. توختامنى ئۇزارتىش مەسىلىسىدە ئۇ يېشىل شەھەر كوماندىسى بىلەن بىرلىككە كېلەلمىگەنلىك سەۋەبى بىلەن ئۇ شۇ مۇسابىقە پەسلىدە تۈزۈك مۇسابىقىگە قاتناشمىدى. 2013-يىللىق كۇلۇب ئالمىشىش ۋاقتى باشلانغاندا ئۇ جىياڭسۇ شۈنتىيەن كۇلۇبىغا قوشۇلۇپ، بۇ مۇسابىقە پەسلىدە جۇڭگو دەرىجىدىن تاشقىرى پۇتبول بىرلەشمىسى مۇسابىقىسىنىڭ يەتتە مەيدان مۇسابىقىسىگە، ئاسىيا ئۇزغۇنلۇق لوڭقىسى بىرلەشمىسىنىڭ ئۈچ مەيدان مۇسابىقىسىگە قاتنىشىپ، بارا-بارا «قاراڭغۇ، زۇلمەتلىك» تىن يورۇقلۇققا قاراپ ماڭدى ئۆزىنىڭ پۇتبول تېپىشتىكى ئىلھامىنى قايتا تېپىۋالغان بارىنىڭ بارلىق ئىشلىرى يۈرۈشۈپ كەتكەن بولۇپ، تۇرمۇش ئىشىمۇ كۆڭۈلدىكىدەك بولدى، ئۇ يېقىندا بولغۇسى ئايالىنىڭ سۈرەتلىرىنى توردا ئاشكارىلاپ، پۇتبول مەستانىلىرىنىڭ ياخشى تىلەكلىرىگە ئېرىشتى. بەزى پۇتبول مەستانىلىرى يەنە بارىنىڭ قىز دوستىنىڭ گۈزەللىك جەھەتتە فەن بىڭبىڭ ۋە ياڭ مىدەك دەرىجىدىن تاشقىرى ئايال چولپانلارنىمۇ بېسىپ چۈشىدىغانلىقىنى بىلدۈرۈشتى مەنبەسى:جۇڭگو ئۇيغۇرچە رادىيو تورى

ansar514

	مەن خەنزۇلارنىڭ ئۆزلىرنىڭ چىرايلىق خوتۇنلىرنى شۇنداق ئىلان قىلغىننى كۆرگەن.لىكىن چىرايلىق خوتونى بار ئادەم ئۆيدە چىڭ ساقلىسا ياخشى دەپ ئانام تەلىم بىردىغان . چىرايلىق خوتونىڭىزنى توردا ئىلان قىلغىنىڭىز شىزگە شۇنچە ماختاشلارنى ئەكىلىش بىلەن يەنە نۇرغۇن زىديەتلەرنى ئىلىپ كىلدۇ. ئىھتىيات قىلىڭ. سىزنىڭ توپنى تىخمۇ ياخشى ئوينىشىڭىزغا تىلەكداشمەن.نەتىيجىلەرنى قازنىشىڭىزنى ئۆمىد قىلمەن. لىكىن غەلبە ئاللاھتىن،ئاللاھنى زىكىر قىلۋاتقان بولسىڭىز مۇ.تىخمۇ بەكرەك زىكىر قىلىڭ. ئاسان غەلبە قىلسىز.

rahmansaykin

	مەنمۇ تېخى تۆنۆگۈن تېڭشۈننىڭ باش بېتىدە كۈرۈپ ھەيران قالغانىدىم . بارى دىگەن بۇ بالا ئاپىسىغا قۇيۇپ قويغاندەك ئوخشايدىكەن ھە . توپنىغۇ ياخشى تىپەتتى . بولسا بۇندىن كىيىن  تېخىمۇ تىرشىپ مىسسىدەك بۇلۇپ كەتكىيدى .  بىلىكىگە چەكتۈرۋېلىپ سەل ياخشى قىلماپتۇ .

ansar514

	ئاخىردا خوتونىڭىزنى كۇنلەپ قويشىڭىزنى تەكلىپ بىرىمەن.بۇنداق تالاغا ھەرگىز چىقارماڭ.بولمىسا ھە..خاپلىق تىپىۋالسىز.ئويدە شۇنداق تۇرسىمۇ تالا تۇزدە ياخشى ئورۇنۇپ يۇرسۇن.

سۈمەييە

	قىز چىرايلىقلىقى چىرايلىقكەن ، ئەمما سۈرەتكە چۈشۈشلىرى ئادەمنى بىئارام قىلىدىكەن ،،،،

aptap104

	ئېلانكەندە بۇ ؟ ئەمدى ئۇ قىز بارىغا تەگمىسە بولمايدۇ

ap~qilam

	رەسىمىدىكى ئۇيغۇر پەرزەنىتلىرىگە خاس قىياپىتىدىن سۆيۈندۈم، لېكىن بۇ  بىر بايانات ئېلان قىلىشقا ئوخشاپ قاپتۇ،

مەھزۇن

	تەبىئىيلا ھەجۋىي رەسىمكەندە بۇلار...

ANSWER

	بىچارە ، كىملەر قانداق نىيەتتە خوتۇنۇڭغا قارىدى !؟ خۇدايىم بىلىدۇ ، جۈپتىنى كۈنلىمىگەن كىشىدىن توڭگۇز ياخشى !