ئاچچىق- چۈچۈك تائاملارنى ئۆگىنىپ، ئىگىلىك تىكلەمسىز؟

koktash

	ئاچچىق- چۈچۈك تائاملارنى ئۆگىنىپ، ئاشخانا ئاچقۇڭىز، ئىگىلىك تىكلىگۈڭىز بارمۇ؟ ئاشخانىمىز قۇمۇل ۋىلايىتىنىڭ تارانچى بازىرىغا جايلاشقان بولۇپ، مەخسۇس مۇسۇلمانچە ئاچچىق- چۈچۈك تائاملارنى چىقىرىمىز. يولدىشىمنىڭ خىزمىتى مۇشۇ يەردە بولغاچقا، چوڭ شەھەرلەردە ئىگىلىك تىكلەش پۇرسىتى بولمىدى، لېكىن بۇ پۇرسەتنى باشقىلارغا ئۆتۈنۈپ بەرمەكچى. شۇڭا، ئاچچىق- چۈچۈك تائاملارغا قىزىقىدىغان، ئىگىلىك تىكلەش ئويى بار ئاياللاردىن شاگىرت قوبۇل قىلىشنى لايىق تاپتىم (مۇسۇلمان بولسا تېخى ياخشى). ئۆگىنىش ھەققى 5000 يۈەن، ياتاق- تاماق كۆتۈرىلىدۇ، بىر ئايدا پەقەت ئىككىلا شاگىرت قوبۇل قىلىنىدۇ، ئۆگىنىش ۋاقتى 1 ھەپتىدىن 1 ئايغىچە (ئاشپەزلىك ئىقتىدارىڭىزغا باغلىق). ئۆگىنىپ بولغاندىن كېيىن رېتسىپىنى يېزىپ بېرىمەن، شۇنداق! خاتا ئوقۇۋالمىدىڭىز، رېتسىپىنى قولىڭىزغا تۇتقۇزۇپ قويىمەن (رېتسىپنى ئاۋۋال بەرسەممۇ بولىدۇ)، ئەگەر خالىسىڭىز ياساش ئۇسۇلىنى كۆرسىتىپمۇ قويىمەن. ھەرگىزمۇ باشقا راڭپىزا قاتارلىق ئاچچىق- چۈچۈكلەرنى ئۆگەنگۈچىلەرگە ئوخشاش، خۇرۇچنى ئۇستامدىن ئەۋەتكۈزۈپ ئولتۇرمايسىز! ئۆگىنىۋالغاندىن كېيىن، ئاشخانا ئېچىپ بېيىسىڭىزمۇ، ياكى قولىڭىزدىن كەلسە شىركەت ئېچىپ ئىگىلىك تىكلىسىڭىزمۇ بولىدۇ. قالدى ئىش ئۆزىڭىزغا باغلىق! قالدى گەپنى قويۇپ، تائاملارنىڭ تۈرىگە كەلسەك: ئاساسلىق ئۆگىنىدىغىنىڭىز، ئاشنىڭ شورپىسىنى تەڭشەيدىغان «ياغتەم»(油汤 )، «مۇچتەم» (油泼辣子) ۋە «ئاقتەم»لەردىن ئىبارەت رېتسىپلاردۇر. بۇ رېتسىپلار 30قا يېقىن خۇرۇچتىن تەركىب تاپقان. مۇشۇ رېتسىپ ئارقىلىق تۆۋەندىكىدەك تائاملار تەييار بولىدۇ: 1.   يىپ ئاش (米线، مىشيەن) – كالا ئۈگىرىسىگە ئوخشاش تائام، لېكىن گۈرۈچ چۆپىدە قىلىنىدۇ، تەمى ئاچچىق- چۈچۈك ھەم يېيىشلىك. تۆۋەندىكى 1- رەسىمدىكىسى شۇ. 2.   چۈچۈمەل چۆپ (سۈەنلافېر، مالافېر). 3.   چۈچۈرە (شورپىلىق تۈگرە) 4.   سوزۇپ سۇيقاش (خېمىر چۆپىدە قىلىنىدۇ) 5.   قۇم قازان سورپىسى (شاگو) 6.   گۈرچۆپ قورمىسى (炒米粉سومىفىن)- بۇنىڭ تېتىتمۇ ۋە خۇرۇچلىرى ئايرىم. تۆۋەندىكى 2-رەسىم شۇ. 7.   چاي تۇخۇم – رېتسىپى ئايرىم. 8.   مىللىي تەمدىكى لەڭپۇڭ- رېتسىپى ئايرىم. يۇقارقى 3 خىل رېتسىپنى ئۆگىنىشكە ھەق تۆلەيسىز. 5-، 7-، 8- تائاملارنى ئۆگەنسىڭىز- ئۆگەنمىسىڭىز ئىختىيارىڭىز، ئۆگەنمىگەن تەغدىردىمۇ يەنىلا 5000 يۈەن ئۆگىنىش ھەققى تاپشۇرىسىز. رامىزاندا دەم ئالىمىز، رامىزاندىن كېيىن قالغانلار، ھېيتنى ئۆتكۈزىۋېتىپ ئالاقىلاشساڭلار بولىدۇ. ئالاقىلاشقۇچى: نۇرىمانگۈل، ئىسكەندەر تېلېفون: 18999685447، 18999685147 (مۇمكىنقەدەر چۈشلۈك تاماق ۋاقتىدا تېلېفون قىلماڭ)

rizwangul0995

	چىقىش يۇلى تاپالمايۋاتقانلارغا ياخشى چىقىش يۇلى بۇلۇپ قىلشىنى ئۇمۇت قىلمەن ،ئىششىم بولمىغان بولسا مەن ئۇگىنەتتىم بەكلا قىزقىمەن مۇشۇ ئاشپەز چىلىك ئىشلىرغا چۇنكى جاپاسىغا چۇشلۇق پۇلنىمۇ كۆپ تاپقىلى بۇلدۇ چۇ

uyol

	ياخشى پۇرسەتكەن. قېنى ياشلار ئالغا!!!!!!!!!!!

AKELA

	ئەجەپ يىگۇم كەپكەتتى راڭپىزىلارنى پۇرسەت بولغان بولسا مەنمۇ بىرىپ ئۇگۇنەكەنمەن       لىكىن پۇرسەت چىقىرىشقا تىرىشە\ىمەن

awatbag

	يائاللائىنساب قىلىڭلارھەي قېرىنداشلىرىم،بىرھەپتىدىن بىرئايغىچەئۈگنىش ھەققى بەش مىڭ كوي نىمەدىگەن قىممەت بۇ،مانامەنمۇئالى دەرىجەئۈنۋانى بار،15يىللىق ئاشپەزلىك تارىخى بارئاشپەزمەن.نۇرغۇن شاگرىت تەربىيەلىدىم،بىرفۇڭ ھەق ئېلىپ باققان يېرىم يوق.شاگرىتلىرىمنىڭ بەزىلىرى ئاشخانائېچىۋاتىدۇ،بەزىلىرى 3000~4000دىن ئىش ھەققى ئېلىپ ئاشپەزلىك قىلىۋاتىدۇ. ھەرقانچە بولسىمۇبۇباھاسەل ئېشىپ كېتىپتۇ دەپ قارايمەن.

koktash

	awatbag يوللىغان ۋاقتى  2013-6-10 09:23 PM يائاللائىنساب قىلىڭلارھەي قېرىنداشلىرىم،بىرھەپتىدىن ... awatbag ئەپەندى، بۇ تائاملارنىڭ ئۆگىنىشى پۇل ئەمەس، بەلكى رېتسىپى پۇل. راڭپىزا ئۆگەنگەنلەرنىمۇ كۆردۇق، رېتسىپنى بەرمەيدۇ.   خۇرۇچ تۈگىسە ئۇستامغا پۇل سېلىپ، يىراق يەردىن ئەكەلدۈرىدىغان گەپ. لېكىن مەن رېتسىپنى بېرىمەن. ئاغىينەمنىڭ ئايالى 3000 كوي تۆلەپ ئەتىرگۈل راڭپىزىسىنى ئۆگەندى، ئۈرۈمچىدە ئالدى- كەينى بولۇپ 10 مىڭ كويدەك چىقىم قىلدى، لېكىن ئۇستام راڭپىزا سېتىشتىن باشقا ھېچنىمىنى ئۆگەتمىدى، راڭپىزا پۇشۇرۇشنىمۇ ئاتۇشلۇق پۇشرۇقچىغا «ئارقا ئىشىك» قىلىپ ئاران ئۆگىنىپتۇ. راڭپىزىخانىسىنى ئاچتى، لېكىن خۇرۇچنى ئۇستامدىن سالدۇرىدۇ، كېيىنچە ئۆزلىرى «تەتقىق قىلىپ» ئۇستامدىن ئانچە بەك خۇرۇچ ئالمايدىغان بولدى. بىر تۇققىنىم ئۆزگۈل راڭپىزىسىنى ئۆگەندى، ئۆگىنىپ تاكى دۇكان ئاچقىچە 50 مىڭ كوي خەجلەپتۇ. ھازىر ئاددىيسى، ئارپا كاۋاپنىمۇ بىرەر 1000 كوي بەرمىگىچە ئۆگەتمەيدۇ. سىزمۇ ئاشپەزكەنسىز، شۇڭا سىزنىمۇ خەۋەر تېپىپ قالسۇن دەپ يۇقارقى ئەمەلىي ھېكايىلەرنى يېزىپ ئولتۇرۇپتىمەن. ئاچچىق- چۈچۈك تائاملار لەغمەن، سومەنلەرگە ئوخشىمايدۇ، لەغمەن، سومەننىڭ ئايرىم رېتسىپى بولمايدۇ، پەقەت كۆڭۈل قويۇپ كۆپرەك قول تىقىپ ئىشلىگەندىلا بارغانسېرى ئۇستىلايدىغان گەپ. ئىشەنمىسىڭىز، راڭپىزىكەشلەردىن سوراپ بېقىڭ، رېتسىپنى بېرەمدىكىن؟! 50 مىڭ كوي بەرسىڭىزمۇ بەرمەيدۇ،  لېكىن مەن ئاران 5 مىڭ كويغا بېرەي دەۋاتىمەن. ئەگەر بۇ رېتسىپتا ئىگىلىك تىكلەپ قالسا، ئۇنداق پۇلدىن يەنە نەچچە مىڭنى قاتلاپ پۇل تاپالايدۇ. ئەگەر رېتسىپنى ئالمايمەن دېسە، بولىدۇ، مەن پۇل ئالماي مۇتقا ئۆگىتەي، خۇرۇچنى مەن سېلىپ بېرىمەن. ئۇنداقتا، مەن 1-2 يىلغا قالمايلا ھېلىقى 5000 كوينى تېپىۋېلىشىم مۇمكىن. لېكىن بۇنىڭغا ئۆگەنگۈچىلەر ئۇنىماسلىقى مۇمكىن. شۇڭا مەن ئۇنىيدىغان يېرىنىلا ئېيتتىم.   ئەلۋەتتە، قىيىنچىلىقى بارلارغا ئېتىبار قىلىمىز. بىز قۇمۇل خەلقى ئاقكۆڭۈل كېلىمىز، يالغان سۆزلىمەيمىز، ئىشنى دۇرۇس قىلىمىز. بۇ ئۇچۇردا ھەرگىزمۇ ساختىلىق يوق. ئىختىيار قىلىپ بەل باغلىغانلار سىناپ باقسا بولىدۇ.

awatbag

	koktash يوللىغان ۋاقتى  2013-6-10 10:13 PM awatbag ئەپەندى، بۇ تائاملارنىڭ ئۆگىنىشى پۇل ئەمەس، بەل ... كەچۈرۈڭ،دىگىنىڭىزمۇئورۇنلۇق.