تىزگىنسىز قارا قوللار

birtugh

	ئاق خالاتلىق پەرىشتە سۇلتانلىقىدىكى تىزگىنسىز قارا قوللار يېقىندا مەن، ئۇيغۇر دىيارىدىكى يۇقۇرى ساپالىق تىببى خادىمى ئەڭ كۆپ، تىببىي ئۈسكۈنىسى ئەڭ ئىلغار، داۋالاش تېخنىكىسى ئەڭ يوقۇرى <ئاق خالاتلىق پەرىشتە سۇلتانلىقى__ شىنجاڭ تىببىئۇنۋېرسېتىتى بىرىنچى دوختۇرخانىسى>دا تۆت كۈن بالنىسىتتا يېتىپ سالامەتلىك تەكشۈرۈتتۈم. بۇ قېتىمقى تەكشۈرۈش زەپەردەس ئاق خالاتلىق پەرىشتىلەرنىڭ تىرىشچانلىقىدا تىزلا ئاخىرلاشتى. بىراق تەكشۈرتۈش ئالدىرشىدا مەن بالنىستتىكى نەرسە كېرەكلىرىم ئارىسىغا جايلاشتۈرغان ئۈچ مىڭ يۈەنگە يېقىن نەخ پۇلۇمنى يوقاتتىم. ئەھۋال ئىنكاس قىلىپ ئوغرىنىڭ كامىرا كۆرۈنۈشىگە ئېرىشكەن بولساممۇ، كۆرۈنۈشتىكى قارا قولنى تىزگىنلەپ زىيىنىمغا ئىگە چىققىدەك بىرەر ئورۇن ياكى تارماقنى تاپالماي، بىر ياشانغان بالنىسىتدېشىمنىڭ ياستۇق ئاستىغا باسۇرۇپ ياتقان يانچۇغىغا نەخ پۇل سېلىنغان كۆينىكىنى ئوغرىغا ئالدۇرۇپ قويغىنىغا شەھىد بولۇپ، <ئەستەغپۇرۇللا> بىلەن يۇرۇتقا قايىتتىم. <ئاق خالاتلىق پەرىشتە سۇلتانلىقى__شىنجاڭ تىببى ئۇنۋېرسېتىتى بىرىنچى دوختۇرخانىسى>دا بالنىسىت ئىشىكى ياكى بالنىسىت ئىشكابىنى قۇلۇپلاش ئىمكانىيىتىنىڭ يوقلىقى ۋە دوختۇر-سېستىرالار بىمارلارغا ئەسكەرتىپ: قىممەتلىك بويۇملارنى بالنىستا قويماڭلار دىسىمۇ ھەممە بىمارنىڭ ئۈرۈمچىدە تۇرالغۇسى بولمىغاچ نەرسە-كېرەكلەرنى ئامالسىز بالنىسىتتا قويۇدىغانلىقى ئەمەلىيەت. ئۇندىن باشقا مەن ئەھۋال ئىنكاس قىلىپ ياردەم سورىغان تىببىي ئۇنۋېرست ساقچىخانىسى پەقەت ئوقۇغۇچىللىرىنىڭ ئامانلىقى ۋە سىياسى مۇقۇملۇقىنى قوغداشتىن باشقا، دوختۇرخانىدە كۈنىگە نەچچە قېتىم يۈز بېرىدىغان ئوغرىلىققا زەربەبېرىشكە يېتىشەلمەيدىكەن. شۇڭىمۇ دوختۇرخانە بالنىستتىدا تىزگىنسىز قالغان ئوغرى قارا قوللار ماڭا ئوخشاش كېسەل ئازابىدا زىھنى ئۆرتۈنگەن ھەر مىللەت بىمارلىرىنىڭ پۇل-مېلىغا خالىغانچە سۇنۇلىدىكەن.    خوش! يۇقارقىلارنى يېزىشىم، يۇقاتقان ھالال پۇلىمغا ئىچ ئاغرىتىشلا ئەمەس، بەلكى مېنىڭ تۇيغۇمدىكى <ئاق خالاتلىق پەرىشتە سۇلتانلىقى__شىنجاڭ تىببى ئۇنۋېرسېتىتى بىرىنچى دوختۇرخانىسى>دا داۋالىنىشنى تاللىغان ھەر مىللەت بىمارىغا ھەر ۋاقىت ئۆز پۇل-مېلىنى قوغداشقا ئاگاھ تۇرۇشنى ئەسكەرتىش. شۇنداقلا <ئاق خالاتلىق پەرىشتە سۇلتانلىقى__شىنجاڭ تىببى ئۇنۋېرسېتىتى بىرىنچى دوختۇرخانىسى> رەھبەرلىكى كەڭ بىمارلارنىڭ خاتىرجەم يەنىمۇ ياخشى داۋالىنىشى ئۈچۈن بالنىست ئىشىك-ئىشكاپلىرىغا قۇلۇپلاش ئىمكانىيارىتىپ بېرىشىنى، بولۇپمۇ بالنىسىت ئامانلىقى ۋە ساقچى كۈچلەرنىڭ مەسئۇليىتىنى ئايدۇڭلاشتۇرۇپ، بىمارلار ئىقتىسادىي مەنپەتىنىڭ داۋاملىق قارا قول چاڭگىلىغاچۈشۈپ كېتىشىنىڭ ئۈنۈملۈك ئالدىنى ئېلىنىشنى سەمىمىلىك بىلەن ئۈمۇد قىلىش.

ئەخمەد

	ئاق خالاتلىق پەرىشتە سۇلتانلىقىمەن بۇ ئىسىمنى ياقتۇرۇپ قالدىم! ئەمدى گەپكە كەلسەك دۇرۇس ئېيتىسىز،ھەممە ئادەم شارائىتنىڭ يار بەرمەسلىكىدىن ئۆزلىرىنىڭ قىممەتلىك بويۇملىرىنى ساقلاشقا ئىمكانىيەت يار بەرمەي قالىدۇ،شۇڭا سىز دېگەندەك <ئاق خالاتلىق پەرىشتە سۇلتانلىقى› بۇ ئىشنى  بىر تەرەپ قىلىشقا ياكى باشقۇرۇش فونكىسىيسىنى موكەممەللەشتۈرۈشكە كۆڭۈل بۆلۈش كېرەك!

蓝狼-0947

	ساقچىلار مۇقىملىقنى قۇغداپ  ، تىرورچىلارغا  زەربە بىرمىز مىز دەپ ئۇنداق ئىشلارغا يىتىشمەيدۇ

kokboraa

	ھازىر ئوغرىنىڭ كۈنى ياخشى ،ساخچىلارنىڭ ئۇلارنى تۇتقۇدەك ۋاقتى يوق ،(روپاش بىلەن ساقالنى تۇتۇش بىلەن ئالدىراش)

dolataogli

	ساقچىلارنىڭ ھازىر ئوغرى-يانچۇقچى، زەھەرلىك چېكىدىغانلار بىلەن كارى يوق، خۇددى قەستەن شۇنداق قىلۋاتقاندەكلا.

vmvdwar-uyhur

	كىسەلخانا بولغاندىكىن ،مىنىڭچە كىسەلخانىغىمۇ كۆزىتىش ئاپراتى ئورنىتىپ قويسا قانداق ؟بۇ شەخسنىڭ شەخسىيتىنى ئاشكارلايدىغان ئىش بۇلۇپ قالامدۇ يا ؟ئىش قىلىپ ئۈنۈملۈك بىر چارە تاپسا بۇلاتتى ،بىچارىلەر كىسەل كۆرسىتىش ئۈچۈن پۇل غەملەپ بۇلالمىغاندا ،يانچۇقچىلارنى قانداق بېقىپ بۇلالىسۇن .

1710771680

	دۇختۇرخانىدىمۇ خاتىرجەم ياتقىلى بولمىسا ،يەرلىك تىۋىپلارنى ئۆيگىلا چاقىرىپ كىلىپ داۋالانساق بولغۇدەك.

ANSWER

	يانچۇقچى كۆپ يەرنىڭ بىرىنجىسى دوختۇرخانا ، ھەممە دوختۇرخانىدا بولۇپمۇ چوڭ دوختۇرخانىلاردا شۇنداق !

birtugh

	vmvdwar-uyhur يوللىغان ۋاقتى  2013-6-8 11:36 PM كىسەلخانا بولغاندىكىن ،مىنىڭچە كىسەلخانىغىمۇ كۆزىتىش ... بالنىست كارودۇرىغا كامىرا ئورنۇتۇلغانكەن، شۇڭا ساقچىخانە شۇ كامىرا كورۇنۇشىنى ماڭا چىقىرىپ بەردى. ئۇ كامىرا كۆرۈنۈشىدە، ساقچىلار پۇل ئوغۇرلىغان قارا قول يەنى گۇمانلىق كىشى دەپ دەلىللىگەن بىر يۇچۇن ياش بالىنىڭ بالنىستقا  كىرىپ چىقىش جەريانى ئېنىق خاتىرلەنگەن. بىراق ئۇ گۇمانلىق كىشىنى سۈرۈشتۈرۈپ تېپىشقا ساقچىلارنىڭ ۋاقتى يەتمىدى. ساقچىخانىدىكىلەرنىڭ دىيىشىچە مېنىڭ يوقاتقىنىم بەك كۆپ ئەمەسكەن. ھەتتا كېسىلى ئېغىر بەزى بىمارلار ساقىيىش ئۈمۈدىدە ئۆي بىساتى، مال-چارۋىسىنى سېتىپ جۇغلىغان خېلى كۆپ پۇلنى بۇ دوختۇرخانە بالنىسىتتىغا رەسمىيەت ئۆتەش جەريانىدىلا ئوغرىغا بەرگەن ياكى ساقتا دوختۇر-سېستىرالارغا ئالدىنىپ يوقۇتۇتۇپ قويغان بولسىمۇ ھازىرغىچە بىرەرسى پاش بولماپتۇ. مېنىڭ ئىگىلىگىنىمگە ئاساسلانغاندا بۇ ساقچى خانىنىڭ زىيانلانغۇچىغا قىلىپ بېرەلەيدىغىنى ئەھۋالنى ئەنگە ئېلىپ،يۇقۇرىغا ئەھۋالنى مەلۇم قىلىش بىلەن چەكلىنىدىكەن.

karluq02

	جەمىيىتىمىز كىشىلىرى بولۇپمۇ ياشلار ۋە ئۆسمۈرلەردە ئوغرىلار، پاھىشىۋازلار، قىمارۋازلار... بولسا بولىۋېرىدۇ، ئەمما دىنى پائالىيەتلەر بىلەن شۇغۇللانغۇچىلار بولسا بولمايدۇ(مەلەۇم رەھبەرنىڭ ئاممىۋى خاراكتىرلىك چوڭ يىغىندا دىگىنى)