ھەققانىي: كۈلىۋېلىڭ

akkani

	مېجەزى چۇس بىر ئادەم بار ئىكەن ،بىر كۈنى بۇ ئادەمنىڭ ئۆيىگە مىھمان كىلىپ قاپتۇ . ئۇ بىر خورىزىنى ئۆلتۈرۈپ مىھمان قىلماقچى بولۇپ،خورازنى قوغلاپ تۇتماقچى بوپتىكەن خوراز ئۆگزىگە چىقىۋېلىپ زادىلا تۇتۇق بەرمەپتۇ ،ئۇ ئادەم ئاچچىغىدا باققان مىكيانلىرىنىڭ ھەممىسىنى ئۆلتۈرۈپ ئۆگزىدىكى ھېلىقى خورازغا ئاچچىقلاپتۇ :       _ سەن ئۆزۈڭنى ئۆلتۈرگىلى قويمىدىڭ ،ئەمدى بىر ئۆمۈر بويتاق ياشا !                         ******* ماشىنا ھادىسىسىگە ئۇچراپ پۇتى يارىلانغان بىرۆيلەن سوتتا شوپۇرنىڭ 50 مىڭ يۈەن تۆلەم بىرىشىنى تەلەپ قىپتۇ .شوپۇر :     _ مىنى مىليونىرمىكىن دەپ قالدىڭمۇ ؟_دەپ ۋاقىراپ كىتىپتۇ .     _ .ئۇنداقتا ،مىنى سەكسەنپۇتمىكىن دەپ قاپسەن-دە ؟_دەپتۇ يارىلانغۇچى .                         ******** ئايالى :    مۇۋاپىقىيەت قازانغان ئەرنىڭ ئارقىسىدا چۇقۇم بىر ئايال بار . ئېرى :      ئۇنداقتا ،مەغلۇبىيەتكە ئۇچرىغان ئەرنىڭ ئارقىسىدىچۇ ؟ ئايالى :    چۇقۇم بىر توپ ئايال بار .                                     ****** بىر ئايال باغچىدىكى  ئۇزۇن ئورۇندۇقتا ئولتۇرۇپ ،ئەتراپىدا ئادەم يوقلۇقىنى كۆرگەندىن كىيىن ،ئۇزۇن ئورۇندۇققا چىقىپ پۇتىنى سوزۇپ ياتتى .بىر ئاز ئۆتكەندىن كىيىن بىر قەلەندەر ئورۇندۇقنىڭ يېنىغا كەلدى :       _ ھەي ئامرىقىم ،ئىككىمىز بىللە باغچىنى ئايلانساق قانداق ؟     _ كىم سېنىڭ ئامرىقىڭكەن ، ئاغزىڭغا بېقىپ سۆزلە ،مەن ئۇنداق تاپتىن چىققان ئاياللاردىن ئەمەس .       _ ئۇنداقتا ،سىز مېنىڭ كارۋىتىمدا نىمىش قىلىسىز ؟_ دىدى قەلەندەر .                         *******    ئېرى ئەتتىگەندە خوتۇنىغا كاپالەت بېرىپتۇ :      _بۈگۈندىن باشلاپ يېڭى ئادەم بولىمەن .ھەرگىز ھاراق ئىچمەيمەن . بىراق شۇ كەچلىكى يەنە غەرق مەست ھالەتتە ئۆيگە كەپتۇ ، بۇنى كۆرگەن خوتۇنى دەپتۇ :       _سىز ئەتتىگەن يېڭىدىن ئادەم بولىمەن ،ھاراق ئىچمەيمەن دىمىگەنمىدىڭىز ؟ ئېرى :     _ھەي ،مەن يېڭىۋاشتىن بولىدىغان ئادەمنىڭمۇ مۇشۇنداق ئادەم بولۇپ قېلىشىنى ئويلىماپتىمەن .                       ******** مۇئەللىم :    سەمەت ،سەن ئىسسىقلىقتىن كېڭىيىپ ،سوغۇقتىن تارىيىش ھادىسىسىگە                  بىر مىسال ئېلىپ باق . ئوقۇغۇچى :    يازلىق تەتىل ئالتە ھەپتە ،قىشلىق تەتىل پەقەت 14 كۈنلا ئىكەنلىكى                  بۇنىڭغا مىسال بولالايدۇ .                                    ****** داڭلىق دوختۇرنىڭ ياردەمچىسى ئۇنىڭدىن :       _ ئۇستاز ،سىز دايىم بىماردىن <تاماق يىيەلەمسىز ،ئىشتىھايىڭىز ياخشىمۇ ؟> دەپ سورايدىكەنسىز ،كېسەلنى ئېنىقلاش ئۈچۈن بۇلارنى سوراشنىڭ نىمە ئەھمىيىتى بار ؟_ دەپ سوراپتۇ ،        _ ھەي ،ئەخمەق ساڭا ئەجەپ ئۆگۈتۈپ بولالمىدىم ،كېسىلىنى تاپالمىغاندىن كىيىن شۇنى سورىماي نىمە دەيتتىڭ ؟_ دەپ جاۋاپ بېرىپتۇ ئۇستازى .                              ******** بىر كىشى ئاغىنىسىنىڭ ئۆيىگە مىھمان بولۇپ بارغىنىدا ،ئاغېينىسى ئۇنىڭ ئالدىغا بىر چىنە سۈت قويۇپ :       _ ئىچكىن ئاغېينە ،قايماق ،قېتىق ،سۈزمە ھەممىسى شۇنىڭ ئىچىدە ،_دەپتۇ . خېلى كۈنلەردىن كىيىن ، سۈت بەرگەن كىشى ھېلىقى ئاغېينىسىنىڭكىگە مىھمانغا بېرىپتۇ ئاغېينىسى ئۇنىڭ ئالدىغا بىر چىنە بۇغداي ئۇنى قويۇپ :        _ مەرھەمەت ،دوستۇم ،قۇيماق ،لەغمەن ،سامسا ،پىتىر مانتا ،قاتلىما ،         نارىن چۆپ ھەممىسى شۇنىڭ ئىچىدە ،_ دەپتۇ .                          *********     بىر ھۇرۇن باشقىلارغا ئۆزىگە خىزمەت تېپىپ بېرىشنى ھاۋالە  قىپتۇ ،بىرۆيلەن ئۇنىڭغا قەبرىستانلىققا قاراش خىزمىتىنى تېپىپ بىرىپتۇ .ھۇرۇن ئىشقا چۈشۈپ ئىككى كۈن بولا -بولمايلا ،ئاغرىنغان ھالدا :       _بۇ خىزمەتنى ھەرگىزمۇ ئىشلىمەيمەن ،باشقىلارنىڭ ھەممىسى ياتىدىكەن ، پەقەت مەنلا ئۆرە تۇرىدىكەنمەن ،_دەپتۇ .                          *********      بىر ئاخشىمى غەرق مەست بولۇپ كەتكەن بىر ھاراقكەش لەلەڭشىگەن ھالدا قاۋاقخانىدىن چىقتى _دە ،ئۇياق -بۇياق پىقىراپ يۈرۈپمۇ ئۈيىنى زادىلا تاپالمىغاندىن كىيىن ، بىر كىرا ماشىنىسىنىڭ ئالدىنى توستى ۋە شوپىرغا دىدى :       _ مىنى ئىتتىپاق يۇلىدىكى 95- قوروغا ئاپپىرىپ قويسىڭىز .       _ چاقچاق قىلىۋاتمايدىغانسىز ،_ دىدى ،شوپۇر ھەيران بولۇپ ،_ سىز ھازىر دەل ئىتتىپاق يۇلىدىكى 95- قورونىڭ ئالدىدا تۇرىۋاتىسىزغۇ ؟       _ بوپتۇ ،_ مەست بىر تەرەپتىن سۆزلەپ ،يەنە بىر تەرەپتىن شۇپۇرغا پۇل بەردى،_دە ،سۆزىنى داۋاملاشتۇردى ،_لېكىن كېلەر قېتىم ماشىنىنى مۇنداق تېز ھەيدىمەڭ ،_ھە !                                *********

ئارزۇ0903

	بۈگۈن كەيپىياتىم پەقەت ياخشى ئەمەس ئىدى، بۇ يۇمۇرلارنى ئۇقۇپ كەيپىياتىم خېلى  ياخىشلىنىپ قالدى.

ئۆل

	كۈلدىمغۇ تازا

nazakat07

	ھەققانى،  مۇنداقمۇ ھۈنەرلىرىم بار دەڭ ، بىزگە كۈلكە ئاتا قىلغەنىڭىزغا كۆپ رەھمەت، مۇشۇ شەنبە ،يەكشەنبە نورمال ئىشلەيمىز دىسىلا ئادەمنىڭ كەيپىياتى ياخشى بولمايدىكەن، بۈگۈن مىسرانىمدىكى يۇمۇرلار كەيپىيات تەڭشەش دورىسى بولدى دىسە،

Adarqiz

	ئەڭ ئاخىرقىسى قىزىقكەن...ھې ھې ھې

fathullah

	ئوقۇڭلار دوستلار!يۇمۇر،ھىكايەپوۋىسىت،رومان،شىئىر ھەممىسى مۇشۇنىڭ ئىچىدە.

fathullah

	كۈلمىگەندىكىن ھەممىڭلار بىر ئۆمۈر يىغلاپ ئۆتۈڭلار.

fathullah

	يېڭىدىن ئەزا بولغانلارنىڭ يەنە بۇنداق مۇئامىلىگە ئۇچرىشىنى نەدىن بىلەي.ئەمدى سەل ئۆزۈمنى ئاياي.

fathullah

	نىمىدىگەن ئادالەتسىزلىك!ھىچكىم كۈلمىسە مەنلا كۈلەمدىم.بولدى بۇ تىمىدىن چىقىپ كىتىمەن.

rizwangul0995

	ھا ھا ھا مەغلۇپ بولغان ئەرنىڭ ئارقىسىدا چۇقۇم بىر توپ ئاياللار بار ، بۇ بەك قىززىق چىقىپتۇ